لو رجع بيا الزمان الجزء الرابع
جاري التحميل...
الجزء الرابع
.........
*اول ماخلصت هالة الاغنية كلهم صقفوا بحرارة وكانوا مبهورين بيها لان صوتها كان حقيقى حلواوووى وبعديها نزلت م ع المسرح وع قد ما فرحت بالتصقيف ده ع قد ماكانت محروجة ومكسوفة اووى وبرده كانت عايزة تمشى م المكان عشان سليمان كان موجود فيه وخدت صاحبتها وخرجت بسرعة*
ولاء:ايه يابنتى ف ايه ماتستنى ماشية بسرعة كدا ليه
هالة*بقلق وماشية بنفس السرعة*:يلا بس نمشى م هنا *وهى ماشية فجأه لقيت سليمان جى وراها وماشى بسرعة زيها*
سليمان:ارجوكى استنى
هالة*اول ما سمعت صوته وقفت بصمود وبصتله*
سليمان:انا اسف لو كان هزارى ضايقك المرة الفاتت بس انتى يعنى كنتى غريبة برده
هالة*بتوتر*: لا مفيش حاجة مفيش مشكلة *وادتلوا ضهرها ومشيت خطوتين*
سليمان*ندهلها*:هـالـة!!
هالة*اول ماسمعت بينطق اسمها بصتله وعنيها كانت ف عنيه*
سليمان*ابتسم*:اسمك هالة مش كدا, انا عرفت اسمك بحكم اننا ف دفعة واحدة وكمان جوه ف المسرح الكل كان عمال يتكلم عنك وعن صوتك الحلو *وقال بتنهيدة*:عموما بعتذر تانى واتمنى نبقى اصدقاء
هالة*ابتسمت ابتسامة صغيرة*:ان شاء الله *ومشيت المرة دى بسرعة قبل ما يقول اى حاجة تانية*
ولاء*بعد ماركبوا العربية*:هو ف ايه بالظبط؟ مش هتفهمينى
هالة:ف ايه,افهمك ايه!!
ولاء:انتى مش حاسة ان ف حاجة غريبة مين الواد ده ومالك كدا بتبقى مش ع بعضك اول مابتتعاملى معاه وكنتى بتحاولى تهربى منه بأى طريقة
هالة*بصتلها وسكتت*
ولاء*بنظرة استفهامية*:هو انتى بتحبيه
هالة*بصتلها بزهول انها فهمت كدا وسكتت*
ولاء:يبقى بتحبيه
هالة:احبه ازاى وانا لسه معرفوش *وقالت بحيرة*:هو الفكرة ان انا حاسة انى اعرفوا
ولاء:انتى هتجننى يعنى ايه متعرفوش وتعرفيه،ما انتى يأما تعرفيه يأما لا
هالة*بصتلها وحكتلها ع الحلم الحلمته لى*
ولاء*بصدمة م السمعتوا*:هو ايه ده!! هو ده ينفع يحصل اصلا!! بجد اكيد لا،اكيد بتهزرى معايا بجد
هالة:للاسف اة بيحصل وكل الدكاترة ف المستشفى كانوا بيقولوا عادى وبيحصل اكتر م كدا كمان ده ف ناس اصلا بعد ما بتفوء بتقرر تعيش جوه الحياه دى ورافضة الواقع نهائى
ولاء:طيب وانتى
هالة*بتنهيدة*:انا حاسة بحبه ف قلبى مش عارفة ازاى ده!! وعايزة اعيش الحياه الـ عيشتها دى بس الحلو منها بس مش الوحش لحظتنا الحلوه قصة حبنا حتى ف بداية جوزنا ورغم كان ف مصاعب بس كملنا وعيشنا لكن اخر فترة مش عيزاها اتغير معايا اوى وبقى عصبى زيادة عن اللزوم وانا كمان اضغطت اوى البيت والعيال وهو,, وحتى صوتى كنت قربت انساه انا فين وفين لما كنت اغنى واسمع صوتى وافتكر حلمى الضاع منى ومكملتوش وسط الزحمة دى كلها كل ده ملغبطنى بجد
