رواية لو رجع بيا الزمان (الجزء الاول)
جاري التحميل...
الجزء الاول
صحيت من غيبوبة… قالولها إنها لسه آنسة! طب فين الجواز؟ وفين الأطفال اللى كانت شايفاهم؟ الحكاية لسه هتبتدى...
ابدأ كتابة الحكاية بالبطلة واقفة ف المطبخ بتعمل الاكل ومشغلة موسيقى وبتغنى ع نغامتها وكان صوتها حلو اووووى (كــان ده كــان, كان أسمه حبــيبــي كــان ده كــان
كان يوم من نصيبي وكان ضحيت بعمري معاه ،مشوار، مشوار، مشوار أسمه حياه وكـــان..أنا..أنا اللي بينكم هنا
رضيت بالعذاب لحد ما قلبي داب ولا دوقت يوم هنا أنا
وأنا ياما أتحملت أنا ,قاسيت ولا أشتكيت ولا جيت في يوم بكيت منه لكم هنا أنا لا عتاب هيشفي جراح ولا هيجيب اللي راح دى حكايتى مع الزمان ،رسملي عالسما جنه فيها الهنا
وقال "هنعيش هنا"، قلت، "أحلوت سنيني"وبنالي في الخيال قصورمن الآمال وقال مفيش محال، نمت وغمضت عيني ومرت الأيام وصحيت من الأحلام مالقيتش غير آلام وعذابي مستنيني وأنا..أنا اللي بينكم هنا مش عارفه رايحه فين ولا فاكره جاية منين جابني الطريق هنا أنا..وأنا ياما تحملت أنا دموع ما تنتهيش وآلام ما تتنسيش لو فات مليون سنة أنا..انا اللى بينكم هنا مش عارفه رايحه فين
ولا فاكره جاية منين جابني الطريق هنا أنا..وأنا ياما أتحملت أنا لا عتاب هيشفي جراح ولا هيجيب اللي راح دي حكايتي مع الزمان ،،الزمان، الزمان) ..
وبعد ما خلصت كانت الدموع ف عنيها وفجأه لقيت باب الشقة بيتفتح وجوزها دخل
هالةببتسامة*:انت جيت حمدالله ع سلامة
سليمانبفتور:انا جعان الاكل خلص
هالةرغم انها اضايقت م أسلوبه بس حاولت تبين انه عادى:اة ادينى 5دقايق بس
سليمانبجدية:ياريت يكونوا خمس دقايق فعلا عشان انا جعان اوى
هالةبتنهيدة:حاضر
سليمانخرج م المطبخ وهى كملت الاكل وبعد دقايق فعلا حطته ع التربيزة وندهتلوا
هالة:سليمان يلا عشان الاكل خلص
سليمانخرج م الاوضة وقعد وساد الصمت وبعديها اتكلم:هما العيال فين؟
هالة:انت نسيت ولا ايه انا سيبتهم عند ماما عشان فرح هشام بكرة والعيلة كلها هيكونوا هناك فسيبتهم ينبسطوا ويغيروا جو واحنا اصلا رايحين كمان شوية عشان هنبات عند ماما
سليمان:ماشى بس ياريت ده ميكررش تانى محبش ان عيالى يباته عند حد غريب
هالةبستغراب:هو بيت اهلى غريب
سليمان:انا قولت وخلاص وكمان انا نفسى افهم احنا قاعدين هنا ليه مدام فيه مناسبة مروحتيش ليه م امبارح وكنت خلصت شغلى وجتلك ع هناك واتغدينا كلنا سوى
هالةبحزن:كنت حابة نقعد مع بعض شوية بقالنا كتير مقعدناش سوى واتغدينا ف هدوء كدا
سليمانبضيق:هو ده مش بسببك
هالةبصدمة:بسببى انا!!
