لو رجع بيا الزمان (الجزء العاشر)
جاري التحميل...
الجزء العاشر
.........
*ويعيشوا احلى مشاعر وحب وتعدى فترة وف يوم يكونوا متجمعين ف المسرح ودكتور يقولهم ف حد مهم هييجى ويختار حد ويعملوا البوم والشباب اتحمسوا اوى وطبعا م ضمنيهم هالة وشوية والدكتور قرب منها*
د.حبيب: هالة انا وصيت عليكى ورشحتك لى بقوه بس هو برده هييجى ويختار بنفسه
هالة*بفرحة*: شكرا جدا يا دكتور وان شاء الله هبقى عند حسن ظنك بأذن الله
د.حبيب: ان شاء الله مستنيكى تشرفينى عشان ف يوم م الايام اقول النجمة دى كانت طالبة عندى
هالة*بثقة*:ان شاء الله ده هيحصل يا دكتور *وفضلوا يتكلموا وشوية ومشيت كان سليمان واقف برة وحكتله*:انا حقيقي مبسوطة
سليمان*ابتسم*:ربنا يسعدك ياحبيبتى ويوفقك
هالة:يوفقنا احنا هنعمل البوم سوى وبرده وان شاء الله هننجح سوى عشان لما نتجوز نبقى مرتاحين نفسيا وماديا وكل حاجة
سليمان: انا مش عارف ليه اصرارك ان هيحصل حاجة لما نتجوز ما يمكن حتى لو اتجوزنا دلوقتى ننجح ونبقى مبسوطين ف جوازنا
هالة *بتوتر*: لا مش هينفع دلوقتى لا مش هسيب دراستى
سليمان:مين قالك انك هتسبيها يعنى!!
هالة :اة هنتجوز وهحمل وهتعب ف حملى ومش هقدر اكمل واكيد هختار ابنى اوبنتنا وانت، بس ده كله هيكون ع حسابى انا وحساب دراستى وحلمى *واول ما قالت كدا الدموع كانت ف عنيها*
سليمان :طب اهدى ياحبيبتى خلاص انا هعمل كل الـ انتى عيزاه اوعدك
هالة* اول ما سمعت كدا ارتاحت اوى وقررت متفكرش ف اى حاجة وحشة تانى وشوية وتلاقى نادر قرب منهم*
نادر*بص لسليمان بأرف*:ازيك ياهالة
هالة:الحمدلله بخير ،ازيك انت يانادر عامل ايه
نادر:الحمداله
سليمان*بصله*:ازيك
نادر:انت تعرفنى عشان تسأل عن اخبارى
سليمان:ياسيدى نتعرف وعموما حقك عليا م العاملته المرة الفاتت اصلى كنت مضايق شوية ف موضوع كدا شغلنى *وبص لهالة وابتسم*
نادر:عموما حصل خير
هالة :انت بتدور ع ولاء ولا ايه
نادر:اة حصل حوار كدا وجيت اخدها عشان نمشى
هالة*بستغراب ولسه هتسأل*
ولاء*قربت منهم*:مش تقول انك وصلت
نادر:كنت لسه هكلمك والله عموما هروح اشترى حاجة م المكتبة هخلص وارن عليكى
ولاء: ماشى بس متتأخرش
هالة*بقلق*:هو ف حاجة ولا ايه طنط كويسة
ولاء: اة الحمدلله بس *وقالت بحزن*:ف مشكلة حصلت مع واحدة قريبتى و انفصلت عن جوزها وجت تقعد عندنا يومين عشان ف حوارات وكدا
