لو رجع بيا الزمان الجزء السادس
جاري التحميل...
الجزء السادس
.........
*وتبقى هالة مش عارفة هدور عليه فين وقررت تمشى ولسه هتخرج م الباب لقيت حد بيشدها م ايديها وبيوقفها قصاده اتخضيت اوى وفضله واقفين قصاد بعض وباصين لبعض*
سليمان*كان بينهج اوى لانه كان بيجرى*:استنى انا كويس انى لحقك
هالة*بتبصله وبعديها تبعد ايديها عنه*:ف ايه؟ايه الحصل
سليمان*بيحاول يهدى*:كنت بجرى عشان الحقك* وقالها بهزار*:هو انتى ع طول بتمشى بسرعة كدا انتى بتلعبى رياضة الماراثون ولا ايه!!
هالة*بستغراب*:هو انت كنت فين اصلا
سليمان:مفيش كنت فوق ف المبنى بعمل حاجة واتأخرت وعقبال ماوصلت للمسرح ملقتكيش وجيت ابص ع الباب لقيتك خارجة فجريت عشان اوصلك
هالة:ايوه انا روحت عشان البروفة بس ملقتكش وبصراحة قولت هدورعليك فين ف كل ده ف مشيت
سليمان:ماهى دى غلطة بقى
هالة:هى ايه؟
سليمان:لازم اخد نمرتك عشان نعرف نوصل لبعض اظن لو معانا ارقام بعض ماكنش ده حصل نهائى
هالة*بتردد*:نمرتى
سليمان:متقلقيش مش هكلمك غير ف الحاجات المهمة وبس وكمان احنا الفترة الجاية هنتقابل كتير فلازم يحصل تواصل بينا
هالة *بتنهيدة*:ماشى
سليمان*ابتسم*:يلا بقى عشان نبدا التدريب *مشيت معاه ولسه هتروح ع المسرح*
سليمان:لا مش هنروح المسرح
هالة*بستغراب*:اومال فين؟
سليمان:تعالى ورايا !! *وخدها وفضله يطلعه سلالم لحد ما وصل ف اخر دور ف المبنى اوضة فيها معدات موسيقية كتير وم ضمنهم بيانو وكانت تعتبراوضة مخزن للألات*
هالة*بصيت للاوضة وبصتله*
سليمان: ده مكان اكتشفته واستأذنت الدكتور اننا ندرب فيه خصوصا ان فيه بيانو واحنا اخترناه ووافق بصراحة المسرح زحمة وكله داخل وخارج *وبصلها وقال بحنية*:وانا بصراحة عايز اركز معاكى انتى بس قصدى يعنى اركز اكتر ف التدريب وكمان متقلقيش ف ناس غيرنا بتيجى والدكتور كمان ساعات بييجى هنا والباب مفتوح والكل رايح جى قصادنا مش هخطفك يعنى
هالة*سكتت شوية*:انا مقولتش كدا
سليمان:الصراحة م ساعة ماشوفتك وانتى بتعملينى يامأ قتال قتلة او خطاف خطفة
هالة *ابتسمت*:ايه خطاف خطفة ده
سليمان :عشان ع نفس الوزن يعنى
هالة:عموما مفيش حاجة م الــ ف دماغك دى انا عادى وخلينا يلا ندرب هو صحيح ايه الاغنية ال اختارهلنا الدكتور
سليمان:حاجة غريبة؟
هالة*لمست شعرها ووشها وبصتله*:هو ايه ده الغريب,بقولك الدكتوراختار ايه؟
سليمان:حاجة غريبة!!
