أعيش حياتى الحلقة الحادي والعشرون
جاري التحميل...
الحلقة الحادي والعشرون
.........
*وطبعا بعد الحصل لفارس ده يقرروا يرجعوا القاهرة عشان يتابعوا حالته ويعرف وقتها ان الوقت الهو كان جوه الدولاب سلمى مهتمتش وكانت قاعدة مع وليد فيضايق اكتر وميرضاش يكلمها ويقرروا عيلة زهران يروحوا يزروه بس يكونوا نازلين رايحين لدكتور*
زهران:كويس ان احنا لحقناكم انتوا رايحين فين
رأفت:رايحين لدكتور
هدى:ان شاء الله هيبقى مفيش حاجة
كاميليا:ان شاء الله
زهران:خلاص لما ترجعوا بقى نبقى نجيلكم
*سلمى وفارس كانوا بينهم نظرات وبس*
هدى*مسكت ايد سلمى عشان يطلعه*:ابقى رنى عليا وانا اجيلك
سلمى*بعدت ايديها*:أنا عايزة اروح معاهم
هدى:مش هينفع ياحبيبتى وكمان انتى اكيد مش هتدخلى معاهم
سلمى*بعيند*:بس انا عايزة اروح
رأفت:تعالى ياحبيبتى معانا خليها تيجى
زهران:خلاص احنا كمان جايين معاكوا نستناكوا حتى تحت وبعد الكشف نبقى نروح نقعد ف حته الاولاد محتاجين يغيروا جو اكيد واحنا كمان
رأفت*ابتسم وأايد كلامه وفعلا راحوا وسلمى اصرت تركب جمب فارس وسابوها ورغم انهم كانوا قاعديين جمب بعض بس هو كان باصص ناحية الشباك وهى كل شوية تبص ناحيته وتبص ناحية الشباك لحد ما وصلوا العيادة وهى راحت تركب مع مامتها وباباها وهما خده فارس وطلعه وجه عليهم الدور وداخلوا*
زهران:كان هيقفل الباب
فارس*بأنفعال طفولى*:لا يابابا لا سيبه مفتوح
الدكتور*ابتسم*:سيبه حضرتك وتعالوا اتفضلوا
*دخلوا وقاعدوا وفارس اختار يقعد ع كرسى جمب الباب كأنه بيطمن ان ف مهرب*
رأفت*بصله بتنهيدة واتكلم بصوت هادى وحاكه لدكتور كل الحصل*:وم ساعتها بيتفزع م النوم ومابيحبش الباب يتقفل ده احنا بنقفل باب الشقة بالعافية لانه وقتها بيكون ف اوضته وحتى الدولاب مبقاش عايز يقرب منه اصر ان مامته هى التجبله هدوموا النهاردة
الدكتور*بص لفارس*:حبيبى تحب الاوضة تبقى منورة ولا نهدى النور شوية
فارس*بتوتر وقال كدا وهو ماسك ف ايد مامته جامد*:لا لا منورة محدش يقفل الانوار
كاميليا*كانت قاعدة ع الكرسى الجمبوا وطبطبت ع ايده عشان تطمنه*
الدكتور*بص لرأفت*:متقلقش هو لسه الموضوع معداش عليه غير كام ساعة فطبيعى الموضوع مأثر فيه بس مع الوقت هيرجع طبيعى *وقال بهدوء اكتر*:هو مش طبيعى اوى
رأفت*بقلق*:يعنى ايه يادكتور ايه الهيحصل لآبنى
الدكتور*رد بسرعة*:لا متقلقش بس الــ تحبس وهو صغير قلبه بيفضل فاكر حتى لو عقله نسى ده ,يعنى هو مع الوقت هينسى هيرجع شوية بشوية يتعامل عادى مع الدولاب لحد ما يطمن النور يطفى عادى وممكن موضوع الباب كمان مع الوقت يقدر يقفله لكن ميقدرش يستحمل يبقى ف مكان مفهوش تهوية اومقفول عليه يعنى مثلا العربية لو ازازها مش مفتوح واتقفل عليه ده هيسببلوا حالة هلع اوضة حجمها صغير شوية دخلها وباباها اتقفل برده الموضوع بالنسبالوا مش هيبقى سهل يعنى للاسف هى اتسببتله ف فوبيا مع الوقت هنقدر نعالج حاجات وحاجات تانية مقدرش اقولك انه اكيد هيبطل يعملها
