أعيش حياتى الحلقة الثامنة عشر
جاري التحميل...
الحلقة الثامنة عشر
.........
*وبعد ما وصلوا الرحلة الاجواء كانت ع قد ما هى سعيدة بس احيانا بتكون موترة وبالاخص ع فارس حاسس انه مش مُرحب بى ف المكان ده ولما يشوف سلمى نسيته وبتلعب مع غيره ينزل البحر وشوية ويسمعوا صووت صريخ وان ف طفل بيغرق*
كاميليا*بصيت لقيت انهم قاعديين يرسموا ع الرمل وابنها مش معاهم قربت منهم*:هو فارس فين يا سلمى
سلمى*بصيت حواليها*:مش عارفة
ريهام:انا شوفته نازل البحر
كاميليا*بخضة*:يبقى البيغرق ده هو *وقامت مصوتة*:اللحقنى يارأفت ، فارس بيغرق *وفضلت تصرخ*
سلمى *اول ما سمعت كدا خافت هى كمان وفضلت تعيط*
*وطبعا كلهم جريوا بسرعة ناحية البحر والناس اتجمعت عشان يطلعوا الطفل اللى جوه وشوية وواحد كان شايله كاميليا قربت منه بخوف بس طلع مش هو*
المسعف*حاول يفوء الطفل وفعلا بعد شوية يفوء وماماته تجرى عليه*
مامته*بتحضنه*:ابنى حبيبى
المسعف:ابقى خالى بالك منه حضرتك بعد كدا
*طبعا هما ع قد ما فرحوا انه مش هو وان الولد خرج كويس بس برده كانوا مستغربين ومش عارفين فين ابنهم*
رأفت*وهو عمال يبص ع البحر اللى كان معظمه فاضى ومش شايفه*:فارس فين
كاميليا:مش عارفة انا كنت فكراه معاهم
فهيم*بقلق*:الواد راح فين
زهران:استهدوا بالله ياجماعة هنلاقيه ان شاء الله
ريهام ووليد *كانوا باصيين عالبيحصل وساكتين*
هدى*طبطبت ع كاميليا*:متقلقيش هيبقى بخير والله
سلمى*كانت الدموع نازلة ع خدها وشوية وشاورت بأيديها*:فارس اهوه *وجريت عليه بسرعة*
كاميليا*حضنته جامد وبعديها بصتله*:انت كويس ياحبيبى
فارس*استغرب وفضل باصص لسلمى شوية وبعديها بصلهم*: هو ف ايه
رأفت*بغضب وقلق*:انت روحت فين يافارس
فارس*بص لسلمى بلوم وحزن*:نزلت اعوم لوحــدى ف الماية شوية وبعديها زهقت وطلعت امشى شوية بس خوفت اتوه فقولت ارجع تانى
فهيم:ياحبيبى ماتعملش كدا تانى ولو عايز تتمشى قول لحد مننا ييجى معاك
هدى:وكمان انت لوحدك ليه؟! ما تلعب مع سلمى
زهران:و وليد وريهام كمان اللعبوا كلكوا مع بعض
فارس *بصلهم بضيق وسكت*
ابراهيم :الحمدلله انك كويس ياحبيب جدك
امينة:انا بقول نروح بقى انا مفاصلى سابت بعد الحصل ده
فهيم:يلا بينا ياجماعة
*وفضلوا يلموا ف الحاجة وفعلا روحوا وطول الطريق سلمى كانت بصالوا والدموع ف عنيها وساكتة وهو ماكنش عايز يبص عليها خالص واول ما وصلوا كل واحد طلع لبيته*
درية *نزلتلهم الشقة*:جيتوا بدرى يعنى
هدى:حصل حوار كدا
درية:اكيد الـ اسمه فهيم ده عكنن عليكوا اليوم
هدى: لا مش هو *وفضلت تحكيلها*
*وف الوقت ده امينة بتحكى لفؤاد*
فؤاد:طب الحمدلله عدت ع خير
ابراهيم:الحمدلله ربنا يحفظهم
امينة: يااارب ،لا لا بس انا مفاصلى سابت حاسة انى مش قادرة امشى والله ، ده ولا افلام الرعب
