لو رجع بيا الزمان الجزء التالت
جاري التحميل...
الجزء التالت
الغيبوبة مكنتش مجرد نوم طويل، دي كانت بروفة لعمري اللي جاي.. وعرفت النهاردة إن الهروب من القدر مستحيل، حتى لو حاولت اغير المحاضرة، القدر هيقابلني في المسرح
*طبعا بعد تفكير كتير تنام هالة وهى بتحاول تصدق ان ممكن يكون كل ده حلم وكان عندها شك لو 1٪انها هتصحى م النوم ع حياتها القديمة وتقلق ع صوت طفل بيعيط وتفتكروا ابنها وتفتح عينها تلاقى نفسها نايمة ع سريرها ف اوضتها لوحدها وتستغرب الصوت ده جى منين وتخرج م الاوضة تكون مامتها قاعدة بتتفرج ع التى فى ومشغلة فيلم وكان صوت اطفال بتعيط فيه*
نيفين*بأبتسامة*:صحيتى يا حبيبتى
هالة*بهدوء وبتحرك راسها بنعم ولسه هتتكلم وتقولها انها حسيت ان حد م عيالها كان هنا*
صدقى*خارج م الاوضة*:عاملة ايه ياحبيبتى دلوقتى
هالة*اول ما شافتواعرفت انه حقيقة وان دى حياتها الـ بجد وانه كان مجرد حلم وقالت بصوت هادى*:الحمدلله يابابا
نيفين:طيب يلا فوقى كدا ونتغدا بسرعة عشان ننزل نشترى هدوم جديدة لان بعد بكرة الدراسة ولازم تروحى م اول يوم *وقالت بحزن وباصة لبنتها*:احنا كنا متفقين ننزل بدرى عن كدا بس الحصل بقى
صدقى:الحمدلله ع كل شئ *وبص لبنته*:هاتى كل ال انتى عايزاه
هالة*ابتسمت وحركت راسها بنعم وقاعدوا كلوا وبعد شوية نزلت مع مامتها واشترت هدومها وكانت فرحانة رغم انها كانت حاسة انها عاشت اللحظات دى قبل كدا بس قررت تستمع بيها م تانى واى حاجة مجبتهاش تجيبها واول ماروحت فضلت تفرج اللبس لباباها واخوها وفرحانة اوى*
صدقى:ربنا يسعدك ياحبيبتى
هشام*بهزار*:عقبالى انا كمان بقى ماتعبرونى وتجبولى هدوم جديدة
نيفين*ابتسمت*:لما تدخل الكلية
هشام:لسه هستنا كل ده
نيفين*بهزار*:اة واحمد ربنا مخلتهاش لحد ماتتخرج
هشام:لا خلاص حلو سنتين
صدقى*مطلع الموبايل بتاعها*:خدى ياحبيبتى صلحتهولك هو بس جاب شاشة وانا غيرتها
هالة*مسكته م باباها وبصتله وحسيت ان جه ف خيالها الحادثة بسرعة*
نيفين*موبايلها رن*:حبيبتى دى صاحبتك ولاء م ساعة اليوم ده وهى ع طول بتتصل تطمن عليكى
هالة*خدت منها الموبايل وابتسمت وردت*
ولاء*بقلق*:انتى كويسة طمنينى عليكى
هالة:الحمدلله ياولاء متقلقيش
ولاء:انا اتصدمت لما عرفت ده احنا كنا لسه خارجين ومبسوطين وعمالين نتكلم ع احلامنا وهنحقق ايه ف الكلية وبعد ما قومنا م الكافيه ومشيتى جيت اتصل عليكى لقيت موبايلك مقفول اتصلت بطنط لقيتها بتقولى الحصل خوفت عليكى جدا والله
هالة*بهدوء*:الحمدلله انا راضية بقضاء ربنا وقدره وعموما بابا صلحهولى ابقى كلمينى عليه
ولاء:ماشى اشوفك بقى اول يوم كلية
هالة*ابتسمت*:ان شاء الله
*وقفلت معاها وبدأت تصدق فعلا ان كل ده كان مجرد حلم م الغيبوبة بس استغربت اوى ازاى كانت حساه بالطريقة دى وكأن دى حياتها وعاشيتها بجد بس قررت متفكرش كتيروييجى اول يوم كلية*
نيفين:تخلى بالك ع نفسك كويس وانا هبقى اتصل اطمن عليكى كل شوية خلى بالك م موبايلك وع طول بصى عليه
هالة:متخاقيش عليا ياماما ان شاء الله هبقى بخير وحاضرهيفضل ع طول ف ايدى
صدقى*خارج م الاوضة*:تعالى عشان اوصلك انا والله يابنتى لو عليا اوصلك ف كل حته تروحيها بس الشغل بقى
هالة:انا عارفة يابابا اهم حاجة تخلى بالك ع نفسك وع صحتك *وقربت منه شوية*: ونبى يابابا خد الادوية ف ميعادها عشان خاطرى
صدقى*ابتسم*:حاضر
هالة*فضلت باصة لباباها وحسيت انها يمكن م كتر قلقها عليه حلمت بكدا خصوصا انه كان مريض قلب وحالته الصحية ماكنتش ديما احسن حاجة فده الـ صورلها موضوع فراقه وموته ونزلت راحت لصاحبتها واتقابله ف الكلية وفضله يدوروا ع مدرجهم لحد ما وصلوا*
ولاء:يااااه اخيرااا وصلنـــا
هالة: مش انا قولتلك هو ده المدرج بتاعنا
ولاء:ياستى انا قولت نسأل الاول عشان منقعدش نلف وكمان استغربت اصرارك اننا نروح ع هنا ع طول كأنك جيتى هنا قبل كدا!
