لو رجع بيا الزمان | الجزء الثانى عشر
جاري التحميل...
الجزء الثانى عشر
.........
*واخيراا تحقق هالة حلمها وتبقى مغنية معروفة لكن للاسف فقدت باباها وطبعا سابت حبيبها عشان خافت يبقى عقبة لحلمها ورغم النجاح ده بس ديما كانت بتحس ان ف حاجة ناقصة لكن قررت تعيش حياتها وتستمتع بحلمها وف يوم تطلب واحدة تتصور معاها وشوية وتلاقى سليمان قصادها وشايل بنته ع ايديه*
سالى*بصتله وابتسمت*:معلش ياحبيبى اول مرة اقابل فنانة وانت عارف انى بحبها وبحب اغانيها فقولت اتصور معاها
هالة وسليمان *بصوا لبعض بصدمة وبعديها بصيت ع البنت ال ع دراعه هى طبعا ماكنتش تشبه حد م عيالهم الحلمت بيهم لأنها م واحدة تانية*
سالى:ع فكرة هو كمان بيحبك وبيحب اغانيكى جدا ينفع يتصور معاكى هو البنت
سليمان*بهدوء وجمود بصلها وبعديها بص لمراته*:مش لازم عشان منضايقش الفنانة اكتر م كدا
سالى:هو حضرتك مضايقة
هالة*بتحاول تمسك نفسها م الصدمة وبتحرك راسها بالنفى وابتسمتلها*: لا لا خالص
سالى: طيب اقف يلا عشان اصوركوا
سليمان* قرب ووقف جمبها ومرضاش يبصلها*
سالى*موبايلها رن* :معلش دى مكالمة م الشغل وضرورى ارد ،طلع موبايلك ياسليمان واتصوروا سيلفى عقبال ما اجى
سالى*راحت ترد ع المكالمة ووقفت بعيد عنهم بخطوات*
سليمان*طلع موبايله ع مضدد ولسه هيصور*
هالة:ممكن يبقى فيديو
سليمان*مبصلهاش ورفع الموب بتردد ووقتها جت ف دماغهم اللحظة ال كانوا بيعترفوا بيها حبهم لبعض*
هالة*بصتله والدموع فعنيها وقالت بحزن*:انا اسفة
سليمان*سمع الكلمة وكان مشغل الفيديو وفضل بصصلها ووكأن عينه بتقول كلام كتير جواه وانه كان نفسه كانت حياتهم تبقى غير كدا خالص و بعديها بص قصاده ووشه حاد كانت نفسها بعد السنين دى تتكلم معاه بس كان واضح عليه انه مفيش كلام عايز يقولوا وهى كمان رغم انها حاسة بكلام كتير جواها بس حسيت ان كلمة اسفة رغم انها مش هتفيد ف حاجة بس ريحتها شوية م الذنب ال حساه م ناحيته*
هالة*بصيت ع بنته وبعديها بصتله ولسه هتتكلم*
سالى*خلصت المكالمة وقربت منهم*:خدت الصورة
هالة*ردت بسرعة*:لا
سليمان*بصلها بستغراب وسكت وبعد كدا بص لمراته*
سالى:طيب انا هصوركوا *وخدتلهم صورة وكانوا الاتنين بيحاولوا يبتسموا ابتسامة صغيرة وبعد ما صورت قالت بفرحة*:شكرا جدا بجد انا عملالك فولو ف كل مكان هبقى ابعتها لحضرتك تشيريها عندك
هالة:هستناكى تبعتيها
سليمان*بخنقة*: يلا بقى ياسالى
سالى:حاضر، شكرا جدا مرة تانية وع فكرة يافنانة جوزى اسمه سليمان ع اسم والد حضرتك
هالة:بس ده مش اسم بابايا*وقالت بتنهيدة وبصيت لسليمان*:كان اسم شخص عزيز عليا وخدته بقى اسم الشهرة بتاعى
سالى*بصتلها وابتسمت*:معلومة جديدة دى عموما انا مبسوطة اننا قابلناكى*ولسه هيمشوا*
هالة*بصيت ع البنت*: هي اسمها ايه؟
سالى*ابتسمت*:أيـــــــــســــــل
هالة:ربنا يحفظها ويخليهالكوا
سالى: شكرا ولما تكبر هقولها انها اتصورت مع نجمة جميلة زي حضرتك وعقبالك انا عارفة انك مرتبطة
هالة*ردت بسرعة*:لا انا مش مرتبطة دى كلها اشاعات* وقالت بحزن وبصيت ع سليمان*: واخدة قرار انى مش هتجوز
سالى*بستغراب*:ليه كدا!!