فؤاد*ابتسم*:البحر ياما بيعمل
*وفضلوا يتكلموا وف الوقت ده الباب عند عيلة رأفت بيخبط و فارس راح يفتح وكانت سلمى بصاله*
سلمى*بحزن*:هو انت زعلان منى
فارس* ساكت وبص الناحية التانية*
سلمى*وقفت قصاده*:انا اسفة متزعلش
فارس*بحزن شديد*:انتى سبتينى ونستينى خالص اول ما شوفتى قرايبك
سلمى:اصلهم كانوا واحشنى وعايزة اقعد معاهم
فارس:طب وانا ماتقعديش معايا
سلمى*بأسلوب طفولى*:اقعد معاكوا انتوا الاتنين بس انا خوفت تكون بتغرق بجد
فارس: افرضى كان حصل
سلمى*الدموع ف عنيها*:لا لا مش تقول ده
فارس*ابتسم*:خايفة عليا
سلمى *حركت راسها بنعم*
فارس*مسك ايديها*:خلاص انا مش زعلان تعالى نلعب سوى بقى
سلمى: طب وريهام
فارس*بضيق*:انا مش عايز اللعب معاها ولا هى ولا وليد الوحش ده
سلمى: ليه بس دول حلويين و وليد كمان
فارس* بيحرك راسه بالنفى*:لا مش حلو مش حلو خالص
سلمى:خلاص تعالا نلعب سوى *ودخلوا يلعبوا مع بعض*
*وف الوقت ده هدى كانت قاعدة مع اختها*
امال:والله ليكى وحشة
هدى:وانتى كمان قوليلى عاملة ايه!
امال: الحمدلله اهوه ماشية انتى طمنينى عليكى
هدى: الحمدلله تمام بس سلمى بطلع عينى وتغلبنى
امال: طب ده انتى ع الاقل واحدة انا اتنين بقى وكمان انتى مش ناوية تخاويها ولا ايه
هدى:لا ونبى لا ما تفتحيش الموضوع ده تانى ابداا ابداا هو انا مش حكيالك وماما حكتلك ع الحصل كله
امال:اة بس قولت يمكن يكون غير رأيه
هدى:لا مش غير كلاموا ونبى اقفلى الحوار ده ماصدقت انساه
امال:خلاص براحتكوا
هدى*موبايلها رن*:الو يا كاميليا احنا تحت قاعديين ف الجُنينة
كاميليا:انزل اقعد معاكوا شوية
هدى:اة انزلى طبعا وهاتى سلمى وفارس يلعبوا تحت احسن
كاميليا:ماشى انا نازلة اهوه
هدى:هنستناكى
امال*بصتلها بستغراب*:ما صدقت اقعد معاكى شوية تقوم تنزل
هدى:دى طيبة وجميلة خالص
امال:انا مقولتش حاجة بس حساها وخداكى منى شوية
هدى*ابتسمت*:اسميها غيرة اخوات بقى
امال:حاجة زى كدا
هدى*طبطبت ع ايديها*:امال انتى اختى م امى وابويا لكن كاميليا زى اختى ومفيش حد يعوضك هو الفكرة ان القدر والظروف كل حاجة اتهيئت اننا نتقابل والعيلتين تكون سوى فعشان كدا حصل القرب ده لكن ف الاول والاخر انتى حاجة وهى حاجة وحقيقى هى كويسة وعليتها كويسين وابنها كمان ما شاء الله ولد جميل ومؤدب
امال*بتنهيدة وابتسمت*:ماشى ياستى *وشوية ونزلت كاميليا ومعاها فارس وسلمى*
كاميليا*بتحط صنية ع التربيزة*:عملتلكوا كيكة , يارب تعجبكوا
هدى:نسيت اقولك انها استاذة حلويات
كاميليا: تسلمى والله
امال*بتحاول تهزر*:انا بحب الحلويات جداا ده انا اناسبك بقى *وقربت م فارس*:انا هجوزك بنتى ع فكرة
فارس* اول ماسمع كدا اتخض*
سلمى *كمان برقيت م الخضة واضايقت اوى*