هالة*بصتلها وكانت حاسة بأحساس مش فهماه فعلا وسكتت وشوية ودخل الدكتوروبدأ يشرح اول محاضرة اسمها صولفيج وهى تعريف الاشكال الـ بتكون ف النوتة وشوية ولقوا حد بيخبط ودخل سليمان*
هالة *اول ما شافته اتصدمت وحست ان ف حاجة بجد مش طبيعية وانها فاكراه مجرد شخصية خيالية ف دمغها مش اكتر*
سليمان:اسف يادكتور والله
د.حبيب:عادى مفيش مشكلة ده اول يوم وطبيعى يحصل كدا بس بعد كدا اتمنى يكون كله موجود قبل ما انا اجى ,اتفضل
سليمان*قرب وكان مكان فاضى عند هالة وقعد جمبها عادى ومبصلهاش*
هالة*كانت مصدومة وقاعدة ساكتة ومش مصدقة انهم قاعديين جمب بعض كدا وهو باين عليه كأنه ميعرفهاش خالص واول مرة يشوفها وكانت مش فاهمة ف ايه وبعد شوية المحاضرة خلصت*
سليمان*بصلها*:هو معلش المحاضرة الجاية ايه ,اصل انا ملحقتش اشوف الجدول هو حضرتك تعرفى
هالة*اول ما اتكلم بصتله وعنيها كانت ف عينه وفضلت ساكتة*
سليمان*بيشاور بأيده قصاد عنيها*: اييييه سمعانى ولا الارسال واقع ولا ايه!!
ولاء*بصتلهم وقربت شوية*:ف ايه؟؟
سليمان*بستغراب*:انا بس كنت بسألها لو تعرف المحاضرة الجاية ايه والله بس لقيتها بصالى وعاملة كدا*وقال بهزار*:عموما شكلها م الدحيحة المبيحبوش يقولوا حاجة لحد
ولاء*بصتله بأرف*:اسمها تاريخ الموسيقى
سليمان:ماشى شكرا
*وبعديها مشى ع طول وهالة فضلت عينها عليه لحد ماخرج*
ولاء:هو ف ايه يابنتى
هالة*بتنهيدة كبيرة*:مفيش مفيش *ولاء بصيت بستغراب وسكتت وعدى اليوم وخلصوا ورجعت بيتها ومامتها قربت منها*
نيفين:ايه ياحبيبتى اخبار اول يوم
هالة:كويس
نيفين:مالك
هالة*طبعا خافت تقول لمامتها حاجة خصوصا ان برده هتقولها ده اوهام وممكن بقى تفضل تسأل عليه ع طول وايه الحصل فقررت تسكت وقالت بابتسامة*:مفيش بس جعانة
نيفين:ثوانى والاكل يجهز روحى غيرى يلا
هالة*دخلت اوضتها وبجد كانت مش مصدقة كل البيحصل ف حياتها ده ومش فاهمة حاجة خالص بس قررت تتعامل طبيعى وتحط ف دمغها انه مجرد حلم ،حلم وبس وحتى لو حاسة انها عاشت الحياه دى قبل كدا هتعيشها م تانى بكل مافيها بس ياترى هتقدر تغير حاجة فيها !!وتعدى فترة وكانت ع طول بتروح الكلية وكانت بتشوفوا بس ماكنش بيتعامل معاها خالص ولا حتى فاكرها ولا فاكراسمها وكان ع قد ما ده مريحها ع قد ما برده كانت حاسة بمشاعر م ناحيته مش قادرة تفهمها ولا توصفها وف يوم كانت حاسة ان اليوم ده هيتعرف عليها ف المحاضرة لانه هيقعد جمبها تانى وهيطلب قلم وهيتكسر منه وهيقعد يعتذرلها انه هيجيب واحد غيره وهى هتقوله عادى مفيش مشكلة ويصمم ويبدأوا يتعرفوا ع بعض ويقربوا م بعض وتبدأ قصة حبهم كانت حاسة بكل ده*
ولاء: يااه ده انتى مش هنا خالص
هالة*بصتلها وحاولت تركز معاها*:انتى كنتى بتقولى حاجة؟
ولاء:بقولك يلا عشان نحضر المحاضرة
هالة*بتردد*:لا لا بلاش