هالة*بصتله وحاولت تركز شوية*
سليمان*ابتسم*:اغنية حاجة غريبة ،دويتو،عشان كدا اختارنى انا وانتى
هالة*بصتله وبحيرة*:كنت فكرة انها هتتغير
سليمان*بستغراب*:هى ايه دى؟
هالة*وهى بتحرك راسها بالنفى*:لا مفيش
*وبدأوا يقعدوا مع بعض كل يوم وبدأت تتقرب منه كأنها اول مرة تتعامل معاه وكان ديما ف احساس غريب جواها م ناحيته وقررت تتعامل معاه عادى وع قد متقدر تتحكم ف مشاعرها وف يوم كانوا مع بعض وبيكملوا تدريبهم*
هالة: ياحبيبى افهم الدكتور مقالش كدا
سليمان*بهزار*:حبيبى ايه ده بالسرعة دى! انا عارف انى اتحب برده
هالة*بصتله بستغراب*:هو ايه ده انا بتكلم عادى زى يا حبيبى يابابا يا ابنى كدا يعنى
سليمان*ابتسم*:ابنى لا كدا عيليت اوى!!عموما حلو انك تشوفينى كل ده
هالة*بضيق*:سليمان انا بتكلم بجد خلينا نخلص بقى عشان الحق امشى
سليمان*بحزن مصطنع*:لدرجة دى قعدتك معايا مضيقاكى مش طيقانى كدا خالص ده انا حتى مسمسم
هالة:يا ابنى بس بقى مبهزرش
سليمان*بصلها وابتسم*:لا خليها حبيبى احسن
هالة*لسه هترد موبايلها يرن وتكون مامتها وردت*:ايوه ياماما ،انا بخيروالله،بدرب ع اغنية عشان حفلة نص السنة ،حاضر هخلى بالى ع نفسى ،سلام
سليمان:هى ليه مامتك بتتصل تطمن عليكى كل شوية كدا
هالة*بصتله وقالت بحزن*:يعنى ف حاجة حصلت وهما م ساعتها قلقانين عليا
سليمان*بفضول*:حاجة ايه؟
هالة*فضلت بصالوا وماكنتش عارفة تحكيلوا خصوصا لو حكيت هتضطر تقولوا انها شافته ف احلامها وهى ماكنتش عايزة تعرفوا*:حاجة غريبة؟
سليمان:ايوه الــ هى ايه يعنى
هالة*بتوه*:خلينا ف التدريب دلوقتى ،ها كنا بنقول ايه
سليمان*فهم انها مش عايزة تحكى وسابها براحتها*:كنا بنقول قوليلى حبيبى احسن!بحب اسمعها منك
هالة*بجدية*:سليمان لو مبطلتش هقوم بجد
سليمان:واضح انى بتهدد
هالة:لا بس عايزة اخلص عشان اللحق اروح بدرى
سليمان:ما انا اساسا مش عايزك تروحى
هالة:اسميها صراحة
سليمان*ابتسم*:صراحة جدا
هالة:وياترى ليه بقى
سليمان*بصلها وقال بحنيه وعنيه ف عنيها*:بصراحة احلى وقت بقضيه هنا ف الاوضة دى ومعاكى عارفة م ساعة ماشوفتك وانا حاسس ان ف حاجة شدانى ليكى ايه هى بجد مش عارف*ابتسملها*:بس ف حاجة غريبة م ناحيتك حاسس انى عايز اقرب منك وكأنى عرفك م زمان زمااان اوووى
هالة* كانت بتسمع كل ده وماكنتش قادرة توصف احساسها غير انها حاجة غريبة خالص مش فهماها بس كل الحساه ان قلبها بيدق وحاسة بمشاعر قوية م ناحيته وفضلت بصاله وبعديها بعدت عنه وتوترت ومسكت شنطتها وبتلم حاجتها*:انا حقيقى لازم اروح وقبل ما تخرج لقيته بيعزف ع البيانو اغنية خليك معايا لعمرو دياب(الحابب يسمعها ده اللينك https://youtube.com/watch?v=iImWmC4fiBs&si=UC0HkJhcYcN6pKMW)هالة وقفت وبصتله وفضلت تسمعها ولقت الدموع ف عنيها واول ما سليمان خلص بص وراه لقاها مشيت وجه يبص قدامه لقه انها نسيت القلم ع البيانو مسكه ف ايده وقال*:انا شكلى حبيتك
هالة* خرجت بسرعة وكانت متوترة اوى وقابلت صاحبتها *
ولاء:ف ايه مالك
هالة:مفيش
ولاء:انجزى
هالة: شكله حبنى!!
ولاء*ابتسمت*:ما انا قولتلك احساسى مابيخيبش طب وانتى؟
هالة:انا كمان حاسة بحبه اوى بس
ولاء: بـــس ايه!