كاميليا:مش محتاجة نسب انا هعتبرك زى اختى والـ انتى عايزاه تحت امرك
امال*ابتسمت*:شكرا
*وفضلوا يتكلموا مع بعض وف الوقت ده سلمى وفارس بعده عنهم وكانت مضايقة*
فارس: مالك
سلمى*بتربع ايديها*:مفيش
فارس:شكلك مضايق
سلمى:لا
فارس*بصلها وسكت*
سلمى*بغضب*:هو انت هتجوز ريهام
فارس*بيحرك راسه بالنفى بسرعة*:لا لا طبعا
سلمى*بحزن*:بس خالتو قالت كدا
فارس: بس انا مش موافق
سلمى*ابتسمت*:بجد
فارس*ابتسم*:بجد*وسكت شوية*:عايزك تعرفى حاجة
سلمى:ايه هى
فارس*بصلها بحب*:انتى اللى بحبها واللى عايشلها و اللى انا هتجوزها
سلمى* انبسطت اوى وقلبها الصغير كان بيدق جامد*
فارس: يبقى مين اللى بحبها
سلمى:انا
فارس:مين اللى عايشلها
سلمى:انا
فارس:مين اللى هتجوزها
سلمى:انا
*وفضلوا باصيين لبعض ومبتسمين اوى وشوية ويقرب منهم وليد ويقف ف النص مابينهم*
وليد:سلمى انتى فين بندور عليكى انا وريهام
ريهام *قربت منها*:تعالى معايا اوريكى العروسة اللى جبتها جديد
سلمى*بصيت لفارس*:تعالا معايا يافارس
وليد* مسكه ولف دراعه حوالين رقبته*:لا سبيه معايا هنلعب كورة انا وهو
سلمى*بصيتله*:طب احنا نقعد نشجعكوا صح ياريهام
ريهام*بضيق*:مابحبش الكورة انا هطلع اجيب العروسة واجى *وطلعت ريهام وسابتهم*
وليد:وانت بتحب الكورة
فارس*وهو بيبعد ايده عنه*:اة بس مش بلعبها
وليد:خايب يعنى
فارس:لا بس هى مش الالعاب الــ بلعبها
وليد:وانت بتلعب ايه بقى يانوغة انت
فارس:بلعب كاراتيه ولما اكبر هروح جيم اعمل عضلات واللعب اللعاب قوه
وليد *ضحك اوى*:ده اشمعنى
فارس*ببرائة*:عشان اضرب اى حد يضايق سلمى
وليد *بضيق*:سلمى مش محتجاك تدافع عنها لآنها عندها قرايبها وعيلتها سواء انت موجود او لا
سلمى*كانت باصة برتباك و نظرة خوف ع فارس*
وليد*بصله بتحدى*:هى مش هتستناك انت عشان تدافع عنها
فارس*اضايق ولسه هيتكلم*
كاميليا:ياولاد تعالوا يلا عشان تاكله كيكة
وليد:يلا روح حلى بؤك بقى ياجميل *وبص لمامته*:ماما انا خارج شوية مع اصحابى وقولت لبابا ع فكرة
امال:طيب متتأخرش
وليد:هحاول
امال*بجدية*:متتأخرش ياوليد
وليد: حاضر,خاضر
*ومشى وكان فارس باصص عليه ومضايق اوى وسلمى ماكنتش فاهمة ايه الحصل ده
وليد ساعتها كان بيغير عليها غيرة قرايب*
ريهام:انا طلعت اجيب العروسة اهوه تعالى نلعب سوى بقى
سلمى:وفارس معانا
ريهام:اوووف بجد
فارس:انا هروح اكل كيكة اللعبى معاها شوية وانا هبقى اجى تانى
سلمى*بصتله وابتسمت وسكتت*
*وشوية وتنزل درية وامينة ويقعدوا معاهم*
امينة:بس الجو هنا حلو برده وكأن ريحة البحر حواليكى
درية:ماهو عشان قريب م هنا
امينة:ماتقوليش قريب ده طلع عينى عشان نوصل
درية:ليه بس
امينة :فضل ابراهيم يقولى قرابنا , قرابنا وفضلت ماشية لحد مارجلى وجعتنى