سليمان*بضيق ونبرة حادة وكأن صبره بدأ ينفذ*:ماتيلا بقى هنقضى اليوم كله هنا ولا ايه
سالى*بأحراج*: طب عن اذنك
هالة*ابتسمت ابتسامة صغيرة والدموع ف عنيها و فضلت بصالهم وهما ماشيين وبيغيبوا عن عنيها ووالدموع نزلت م عنيها ماكنتش قادرة تصدق ان حلمها وقت الغيبوبة اتحقق بس مع واحدة تانية بس كانت عارفة كويس انها السبب وهى ال اختارت ده *
سالى*بعد ما مشيوا*: انت احرجتنى اوى ع فكرة
سليمان *بضيق*:مكانش قصدى
سالى: انا مش فاهمة انت عملت كدا ليه الـ يشوفك وانت بتسمع الاغانى بتاعتها كل شوية مايقولش انك تعمل كدا اول ماتشوفها!! ده انت المحببنى فيها اصلا
سليمان: انا بس تعبان م الشغل وعايز اروح انام
سالى*ابتسمت*:خلاص مفيش مشكلة ياحبيبى
سالى*طبعا ماكنتش تعرف حاجة واقتنعت بكلام جوزها وروحوا وهالة كمان اول ما فتحت باب الشقة جريت ع اوضتها*
نيفين*شافتها جريت وراها*: ف ايه ياحبيبتى ايه الحصل
هالة:مفيش حاجة ياماما انا كويسة
نيفين:كويسة ازاى يعنى هو ف حد ضايقك م الناس ,حد قالك كلمة معجبتكيش
هالة: لا خالص بــس*وقالت بحزن*: بابا وحشنى
نيفين: ربنا يرحمه
هالة:ماما هو انتوا مكانش بيحصل بينكوا مشاكل
نيفين:يااااه كتير
هالة*بستغراب*: بس انا عمرى ما شوفت ده
نيفين: لان كان ف الاول وانتوا صغيرين اول الجواز بيبقى صعب ع الطرفين انتى اول مرة تشيلى مسىؤلية بيت وزوج وعيال وهو اول مرة يشيل مصاريف بيت وزوجة وعيال فبيبقوا مضغوطين والراجل يابنتى بيبقى غصبن عنه خصوصا ف حال الدنيا دى زى ما انتى شايفة فجاتلوا فترة كان عصبى اوى وع طول زعيق وخناق اقولك ع حاجة ف مرة كان هيضربنى
هالة* برقيت م الصدمة*
نيفين:هو اى نعم معملهاش بس فاق بسرعة وبعد عنى يابنتى ف الجواز ياما بيحصل بس مع الوقت والسن كل ده بيهدى صدقينى
هالة:يعنى ممكن تختارى بابا تانى وتتجوزيه بعد كل الحصل ده
نيفين:طبعا ده حبيبى وحبيب عمرى كله وسنينى اكيد هختاره تانى وهقولك حاجة تستغربيها وهختار خناقتنا ومشاكلنا دى تانى لان ده قوانا مش ضعفنا وده الخلانا مكملين مع بعض لحد اخر يوم ف عمره
هالة*فضلت تسمع كلام مامتها واول ما خلصت دخل هشام وهو مبسوط*
هشام: ماما ،هالة بركولى الشركة البعتلها السى في بتاعى وافقوا عليه وطالبين يقابلونى
هالة*ابتسمت*:مبروك ياحبيبى ربنا يوفقك
نيفين:مبروك يا ابنى ربنا يفتحها ف وشك كمان وكمان
هشام*بص لهالة*: شكلى كدا هقابل البنت القولتى عليها يا هالة
هالة *بصتله وكأنها بتفتكر الحلم بسرعة*:هو انت لسه فاكر
هشام:بصراحة اة شغلنى اوى هتعرف عليها امتى
نيفين:مهما كبرت هتفضل عيل برده
هشام: ومالو هى دى حاجة وحشة