ولاء:اليشوفك وانتى بتتكلمى كدا يقول انك حقيقى اتجوزتيه وخلفتى منه!! طب انتى دلوقتى عايزة ايه؟
هالة*بثقة وتحدى*: عايزة حلمى عايزة اعمل البوم ويكسر الدنيا عايزة اعيش الحياه دى بجد لكــــــــن*وقالت بهدوء*: عارفة قصادها ممكن اخسر حاجة تانية
ولاء:وممكن تحققى الاتنين
هالة*بصتلها بتركيز*
ولاء:اة عادى يابنتى لو حاسة انك بتحبيه قربى منه وحبيه و ممكن متتجوزوش غير لما تحققى حلمك وبكدا يبقى عيشتى الاتنين
هالة:تفتكرى ينفع
ولاء:اة عادى يعنى مفيش شئ مستحيل
هالة*بصيت لصاحبتها وحاولت تقتنع وجواها احساس فعلا عايزده انها تختار حبيبها لانها حقيقى كانت بتحبه وبينهم قصة حب حلوه وكيملت بوجود عيالهم بس لولا الظروف كل حاجة اتوترت ف علاقتهم وحسيت كمان يمكن لو عملت حلمها وحبيبها معاها هيقدروا تبقى حياتهم افضل وتعيش حياه زوجية خالية م المشاكل الصعبة المريت بيها دى وفضلت تفكر ف كل ده وترجع البيت واول ماتفتح باب الشقة تلاقى خالتها وبنت خالتها ميار*
نيفين:ايه رأيك ف المفجأه
هالة*ابتسمت اوى وقربت منهم وحضنتهم*:حلوه اوى
ميار:الف سلامة عليكى ياهالة انتى كويسة دلوقتى
هالة*افتكرت موضوع الحادثة*:الحمدلله احسن م الاول
نوال:والله انا عارفة اننا قصرنا بس عمك سامى كان تعبان اوى وماكنتش هقدر اسيبه غير لما يبقى كويس بس والله ع طول كنت بكلم نيفين اطمن عليكى
هالة:انا عارفة ياخالتو والله
ميار:تعالى بقى نسيبهم عواجيز يتكلموا مع بعض وندخل نتكلم انا وانتى جوه
نوال:عواجيز ف عينك ده احنا كلنا حيوية وشباب مش صح يانيفين
نيفين*وهى بتقوم م ع الكنبة*:اة ياختى،طبعا صح ده الصحة مش عارفة تروح مننا فين, اما اقوم اخد دوا المفاصل
*وفضلوا يتكلموا ويهزروا وتدخل ميار تتكلم مع هالة*
ميار:نفسى اخلص الدراسة دى واتجوز بقى زهقت
هالة:يابنتى زهقتى ايه،ده انتى لسه بتقولى ياساتر ف الدراسة لحقتى عايزة تتجوزى
ميار:اة يابنتى وكمان وجود شخص كدا يغير الروتين الـ ف حياتى ده ع الاقل هكلموا ويكلمنى ونقعد نحب ف بعض طول اليوم
هالة*بترفع حاجبها*:تحبه ف بعض!!اة لا الواضح انك مش عارفة حاجة خالص عايشة ف الاحلام الوردية انتى
ميار:الحب شئ حلو ع فكرة
هالة*وهو بييجى قصادها سليمان*:انا مقولتش وحش هو حلو بس لازم تعرفى انه مش ع طول حلو يعنى يوم هتلاقى مملح سيكة ويوم تلاقية مملح نص نص ويوم تلاقيه مملح خالص ولو زودتى بقى الحلاوه القولتى عليها دى هيبقى طعم فظيع هتضطرى ترميه اصلا
ميار:مش فاهمة حاجة*وغمزتلها*:هى الغيبوبة خليتك فيلسوفة ولا ايه؟
هالة*اول ما قالت كدا لقيت نفسها سكتت وحاسة انها فعلا مش قادرة تخرج برة الحلم الحلمته ده*