سليمانبضيق:بقولك ايه انا تعبان ومش قادراتكلم
هالة:لا اتكلم انا عايزة اعرف انا السبب ف ايه بالظبط؟
سليمانقام م ع الكرسى بخنقة:انا قايم
هالة قامت بسرعة وشديت ايده ووقفته ووققت قصاده وعنيها كانت ف عينه والدموع ف عنيها: قولى السبب ف ايه
سليمانبأنفعال:ف كل ال احنا فيه ده اول جوزنا حملتى ع طول قولت خلاص نعمة م ربنا جتلنا ومش هقدراتكلم وبعديها بسنة لا عايزة اجيب التانى عشان اجيبهم وراه بعض احسن وارتاح وافضالك بقى ياحبيبى وكمان عشان ابننا يبقى عنده اخ او اخت يلعبه معاه ميحسش بوحدة قولتلك نستنى شوية قولتيلى لا اصل كل الحوالينا عمالين يتكلموا وبدأت فقرة الزن اقولك طب ياستى اصبرى حتى كمان ٣او٤سنين لا هو دلوقتى وفعلا حصل ونتفاجئ انهم تؤام ولد وبنت برده قولت الحمدلله بس المصاريف زادت والحياه بقيت صعبة وكل مادا بتصعب اكتر وبقيت اشتغل بدل الشغلانة اتنين وتلاتة عشان اكفى مصارفنا لا ومش بس كدا الاقيكى النهاردة الصبح تقوليلى احتمال اكون حامل!!عيزانى اعمل ايه بجد اعمل ايه؟
هالةبصدمة:وانا ذنبى ايه واعرف منين اننا هنجيب تؤام و ان هيحصلك مشكلة ف الشغل وهتضطر تسيبه وهيحصل كل ده
سليمان:واديه حصل وادينى شغال ف شركة ادوية وشركة شحن وبشتغل اون لاين كمان عشان بس احاول اكفى مصاريفك انتى وعيالك
هالة:عيالى!! مش لوحدى ع فكرة مش انا السبب ف وجودهم لوحدى والجى ده كمان مش انا السبب فيه
سليمانبصدمة:انتى اتأكدتى
هالة:لا لسه مجبتش الاختبار بس لو اتأكدت هعمل ايه يعنى هنزلوا مثلا؟
سليمانبصلها وسكت
هالةبزهول:انت عايزنى انزل ابننا
سليمانبغضب:ياستى مقولتش كدا بس ارحمينى بقى انتى والله مش عارفة فيا ايه ولا اليوم بيعدى عليا ازاى
هالةبصوت عالى:ولا انت عارف بيعدى عليا ازاى مش عارفة ولا اكل ولا انام عدل ولا اعمل اى حاجة نفسى فيها وضحيت بحاجات كتيراوى بسببك انت والعيال وبعمل كل حاجة عشان ابقى ف نظرك احسن زوجة وبرده مش شايف ده ,انت حقيقى انانى مش بتفكرغير ف نفسك وبس
سليمانبزعيق وصوت اعلى م صوتها بكتير: انا انانى بعد كل البعمله ده وبتقولى انانى بعد ما بحاول اعيشك ف احسن مستوى واكلك احسن اكل وطافح القوتة عشانك انتى وعيالك عشان ع قد مقدر ادخلهم احسن مدارس وطالع عينى حرفيا ويعتبر مبنمش مبغمضهاش م كتر التفكير ف بكرة وتقولى انانى!! انتى فاكرة ان بالقاعدة الرومانسية دى والكام ساعة هدوء دول كل حاجة هتبقى زى الفل وبشوية الاكل العملهولى ده هفرح بى* وبص ع الاكل*: طب اهوه وبعصبية شد المفرش بالاكل ع الارض* *
هالة بصدمة تشوف منظرالاطباق والاكل ع الارض وبسبب وقوع الاطباق الصينى التكسرت جزء منه اتنطر ودخل ف ايديها وفجأه لقيت ايديها نازل منها دم والدموع ف عنيها نازلة زى المطر ومش عارفة تقول ولا كلمة وحسيت الوجع مش كان ف ايديها ع قد ما كان ف قلبها وجواها
سليمانشاف ايديها كدا وع قد عصبيته ع قد ما توتر ودخل جاب قطنة بسرعة وراح يمسك ايديها عشان يمسح الدم:انــا انــا اسف
هالةبتبعد ايديها عن ايده :سيب ايدى
سليمان بصلها ومردش عليها بس برده كان مضايق وفضل ماسك ايديها بيمسح الدم
هالة وهى بتبعد ايديها:بقولك سيب ايدى
سليمانبصلها وعينه كانت ف عنيها وساب ايديها واداها القطنة
هالة:انا شايفة ان خلاص كدا كل ال بينا انتهى حتى الحلو ال كان بينا خلص
سليمانببرود:قصدك ايه تطلقى
هالةالدموع ف عنيها رغم انها ماكنتش عارفة هتعمل ايه بعيالها دول وازاى هتعرف تربيهم لوحدها وتشيل مسؤلية زى دى بس ف نفس الوقت لقيت ان كل ال بينهم انتهى خلاص ومش قادرة تكمل معاه
سليمان:عموما انا كمان شايف كدا وحقوقك كلها هتوصلك فرح اخوكى يخلص وبعديها احنا كمان نخلص
هالةبصتله بقهر ودخلت الاوضة ونامت ع سرير وفضلت تعيط ومنهارة وحسيت كأن روحها بتنسحب منها ماكنتش عارفة ان ممكن بعد الحب ال بينهم والسنين دى كلها تنتهى علاقتهم وحكايتهم بسهولة كدا وبعد ساعات كانت الامورهديت شوية وبعديها لقيت موبايلها بيرن
ولاء:الو يالولو
هالة:الو
ولاء:انا تحت البيت انتى فوق اطلعلك ولا عند طنط
هالة: لا فوق اطلعى
ولاء:كويس وفرتى عليا المشواروطلعت وكانت شكلا مليانة شوية وطرحتها باين عليها مش معدولة وبيدل ع الاستعجال واول ما طلعت: خدى ياستى الحمام الوصتينى عليه عشان العريس اهوه وليا حماماية لعلمك
هالةبهدوء:ماشى
ولاء:مالك ف ايه؟
هالةبتحاول تدارى حزنها:مفيش حاجة
ولاءوهى بتبص جمبها لقيت الاكل كان واقع ع الارض والاطباق متكسرة بمنظر صعب:ايه هو ده, ف ايه الحصل وايديكى مالها ف ايه يابنتى انطقى بقى
هالةبأنهياروحضنت صاحبتها حكتلها الحصل
ولاءطبطبت ع كتفها:معلش البيوت ياما بيحصل فيها
هالة: ياسلام بسهولة كدا!!