هالة:ربنا يعوضها خير
ولاء:يارب تخيلى بعد سنين حب ومشاكل كتير وتحديات مروا بيها سوى واخيرا اتجوزوا وكانت قصة الحب كبيرة جداا وبعديها اتطلقوا حسوا انهم مش متفاهمين ،مش مصدقة بجد اخر ناس كنت اتصور ده يحصل معاهم بجد
هالة*كانت وهى بتحكى كانت باصة ع سليمان وكانت حاسة ان قلبها مقبوض اوى*
ولاء: يلا هنقول ايه بقى كويس انها محملتش كان ياعينى العيال هى الهتتظلم مابينهم
سليمان:طب ما ممكن يرجعوا لبعض مادام كانوا بيحبوا بعض اوى كدا
ولاء:مظنش لان الموضوع وصل للمحاكم *واول ما قالت كدا موبايلها رن وكان نادر وكنسلت عليه*:انا همشى بقى *وبصيت لهالة*:لولو معلش هتروحى لوحدك النهاردة
سليمان*ابتسم ومسك ايديها*:متقلقيش مش هتبقى لوحدها انا هبقى معاها
ولاء*بهزار*:ما انت ع طول معاها هو اخنا بقينا نعرف نقعد سوى
سليمان*بيخمس ف وشها*:احسدينا بقى ،ده انا مصدقت حتى ياشيخة
ولاء*ابتسمت*:ربنا يسعدكم ،يلا هبقى اكلمك سلام
هالة:سلام
*وفضلوا قاعديين مع بعض شوية وبعديها يمشوا وتروح البيت وتشوف مامتها قاعدة بتتفرج ع التى فى *
نيفين: تعالى ياهالة اتفرجى معايا
هالة:ازيك ياماما عاملة ايه
نيفين:الحمدلله ياحبيبتى تعالى بقى اتفرجى معايا ع الفيلم المفضل بتاعى ال بحبه شوفى مهما ييجى مبزهقش منه ابدا والاغنية ال بحبها هتيجى اهيه *هى ماكنتش بصيت ع التى فى واول مامتها قالت كدا لقيته فيلم حكايتى مع الزمان* وبدأت الاغنية ،كان ده كان اسمه حبيبى* هالة اول ما سمعتها خافت اوى خصوصا انها كانت حاسة انها سمعها بصوتها وجه ف خيالها لما كانوا بيتخنقوا ووقع الاكل ع الارض ولقت نفسها دموعها نازلة ع خدها وخايفة اوى*
نيفين *وطيت الصوت وبصتلها*:مالك ياحبيبتى ف ايه
هالة*بتمسح دموعها*:مفيش انا بس اتأثرت بالاغنية شوية
نيفين*ابتسمت*:اة حسك مرهف فنانة بقى عموما انا كمان بحبها وبقعد ساعات كتير اعيط واضايق اوى لما اسمعها فاكرة لما كنت باجى اسمعها وانتى صغيرة كنتى تفضلى تمسكى الريموت ع انه المايك وتغنيها انتى م كتر ما اتفرجت عليه كنتى بتحبى الاغنية اوى ومعلقة معاكى جداا
هالة*فهمت ان ممكن فعلا م حبها ف الاغنية كانت بتغنيها ف خيالها ومتأثرة بيها اوى بسبب مامتها واول ما قالوا كدا دخل صدقى وكان باين عليه تعبان*
هالة* بخضة :مالك يابابا ف ايه!
