أعيش حياتى - الحلقة الخامسة عشر
جاري التحميل...
الحلقة الخامسة عشر
.........
*ويتجمعوا ف بيت زهران عشان قرر ان العزومة المرة دى عنده هو ويكونوا قاعديين مستنيين عزيز وشوية والباب يخبط*
زهران*ابتسم*:اتفضل ياعم عزيز
عزيز*وهو بيديله طبق الحلويات*:معلش اتأخرت الدنيا النهاردة كانت زحمة ف المحلات
زهران:تعبت نفسك والله احنا مش بينا الكلام ده
عزيز*ابتسم*:انا عارف يارب يبقى ديما يكون بيتكوا فيه الفرح والسعادة
زهران:تسلم ياعم عزيز
عزيز*دخل وبدأ يسلم عليهم*:والله ليكوا وحشة يا رجالة
رأفت:انا عارف اننا مش بنقعد ع القهوه زى الاول بس يدوب الواحد بيصلى التراويح ويطلع يقعد مع عيلته شوية ويتسحر وينام
زهران:وانا كمان ضغط الشغل مع الصيام صعب جدا
فهيم:ربنا يقويكوا
عزيز:ربنا يوفقكوا يارب
سلمى: بابا هو المغرب فضلوا قد ايه ؟
زهران: خلاص ياحبيبتى نص ساعة
فارس :دول كتير دول
زهران*وهو بيشاور بأيده*:لا دول شوية صغيرين خالص
فارس: هنحاول نستحملهم بقى
سلمى: تعالا نعد م ١ل١٠٠ وهو يدن ماما ديما معودانى ع كدا لو عايزة حاجة تحصل اعدهم
فارس:ماشى بس واحنا واقفين ف البلكونة عشان نسمع صوت المدفع
سلمى*ابتسمت*:ماشى *وجريوا ع البلكونة وفضلوا يعدوا فيهم وكل ما يتلغبطوا ف الارقام يجروا ع ابهاتهم يقوللهم الرقم ويكملوا تانى وشوية والمغرب يدن ويكونوا بيحطه الاكل و والجرس رن هدى فتحت الباب*
هدى*بفرحة*:مــــــامـــــــــا
درية:معلش اتأخرت المواصلات زحمة جدا وانا بصراحة ع اخر لحظة ماكنتش هاجى بس حفيدتى وحشتنى وقولت اجى اشوفها
هدى:ايه ياماما كل ده تعالى طبعا ادخلى م غير حاجة انا اصلا كنت لسه بدعى ع الاذان انك تيجى
درية *دخلت وكانوا بيحطوا الاكل *
فهيم *بص واستغرب*
زهران* طبعا اتصدم*
*والباقى حاول يستقبلها بأبتسامة*
كاميليا: اتأخرتى اوى ياطنط
درية :المواصلات بقى
هدى :طب اقعدى ياماما يلا
*وكان زهران جمبه هدى وبنته ورأفت وجمبه مراته وابنه وعزيز جمبه وفهيم وماكنش فيه كرسى غير جمبه اضطرت تقعد وحاولت تتجنبه وماتبصلوش وفطروا وبعد ما خلصوا كانوا بيشيلوا الاكل وقعدوا كلهم بعد الفطار مع بعض وشوية وقامت هدى تجيب م المانجا *
سلمى:الله انا بحبها اوى
فارس: وانا كمان
هدى:اتفضلى باماما دى م مزرعة بتاعت عمو فهيم
درية *كانت هتاخد واحدة وبعدين سابتها*:لا بلاش عشان الاملاح
هدى: واحدة مش هتأثر
درية:لا مش عايزة وكمان شكلها مش عاطفى وهتتعبنى
فهيم *بضيق*:طيب ابقوا فكرونى اجيب قفصين كمان المرة الجاية ان شاء الله
درية*رفعت حاجبها*: قصدك ايه ؟عايزنى اتعب واموت
فهيم:انا كلمتك ياست انتى, انا عشان خاطر العيال بتحبها
درية *بغضب*:ومش مهم انا بقى واملاحى
فهيم:ياستى انا جيت جمب املاحك هو انتى بتتبلى عليا وخلاص
درية: ايه بتبلى عليك دى وكمان مش ده كلامك!!
فهيم*بضيق*:اديكى قولتى كلامى وانا حر اقول الكلام اللى يعجبنى
درية: لا مش حر بقى
رأفت*بيقرب ناحيته*:يابابا اهدا
زهران*بيبصلها*:ياطنط اهدى شوية
درية: اهدا ليه شايفنى بشد ف شعرى مجنونة ولا مجنونة يعنى
هدى:مش قاصده ولا عمو قاصده
عزيز:والله ياجماعة ده سوء تفاهم
فهيم*بيحط رجل ع رجل ومش بصصلها*:هنفضل كل شوية نقول سوء تفاهم بقااا وياترى مين السبب
درية: انت!!
