أعيش حياتى الحلقة السادسة عشر
جاري التحميل...
الحلقة السادسة عشر
.........
*ويخلص رمضان وييجى بعده العيد وتفضل العيلتين يحضروا كل المناسبات دى مع بعض واخيــرا خده اجازة اخر السنة وف الوقت ده فؤاد يعمل حاجة ف الشغل*
يارا*بصدمة*:ايه المكتوب ده الورق ده ف غلطات كتير جدااا
فؤاد:ورينى كدا*وخد منها الورق وبص فيه*:ما انا معرفش
يارا:اوعى تكون سلمته للادارة
فؤاد:اة اكيد احنا خلصناه وسلمته قبل العيد
يارا*بقلق*:يانهارى!! انت اكيد بتهزر
فؤاد*بجدية*:اكيد مش ههزر ف حاجة زى كدا يعنى
يارا*بضيق وانفعال*:ف حاجات كتير جداا غلط ومحتاجة تتعدل انت ازاى ماتورنيش الورق ده
فؤاد*اضايق م اسلوبها*:ما انتى كنتى غايبة
يارا*بصتله بسخرية*:اة لما حتى مافكرتش تتصل تطمن عليا
فؤاد*بستغراب*:انتى بتقولى ايه انتى !! اتصل بيكى ازاى وانا مش معايا نمرتك وكمان انا مالى ادخل ف حاجة زى كدا ليه؟
يارا:اة طبعا صح تدخل ف كدا ليه بس تبوظلى شغلى عادى صح عشان عامل فيها عم التنك ومش عايز تسأل ع حاجة
فؤاد*بنبرة حادة*:وبعديين بقااا ف جر الشكل ده
يارا:جر شكل ايه!! ده احنا ال هنتجر م هنا دلوقتى وكله بسببك ع فكرة
فؤاد* بضيق وصوته عالى*:انا مالى انا انتى اللى غيبتى ف وقت مهم ,هيكون ايه يعنى الحصل يخليكى تغيبى كل ده
يارا*بنظرة حزن*:دخلت المستشفى عشان هعمل عملية قريب *وقالت والدموع نازلة م عنيها*:استئصال ورم
فؤاد *بصلها بصدمة وسكت*
رأفت* دخل وف ايده الورق*:ينفع الغلطات اللى موجوده هنا دى *لاقاهم باصين لبعض وساكتين*
يارا*بصتله*:اسفة يامستر رأفت انا هعدل كل حاجة
رأفت: كويس انه مرحش الادارة ياريت تاخده بالكوا بعد كدا
فؤاد*بهدوء*:حاضر
رأفت:هرجعلكم بعد نص ساعة تكون كل حاجة خلصت عشان الورق ده ضرورى يتسلم *وسابهم وراح ع مكتبه*
فؤاد*قرب منها وقال بهدوء*:ممكن تفهمينى بهدوء اعمل ايه بعد كدا ف كل خطوه جاية
يارا*ابتسمت ابتسامة صغيرة وحركت راسها بنعم *
*وفضلوا هما الاتنين يشتغلوا ع الملف وف الوقت ده هدى تكون ف البيت وشوية وموبايلها يرن *
هدى:امــال وحشــتينى
امال:لو انا وحشاكى بصحيح كنتى تسألى عليا بدل ما انتى قريبة م الغريبة اكتر م اختك
هدى: واضح ان ماما حكيالك ع كل حاجة بقى
امال: طبعا انا كل يوم بكلمها
هدى:والله لما تعرفيها هتحبيها جداا
امال:لما بقى!! المهم مش ناويين تيجوا تصيفوا
هدى: كنت لسه بتكلم مع زهران بصراحة اننا هنجيلك قريب
امال*بفرحة* ياريت والله دى الحاجة الوحيدة ال بتونس بيها لما بتيجوا
هدى*ابتسمت*:ان شاء الله قريب كدا كدا النهاردة اخر يوم امتحانات لسلمى وفارس
امال*بستغراب*:هما ناويين ييجوا ولا ايه؟؟
هدى:مش عارفة مقولتلهاش بس لو هييجوا اكيد هبقى اقولك عشان تحجزلنا شقتين ف العمارة