رأفت*بص لكاميليا وكاميليا عنيها كان فيها دموع وحضنت ابنها*
الدكتور:احنا نقول الحمد لله
رأفت:الحمد لله اهم حاجة انه بخير
الدكتور*قرب م فارس وابتسم*:احنا بقى هنتعلم سوا ازاى نسيطر ع الخوف ده مش هو الـ يسيطر علينا
فارس*طبعا ماكنش فاهم اوى البيحصل حواليه بس بص لدكتور وابتسمله ابتسامة طفولية وسكت*
*الدكتور فضل يقولهم التعليمات ومواعيد اللى هييجوا فيها عشان يبدأ فارس يبقى احسن وبعد شوية نزلوا وراحه يقعدوا ف كافيه وطبعا يكون مفتوح عشان فارس وقعدوا كلهم مع بعض وكان فارس وسلمى جمب بعض*
زهران:الحمد لله انها جت ع قد كدا
هدى:هو والله هيبقى كويس هو لسه صغير ومع الوقت هينسى اكيد وهيبدأ يتعامل طبيعى
كاميليا:يـــــــــــــــارب
رأفت:الحمد لله الدكتور طمنى وقالى ان شاء الله هتعدى ع خير
سلمى*بصيت لفارس*:انت زعلان منى يافارس
فارس*بصلها وسكت*
سلمى*الدموع ف عنيها*:والله انا ماكنتش اعرف ان انت ف الدولاب وكمان ريهام قالتلى انها هتمسكك وتنزل تقعد معانا وبعدين قالت انك نزلت البيت فقولت هقعد معاهم شوية وهنزلك والله
فارس*الدموع ف عنيه*
سلمى:ماتزعلش منى ونبى بقى
فارس*بحزن*:انا كنت خايف اوى ياسلمى وانتى ماكنتيش معايا وسبتينى
سلمى*بتحرك راسها بالنفى*:مش هعمل ده تانى وهبقى معاك ف كل مكان ,انا مش هسيبك تانى ابدا ابدا
فارس:بجد
سلمى:اة بجد ديما هبقى معاك
فارس:طول العُمـــر
سلمى *بتحرك راسها بنعم*:ايوه
فارس*ابتسم*:خلاث ماشى
سلمى:لما اندهلك تانى هترد عليا
فارس:اة انا اصلا قومت بس عقبال ما فتحت البلكونة انتى دخلتى
سلمى*ابتسمت*:بجد خلاص بعد كدا هبقى اقف شوية كتير
*وفرحت سلمى اوى ان فارس رجع يكلمها تانى وفعلا م اليوم ده قررت ما تسبهوش تانى وع طول تكون معاه وطبعا العيلة كلها تكون ع طول بتتصل وتطمن عليه وكانوا كاميليا ورأفت بيطمنُهم حتى درية كلمت بنتها واطمنت عليه وكانوا طبعا كلهم بيدعوله انه يبقى كويس والموضوع ده ميأثرش عليه ابدا وتعدى ايــــــــــــام ويرجع فؤاد الشغل*
يارا*اول ما تشوفوا تبتسم*:حمد الله ع سلامة
فؤاد*بهدوء*:الله يسلمك
يارا:الرحلة كانت حلوه
فؤاد:انا كل ده ماكنتش ف الرحلة
يارا*بستغراب*:اومال فين؟
فؤاد*بصلها وسكت*
يارا:اعذرنى فضولية مش زيك ,بس يعنى لو مش هيضايقك تقولى
فؤاد*بتنهيدة*:هو موضوع عائلى عموما ابن اختى تعب واضطرينا نرجع القاهرة
يارا:ألف سلامة عليه ’ماله ايه الحصل
فؤاد:يعنى حاجة بسيطة كدا
يارا:وانا الـ فاكرة انك اتغيرت عموما ماشى كويس اوى انك قولتلى المعلومة دى
فؤاد*بصلها وسكت وراح يقعد ع مكتبه*
يارا*بتنهيدة*:عموما انا يومين وهغيب عشان العملية هو ع فكرة حميد والدكاترة كلهم قالولى ان العملية هتكون بسيطة ان شاء الله
فؤاد:ترجعى بالسلامة