ولاء*بستغراب*:هو ايه ده البلاش
هالة*قالت تتوه الموضوع*:اصل انا جعانة تعالى نطلب اكل
ولاء:لا طبعا انا بعمل رجيم مش عيزاه يبوظ ومصدقت ان انا ووزنى ظبط انا اخرى اكل طبق السلطة المعايا ده وشكرا
هالة:طب ماتيجى نروح المسرح انا نفسى اروحه م ساعة ماجينا مدخلنهوش
ولاء:ياستى ما السنين جاية كتيروهنروحوا ,المحاضرة اهم دلوقتى
هالة:بصراحة مش عايزة احضرها ,عايزة تروحى روحى انتى
ولاء:انا مبقتش فهماكى م ساعة الحادثة دى وانتى غريبة بجد
هالة*بصتلها*:مش غريبة ولا حاجة هو يعنى بس مش ليا مزاج دلوقتى احضر المحاضرة ، اكيد مش الاربع سنين هنحضر كل المحاضرات يعنى
ولاء:ماشى ياختى بس مش عايزين نكتر م ده عشان ع الاقل نجيب تقدير كويس
هالة:ان شاء الله
*وقاموا راحوا ع المسرح وكانوا مبهورين اوى بشكله ومساحته الكبيرة ورهبة الخشبة البيقفوا عليها ومبسوطين اكتر وهما سامعين الموسيقى وتدريبات اصحابهم وشوية وحد وقف ع خشبة المسرح:حد حابب يسمعنا حاجة العايز يطلع ع الاستيدج *وبدأوا كل واحد يطلع الـ صوته حلو والــ بيعزف حلو وطلعت ولاء وعزفت ناى لانها ملهاش ف الغنى وكانت هالة قاعدة وبتسمعها وبتشجعها وبعد ما كل غنى ,,طلع تانى وقال*:حد حابب يغنى تانى ولا خلاص
ولاء:ايوه فيه *وشاورت عليها وبعديها مسكت ايديها ورفعتها*
هالة*بأحراج ونزلت ايديها بسرعة*:انتى اكيد بتهزرى
ولاء: ليه يابنتى انتى صوتك روعة بجد وكمان انا طلعت وعزفت قدامك وكان احساس حلو اوى اطلعى جربيه وكمان انتى الـ جبتينا هنا ,ايه هتفضلى قاعدة كدا, قومى بس وانا واثقة ان صوتك هيعجبهم جدااا بجد
هالة* كانت مكسوفة اوى اول مرة تغنى وسط مجموعة هى كان صوتها حلو وبتحب تغنى وديما كانت يأما بتغنى مع نفسها او وسط اهلها لكن اول مرة تغنى وسط ناس غريبة بس قامت واتحركت ووقفت ع المسرح وقالتلهم انها عايزة تغنى ايه وبدأوا يعزفوا وبدأت تغنى اغنية الحب اللى كان*
كان ياما كان الحب مالى بيتنا ومدفينا الحنان
*اول ماقالت كدا افتكرت عيالها وجوزها عمال يلعب معاهم وهى ف المطبخ بتعمل الاكل الـ بيحبوه و بصالهم وفرحانة اوى وبتبتسم*:زارنا زمان سرق منا فرحتنا والراحة والأمان*هنا افتكرت اخر خناقة بينهم وهو بيحدف المفرش بالاكل ال ع تربيزة واتعورت ف ايديها ولقيت نفسها بتحط ايديها ع ايديها التانية وهى ماسكة المايك وبتمسك فيها جامد*حبيبي كان هنا مالى الدنيا عليٌا بالحب والهنا ,حبيبي يا انا يا اغلى من عينيٌا نسيت مين انا ؟*واول ما قالت كدا كان سليمان داخل م باب المسرح وفضلت بصالوا بثبات وكملت*:انا الحب اللى كان اللى نسيته اوام من قبل الآوان نسيت اسمى كمان !! نسيت يا سلام على غدرالإنسان ..و الله زمان يا هوى زمان و الله زمان يا هوى زمان و الله زمان زمان يا هوى زمـــان!!!ياترى ايه الهيحصل هنعرف الجزء الرابع.
تأليف:فاطمة هشام