لو رجع بيا الزمان الجزء الخامس
جاري التحميل...
الجزء الخامس
.........
*وتحاول هالة تتعامل عادى وتبطل تفكير ف الحلم وتفكيرها يكون ف حلمها بتاع دلوقتى وف يوم تكون ف المحاضرة وسليمان يطلب قلم*
هالة*اول ماسمعت كدا اتخضيت وقلبها فضل يدق اوى*
سليمان:عايزاعلم ع حاجات ف النوتة بس وشكلى نسيت اجيبه! فينفع اخد قلمك ثانية واحدة
هالة*فضلت بصالوا وساكتة*
سليمان*بستغراب*:انا بدأت اشك ان كلامى ف حاجات غريبة
هالة*بتردد مسكت قلمها واديتهولوا*
سليمان*خده وكان بيكتب به بس فجأه لقاه اتكسر بص بصدمة وبصلها*:انا اسف هجبلك غيره معلش
هالة*بتردد*:لا لا مش عايزة *وقامت م جمبوا بسرعة وكانت ولاء ف الكافتيريا راحتلها*
ولاء:جيتى ليه كنت جيبالك العصير وجاية وعايزين نقلل م حوار الكافتيريا ده رجيمى هيبوظ يابنتى حرام
هالة:انا عايزة اروح
ولاء:ف ايه الحصل*وخدتها قاعدوا ع تربيزة*:معنى كدا انك خدتى القرارانك ماتحبهوش
هالة*بتمسك راسها*:مش عارفة بس انا حقيقى خايفة م الخطوه دى اووى اوووى بجد كل ما بصلوا واحن لى افتكرالحصل بخاف
ولاء:طب اهدى كدا وخلاص موقف وعدى يعنى
*وطبعا هالة تكون متلغبطة ومش عارفة اذا كانت ال بتعملوا ده صح ولا غلط بس حسيت ع الاقل تأجل احساسها ده ولو شوية وكانت ع قد ما تقدر بتتجنب تتعامل معاه لكن هو كان حاسس بده وان ف حاجة غريبة وبعد ما يخلصوا تدريب ف المسرح وييجوا يمشوا يندهلها*
سليمان:هـالـة
هالة*تبصله بستغراب*
سليمان:ممكن اتكلم معاكى لوحدينا لوسمحتى
هالة* لسه هتتكلم وترفض*
ولاء:طب اسيبكوا انا بقى،عن اذنكوا
هالة*تبصلها بضيق *
سليمان:واضح انك لسه مضايقة منى، هو انا عملت ايه لكل ده وياستى لو ع القلم *وطلع قلم م جيبه*: اتفضلى
هالة*بصتله بتنهيدة وخدته منه*:اكيد مش ده السبب
سليمان:اهوه يعنى ف سبب فعلا
هالة*بحزن*: اسفة بس مش هتقدر تفهمنى
سليمان:ياستى قولى وانا هفهمك
هالة*بصتله وقالت بهدوء*:مفيش حاجة صدقنى
سليمان:اومال بتعاملينى كدا ليه وبتحاولى تتجنبينى احنا قدمنا لسه ٣سنين ونص *وبصلها اوى*:ويمكن اكتر
هالة*بصتله وقلبها فضل يدق*
سليمان:قصدى يعنى لو شاء القدر واشتغلنا سوى ف مكان ولا حاجة
هالة:خلاص صدقنى مفيش مشكلة
سليمان:طيب هستناكى بكرة تتعاملى معايا بطبيعتك وياريت بلاش الاسلوب ده حاسه مش لايق عليكى *وابتسملها*:سلام
هالة: سلام*وفضلت باصه عليه لحد ما مشى وخرجت كانت ولاء واقفة برة*:انتى ازاى تسبينى معاه لوحدنا
ولاء:هو هياكلك ولوحدكوا ايه مع كم البشر دول احنا ف الكلية ع فكرة*وقالت بهزار*:وكمان قولت ده جوزك يعنى مش غريب
هالة*بصتلها جامد*
ولاء:خلاص والله بهزر ,يابنتى قولتلك سيبى نفسك واعتبرى الحصل مجرد حلممم حلممم مش اكتـــر اتعاملى عادى
هالة:وافرضى بقى حصل حاجة
ولاء:عشان كدا قولتلك سيبى نفسك عشان تعرفى الهيحصل
هالة*بتنهيدة*:ماشى هحاول