ميار:انا اسفة بجد انى فكرتك ،خالتو فضلت تقولى محدش يتكلم معاها ف الموضوع ده وانا زى الجردل اتكلمت برده
هالة*ابتسمت*:خلاص محصلش حاجة *وبصتلها وقالت بهدوء*:عموما متقلقيش هتتجوزى وهتخلفى وهتجيبى عيال غلابوية زيك
ميار:ده ايه الثقة دى
هالة:احساسى بيقول كدا ان شاء الله ربنا هيكتبلك الخير ف الجى وهيوعدك بأبن الحلال
ميار*وهى بترفع ايديها لسما*:يارب ياهالة يارب
هالة *كانت شايفة حماسها ده ودعتلها عشان ربنا يوفقها وفضلت قاعدة مع خالتها وبنت خالتها وشوية وروحوا وهى دخلت تنام عشان كليتها الصبح وتعدى فترة وبدأت تنشغل بدراستها وطبعا بعد ما غنت اتعرفت ف الكلية اكتر وبقيت معظم الوقت تطلع ع المسرح وتغنى وكانت حقيقى بتحس انها ف عالم تانى ومبسوطة اوى وبتنبسط اكتر بتشجيع وكلام الحواليها وف يوم يبقوا ف المسرح ويبجى دكتور الجامعة*
د.حبيب*يكون اليوم ده ف المسرح وعمال يسمع الاصوات ويقيمهم ويعمل خطة ف دماغه*:حلو جداا ياشباب شايف هنا اصوات كويسة بس عايز بقى نتدرب ع طول منوقفش عشان تبقوا ف تحسن اكتر واكتر *وبص لهالة*:حرام المواهب دى تدفن عموما عايزكم كمان تشرفونا كدا ف حفلات هندخلها كتير وف ناس مهمة بتيجى المسرح بتختار المواهب وممكن حد فيكم يبقى فنان ف يوم م الايام
هالة*اول ما سمعت كدا انبسطت اوى وعنيها لمعت واتمنت م قلبها تكون هى*
د.حبيب:قريب هنبدأ او*ولسه هيتكلم موبايل هالة رن*
هالة*اتخضيت وكتمت الصوت بسرعة*
د.حبيب:احنا ان شاء الله
هالة*موبايلها رن تانى واتحرجت اوى وطبعا كل الطالبة فضلوا يبصولها وسليمان كمان كان باصص ع الموقف ده ومستغرب*
د.حبيب*بهدوء*:ردى
هالة:انا اسفة يادكتور والله دى ماما وبتقلق جداا لما مبردش عليها
د.حبيب*ابتسم*:عشان كدا بقولك ردى
هالة*اترددت شوية وردت*:الو ياماما
نيفين*بقلق*:مابترديش بسرعة ليه
هالة:ف بروفة ياماما والدكتور موجود فقفلى دلوقتى هخلص واكلمك
نيفين:ماشى خلى بالك ع نفسك
هالة:حاضر
نيفين:لا اله الا الله
هالة:محمدا رسول الله*وقفلت لقيت الكل ساكت ومتابع المكالمة وبصينلها اوى وبصت تانى لدكتور*:حقيقى اسف
د.حبيب:مفيش مشكلة المرة الجاية بقى افتحى فيديو كول عشان كلنا نكلمها
*الطالبة ضحكوا وخدوا الموضوع بهزار وكمل كلاموا وبعديها تروح البيت وتحاول تفهم مامتها انها تبقى تقلل المكالمات عشان الدكاترة والمحاضرات وطبعا مامتها رغم القلق الجواها بس قالتلها هتحاول تعمل ده وف يوم تكون ف المحاضرة ويقعد جمبها سليمان بس هى كانت بتحاول تتماسك وتتعامل عادى سليمان بصلها*:معلش ممكن قلم!! ياترى ايه الهيحصل هنعرف الجزء الخامس.
تأليف:فاطمة هشام