المقبرة الملعونة (الفصل الرابع)
جاري التحميل...
بدون عنوان
.........
الفصل الرابع: "اللي تحت المقبرة" الضلمة بلعت كل حاجة. لا صوت… لا هوا… حتى دقات القلب بقت مكتومة. سما كانت واقفة مكانها… مش قادرة تتحرك… عينيها على التابوت… وعلى الحاجة اللي بتطلع منه. "مين… صحّاني؟" الصوت كان تقيل… قديم… كأنه طالع من تحت الأرض من مئات السنين. ياسين همس: "إحنا لازم نمشي… حالًا…" لكن رجله… ما اتحركتش. كأن الأرض ماسكاه. ريتاج كانت أقرب واحد للتابوت. خطوة… ورا خطوة… قربت منه. سما صرخت: "ريتاااج!! ارجعي!!" لكن ريتاج ما سمعتش. رفعت إيدها… ولمست طرف التابوت. وفجأة— صرخت. صرخة مش طبيعية… وقعت على الأرض وهي بتتشنج. سما جريت عليها: ريتاااج!! حبيبتي فوقي!!" لكن عيون ريتاج اتفتحت… وكانت سودة تمامًا. … وبصوت مش صوتها قالت: "شافته…" سما اتجمدت: "مين؟!" "اللي جوه…" … ريتاج بدأت تتكلم بسرعة… كأنها بتشوف حاجة: "زمان… قبل المقبرة… المكان ده ما كانش أرض عادية…" الصورة بدأت تتغير. مش بعينهم… لكن جوا دماغهم. كأنهم بيتسحبوا لحاجة تانية… حاجة قديمة. الرؤية نار. صراخ. ناس بتجري. وفي نص المكان… راجل واقف. لابس أسود… وشه مش باين… بس حواليه… ناس مرمية على الأرض. ميتة. وصوت بيتقال: "كل روح… ليها تمن…" ريتاج بتهمس: "هو اللي بدأ…" رؤية تانية ناس بتدفن جثث… مش عادي. مع كل جثة… بيحطوا حاجة معاها. ورق… طلاسم… دم… … وصوت تاني: "اقفلوا عليه… تحتهم كلهم…" آخر رؤية التابوت. نفس التابوت. وهو بيتحط في الأرض… والراجل اللي لابس أسود… بيضحك. وقال: "حتى لو موت… هرجع." الصور اختفت فجأة. ريـتاج شهقت… ورجعت لطبيعتها لحظة… وبعدين بصّت لسما: "هو مش ميت." … الهواء رجع يتحرك… لكن ببرودة مرعبة. ياسين قال: "إحنا لازم نبلغ الشرطة… ده مش طبيعي!" سما بصّت له: "تفتكر الشرطة هتعمل إيه؟!" … فجأة— صوت خبط طلع من التابوت. مرة واحدة. سما اتجمدت. خبط تاني. أقوى. ريتاج همست: "بيفوق…" … السلاسل اللي كانت على التابوت… اتكسرت كلها. واحدة ورا التانية. لحد ما— وقفت. سكون. ثواني عدت… وبعدين— غطا التابوت اتحرك… سنة صغيرة… وبعدين وقف. كأن اللي جواه… مستني. … سما قالت وهي بترتعش: "مستني إيه؟!" ريتاج بصّت لها… وقالت: "مستني… حد يفتحه." سما بصّت للتابوت… وبعدين لريتاج… وبعدين لياسين. والخوف كان في عينيهم كلهم. لكن السؤال الحقيقي كان: لو ما فتحوش… هيفضل كده؟ ولا… هيطلع لوحده؟ سؤال الفصل: لو كنت مكانهم… هتفتح التابوت بإيدك وتواجه الحقيقة؟ ولا تسيبه مقفول مهما حصل… حتى لو ده معناه كارثة أكبر؟ 😨