*وفعلا تفكر ف كلام صاحبتها وتقرر تتعامل عادى وتحاول تنسى الحلم الحلمته ده نهائى وف يوم وهما ع المسرح يقرر الدكتور قرار*
د.حبيب:طيب تمام انا دلوقتى هختار اتنين، اتنين يشتغلوا ع الاغانى دى ويختاره أله يلعبوا عليها عشان الحفلة الجاية*ويبدأ ينده الاسامى وفجأه يقول*:هالة وسليمان
هالة *تقف مصدومة وتبصله و سليمان يبتسم ابتسامة لحد ودانه ويشاورلها باى، تفضل بصالوا وقلبها بيدق وطبعا معرفتش تتكلم*
ولاء*بتغمزلها*: شكل قصة الحب هتبتدى ولا ايه يا لولو
هالة:بتهزرى!! انا هروح اقول لدكتور ابدل وانتى الـ تبقى معايا
ولاء:هو احنا ف ماتش كورة تبديل ايه وكمان بزمتك عندك الجرأه لكدا وهتقولى للدكتور ايه وهتقوليله هو نفسه ايه بقى ان شاء الله لما يلاقيكى بتهربى كدا استهدى بالله *وقالت بهزار*:وروحى خليكى مع جوزك
هالة *بنبرة حاده*: ولاء* ولسه هتتكلم يقرب منها سليمان**
سليمان*بأبتسامة*: انا مبسوط اننا هنبقى مع بعض ف تيم واحد هستناكى بكرة عشان نبدا البروفة *وغمزلها ومشى*
هالة *بصتله وسكتت وفضلت باصة عليه لحد ماخرج*
ولاء :انا م رأيى تستسلمى للامر الواقع وكمان ده دراسة يعنى ومسيرها تخلص
هالة* فضلت تفكر ف كلامها وماكنتش عارفة هى فعلا مضايقة ولا مبسوطة ب ده وروحت البيت وقعدت ع السفرة مع عيليتها*
صدقى: مالك ياحبيبتى مابتكليش عدل ليه؟
هالة: لا باكل يابابا
نيفين:لا مش بتاكلى انتى حاسة انك تعبانة ف حاجة وجعاكى
هالة* بينها وبين نفسها قالت قلبى *وبعد كدا بصتلهم بأبتسامة*:لا ابدا والله انا كويسة
هشام:طب وانا محدش هيقولى كُل
نيفين:انت بتاكل ياخويا م غير حاجة ده تانى طبق اهوه
هشام :بالهنا والشفا ع قلبى ياحجة ف ايه هتحسدونا ع اللقمة ال بناكلها بقى ولا ايه
صدقى:بالهنا والشفا اهم حاجة بس عايزين بعد كل ده نتيجة كويسة كدا وتدخل كلية عدلة
هشام *بص لاخته*:هو انا صحيح هجيب كام ياهالة بما انك حلمتى وشوفتينى متجوز اكيد عارفة نتيجتى
نيفن*بحدة*:وبعدين بقى هو احنا مش قولنا منفتحش السيرة دى تانى ابدا
هشام *بهزار*:الله عايز اطمن ع مستقبلى
صدقى*بجدية*:مستقبلك بأيد ربنا هو وحده العالم بكل شئ واختك لو كانت شافت حاجة ف دى تخاريف مش اكتر وبرده ربنا الخلاها تشوف كدا وكمان ده كله عقلها الباطن كان لى عامل مش اكتر
هالة *بصيت لباباها وكانت بتأيد كلامه طبعا بس اكتر حاجة مستغرباها ليه حلمت بكدا وبلــ بنى ادم ده بالذات وقررت تسيب كل حاجة ع ربنا فعلا وتشوف ايه الهيحصل ف حياتها وتانى يوم تروح الجامعة وبعد ماحضرت محضرتها تستغرب ان سليمان مش جه حضرها عشان يبدأوا يعملوا البروفة وتروح ع المسرح متلقيش سليمان برده وشوية وخرجت وبصيت حواليها ماكنتش عارفة هدور عليه فين ولا فين وقررت تمشى ولسه هتخرج م الباب لقيت حد بيشدها م ايديها وبيوقفها قصاده اتخضيت اوى وفضله واقفين قصاد بعض وباصين لبعض وبعديها قالها:استنى انــا!!!
ياترى ايه الهيحصل هنعرف الجزء السادس.
تأليف:فاطمة هشام