يارا:انا ظبطلك كل الورق وياريت بعد اذنك ياريت ، تكلمنى ف اى وقت لو ف حاجة انت محتاجها ، ارجوك كلمنى ياسيدى بلاش حتى تطمن عليا وتسألنى عاملة ايه بس اسألنى ف اى حاجة تخص الشغل ,رقمى معاك ف اى وقت اى وقت كلمنى * وقالت بهزار*:وحتى وانا لو ف العمليات هرد عليك برده
فؤاد*ابتسم ابتسامة صغيرة*:تقومى بالسلامة بأذن الله وع فكرة اكيد كنت هكلمك اطمن عليكى
يارا*بصتله وسكتت شوية*:اشك ف كدا !! بس ماشى انا هصدقك وخصوصا بعد الابتسامة دى!! مش مصدقة بصراحة انك ابتسمت ع حاجة قولتها
فؤاد*بعد ما كان مبتسم اختفيت م وشه*:ممكن اعرف ايه الحصل ف الشغل وانا مش موجود
يارا:اكيد *وقعدت تتكلم معاه ف امور الشغل وبس
*وبعد ساعات العمل يكون رأفت ماشى ويارا وفؤاد خارجين مروحين هما كمان*
يارا:الف سلامة ع ابن حضرتك يا مستر رأفت
رأفت*بص لفؤاد وبعديها ابتسملها*:الله يسلمك
يارا:هو بصراحة ماحكاش التفصيل اصله الكلام عنده بفلوس
فؤاد:وبعدين بقى
يارا:لا انا همشى احسن ,عن اذنكم
رأفت:تحب اوصلك
فؤاد:لا انا حابب اعمل كام مشوار الاول المهم سلملى ع فارس وكاميليا طبعا
رأفت:حاضر يوصل
*وركب رأفت عربيته واول ما وصل كانت القهوه مفتوحة راح وكان مبسوط اوى*
عزيز:يا اهلا وسهلا
رأفت:يـــــاه ياعم عزيز بجد ليك وحشة واليومين الفاتوا انا وزهران كنا مضايقين والله انها مقفولة
عزيز*بستغراب*:ليه هو مش انتوا كنتوا ف رحلة
رأفت:لا الموضوع كبير عايز كوباية شاى بقى واحكيلك
عزيز*طلب م الشغال ف القهوه يعملهم شاى وقعد معاه وطبعا رأفت حكالوا كل الحصل*:ياحبيبى دى صعبة اوى
رأفت*بتنهيدة*:الحمد لله هو بقى احسن شوية يعنى بقى يحاول ينام ف اضاءه بسيطة شوية الدكتور طمنى الحمد لله
عزيز:ان شاء الله هيبقى احسن واحسن بأذن الله
زهران*يقرب منهم*:ايه ده حمد الله ع سلامة ياعم عزيز
عزيز*ابتسم*:الله يسلمك الطاولة مستنياكم
زهران:يـــــــاريت كنت كل يوم انا ورأفت نقول امتى تفتح بقى
عزيز*ابتسم*
*وفضلوا يتكلموا معاه ومبسوطين وفضلوا يلعبوا ويتكلموا سوى وتعدى ايـــام ويكون فؤاد عايز يطمن ع يارا بعد العملية ويتصل عليها بعد تردد*
يارا:الو
فؤاد*سكت*
يارا:فــــؤاد
فؤاد:ازيك
يارا:الحمد لله
فؤاد:بقيتى احسن
يارا*وهى تكون ف المستشفى ومتركبلها محاليل*:اة وهخرج بكرة ان شاء الله
فؤاد:تخرجى بالسلامة ,مكتبك مستنيكى
يارا*ابتسمت*:شكرا يا فؤاد
فؤاد*فضل ساكت*
يارا:هو انت متصل ليه؟
فؤاد:يعنى عشان *وسكت شوية كتير*:اطمن عليكى
يارا:كل ده عشان تقول اطمن عليكى! بصراحة انا شكيت انك هتقولى عشان حاجة ف الشغل وعموما شكرا ع سؤالك
فؤاد:العفو *وفضل ساكت*
يارا:طب حابب تقول حاجة تانية
فؤاد:لا لا مفيش ,انا هقفل سلام
يارا*بتنهيدة*:ماشى سلام *وقفلت معاه وفضلت باصه ع موبايلها وشوية ولقيته بيرن تانى ردت بستغراب*
فؤاد*كان بيتكلم بسرعة*:بصى بقى انا مش حابب تتعلقى بيا لان انا مش هينفع انى احب اى واحدة خالص انا ناهى الموضوع ده م جوايا ودى حاجة مفهاش راجعة ويمكن عشان كدا كنت بتعامل معاكى بالطريقة الـ مش عجباكى دى عموما لو حابه نبقى مجرد اخوات وزملاء عمل تمام ماحبش ان الموضوع يوصل لآكتر م كدا لآنه مينفعش يوصل لآكتر م كدا مش هقبل بـ ده ابدا