ولاء:اة طبعا ولا طلاق ولا كلام فارغ انتى بس استهدى بالله وكل حاجة هتتحل وكمان انتوا بتحبه بعض
هالة: كنــا قصدك كنــا احنا مبقاش بينا حاجة انا اصلا حتى مش بشوفوا كل حاجة خلصت وانتهت بينا م زمان خلاص احنا مش بينا دلوقتى غيرالعيال كل حاجة ضاعت مننا حتى الحاجات ال كان نفسنا فيها وحلمنا الــ اتفقنا عليه انتهى كان نفسنا نعمل البوم اغانى ونبقى مشهورين وحد يسمعنا بس احنا اصلا مبقناش نسمع بعض ازاى هنتسمع عارفة بقيت كل ما اجى اغنى واقولوا كمل الاغنية معايا يقولى لا تعبان لامش قادرلا صوتى مبحوح هو نسى كل حاجة كانت بينا وحلوه وحتى الحاجة الجمعتنا نسيها عشان كدا بقولك خلصت
ولاء:لا مخلصتش دى فترة صعبة بتمروا بيها وصدقينى هتعدى وكل واحد ليه مشاكله وبلاويه وانتى فكرك انا كمان فرحانة,لسه جوزى كمان كان متخانق معايا عشان عايز يسافر ويسيبنا وانا رافضة واقوله لا هتسبنى انا وعيالك ازاى ,ومش مقتنع وعمال يمشى ف الاجراءات برده
هالة:ولوعمل كدا هتعملى ايه؟
ولاء:هعمل ايه يعنى فكرك يعنى هطلب الطلاق اكيد لا يأما هخليه يحاول ياخد اجازات مناسبة طول السنة يأما هخليه بعد ما يروح ويظبط نفسه ياخدنا معاه صدقينى محدش مرتاح قومى بس كدا استهدى بالله واجهزى وروحى عند مامتك وافرحى لأخوكى وبينلهم ان مفيش حاجة عشان لو عرفوا فرحتهم كدا مش هتكمل وربنا يهدلكوا الحال
هالةبصتلها وسكتت
ولاء:انا هسيبك تفكرى ف كلامى وهمشى دلوقتى عشان متأخرش ع العيال وهنتكلم تانى بقى سلام
ومشيت ولاء وكلامها فضل يتردد ف ودانها وتفكر فيه وقالت معقولة يكون عندها حق بس هما فعلا ع طول كان بيحصل بينهم مشاكل اول مرة توصل للطلاق ماكنتش قادرة تفكر كتيرولقيت نفسها بتقوم تلبس عشان تنزل وهى بتلبس مامتها تتصل بيها
نيفين:انتى فين
هالة:انا جاية اهوه ياماما
نيفين:طب يلا متتأخريش عشان العيلة قربت تيجى وعيالك كمان شوية ينسوا وشوية يعيطوا ويقولواعايزين ماما
هالةبتنهيدة:حاضر ياماما
نيفين:انتى كويسة
هالةبتحاول تتكلم طبيعى: اة انا تمام هكمل لبس وجاية اهوه
نيفين:لوحدك جوزك مش جى ولا ايه
هالةسكتت شوية:لا جى معايا طبعا
نيفين:ماشى سلام
هالة:سلام وقفلت مع مامتها وكملت لبسها وخلصت وخرجت تشوفوا, سليمان كان قاعد وماسك الموب وعمال يلعب لعبة عليه
هالةبضيق:هتيجى معايا ولا* ولسه هتكمل*
سليمانبضيق:جـى
ونزلوا سوى وركبوا ميكروباص وطول الطريق هى سرحانة وبتفكر ف الهيحصل وهو كمان ساكت وماسك الموب يقلب فيه بس حاسس م جواه كل حاجة مقلوبة رأسا ع عقب وبعد شوية وصلوا وبدأوا يسلموا ع الموجودين وحاولوا مايبينوش حاجة
هالة* قعدت وع رجليها ولد وبنت عندهم ٣سنين اسمهم مالك ومليكة وقدامها ابنها اسمه إلياس بيلعب مع الاطفال قرايبها*
هشامخرج م الاوضة:ايه ده جيته امتى
سليمانابتسم وسلم عليه: م شوية مبروك ياعريس