*امال عايشة ف مرسى مطروح وجوزها وارث عمارة بيأجرها ف الصيف ولما اختها بتروح بتحجزلها شقة معاها ف نفس الدور والدور كان فيه 3 شقق*
امال*بضيق*:يعنى كمان هتيجى معاكى
هدى: لو مش حابة خلاص
امال*بتنهيدة*:لا ياريت تيبجى عايزة اشوف الجيران دول ده ماما بقيت ع طول تكلمنى ع طنط امينة دول بقوا اصحاب اوى
هدى: طب ما دى حاجة حلوه لقيت حد يونسها
امال: هو انا قولت وحش عموما هنستناكوا انا وعادل والعيال
هدى:هنيجى قريب ان شاء الله
*وقفلت مع اختها وف الوقت ده كانت درية بتتكلم ف الموب مع امينة*
درية:لا ماتجبليش سيرته ده راجل لايطاق
امينة:لا والله ده حماه بنتى ده راجل زى الفل انتوا بس المش متوفقين مع بعض مش عارفة ليه
درية:م كلامه وافعاله ، انتى ياست انتى كل مرة تخلينا نجيب ف سيرته وانا مش عايزة
امينة: ده انا برده هو انا قولت حاجة مش انتى الــ سألتينى ايه الصوت ده وقولتلك ابراهيم بيكلم فهيم ف التليفون
درية:وانا اعرف منين انه بيكلمه وكمان هو شكله كدا يعرف حد هو هيتجوز قريب ولا حاجة
امينة*بستغراب*:يتجوز؟ لا معرفش اشمعنة!!
درية:شفتوا مرة واقف ف البلكونة عمال يتكلم ويتنحنح ويضحك اوى وانا عارفة كويس ان دى طريقة واحد بيكلم واحدة ست
امينة:ما فتكرش معقولة بعد مراته يفكر يتجوز *وسكتت شوية*:عموما لو ده يعنى حقيقى وفيها ايه مش عيب الراجل وحدانى اكيد عايز ونس
درية*سكتت شوية*: الله يكون ف عونها الـ هتعشره والله المهم خدتينى ف دوكة
امينة:ايه
درية: احنا متعوديبن كل سنة بنروح نصيف عند بنتى ف مرسى مطروح عايزاكوا تيجوا معانا السنة دى بقى
امينة: ياختاااى ولا اقدر ع مرمطة المواصلات دى
درية:مواصلات ليه ما عربية رأفت وجوز بنتى موجودين
امينة: بس دى هاده ياشيخة
درية: يعنى بزمتك مش نفسك كدا تبصى قدامك وتلاقى البحر ومنظره وهواه الحلو هتقعدى ف البيت تعملى ايه ف الحر ده ونبى
امينة*بتفكر شوية*:والله عندك حق خصوصا ان كل سنة كاميليا تتحايل عليا اروح اصيف معاهم وانا برفض
درية:طب فرصة اهوه نتلم احنا وعيالنا واحفادنا
امينة:خلاص هشوف ابراهيم كدا
درية:ماشى هخلى بنتى تحجزلكوا شقة وان شاء الله هيوافق
امينة:ماشى يلا سلام دلوقتى *وقفلت معاها*
ابراهيم:تقوليلى ايه؟؟
امينة: ده انت ودنك معانا بقى
ابراهيم :قاعد جمبك ودنى هتبقى فين اكيد معاكى مش مع الجيران يعنى
امينة :ماشى ياخويا المهم كانت بتكلمنى عن مصيف نروح مرسى مطروح
ابراهيم: يااااه مطروح مرة واحدة
امينة: مالك كأنى بقولك ليبيا
ابراهيم *بهزار*:ايوه قولى ليبيا ع الاقل اقرب
امينة:مابهزرش يا ابراهيم قول بجد بقى نسافر ولا هتبقى وجع قلب ومفاصل وانا مش هكون قادرة عليها
ابراهيم :هى مش مرمطة اوى يعنى عموما ربنا يسهل
امينة :ماهو ربنا يسهل وكل حاجة قولى بقى حاجة اقولها للست لما تكلمنى تانى
ابراهيم: مش لما ابنك ياخد الاجازة هو كمان
