اول سقوط - بين القانون والدم
جاري التحميل...
اول سقوط
.........
لم تكن تلك الليلة عادية… كانت بداية التحرك الحقيقة جلست ليلى على مكتبها… أمامها صورة الشاب. نفس الابتسامة… نفس الهدوء المزيف… لكن الآن، لم تعد تراه كما كان. “كنت فاكرة إني رفضتك… وخلصت.” همست. “بس واضح إنك البداية.” --- فتحت الملف من جديد… كل الخيوط كانت تشير إليه. تحويلات مالية… مكالمات… أسماء مشتركة… لم يكن مجرد ابن تاجر مخدرات… بل كان واجهة. واجهة نظيفة… لعالم قذر. --- “يبقى نبدأ بالواجهة…” --- في اليوم التالي… ارتدت ليلى ملابس بسيطة، مختلفة عن أسلوبها المعتاد. نظارة شمسية… وشعر مرفوع. لم تكن تريد أن تُعرف. --- وقفت أمام شركة كبيرة… اسمه مكتوب بخط واضح. شركته. تنفست بعمق… ثم دخلت. --- الاستقبال كان فخمًا… المكان كله يوحي بالقوة. “عايزة أقابل الأستاذ…” قالتها بهدوء. نظرت لها الموظفة: “عندك معاد؟” ابتسمت ليلى: “قوليله… في حد من الماضي.” --- لم تمر دقائق… حتى جاء الرد. “اتفضلي.” --- دخلت المكتب… وأول ما رأها… تغيرت ملامحه. “إنتِ؟!” ابتسمت بهدوء: “وحشتك؟” --- وقف من مكانه… ملامحه بين الغضب والقلق. “إنتِ جاية هنا ليه؟” اقتربت منه خطوة… “أسأل نفس السؤال.” --- سكت… ثم قال بحدة: “أنا قولتلك كل حاجة.” ضحكت بخفة… لكن عينيها كانت باردة: “لا… إنت كذبت في كل حاجة.” --- اقتربت أكثر… وضعت الملف على مكتبه. “تحب أقرأ لك؟ ولا إنت حافظ؟” نظر للملف… وسكت. --- “أبوك…” بدأت تقول ببطء… “نشاطه معروف.” ثم فتحت صفحة أخرى: “وأنت… شغلك أنضف شوية… بس مش بريء.” رفع عينيه لها: “إنتِ مش فاهمة اللعبة.” ردت بسرعة: “لا… أنا فهمتها متأخر بس.” --- سادت لحظة صمت… ثم قال بصوت منخفض: “إنتِ بتلعبي بالنار… ومش هتستحملي.” ابتسمت… “أنا اتحرقت قبل كده… مش فارقة.” ثم اقتربت منه فجأة… صوتها أصبح أخفض… وأخطر: “إخواتي اتحبسوا بسببكم.” “وأنا… هرجعهم.” نظر لها بحدة: “ومين قالك إنك هتعرفي؟” رفعت رأسها بثقة: “إنت.” تجمد. --- ثم أكملت: “لأنك أضعف حلقة.” لأول مرة… ظهر التوتر الحقيقي على وجهه. “لو وقعت…” قالت بهدوء… “كل اللي فوقك هيقع.” سكت… ثم ضحك بسخرية خفيفة: “إنتِ فاكرة إني هخاف؟” ردت ببساطة: “لأ… أنا عارفة إنك هتتكسر.” ثم التفتت… وبدأت تتحرك نحو الباب. وقبل أن تخرج… قالت: “دي كانت زيارة لطيفة…” ثم نظرت له للمرة الأخيرة: “الجاية… مش هتبقى كده.” خرجت من المكتب… لكن قلبها كان يدق بسرعة. لم يكن خوفًا… بل أدرينالين. في نفس اللحظة… داخل المكتب… وقف الشاب مكانه. ينظر للباب… ثم أمسك هاتفه بسرعة. “هي وصلت لحد فين؟!” صمت لحظة… ثم تغيرت ملامحه. “لا… لازم نتحرك.” في المساء… كانت ليلى في طريقها للبيت. الشارع هادئ… لكن إحساسها… لم يكن كذلك. فجأة… سيارة توقفت بجانبها. باب انفتح… وأيدٍ شدتـها بعنف. صرخت… لكن صوتها اختفى. آخر شيء رأته… هو الشارع… وهو يبتعد. وفي مكانٍ آخر… كان هناك من يبتسم. “بدأت اللعبة بجد