*ويقعدوا يتكلموا مع بعض وشوية يسبوها عشان تنام وكانت ماسكة موبايلها ومستنية صورتها هى وسليمان بفارغ الصبر وشوية ولقيت سالى بعتهالها فضلت تشوفها وتلمس وشه وتعيط كانت حاسة انها مضايقة اوى وعارفة برده انها جرحته اوى قبل ما تجرح نفسها وفضلت طول الليل تبص ع الصورة وف الوقت ده سليمان كان قاعد ف الصالة وفاتح الفيديو وعمال يسمعها وهى بتقولوا انا اسفة وجاب بعيديها الفيديو القالتله فيه انا بحبك كان جواه مشاعر كتير متلغبطة بس كان كل الواثق منه ان حبها بالنسبالوا مات وهيفضل عايش لمراته وبنته وبس وتعدى ايــام وف يوم تلاقى هالة جرس الباب بيرن وتروح تفتح*
ولاء *بتحضنها جامد*:وحشتينى اوى يالولو
هالة *حضنتها واتبسطت اوى*:وانتى كمان تعالى ادخلي ده انا كنت قاعدة لوحدى زهقانة ماما نزلت تجيب حاجات وهشام راح الشغل وانا النهاردة اجازة ،كويس انك جيتى
ولاء*وهى بتقعد ع الكنبة*: ما انا لقيتك مبتسأليش قولت اسال انا
هالة: غصبن عنى والله
ولاء*ابتسمت وغمزتلها*:طبعا حقك يانجمة
هالة* ابتسمت ابتسامة صغيرة*
ولاء: مالك
هالة: تصدقى كنت فاكرة لما هحقق حلمى هبقى مبسوطة
ولاء*بستغراب*:هو انتى مش مبسوطة
هالة :منكرش ف الاول كنت كدا بس بعد كدا ف حاجة جوايا مش مريحانى مش حاسة ان ده مكانى ف حاجة غلط!!
ولاء:هالة انتى كان بأيديك الاختيار ,وانتى فعلا ف الاول اختارتى سليمان وانتى برده الختارتى انك متكمليش معاه فمتجيش تزعلى دلوقتى
هالة* بحزن *:انا عارفة طبعا ان عندك حق ومهما اقول ده كان اختيارى ومش هيفيد الندم دلوقتى واصلا مهما كنت مش مرتاحة دلوقتى ,مش هيرجع اى حاجة
ولاء: فعلا فبلاش تفكرى ف كدا كتير واستمتعى بوقتك ونجاحك المهم بقى عايزة اقولك حاجة انا هتجوز قصدى يعنى ف حد متقدملى وهنتخطب وبعديها نتجوز ان شاء الله
هالة*بفرحة*:بجد
ولاء: اة واحد معرفة كدا ،الصراحة اتقابلنا ف فرح ابن خالتى وحسيت انى مرتحالوا
هالة*بصتلها وسكتت شوية*:انتى تعرفى ان جسمك ده هيتغير ومع الولادة هتتخنى
ولاء*ابتسمت*:وايه المشكلة ياستى هحاول اعمل رجيم تانى واخس
هالة:حتى لو فشلتى ف ده
ولاء:مش مشكلة ما انا تخنت عشان حتة منى تيجى الدنيا متهايئلى ساعتها مش هركز ف الموضوع ده
هالة: طب وهو كمان ممكن ف يوم يقولك هسافر عشان اكفى مصاريف العيال
ولاء*فكرت شوية*:متهايئلى انا ساعتها يأما هخليه يحاول ينزل معظم الوقت يأما هبقى اسافر معاه انا والعيال *وبصتلها*:تصدقى انا عمرى مسألتك شوفتى ايه ليا ف حلمك ، هى دى حياتى الـ جتلك ف الحلم
هالة*حركت راسها بنعم*
ولاء*ابتسمت* :وانا موافقة عليها لو كانت هى و سواء دى او اى حاجة تانية هتحصل ان شاء الله عارفة ان ده مصيرى وواثقة ف قرارى
هالة*بستغراب*: بجد يعنى مش حاسة انك عايزة تغيرى ده
ولاء:اطلاقا عايزة تبقى حياتى زى ما هى مغيرش حاجة فيها انا مرتاحة لى جدا وشكلى هحبه هعوز ايه تانى
هالة*ابتسمتلها*:مبروك ياحبيبتى وان شاء الله ف الفرح هاجى واغنى كمان
ولاء*بهزار*:طبعا ببلاش احنا ع قد حالنا ياستى