صدقى*ماسك الجزء العند قلبه وبيتكلم بهدوء*: تعبان شوية
نيفين*بقلق ولوم*:كان باين عليك الصبح و قولتلك ريح النهاردة بلاش تنزل وانت صممت واكيد نسيت تاخد العلاج كالعادة طبعا
هالة*جريت بسرعة جابتهولوا واديته كوباية ماية*: خد يابابا العلاج عشان خاطرى خلى بالك ع صحتك انا عيزاك جمبى ونبى يابابا متقلقنيش عليك
صدقى*خد العلاج وبعديها طبطب ع ايديها*:انا ع طول هبقى جمبك سواء عايش او
هالة*بخوف بتحرك راسها بالنفى*:لا يابابا متقولش كدا ونبى انت هتبقى كويس وهتشوف عيال عيالى كمان صح يابابا صح
صدقى*ابتسم*:صح ياحبيبتى
*وشوية ويلاقوا هشام داخل م الباب كان وقتها صدقى قاعد ع كرسى وهالة قاعدة قصاده بركبتها ع الارض ونيفين واقفة*
هشام:ف ايه انتوا بتتكتروا ع الراجل الغلبان عشان هو لوحده لا ده معاه راجل تانى وهيدافع عنه ماتخفش ياحج انا ف ضهرك
نيفين:بطل هزار ابوك تعبان
هشام*بقلق*:مالك يابابا ف ايه
صدقى:ياحبيبى مفيش حاجة انا كويس ما انت عارف امك واختك وقالقهم الزيادة انا والله الحمدلله بقيت زى الفل
هشام:ما كويس اهوه ،اومال بتخضونا ليه ياخونا
*كلهم ابتسموا ع كلام هشام وقاعدوا يتكلموا مع بعض ويعدى اليوم وتكون هالة حاسة بخوف م الجى اوى بس بتدعى م قلبها ان كل حاجة تبقى بخير واحسن وف يوم تصحى م النوم وتيجى تمسك الموبايل تلاقى نفسها ماسكة ف علبة صغيرة تستغرب وتاخدها وتفتحها وتكون ساعة وجواها اسمها وكان ف كارت مكتوب عليه كل سنة وانتى طيبة حبيبة بابا*
هالة*تبتسم وتاخدها تلبسها وتخرج تكون مامتها بتحط الفطار*
نيفين:كل سنة وانتى طيبة ياحبيبتى
هاالة:تصدقى مخدتش باللى انه النهاردة
نيفين:شكلك مضغوطة الفترة دى
هالة:يعنى شوية ،عموما وانتى طيبة ياماما
نيفين:انا هديتى كيتشن ماشين جهاز لجوازك عشان نفسى اشوفك عروسة ان شاء الله
هالة*ابتسمت*:ان شاء الله ياماما
نيفين:يعنى ف حد
هالة*بتوتر*:ايه ياماما ال بتقوليه ده
نيفين:بطمن عليكى بس
هالة:لو فيه هييجى يتقدم اكيد
نيفين:ياريت عشان انا وابوكى عايزين نفرح بيكى
هالة*سكتت شوية*:بس انا مش عايزة دلوقتى
نيفين:ليه
هالة:لانى عايزة احقق ال نفسى فيه الاول مش عايزة حاجة تعطلنى
نيفين:ومين قالك انك هتتعطلى ممكن تحققى الاتنين مع بعض
هالة*بصيت لماماتها واستغربت ان نفس كلام ولاء ماكنتش عارفة ليه ديما بيقولوا كدا رغم ان هى ف حلمها معرفتش تحقق الاتنين ازاى ف الواقع هتقدر تحققوا وفضلت تفكر ف كدا وشوية ولقيت هشام جى*
هشام:طبعا مستنية الهدية بتاعتى خدى ياستى وكرمشلها٢٠٠ج هاتى بيهم كل ال نفسك فيه
هالة*ابتسمت ع ال اخوها عاملوا*:يااااه ده اجيب بيهم ايه ولا ايه ولا ايه دول
هشام:شوفى انتى بقى
هالة:يا ابنى ده مايجبوش كيس شيبسى
هشام:بطلى نصب يجيبوا شيبسى وبيبسى كمان وممكن بلباقى لبان