هشامابتسم وقال بهزار:الله يبارك فيك وعقبال العيال ولا اقولك عقبالك تانى
سليمانبضيق:هو اليعملها مرة يفكر يعملها تانى ده يبقى مجنونة
هالةبصتله واضايقت اوى م كلاموا بس فضلت مبتسمة وبينت انه هزار
نيفين:لا ياحبيبى قصدك ال يتجوز بنتى ميلاقيش بعدها تانى
سليمانابتسم ابتسامة صغيرة: طبعا ياطنط ده انا بهزر
نيفينالدموع كانت ف عنيها:كان نفسى ابوكوا يبقى موجود ويحضر معانا الفرح ويفرح بيكوا وبعيالكوا كمان
هالة* الدموع ف عنيها وبصيت ع صورة باباها*:ربنا يرحمه
هشامبحزن:ربنا يرحمه يارب
نوالتبقى خالتهم:ماخلاص بقى ياجماعة مش عايزين نعيط احنا الايام دى ايام فرح وبس وكمان هو حتى لو مش موجود فأكيد حاسس بعياله ,ربنا يرحمه
نيفين:هو ايه الحصل لأيدك
مياربنت خالتها:انا كمان كنت هسأل نفس السؤال
نوال:وانا بصراحة
هشام:واكيد انا وكلهم بصولها ومستنيين رد
هالةبصت ع ايديها ال لفتها بشاش مكان الجرح وبصت نظرة سريعة لسليمان:المراية المكسورة الكانت ف الحمام كنت بحاول اعدلها فعورت ايدى
إلياسيقرب م هالة:ماما انا جعانة
مازن وحلابصوا ل ميار:واحنا كمان ياماما
هشامبأبتسامة:بصراحة وانا كمان جعان وبص لسليمان*:واكيد انت كمان جعان ياسليمان
سليمانبص لهالة وجه بسرعة ف خياله الحصل وهو بيرمى الاكل م ع التربيزة ويبصلوا ويسكت
نيفين:حاضر هحضر الغدا وبصت لبنتها:اومال الحمام انتى مجبتهوش ولا ايه
هالةبصدمة: يالهووى ياماما انا ازاى نسيته ده موجود عندى ع تربيزة المطبخ
نيفينبلوم: ينفع كدا تنسيه وكمان الجو حر ده ممكن يحصل حاجة ويبوظ
هالةوهى بتحط العيال جمبها:طيب انا هروح اجيبه بسرعة واجى
هشام :اجى معاكى
هالة :لا خليك متتعبش نفسك انت عريس
هشام بهزار :عريس ايه بقى ما انتى نسيتى الحمام
مياربهزار: يعنى الحمام هو الهيخليك عريس ياخويا ,استنى انا هاجى معاكى
نوال:وبنتك ال نايمة جوه دى لو صحيت هنعمل ايه
سليمان:خلاص ياجماعة انا رايح معاهاا
هالة بصتله نظرة اخيرا اتكلمت ونزلوا سوى ف صمت وركبوا الميكروباص وشوية والسواق شغل اغنية (حكايتى مع الزمان) وحطت راسها ع ازاز العربية ولقيت الدموع نازلة ع خدها زى المطر وسليمان بصلها ولسه هيتكلم يحصل حادثة جامدا اوووى وفجأه تيجى شـــاشة ســـــــــودة وتصحى هالة وتكون راسها مربوطة بشاش وتفتح عنيها ببطء شديد وتعب وتكون سامعة صوت الاجهزة وجهاز بيقيس النبضات ومحطوط ده ع صوابعها ومحاليل متعلقالها وتغمض عنيها تانى وتفتحها وتكون الممرضة بتحطلها علاج ف المحاليل واول ماتشوفها فتحت
الممرضةبأبتسامة:حمدالله عسلامة حالا وهبلغ الدكتورومسكت التليفون الـ جمبها واتصلت بالدكتوروقالت:أنســة هالة فاقت يادكتور
هالة اول ماسمعت الكلمة دى اتصدمت وماكنتش عارفة هى سامعة صح ولا الحادثة اثرت عليها وقالت بستغراب:أنـــــــــــســــــــــــــــة!!! ياترى ايه الحصل هنعرف الجزء التانى.
تأليف:فاطمة هشام