فهيم*بصلها*:لا انتى
درية*بعيند*:لا انت
فهيم*اعند*:لا انتى
*ووقت ماهما بيقولوا كدا سلمى وفارس يقعدوا يبصوا لكل ناحية شوية*
كاميليا: ياجماعة ياجماعة اهدوا كدا احنا ف ايام مفترجة والله مش عارفة اقول ايه ماهو اكيد مش شيطان دخل بينكم عشان هو متسلسل دلوقتى
فهيم: ده مش شيطان ده شيطانة
درية*وهى بتشاور عليه*:شوفوا , شوفوا بيقول ايه عليا
رأفت: ياطنط مايقصدكيش
عزيز*قام وقف*:انا بقول ايه ياجماعة تعالوا نكمل تحت ع القهوه
فهيم: ياريت اصل الجو هنا *وهو بيقلدها *:مــــــش عــــــاطفى
درية:يلا احسن
فهيم* كان لسه هيرجعلها*
رافت *مسكوا من دراعه وبيحركوا لقدام *:يلا معلش يابابا
فهيم* بصوت مش مسموع*:ست بسبع تلسن
درية: سمعتك ع فكرة
فهيم *وهو بيبصلها *:عايز اسمعك ع فكرة
رأفت* بيزقوا براحة*:يلا يابابا بقى يلا
فهيم*وقف بصله*:ماتزقنيش هقع هقع
رأفت*بعد ايده عنه*:انا اسف يلا ، بعد اذنك
*وخدوا بعضهم ونزلوا واول ما قعد ع الكرسى*
فهيم: ياسااااتر عليهااا ست
زهران* ابتسم*
رأفت:انت فرحان ليه ياعم
زهران: لاقيت حد يحس احساسى
رأفت* بيوطى ويقرب منه *:انا مش عارف اخرتها ايه
زهران*بتنهيدة:ولا انا والله
عزيز:اهدا يافهيم هجبلك كوباية عناب يروق اعصاابك
فهيم: ده انا عايز خمسين كوباية عناب دى فورتلى دمى
*وفضلوا يتكلموا معاه ويحاولوا يهدوه وفوق هدى وكاميليا قاعدين معاها*
هدى: ف ايه بس ياماما
درية: وانا مالى انا عملت حاجة
كاميليا: لا خالص ياطنط
درية* بترفع حاحبها*: بتتريقى!! اة ما حماكى بقى لازما تتدافعى عنه
كاميليا: لا لا والله هو فعلا مفيش حاجة حصلت مش قصدى حاجة*ولسه هتكلم ماماتها اتصلت وردت عليها وفتحت الاسبيكر*:ماما انتى ع الاسبيكر معايا طنط وهدى
امينة:وسلمى وفارس فين
كاميليا:بيلعبوا ف البلكونة
امينة*ابتسمت*:طب عاملين ايه وحشتونى
هدى:وانتى كمان ياطنط والله
درية :ما جتيش ليه
امينة: لا يااختاااى ماقدرش انزل كدا كل شوية رُكبى ماتستحملشى
هدى: والله كنتى هتنورينا بس ع فكرة ان شاء الله هنعزمكوا قريب
امينة :ان شاء للله ياحبيبتى والبيت منور بالى فيه
فارس*قرب منهم*:تيتا ، تيتا
امينة: حبيب تيتا ازيك
فارس: كان ف معركة هنا
امينة*بستغراب*:معركة ايه ياحبيبى
كاميليا:لا ياماما *وبرقتله*: متاخديش ف بالك
امينة: ايه الحصل فهمونى
*طبعا اضطروا يحكولها وبعديها فضلت تضحك*
درية:انتى بتضحكى!!