هالة*ضحكت*:ماشى ياسيدى عموما شكرا
نيفين:ياواد مش تجيب حاجة لاختك
هشام:ما انتى عارفة ما بفهمش ف حاجات البنات دى وكمان *وقال بتضخم*: ده انا مديها ٢٠٠ج ده مبلغ ده لعلمك
هالة*ابتسمت*:طبعا طبعا ،اومال بابا فين
نيفين:نزل راح الشغل الفترة دى بيحتاجوا بدرى شوية
*وفضلوا يتكلموا مع بعض وشوية وراحت الكلية واتصلت ع سليمان*
سليمان:معلش ياحبيبتى انا مع د.حبيب عايزنى ف موضوع
هالة*بستغراب*:ف حاجة ولا ايه
سليمان:لما اشوفك هحكيلك سلام
هالة*فضلت قاعدة وشوية وجت صاحبتها*
ولاء*حضنتها*:كل سنة وانتى طيبة يالولو
هالة:وانتى طيبة ياحبيبتى
ولاء:عشان خاطرك النهاردة هبوظ الدايت واكل اى حاجة انتى عيزاها
هالة*ابتسمت*:ياااه كتر خيرك والله
*وفضلوا يتكلموا ويعدى الوقت وسليمان ميكلمهاش بس اخر ماتزهق تكلموا*
هالة:ف ايه ياسليمان كل ده
سليمان:ياحبيبتى اصل الدكتور حابب نعمل اغنية تانية انا وانتى فكان قاعد معايا وهو عايز يكلمك اصلا خدى معاكى اهوه
د.حبيب:هالة تعالى عشان نتكلم ف التفاصيل
هالة:ماشى يادكتور
*وفعلا قامت وراحت واول ما وصلت ملقيتش سليمان*
هالة:ازى حضرتك يادكتور
د.حبيب*ابتسم*:الحمدلله كويس وانتى
هالة:الحمدلله ،هو سليمان فين
د.حبيب:بصى انا قولتله كل التفاصيل وهو هيفهمهالك وقالى انه هيطلع مخبأكم قصدى الاوضة ال فوق
هالة*بأحراج*:ماشى *ولسة هتمشى بعتلها رسالة*:مستنيكى ف مخبأنا
*وطلعت لقيت الباب مقفول واول ما فتحته لقيت بلالين كتير متعلقة وسليمان قاعد بيعزفلها كل سنة وانت طيب https://youtube.com/watch?v=LoqE2yhs2-0&si=QhEdBpRpOTNXkzlP
وبعد ما خلص بصلها*
سليمان:كل سنة وانتى حبيبتى وكل حاجة ليا
هالة*اتبسطت اوى*:وانت طيب بجد مش مصدقة وكمان انت عرفت منين
سليمان:هى ف غيرها ولاء طبعا جت قالتلى اوعا تكسفنا النهاردة ود.حبيب ساعدنى برده *وقرب منها واداها علبة صغيرة اول ما فتحتها كان فيها سلسلة ع شكل السلم الموسيقى*
هالة*فرحت بيها اوى*:بجد حلوه
سليمان:وبصراحة ف هدية تانية بس دى انا جبتها م اول ماعرفتك وحسيت ان هى دى العايز اتجوزها *وبص ع البيانو وكان حاطط القلم ومعلق فيه خاتم عليه حرف ال H وبصلها وقال*:هالة انـــا
هالة*بصتله وخافت يكمل*
سليمان*شاف نظرتها وابتسم*:بحبك اوى وعجبنى شكل الخاتم قولت اجبهولك متخافيش انا لسه عند وعدى
هالة*انبسطت اوى وخده لبسهولها وباس ايديها وقرب منها شوية بشوية وفجأه لقت ولاء جايبة تورتة*
ولاء:متأخرناش جينا اهوه ف الوقت المظبوط
سليمان*بصلها*:جدا ياختى
د.حبيب*دخل بعديها*:مرضتش اقولك كل سنة وانتى طيبة عشان متحسيش بحاجة *وبصلهم وابتسم*:ربنا يسعدكم
هالة*طبعا فهمت ان سليمان حكالوا ال بينهم وهى كانت بتعزه وبتحترموا ومضيقتش م ده واساسا بعد العملوا حسيت ان الجامعة كلها هتعرف وبصتله وقالت*:وحضرتك طيب يادكتور