هالة:مش عايزة ,مش عايزة بجد وخايفة اوى انا عايزة احقق حلمى الاول
ولاء: ياستى ان شاء الله تحققى حلمك وتجوزوا وتعيشوا حياه سعيدة سوى
هالة* ابتسمت بسخرية*: تفتكرى
ولاء:افتكر جداا
هالة: ماشى يلا بقى هروح عشان مش قادرة افكر اكتر م كدا ،دماغى صدعت بجد
*وتقرررغم المشاعر العندها لى بس تحاول توقف مشاعرها دى وتقعد يومين ماتروحش الكلية*
نيفين:هو انتى مش بتروحى الكلية ليه؟
هالة :مفيش حاجة مفيدة وكمان امتحانات نص السنة قربت فكنت حابة اقعد اذاكر هنا شوية لان الوقت بيضيع ف الكلية والمواصلات
هشام*بتريقة*: ده ع اساس ايه ده هو حيالله مذاكرتك عبارة عن طفا طيفى طاطى
هالة*بصتله وابتسمت*:طاطى!!هو ده فكرك عن كليتى
هشام:اة كنا بنتعلمها ف المدرسة م مدرس الموسيقى
هالة*بهزار*:اقولك ايه ياكش تتعلم طاطى الـ بتعلمها ياخويا ركز انت بس عشان تدخل الكليات المهمة المفيهاش طاطى احسن انت كمان تدخل نفس الكلية ولا حاجة
هشام*بهزار*:شوفتى ياماما بنتك بتتريق عليا ازاى
نيفين*ضحكت*: والله انت الجبته لنفسك *وشوية وموبايل هالة رن وكان ف الاوضة ودخلت تشوف مين لقيته سليمان اترددت كتير وردت*
سليمان:اسف لوكنت بزعجك
هالة*بهدوء*:لامفيش حاجة
سليمان:عموما انا اسف برده لو كان كلامى اخرمرة ضايقك اوعدك انى مش هتكلم كدا تانى بس لو سمحتى ارجعى الكلية عشان نلحق نخلص عشان الامتحانات قربت
هالة*سكتت شوية*: الموضوع ملوش علاقة بيك بس حسيت انى تعبانة شوية م ساعة الحادثة وانا مريحتش
سليمان*بصدمة*:حادثة حادثة ايه انتى كويسة
هالة* كانت حاسة بخوف ف صوته حقيقى مصدقاها ،وحسيت انها اتلغبطت لانها ماكنتش عايزة تعرفوا حاجة زى كدا*:لا دى م فترة كبيرة بس انا حاليا كويسة
سليمان:حمدالله عسلامة
هالة*ابتسمت*: الله يسلمك بس دى م فترة بجد مش م امبارح
سليمان:ياستى برده حمدالله عسلامتك انا ماكنتش موجود ف حياتك ساعتها عشان اقولهالك
هالة*لنفسها: تصدق كنت معايا بس ف خيالى وحلمى*
سليمان:انا قولت حاجة ضايقت
هالة: لا ابدا وان شاء الله هاجى بكرة اشوفك ف الكلية
سليمان:اشوفك ف مخبأنا
هالة: مخبأنا
سليمان:قررت اسميه كدا عشان بنستخبى منه م عيون اى حد عشان الازعاج يعنى وكدا وكمان تعرفى اننا احنا منتظمين عن باقى زمايلنا اليومين الــ ماجتيش فيهم قعدت معاهم ف المسرح ومعظمهم لايصين لسه مخلصوش تدريباتهم عشان كدا انا اختارت المكان ده ،عشان نركز اكتر
هالة*كانت بتسمعه*:ماشى
سليمان:ايه ده مش هتشكرينى ولا ايه مفيش, شكرا ياحبيبى
هالة *سكتت ومردتش*
سليمان:قصدى يا ابنى
هالة*ابتسمت*: شكرا بس انا لازم اقفل عشان ماما بتندهلى
سليمان:هـــالــة
هالة*كانت اول ما بتسمعه بيقول اسمها بتحس احساس غريب اوى جواها*:نعم
سليمان:انا عرفت دلوقتى ليه اهلك قلقانين عليكى وع طول مامتك بتكلمك ،حمد الله ع سلامتك
هالة*ابتسمت*:الله يسلمك شكرا
سليمان*قال بتنهيدة وكان حاسس انه مش عايز يقفل*:ماشى هستناكى بكرة
هالة:اكيد هاجى ان شاء الله سلام
وقفلت معاه ولسه بتلف عشان تخرج م الاوضة لقيت باباها**
صدقى:هتيجى فين ؟
هالة *بتحاول تخفى توترها*:دول زمايلى يابابا ف الكلية عشان بقالى يومين مروحتش فبيكلمونى عشان اروح ضرورى بكرة لان ف حاجات عايزين نخلصها
صدقى*ابتسملها*:ماشى اهم حاجة خلى بالك ع نفسك
هالة *قربت م باباها وقالت بخوف*: انت يابابا الــ خلى بالك ع نفسك وخد علاجك عشان خاطرى ونبى يابابا ونبى
صدقى*ابتسم*:متقلقيش عليا انا زى البومب
هالة*وهى بتحضنه*: وحشتنى اوى بابابا
صدقى*طبطب عليها*:ماكنوش كام ساعة يعنى بتوع الشغل
هالة *بصتله بتنهيدة*:صح كام ساعة بس عدوا سنين والله ,ربنا يخليك لينا
صدقى:ويخليكى لينا ياحبيبتى ,وان شاء الله بكرة اطلع ع المعاش واشوفك عروسة كدا وتفرحينى بأحفاد انا عايز احفاد كتير
هالة*اول ماقال كدا افتكرت سليمان وعيالها الكانوا ف حلمها*:ان شاء الله يا بابا
*وتنام هالة وتانى يوم تروح الكلية واول ماتوصل مخبأهم ماتلقيش سليمان وتقعد شوية وتقرر تتصل عليه ولقت صوت جى م وراهاويكون نادر:بتدورى ع حد!!!
ياترى ايه الهيحصل هنعرف الجزء السابع.
تأليف:فاطمة هشام