هالة*بتضربها ع كتفها براحة*:طبعا م غير اى حاجة احنا مش بينا حاجة زى كدا وكمان انتى اختى ياولاء مش بس صاحبتى
ولاء*ابتسمت*:حبيبتى يالولو
*وفضلوا يتكلموا وبعد ما مشيت فضلت تفكر ف كلامها و كانت فاكرة ولاء كمان ممكن تفكر تانى بس الظاهر انها عارفة القرار الوخداه وراضية به اى كانت النتيجة وتعدى فترة م حياه هالة متغيرش فيها حاجة مشغولة بالحفلات الـ بتيجلها وحياتها وكانت كل ما تشتاق لسليمان تشوف اخر صورة اتصوروها سوى وتقلب ف ذكرياتها وتسمع الفيديو ال بيعترفلها فيه بحبه وبتصبر قلبها ونفسها بكدا وف يوم تكون قاعدة مع مامتها*
نيفين:مش ناوية تفرحينى بيكى يابنتى الحياه مش كلها فن وبس
هالة*بحزن*:مش هينفع ياماما عشان انا اختارت خلاص وهو ده الطريق ال همشى فيه
نيفين:يعنى يابنتى كل المغنيين والممثلين مابيتجوزوش ما بيتجوزوا وبيخلفوا وبيعيشوا حياتهم عادى
هالة*بتنهيدة*:انا عارفة انه عادى بس انا متفقة ع كدا مع مستر منصور انى مش هتجوز وكمان كاتبة كدا ف العقد* طبعا كانت هالة بتقول كدا لمامتها عشان متتكلمش معاها ف الموضوع ده تانى*
نيفين*بستغراب*:هو ف حاجة زى كدا هو ايه ال انتى بتقولى ده وكمان لو فيه!! الموضوع ده تلغى والعقد ده كمان يتلغى
هالة:مش هينفع ده عقد احتكار ولسه المدة مخلصتش*وقالت والدموع نازلة م عنيها*:ماما بعد اذنك مش عايزة اتكلم ف الموضوع ده تانى لانه منتهى بالنسبة ليا خلاص ارجوكى
نيفين*بتنهيدة*:ماشى ياهالة بس كلامنا مخلصش ف الموضوع ده واكيد هنفتحوا تانى
هالة*طبعا ماكنتش قادرة تتكلم مع مامتها ف حاجة وتقولها انها كان معاها البنى ادم الـ بتحبه وبيحبها وهى الـ اختارت تسيبوا وتعدى فترة وييجى هشام ويقولهم وهو باصص لهالة*:انا فيه بنت قابلتها زميلتى ف الشغل وحاسس بانجذاب م ناحيتها وعايز اتجوزها
هالة*بصتله بصدمة*:ده بجد
هشام*ابتسم*:بجد!!بعيدا انى كنت واخد موضوع حلمك بهزار بس الواضح انه قلب حقيقة وقابلت نسرين وحاسس م ناحيتها بحاجة وهى كمان حاسة ب ده وقررنا اننا نتجوز
نيفين:يا ابنى كل دى صدفة مش اكتر ،عموما لو هما ناس كويسة واهلها محترمين يبقى ع خيرة الله
هالة*بصتله ورغم استغربها ابتسمت*:مبروك يا هشام ،اهم حاحة تبقى واثق م اختيارك
هشام*بثقة*:بصراحة مرتاح وحاسس انه ده الاختيار المناسب ليا
هالة:مبروك ياحبييى *وقامت ودخلت اوضتها وهى بتفكر معقولة تكون هى الوحيدة الـ قررت متختارش البنى ادم الحبتوا بجد وحبها معقولة تكون ضيعت حبها وحياتها انه يكون جوزها وانها تعيش مع عيالها الشافتهم ف حلمها عشان مجرد خوف م المستقبل وم حياه صعبة شوية عليهم ضيعت كل حاجة ف لحظة غضب وضعف وفضلت تفكر ف كل ده ومضايقة اووووى وييجى يوم فرح ولاء وتروح وتكون جمب صاحبتها ومبسوطلها جدا وهى شيفاها عروسة*
ولاء*بصتلها بتردد*:هالة انا عزمت سليمان
ياترى ايه الهيحصل هنعرف الحلقة الاخيرة.
تأليف:فاطمة هشام