يارا*سكتت شوية*:خلصت
فؤاد:اة
يارا*بهدوء*:الله يسلمك يافؤاد انا هبقى كويسة وقريب هرجع الشغل ،زميلة العمل والاخت هتشوفك قريب ف الشغل
فؤاد:ترجعى بالسلامة
يارا:الله يسلمك ,سلام
فؤاد:سلام
*وقفل معاها وكان حاسس انه مرتاح اوى انه قال الـ ف قلبه وارتاح م الكان شايله كان مش حابب انها تحبه او تقرب منه ع امل ان ممكن يحصل حاجة وهو مش هيحصل حاجة ماكنش عارف ليه قال كدا رغم ان هو ماكنش واثق انها بتحبه بس كان عايز يقفل الصفحة دى نهائى عشان لو ف امل ولو واحد ف المية تتقفل ,يارا بقى كانت فعلا مستغربة احساسها ماكنتش تقدر تقول انها بتحبه بس هو مجرد شخصية استفزتها هى ماتنكرش انها كانت ساعات بتفكر فيه بس مش لدرجة حب هى كانت كل العايزاه تتعامل معاملة كويسة خصوصا ان طبيعتها اجتماعية وبتحب الهزار والكلام مع الناس ف مكنتش حاسة انها تبقى متكتفة ف المعاملة معاه مش اكتر*
*وف الوقت ده تكون هدى قاعدة تتكلم مع زهران عشان عيد ميلاد بنتهم قرب 23/9 *
هدى:تفتكر نعملوا فين ف النادى ولا كافيه احسن
زهران:عادى اى مكان هى تختاره
هدى:هى لو عليها هتبقى عايزاه ف البيت
زهران:طب وايه المشكلة
هدى:عشان الناس اكيد ماشاء الله هيبقوا كتير ،زمايلها ف المدرسة وممكن اهليهم غير طبعا اكيد كاميليا ورأفت يعنى كل ده اكيد مش قليل
زهران:ما احنا كنا ف رمضان وبنتجمع كُلنا عموما لو هى حابة يبقى هنا يبقى خليه هنا
هدى*بتنهيدة*:ماشى ياسيدى انت وبنتك طب والحلويات بقى
زهران:زى كل سنة بس طبعا هنزود الكمية كل مرة كنا بنحتفل احنا بس او حتى احنا ومامتك دلوقتى عيلتنا كبرت
هدى*بفرحة*:يارب نفضل نكبر ونزيد ع طول وماننقصش حقيقى الجيرة بتاعتهم حلوه اوى
زهران:ربنا مايحرمناش م بعض
هدى:يــــــــــــــارب
*وف الوقت ده تكون كاميليا قاعدة مع رأفت*
كاميليا:كنت قاعدة ادردش مع هدى النهاردة وقالتلى ان عيد ميلاد سلمى قرب
رأفت*ابتسم*:كل سنة وهى طيبة
كاميليا:بفكر اعملها كام صنف حلويات كدا بأيدى
رأفت:ما اكيد هيجيبوا
كاميليا:اكيد مش زى حلوياتى
رأفت:اكيد طبعا طب هنجبلها هدية ايه
كاميليا:ما هو ده الــ انا عمالة افكر فيه *وبصيت ع اوضة فارس*:رغم ان احنا جبنلها الهدية م بدرى اوى
رأفت*بستغراب*:ايه دى اللى جبنهلها
كاميليا:لا ماتخدش ف بالك اكيد هنلاقى يعنى هدايا كتير هو ف اكتر م الهدايا
*ويفضلوا يتكلموا وتعدى فتــــــــــــــرة وييجى يوم عيد ميلادها وتكون العيلتين متجمعين ف بيت زهران وطبعا قاسم وتسنيم موجوديين*
تسنيم:كل سنة وانتى طيبة ياسلمى
سلمى:وانتى طيبة ياتسنيم انا مبسوطة اوى انك جيتى
تسنيم:اكيد كنت لازم اجى ده انتى صاحبتى
قاسم:كل سنة وانتى طيبة ياسلمى
سلمى:وانت طيب ياقاسم