د.حبيب:انا هديتى ان شاء الله هتعرفيها لما قريب تعملى الالبوم
هالة*بأنبساط*:ان شاء الله
د حبيب:عن اذنكم بقى عشان عندى محاضرة
ولاء:طب والتورتة
د.حبيب:ابقى سبيلى قطعة متاكلهاش
ولاء*ابتسمت*:متقلقش يادكتور عاملة رجيم هاكل ربعها بس
د.حبيب*ابتسم*:بالهنا والشفا *وسابهم وخرج ولاء بصيت لهالة وطلعت م جيبها تذكرتين سينما*:خدى ياستى حجزتلك دول عارفة انك بقالى كتير نفسك تروحيها
هالة*حضنتها جامد*:شكرا ياصاحبتى
سليمان:ايه ده كله حضن وجبتلك تذكرتين سينما طب ما انا جايب هديتين ماشوفتش حاجة يعنى
ولاء*بصتله وقالت بهزار*:ع فكرة متساويبن انا تذكرتين وانت هديتين ،واصلا انا وهى بقالنا فترة مدخلناش سينما سوى
سليمان*بصدمة*:كمان جيباها ليكوا ده ايه الهدية المش هدية دى
هالة*ضحكت اوى*
ولاء:خلاص يا لولو هخليه يروح بدالى صعب عليا ياحرام بس متتعودش ع ده عشان انت كدا يبقى خدت كل حاجة بتاعتى
سليمان:لا كتر خيرك *ومسك ايديها*:اصلا بكرة هى نفسها هتبقى بتاعتى
ولاء:ماشى ياعم مش هقدر اتكلم
*وفضلوا يتكلموا وحسيت هالة انها بتعيش احلى فترة ف حياتها وراحت معاه السينما وكانت مبسوطة اوى وتبقى علاقتها بسليمان بتزيد وتكبر وف يوم يتصل عليها*
هالة:الو
سليمان:الو ياحبيبتى عاملة ايه
هالة: الحمدلله ياحبيبى
سليمان*بفرحة*:ف خبر حلو اوووى
هالة:خير فرحنى معاك
سليمان:اختى غادة هتجوز قريب
هالة*سكتت شوية*:بجد مبروك
سليمان:عقبلنا عموما هما خلصوا كل حاجة وقرروا ميعملوش فرح هيعملوا كتب كتاب ف الجامع ويسافروا وانا أيدت كلامهم بصراحة
هالة*ابتسمت*:ربنا يسعدهم يارب
سليمان:قوليلى صحيح تحبى تعملى فرح
هالة:اة طبعا وهيكون ف قاعة ال هلا
سليمان:اشمعنى؟؟
هالة:عشان فيها م اسمى وهنعزم كل اصحابنا وهنقعد نرقص وهناكل م التورتة وتكون هتقع ع الفستان بس ربنا يسترها ونغنى اغنية حاجة غريبة بس المرة دى وانت لابس
عريس وانا لابسة عروسة ونرقص سلو ع اغنية يوم ما اتقابلنا وهنبقى مبسوطين اوى بجد
سليمان:ياااه حاسك كأنك بتحكى انه حصل مش هيحصل
هالة*اول ما قال كدا سكتت ولقيت نفسها ان فعلا كانت حاسة انه حصل قبل كدا*
سليمان:عموما ياحبيبتى اوعدك ان ده هيحصل وهيحصل اكتر م كدا كمان ،طب ايه رأيك نحصلهم قريب
هالة*بخوف*:سليمان انت وعدتنى
سليمان*بتنهيدة*:عارف عموما حاضر زى ما تحبى
*وفضلوا يتكلموا وتعدى فترة وييجى اليوم الـهييجى فيه الشخص المهم و هيسمع الاصوات وهى كانت متوترة وخايفة وعندها امل يختارها وتبقى واقفة مستنية دورها وبتستعد بس يبجى سليمان وشكله مضايق وتنزل وتروح تكلموا*
هالة:مالك ف ايه؟
سليمان*بتردد*:انا بصراحة عايز اقولك ع حاجة
هالة:قول
سليمان*بصلها وسكت شوية*:انا عايز اننا نتجوز!!
ياترى ايه الهيحصل هنعرف الجزء الحادى عشر.
تأليف:فاطمة هشام