امينة:رأفت اكيد هيعرف يجبهالوا
ابراهيم *ابتسم*:حسك عايزة تروحى
امينة *بصتله وسكتت*
ابراهيم: خلاص ياستى نروح
امينة*ابتسمت*:ع خيره الله
*وفضلوا يتكلموا وف الوقت ده فارس كان رجع م المدرسة*
كاميليا: بدأنا الاجازة طبعا وهنعمل قلبان صح
فارس:عيب عليكى ياماما تعرفى عنى كدا
كاميليا:ياواد ياغلبان ,معرفش عنك غير كدا عايزاك عاقل هادى بقى وماتجننيش
فارس: حاضر حاضر المهم هنروح النادى امتى وعايز اتدرب تدريب تانى وابقى انزل مع بابا شوية ع القهوه اقعد معاه هو وعمو زهران
كاميليا:هو ده ال بقولك اعقل وكمان انت عارف انك مينفعش تقعد ع قهوه انت صغير وهما بيلعبوا اللعاب مش هتعرف تلعبها
فارس*بضيق*:مليش دعوه بقى
رأفت*فتح الباب*:السلام عليكم
فارس وكاميليا:وعليكم السلام ورحمة الله وبركاته
كاميليا:ابوك رجع اتصرفوا مع بعض انا عندى اكل بعمله
رأفت*قرب منه وابتسم*:عايز ايه ياحبيبى
فارس: انزل معاك ع القهوه
رأفت:هتعمل ايه!! هتبقى بالنسبة لك ملل
فارس:مليش دعوه
رأفت:اة ما انت خدت الاجازة بقى عموما ياسيدى حاضر هبقى اخدك معايا ادخل غير هدومك بقى عشان تاكل
فارس* انبسط ومشى دخل اوضته*
رأفت*دخل المطبخ*
كاميليا:اتاخرت كدا ليه
رأفت: يعنى شوية حاجات ف الشغل وكان تبع فؤاد فكنا لازم استنى
كاميليا:حاجة حصلت ولا ايه؟؟
رأفت:ما تقلقيش كله تمام المهم بقى قابلت زهران قبل ما اطلع وكان بيتكلم معايا اننا نصيف سوى ايه رأيك
كاميليا:شرم ولا الغردقة
رأفت:مرسى مطروح
كاميليا:اشمعنى!! اة صح عشان اخت هدى عايشة هناك فاكرة انها قالتلى حاجة زى كدا
رأفت:بالظبط وعندهم عمارة ملك وفيها شقق للتأجير ايه رأيك
كاميليا*ابتسمت*:خلاص ماشى
رأفت*كان واقف وساكت كأنه بيفكر ف حاجة*
كاميليا:مالـــــــــك؟؟
رأفت:كنت بفكر بابا ييجى معايا بس خايف م الخناق اللى بيحصل بينه وبين درية دى
كاميليا*بحيرة*:انت هتقولى مش عارفة ف ايه بينهم بجد
رأفت:تفتكرى بلاش
كاميليا:بصراحة اة
رأفت:خلاص مش هقوله احسن
فارس*يخرج م الاوضة*:هو احنا هنصيف مع عيلة عمو زهران
رأفت:انت سمعتنا!
فارس:اة
رأفت*ابتسم*:اة ياسيدى السنة دى هتصيف مع سلمى
فارس*بفرحة*:هييييييييييييييييييييييه *وجرى ع البلكونة وحرك الحبل وهى خرجتله وفضل يشاورلها*:انا وانتى هنروح البحر *وحرك ايده كأنه بيعوم*
سلمى*طبعا وقتها كانت برده سمعت باباها وماماتها بيتكلموا وفرحت اوى وابتسمتله وشاورت بأيديها انهم يحضروا العوامات *
فارس *ابتسم وحرك راسه بنعم*
*وبعد شوية ينزلوا زهران ورأفت ع القهوه ومعاهم فارس*
زهران:عرفت م هدى ان حماتك وحماك جايين معانا
رأفت*بستغراب*:بجد ازاى
زهران:هو ف غيرها طنط كلمت حماتك وعرضت عليها المصيف وبعديها اتصلت عليها وقالوا انهم موافقين
رأفت:شكلى كدا هضطر اقول لبابا رغم ماكنتش عايز
زهران:ليه!!
