لو رجع بيا الزمان - الجزء التانى
جاري التحميل...
الجزء التانى
.........
الجزء التانى
*هالة فاقفت وكانت حاسة انها تعبانة اوى ومش قادرة حتى تتحرك طبيعى وطبعا بعد ما سمعت الممرضة بتقول كدا استغربت جداا بس قالت يمكن سمعت غلط وشوية ومامتها تدخل عليها الاوضة وكانت بتعيط وتقرب منها*
هالة*بصتلها وقالت بتعب وكلام متقطع*:مـ ــ ــا مــ ــ ــا
نيفين*بفرحة*:هالة ,بنــتى حبيــبتــى
هالة:هـ و ايــ ـه الـ حـصـ ـل
نيفين:حصلتلك حادثة بقالك اسبوعين ف غيبوبة
هالة*بصدمة*:اسـ بـ وعـ ين
نيفين:اة بس الحمدلله انك فوقتى منها اخيــرا
هالة*كانت عايزة تسأل ع جوزها حصله ايه وعيالها عايزة تشوفهم*:طـ ب و * ولسه هتكلم*
الممرضة:متجهديش نفسك ف الكلام دلوقتى لحد ما الدكتور ييجى يطمن عليكى *ولقت الباب بيخبط ودخل الدكتور*
الدكتورسامر: حمدالله ع سلامة ايوه كدا خلى الشمس تنور
نيفين:هى هتبقى كويسة يادكتور
سامر:هكشف عليها دلوقتى ونطمن* وفضل يكشف عليها وطلب م الممرضة تتابع حالتها كل شوية وبعديها خرجت وبعد ماخلص بص لمامتها*:لا ان شاء الله الحالة هتبقى ف تحسن بأذن الله
نيفين:شكرا جدا يادكتورحضرتك تعبت معاها
سامر*ابتسم وبص لهالة*: ده واجبى, اهم حاجة تفوق بقى كدا وتجدعن عشان خلاص الدراسة قربت عايزين تقدير حلو كدا م البداية لحد اخر سنة ان شاء الله
هالة*بستغراب*:هى مين؟
نيفين:انتى ياحبيبتى ,دخلتى الكلية البتحببها وخرجتى عشان تحتفلى مع ولاء صاحبتك وانتى راجعة ف الميكروباص عمل حادثة واتقلب بيكى وجبوكى ع هنا
هالة*بتعب ومش فاهمة حاجة*:ماما انتى بتتكلمى بجد
نيفين*بصت للدكتوروبصتلها*:اة ياحبيبتى هكدب عليكى ليه
هالة*كانت حاسة ان ف حاجة غلط وبصيت ع ايديها ملقتش ولا الشاش الكانت حطاه ولا حتى اثارالجرح*:ماما ايدى كان فيها تعويرة هى راحت فين؟
نيفين*بستغراب*:حبيبتى انتى الكدمة حصلتلك ف دراعك وخبطة ف راسك بس مفيش حاجة تانية الحمدلله
هالة*رغم التعب قالت بأنفعال*:لا فيــه
سامر*طبعا كان بيتابع كل ده وفهم*:اهدى بس كدا وكل البيحصلك ده طبيعى جدا انتى كنتى ف غيبوبة وممكن تكونى شوفتى حاجة او عيشتى جوه حالة معينة وصلتك لكدا
هالة*الدموع ف عنيها وعمالة تحرك راسها بالنفى ومش مصدقة وشوية ولقيت باباها فتح الباب ودخل بصتله بصدمة كبيرة*:بابا انت مموتش؟؟
نيفين*بصدمة*:بعد الشر ليه يابنتى بتقولى كدا ربنا يخليه لينا
صدقى*قرب منها وخدها ف حضنه*:انا معاكى ياحبيبتى متخافيش
هالة*كانت ف صدمة وحالة لا يرثى لها وشوية وجه هشام وكان لسه ف ثانوى*
هشام *بفرحة وكان داخل ومعاه الممرضة:*مصدقتش لما الممرضة قالتلى كنت طول ما انا ف الدرس بدعى لما اجيلك النهاردة تكونى فوقتى
هالة:درس!! *وحطيت ايديها ع دمغها وكانت حاسة بألم*:انا حقيقى مش مصدقة ولا حاجة بتحصل دلوقتى
صدقى*بص لدكتور*:هو ف ايه؟؟
سامر*بصلهم نظرة استفهامية*:هقول لحضرتك حالا* وشاور للممرضة وحطتلها ف المحلول المتعلقالها مهدئ عشان تنام وخدهم وخرج*:الـ بيحصل ده مفهوش اى مشكلة اطلاقا صدقى*بقلق*:ازاى بس يادكتور