قاسم:ع فكرة انا وتسنيم اشتركنا ف الهدية سوى عشان انتى عارفة طبعا مخلصة فلوسها ع الحاجات الحلوه
تسنيم*بطلع لسانها*:ع فكرة انا دفعة اكتر
قاسم:نصابة اوى
*الوقت الهما بيتكلموا فيه يكون فارس بصصلها نظرة حب وهى تبصله*
فارس*لسه هيتكلم*
هدى:سلمى ، تعالى سالمى ع نينا*ومسكت ايديها*:بعد اذنكم ياولاد هاخد سلمى ثانية واحدة
*وخدتها وراحت تسلم عليها*
درية:كل سنة وانتى طيبة ياحبيبة نينا ويارب اشوفك كدا عروسة جمب عريسك
سلمى*بكسوف وتبص لفارس وتبتسم*
درية:بس ياترى هبقى عايشة
هدى:ماما بلاش الكلام ده وربنا يطولنا ف عمرك وتشوفى عيال عيالها كمان
درية*بتنهيدة*:يـــــــــارب *وشوية وفهيم يقرب ناحيتهم*
فهيم:كل سنة وانتى طيبة ياجميلة
سلمى:وانت طيب ياجده
فهيم:اتفضلى البسكويت ال بجبهولك انتى وفارس
سلمى:شكرا هروح اكله معاه بقى *ومشيت سلمى*
هدى:انا مبسوطة ان حضرتك جيت ونورتنا والله
فهيم:كنت لازم اجى احنا يعتبر بقينا عيلة واحدة *وبص لدرية*:ولا ايه!
درية*بصتله وقالت*:طبعا طبعا
فهيم:طيب عن اذنكم هروح لزهران
هدى:الحمد لله عدت ع خير
درية:ليه انتى شيفانا مجانين هنمسك ف بعض عمال ع بطال ولا ايه
هدى*بصيت لمامتها*:لا خالص ياماما
كاميليا:انا حطيت الحلويات العملتها ف المطبخ هتدوقى بقى وتشوفى انا ولا الـ برة
هدى*ابتسمت*:تسلم ايديكى والله تعبتى نفسك واكيد انتى بدون منازع
سلمى*تقرب م اصحابها وتقف معاهم*
فارس*لما يشوف البسكويت ف ايديها*:ايه ده جده فهيم جه
سلمى:اة وادانى ده *وقربت منه*
فارس*خد واحدة*
تسنيم:عايزة ادوق انا كمان
سلمى*قربته منها*:اكيد طبعا
قاسم:وانا بقى يعنى جت عليا
سلمى:أحنا هناكله كلنا سوى
*وفضلوا ياكله ويلعبوا مع بعض وشوية وعزيز جه وقرب م زهران*
عزيز:عقبال ما تشوفها عروسة
زهران:تسلم ياعم عزيز والله ربنا يخليك يا راجل ياطيب
رأفت:هو احنا هناكل امتى عايز احلى بقى
زهران:لما حماك وحماتك ييجوا مستنينهم
*واول ما قال كدا*
رأفت:اهم جم
كاميليا*قربت م مامتها وباباها*:فؤاد فين
ابراهيم:طالع ورانا
هدى*قربت منهم*:حقيقى مبسوطة انكم نورتونا
امينة:كله يهون عشان الامورة والله رغم النأح ف رجلى مقولكيش
هدى:معلش ياطنط تعبناكى
امينة*ابتسمت*:ولا تعب ولا حاجة والله
درية:نورتى يا امينة تعالى ادخلى اقعدى
امينة:اة ونبى قعدينى بسرعة
ابراهيم*راح يسلم ع الرجالة*:متجمعين ديما ف الفرح
زهران:يـــــــــارب
فؤاد*كالعادة كان عمال يقلب ف الموبايل لحد ما وصل*
كاميليا:واخرتها ايه ياموبايلات
فؤاد*ابتسم وسلم عليها*:وحشانى
كاميليا:وانت كمان ياريت بقى كفاية موبايلات واقعد معانا شوية
فؤاد*وهو بيحطه ف جيبه*:حاضر
*ودخل وقعد معاهم وطبعا شوية واتجمعوا كلهم حوالين توورتة وفضلوا يغنولها وكانت سلمى كل شوية تبص لفارس الكان واقف جمبها ومبسوطة اوى وبعديها قاعدوا كلهم يكلوا ويهزروا وفارس خد سلمى البلكونة عشان يديها هديته....وللحكاية بقية
هنعرف الحصل الحلقة الجاية
تأليف:فــاطــمــة هــشــام