درية *ابتسمت*:اهوه غيرتى جو
امينة :طب قوليلى انتى بقى مارضتيش تيجى ليه بجد عشان فهيم *اول ما قالت كدا كان فهيم نازل مع ابراهيم وبيقعدوا بعيد عنهم شوية*
درية *بصتله نظرة سريعة وسكتت*
امينة: يبقى عشان فهيم
درية: انا معرفش الراجل ده عايز منى ايه عايز يجننى يعنى
امينة: ابدا والله ده استاذ فهيم راجل كويس اسمعى منى
درية *بصتله وبعديها بصتلها وسكتت*
فهيم: قولتلك بلاش انزل اديها موجودة اهيه وهيحصل حوار
ابراهيم: ياعم احنا بعيد عنهم اهوه متقلقش مش هيحصل حاجة
فهيم*بصلها وسكت وفضلوا يتكلموا مع بعض*
*وف الوقت ده نزل رأفت ومعاه فؤاد*
رأفت:ايوه كدا ياراجل انزل اقعد معانا بزمتك ياجدع عاجبك قعدتك فوق لوحدك دى
فؤاد:هو بس انا كنت بريح م المشوار مش اكتر
رأفت:ياعم واديك ريحت اقعد معانا بقى شوية
فؤاد:ماشى *وسكت شوية*:هو ايه اخبار الشغل
رأفت*بصله بستغراب*:شغل ايه يافؤاد احنا ف رحلة ياعم
فؤاد:مش قصدى بس يعنى ما فكرتش تطمن عليه
رأفت:هو ايه ده
فؤاد:الشغل!!
رأفت*بصله بنظرة استفهامية وابتسم*:لا ياسيدى ماتطمن عليه انت
فؤاد *بصله وسكت*
رأفت*بهزار*:ولا مش معاك نمرته
فؤاد:هو انت فهمت ايه
رأفت:عموما لو عايز رقم يارا معايا عشان لو عايز تطمن ع الشغل *وغمزله*
فؤاد*بتوتر*:رأفت انا والله مش قصدى حاجة انت فهمتنى غلط خالص
رأفت:ف ايه يابنى عادى انا مافهمتش حاجة وكمان انا قصدى تكلمها بجد تطمن ع الشغل لو انت قلقان عليه يعنى
فؤاد*بضيق*:مش هاخد نمرة حد مليش دعوه
رأفت:زى ما تحب *وبص ع السلم*:زهران نزل اهوه
زهران*قرب منهم*:مساء الخير
رأفت: مساء النور اتأخرت كدا ليه
زهران: كنت بكلم عادل بشوفوا جى امتى
رأفت:وقالك ايه؟
زهران:ف الطريق
ابراهيم*بيعالى صوته شوية عان مراته تسمع*:الشااااى هو محدش هيعملنا شاى ولا ايه
امينة*ابتسمت*:احنا مش ف البيت يا ابراهيم
كاميليا:هعملهولك حالا يا بابا
ابراهيم :رغم ان بحب اشربه م ايد امــك بس ماشى
كاميليا*ابتسمت*:ما انا عارفة وحضرتك ياعمو فهيم اعملك
فهيم *لسه هيتكلم موبايله رن*:لا ياحبيبتى مش عايز,عن اذنكم
درية *شافت كدا بصتله ورفعت حاجبها وقالت لنفسها: شوفى الراجل يسيب عيلته واهله ويروح يحب ف التليفون راجل شايب وعايب بصحيح*
*وفضلوا كلهم قاعديين مع بعض وشوية وييجى عادل ويقعد معاهم*
عادل:معلش اتأخرت شوية
امال:ايه كل ده ياعادل
عادل: كنت بخلص اللى ورايا عشان اعرف اخد الاجازة براحتى بقى
رأفت: طب لو بتعرف تلعب طاولة تعالا عشان اغلبك زى ما غالب نسيبك
زهران*ابتسم*:ده حظ بس!! انت نسيت ف قهوه عم عزيز بيحصل ايه؟
رأفت*بهزار*:المهم دلوقتى يابيه
*وفضلوا قاعديين يلعبوا ويهزروا وشوية موبايل فؤاد رن....وللحكاية بقية
هنعرف الحصل الحلقة الجاية
تأليف:فــاطــمــة هــشــــام