سامر:الواحد لما بيكون ف غيبوبة بيحلم بحاجات ويتخيل اشياء مش حقيقة وده ف الطب بنسميه (حلم الغيبوبة) وبيحصل كتير وده حصلها اثار الخبطة ال ف راسها وف الغالب والاكيد كانت بتمر قبليها بتوتر شديد عشان النتيجة وكل ده اختلط عندها ويمكن كانت بتتخيل انها خلاص كبرت ودخلت الكلية وحققت حاجات او شافت حاجات حصلتلها احنا طبعا مش عارفنها فمتقلقوش اهم حاجة حاولوا متسألوش كتيرع الـ شافته عشان ميحصلش خلل ف الافكار وتضغط نفسيا حسسوها انه حلم عابر مش اكتر وهى هتفوء م المهدئ الـ خدته دلوقتى وهنحطها يومين تحت الملاحظة وفترة وهترجع وهتبقى احسن م الاول ان شاء الله
*طبعا اهلها بعد ماسمعوا ده اطمنوا وعرفوا انها فترة وهتعدى *
صدقى:شكرا جدا يادكتور
*وتبدأ هالة تفوء ويبقى جواها احساس غريب ما بين انها مش مصدقة الحصلها ده وانها تكون بتحلم ولحد اخر لحظة فاكرة انها ممكن تكون العيشاه ده هو المش واقع والواقع انها زوجة وعندها زوج واطفال لكن تمرايام وترجع البيت وتبص ف كل ركن فيه كأنها بقالها سنين مشافتهوش*
هالة:حقيقى مش مصدقة انى معاكم
نيفين: ياحبيبتى ربنا يخليكى لينا
هالة*الدموع ف عنيها وبصت لباباها*:انت حقيقى هنا يعنى انا بجد شيفاك!!
صدقى*بيقرب منها وبيمسك ايديها*:ياحبيبتى انا ع طول معاكى ومش هسيبك ابدا ان شاء الله
هالة*بتدعى م قلبها*:يارب يابابا يارب
هشام:واضح ان انا موحشتكيش
هالة*بصتله و ابتسمت اوى*: تصدق ان انا كنت هحضر فرحك
هشام*بهزار*:بجد يسمع م بؤك ربنا قوليلى بقى العروسة كانت حلوه
هالة*ابتسمت*:اة كانت زميلتك ف الشغل وكنت بتحبها جداا
هشام:ف الشغل ولا ف الدرس ركزى عشان لو كدا ادورعليها م دلوقتى
نيفين:بس ياهشام بقى
هشام:استنى بس ياماما *وبص لهالة*:طب كان اسمها ايه
نيفين*بتبرقلوا جامد عشان يسكت*:بــــس ياواد بقى متتعبش اختك وكمان الدكتور قالنا دى مجرد هلاوس واحلام وعدت لحالها خلاص
هالة*بتنهيدة كبيرة*:صح هلاوس, انا بحمد ربنا انى صحيت بجد
هشام*بهزار*:ليه هو انتى متجوزتيش ف الحلم ولا ايه
هالة*بصتله ولسه هتتكلم*
صدقى*بجدية*:وبعدين بقى قولنا نحاول ننسى الفات ونركز ف الجى،يلا ياحبيبتى ادخلى اوضتك استريحى شوية
هالة*دخلت وغيرت هدومها وكانت بتبص ع كل حاجة ف اوضتها بشجن وحب وبصيت ع المج بتاعها الكان ع المكتب ومصدقتش انه موجود لان ف حلمها كان ابنها دخل الاوضة وكان عايز يشرب فيه وخده وقع منه ع الارض واتكسر ميت حته ساعتها زعلت اووى وكانت بتحبه جدا ومجها المفضل بس كانت شايفة سلامة ابنها اهم حاجة وانه محصلوش حاجة لما اتكسروخدت المج ف حضنها ونامت ع سريرها وهى مش قادرة تصدق معقولة هتنام م غير مايكون, ف عياط ولا زن ولا هتقوم بدرى عشان تجهز الفطار لجوزها ويروح شغله وتقعد طول اليوم تجرى وراه عيالها وتزعق وصوتها يجيب اخر الشارع واتأكلهم وتشربهم وتحميهم ولو حد نام التانى يصحى وتقوم تحضرالغدا عشان يتغدوا ويقعدوا يلعبوا لحد م كترهديتهم م اللعب والحركة يناموا وهى يدوب تطفى الانوار وتترمى ع السرير متعرفش تكون هى فعلا نايمة عشان نايمة ولا فعلا ف غيبوبة ومسكت بطنها وكانت بتفكر ياترى كانت هتبقى حامل فعلا ولا لا!!وفضلت تفكر ف كل ده وف كل الذكريات دى لحد ماحطت دمغها ونامت نووووم عميق وكانت حاسة انها هتصحى ع صوت حد م عيالها وهو بيعيط كالعادة وفعلا وهى نايمة تقلق ع صوت طفل عمال يعيط وتفتح عنيها ببطء وهى بتقول*:حاضر حاضر قايمة!!! ياترى ايه الحصل هنعرف الجزء التالت.
تأليف:فاطمة هشام