رأفت:انت مش بتشوف البيحصل بينهم يعنى
زهران :عندك حق بس عادى يعنى ما انا بقالى سنين انا وهى ف حوارات وعادى
رأفت:انت جوز بنتها وعادى انها تستحملك لكن هو برده اى كان راجل غريب
زهران: ولا غريب ولا حاجة احنا بقينا اهل وكمان بصراحة بيعجبنى عمو عشان مش بيسكت
رأفت*ضحك*:ده انت عايز تعملها حريقة بقى
زهران*ابتسم*:لا والله بس كدا كلنا رايحين فلازم عمو ييجى معانا واعرف بقى لو ماكلمتوش هكلمه انا
رأفت: لا وع ايه هكلمه انا ياعم
زهران :يلا اتصل عليه دلوقتى وكمان بجد عشان مايبقاش لوحده وبالمرة يغير جو ,الجو هناك هيعحبكوا اوى
رأفت: ماشى ياسيدى *ولسه هيتصل يقرب منهم عزيز*
عزيز*ابتسم*:منورنا يا استاذ فارس
فارس*ابتسمله*:شكرا
عزيز:عاملين ايه يا رجالة
رافت:الحمدلله بخير
زهران:الحمدلله
عزيز:انا عطلتك ولا حاجة شايفك ماسك الموبايل
فارس*بأسلوب طفولى*: هيكلم جده عشان يبجى معانا المصيف تيجى معانا انت كمان
زهران* ابتسم*:جدع يافارس انا كنت هقولك فعلا
رأفت* بهزار*:زهران عامل رحلة عائلية او غالبا مدرسية!
*ضحكوا كلهم*
عزيز: والله كان نفسى بس انا ف الاجازة بسافر لآختى بنها اقعد معاها شوية
زهران: طب ما تيجى معانا المرة دى تغير جو وكمان ده مصيف وبحر
عزيز:بصراحة ما بصدق اشوف عيلتى وعموما بنها برده تعتبر مصيف بس نيلى مش بحرى
زهران*ابتسم*:عموما لو غيرت رأيك قولى واحجزلك شقة معانا
عزيز:ان شاء الله
*وفضل يتكلم معاه ورأفت بعد خطوات عنهم واتصل ع باباه*
فهيم:الو ياحبيبى عامل ايه
رأفت:الحمدلله يا بابا كنت عايز اقولك ع حاجة
فهيم:ايــــــه ياحبيبى خير
رأفت:ف رحلة مصيف لمرسى مطروح هنطلعها وكنت عايزك تيجى معانا
فهيم:غريبة اول مرة ماتروحش شرم اوالغردقة
رأفت:عشان ناس قرايب زهران هناك وهيحجز لنا شقة معاهم
فهيم: زهران؟؟ هى حماته جاية
رأفت*سكت ومردش*
فهيم *بضيق*:وعايزنى اجى انا مش هتجمع مع الست دى ف مكان تانى نهائيا
رأفت:يايابا ماينفعش كدا يعنى تحرمنا م الرحلة العائلية عشان السبب ده
فهيم:هو ده اى سبب ده بالآسباب كلنا
رأفت:عموما عمو ابراهيم وطنط امينة جايبن فلو حابب تيجى انت كمان
فهيم:غريبة مقاليش ده انا كنت لسه مكالموا
رأفت:معرفش ممكن قال يمكن مش هتوافق او كان لسه مايعرفش انهم هيسافروا
فهيم*سكت شوية*: عموما سيبنى اوديها واجيبها ف راسى وابقى اقولك
رأفت:ياريت يا بابا تيجى حقيقى هننبسط ويمكن ف الرحلة دى سوء التفاهم بينكوا يهدى شوية
فهيم:ما عتقدش ابداا بس عموما ماشى انا هبقى اشوف واقولك
*وقفل معاه وفضل يفكر ف الموضوع وع قد ما كان عايز يبقى مع عيلته وحفيده ع قد ماكنش حابب يقابل درية وكان ف شئ جواه بيقوله روح وخلاص ويعدى اسبوعين وييجى ميعاد الرحلة.... للحكاية بقية.
هنعرف الحصل الحلقة الجاية
تأليف:فــاطــمــة هــشــــام