امينة: الصراحة مستغربة كل ما تتقابله تشدوا ف الكلام كدا ولا الواخدين ورث بعض
هدى:والله ياطنط مش فاهمة ف ايه
امينة: معلش شخصيتهم لسه هتتركب ع بعض هما لما يعرفوا بعض اكتر هيفهموا بعض
درية:ولا اعرفوا ولايعرفنى اخر نوبة اشوفوا فيها
امينة:ماعتقدش هتشوفيه كتير ولو مش عشان كاميليا وهدى فــ فيه فارس وسلمى
درية *سمعت كلامها وسكتت*
*وفضلوا يتكلموا معاها وبعديها قفلت وفضلت تحكى لجوزها الحصل وكانوا مستغربين جداا ويعدى اليوم ع الجميع وتصر درية انها تروح وفهيم كمان وفعلا كل واحد يروح بيته وهو نيته مايشوفش التانى بس ماكنوش عارفين ازاى ده هيحصل وتانى يوم يروح فؤاد الشركة واول ومايدخل يلاقى يارا بتفاجئ بس يحاول مايبينش اهتمام ويقعد ع المكتب وبعد ساعة*
فؤاد:حمدالله عسلامة
يارا :ياااااه لسه فاكر كنت ممكن تقولها وانت داخل عادى
فؤاد:المهم انى قولتها
يارا*ابتسمت بسخرية*:ع رأيك عموما الله يسلمك يعنى كانت فترة صعبة شوية بس عدت الحمد لله بفضل الله
فؤاد *سكت وكمل شغل*
يارا *بستغراب*:ده انت غريب اوى معقولة معندكش فضول حتى تعرف الحصل
فؤاد: اظن ده شئ يخصك وانا مبحبش ادخل ف خصوصيات حد
يارا*بتنهيدة*:اللهم طولك ياروح ,ماشى
*وقعدت تكمل شغلها وهى مستغربة شخصيته دى اوووى وتعدى ايــاام ويكون اخر يوم رمضان ويكون كاميليا وهدى كانوا حابين يعملوا الكحك بنفسهم وقاعديين يعملوه سوى*
كاميليا: يابنتى لا ،اسمعى كلامى بتحطى ريحة الكحك الاول
هدى: لا انا عند دى مش هقدر اتكلم انتى شيف الحلويات كلها
سلمى: انا بحب حلوياتك اوى ياطنط
كاميليا*ابتسمت*:عشان انتى حلوه ياروح طنط
فارس: انا كمان بحب الحلويات بتاعتك اوى ياماما
كاميليا: عشان انت احلى ولد ف الدنيا ياحبيب امك
*وفضلوا يعملوا ف الكحك وشوية وطلعوا زهران ورأفت*
زهران: خدوا ياولاد العيدية اهيه
رأفت: واناكمان هديهالكوا دلوقتى
*سلمى وفارس خده منهم الفلوس وفرحوا اوى*
هدى وكاميليا:واحنــــــا كمـــــــــان
زهران*طلع فلوس لمراته*
ورأفت*طلع فلوس لمراته*
فارس*بص ع الفلوس المعاه وطلع منهم مبلغ*:خدى ياسلمى دى عديتك
سلمى*ابتسمت*:بس دى فلوسك انت
فارس: ايوه بس انا راجل زيهم ولازم اديكى عديتك
سلمى *ابتسمت وخدتهم منه*:انا عمرى ف حياتى ماهصرفهم
رأفت:طب خد بقى عشان انت ادتلها م عيديتك خد بزيادة معاك انبسط بقى ياعم وعيش حياتك
فارس*ابتسم وفعلا خد الفلوس وتانى يوم بعد الصلاه فضل يشترى الحاجات العايزها وسلمى كمان وكانوا فرحانين بالعيد اووى واجواءه بس طبعا بعديها بكام شهر تيجى امتحانات اخر السنة وبعد ماخلصوا اخر امتحان*
قاسم:هييييه اجاااازة
تسنيم: انا كمان مبسوطة اوى
سلمى: بس انا المدرسة هتوحشنى دى الاجازة كتيرة اوى
فارس: انا مش فارق معايا عشان هشوفك كدا كدا
قاسم :ايوه خليها كتيرة يارب نبقى ع طول اجازة
تسنيم: لا انا مش عايزة ع طول شوية كدا و شوية كدا عشان الزهق
قاسم: ف حد يزهق م اللعب اظن لا
عمار*قرب منهم وقال بضيق*كل اجازة وانتوا طيبين
رامز *بغيظ*:هنشوفكوا تانى *وعاملوا لهم باى ومشيوا*
تقى *قربت ناحيتهم*:هو انتوا هتعملوا ايه ف الاجازة
سلمى* اضايقت وودت وشها الناحية التانية*
قاسم :بنروح النادى
تقى :بجد خلاص هخلى ماما تشترك ف النادى زيكم
سلمى:اوووف
بسمة *جت قرب منهم وبصيتلها*:انتى روحتى فين ياتقى
تقى :بكلم اصحابنا
سلمى: احنا مش اصحاب حد وكمان لاقيتى صاحبة خلاص
تقى: اة بسمة صاحبتى وكنت عايزة كلنا نبقى اصحاب
قاسم*بحماس*:ماشى ماشى
تسنيم* بتقرصه م دراعه*:اسكت انت
تقى *بصيت لفارس*:مش بتكلم ليه
فارس* بص لسلمى*:احنا زمايل ف المدرسة وبس
تقى* بحزن *:ماشى يلا يابسمة نمشى
سلمى: ياباااى
فارس* بصلها وبعديها بص لاصحابه*:هنعمل ايه النهاردة
تسنيم :انا هنام
قاسم: وانا هلعب كورة
سلمى: وانا هلعب بالعروسة الجبتهالى واكيد هنلعب سوى
فارس*ابتسملها وسكت*
*وفضلوا يتكلموا وف الوقت ده يكون فؤاد ف الشغل ويارا ماسكة ورق ومصدومة ومتعصبة لانه ملغبط فيه ....وللحكاية بقية.
هنعرف الحصل الحلقة الجاية
تأليف:فــاطــمــة هــشــــام