أعيش حياتى (الحلقة العاشرة)
جاري التحميل...
الحلقة العاشرة
.........
*وطبعا يعدى اليوم بسلام رغم توتر الماتش بس زهران حاول يتماسك لحد ما يفهم الحصل ده ايه بالظبط وفعلا تانى يوم يقعد يستناه ع القهوه ومايجيش ولسه هيقوم شوية ويلاقيه جى*
زهران:افتكرتك مش جى
رأفت:بصراحة كنت مقلق اجى
زهران*بضيق*:كويس انك جيت ,ممكن تفهمنى ايه الحصل ده
رأفت:اهدا وهحكيلك كل حاجة
زهران*قعد قصاده*:اتفضل سمعك
رأفت:انا ياسيدى ابويا زملكاوى ابا عن جد وانا م وانا صغير الصراحة ماكنش ليا ف الكورة اوى بس لما كبرت شوية حبيتها ويعنى بصراحة بقيت اشجع الفريق التانى وبرده بحب الفريق بتاع ابويا وعشان ما يزعلش طول ما هو مش موجود بكون اهلاوى اول ماييجى ابقى زملكاوى يعنى م الاخر انا زمهلاكوى
زهران:طب انا مالى بكل ده
رأفت: حظك ياصاحبى بقى انه جه ف الوقت الــ انت موجود معايا انا والله كنت عايز احكيلك يوم ما قولتلى انت بتشجع ايه بس قولت مع الوقت هبقى احيكلك مجاش ف بالى انه هيحصل كدا عموما حقك عليا ومتشللاك الحركة الجدعة دى
زهران*ابتسم*:ياعم انا كنت قاعد حاطيت ايدى ع قلبى بــس مش اكتر خايف تحصل لغبطة ولا حاجة
رأفت*ابتسم*:الحمد لله مريت ع خير لا واحنا ال كنا هنلبس التشيرتات كنت زمانى متعلق ع باب زويلة دلوقتى
زهران*ضحك اوى*
رأفت:المرة جاية هحاول قبل اى ماتش اتأكد انه جى ولا لا
زهران: ان شاء الله ، يلا تعالا نلعب بقى
رأفت*ابتسم وقام م ع الكرسى وهو ماسك الموب*:حضر الطاولة عقبال ما اعمل مكالمة واجى *واتصل بفؤاد*:ايوه يافواد ازيك
فؤاد*كان قاعد ف اوضته كالعادة واول ما لاقه نمرته رد بسرعة*: الو يا رافت الحمدلله
رأفت:انا جبتلك شغل عندى ف الشركة هتبقى شغال ف المبيعات معلش حاجة مبدأية كدا وواحدة واحدة تثبت نفسك
فؤاد:عادى اى حاجة انا موافق
رأفت*ابتسم*:خلاص تعالا بكرة الصبح وانا هقابلك بنفسى
فؤاد*بفرحة*:ماشى م النجمة هكون عندك
*رأفت قفل معاه وفضل يلعب مع زهران وكان مبسوط انه عدى الموضو ومكبرهوش وفؤاد انبسط بأنه هيشتغل وبدأ يجهز نفسه لبكرة وفعلا تانى يوم يروح الشركة ويقابل رأفت ويوصله مكتبه واول ما يدخل يلاقى حد ف الاوضة*
رأفت:دى انسة يارا ازيك عاملة ايه
يارا*بأبتسامة*:الحمد لله يامستر رأفت وحضرتك
رأفت:الحمد لله بخير *وبص لفؤاد*:هى هتبقى معاك ف المكتب وتتقسموا الشغل سوى
فؤاد*اول ما شافها اتكلم بجدية*:تمام
رأفت:انا طبعا عارف انتى هنا موجودة بقالك فترة فياريت تساعديه انه يعرف الشغل
فؤاد*بجدية*:مفيش داعى انا هعرف اتصرف
يارا*بصتله بستغراب وماكنتش فاهمة بيتكلم او بيتعامل كدا ليه*
رأفت*ابتسم*:بس هى لازم تفهمك حاجات برده عموما انا هضطر اروح ع مكتبى *وبص لفؤاد*:بالتوفيق يا ابو نسب
*وسابهم وخرج وراح فؤاد ع مكتبه وقعد عليه وطبعا مكانش فاهم حاجة بس برده كان رافض يتكلم مع يارا وهى رغم استغرابها بس ما رضيتش تتكلم معاه او تفهموا حاجة*وف الوقت ده يكون فارس وسلمى ف المدرسة وبيتكلموا مع بعض*
سلمى:أنا مبسوطة اوى ان رمضان قرب
تسنيم :وانا كمان ماما قالتلى لو صومت هتجبلى اللعبة الـ نفسى فيها
قاسم:انا خاايف اوى بيقولوا بيعطشوا وبيكونوا عايزين يشربوا ومش عارفين انا مش عايز اعطش
سلمى:ماما قالتلى الزبادى هيخلينا منعطش
فارس:اة وممكن نقعد نشرب ماية كتيييير لحد الفجر عشان مش نعطش خالص
تسنيم:ايوه صح فعلا
سلمى:وهنركب الزينة بجد بحب شكلها اوى ف الشارع
قاسم:احنا بنحط جوه البيت مش بيرضوا يعلقوا ف شارعنا
فارس:خلاص ابقى تعالا اتفرج واحنا بنحط الزينة
تسنيم:وانا كمان هاجى
قاسم:هو انتى ع طول ورايا كدا ف كل حته
تسنيم:اة *وطلعتله لسانها*
*وفضلوا يهزروا مع بعض وف الوقت ده عمار قاعد مع رامز*
رامز:انا قولتلك مش هعمل حاجة تانى انت عايز المرة دى نترفد بقى
عمار:محدش هيعرف انه ده احنا
رامز:ياسلام وافرض عرفوا م الكاميرات انا مش عايز مشاكل بابا المرة الجاية هيقتلنى
عمار:يا ابنى قولتلك متخافش المرة دى محدش هيعرف حاجة *وبصلهم بغيظ وهما قاعديين يلعبوا ويهزروا*:مش قادر اشوفهم قاعديين يلعبوا ويهزروا كدا بعد ما فرقوا شيلتنا ووقع شكلى بين العيال بعد العملوا ده وزقينى ف الفصل
رامز:بس العيال بتخاف منك برده ع فكرة عشان كدا محدش بيرضا يكلمك
عمار*بصله جامد*
رامز:مش قصدى يعنى بس انا بجد خايف ع الهنعملوا ده
عمار*برقلوا*:قولتلك متخافش
رامز*بتنهيدة*:مــــــــــاشــــــى
*وفضلوا يعملوا خطة عليهم وف الوقت ده كانت كاميليا وهدى بيتكلموا ف الموبايل*
هدى:كل سنة وانتى طيبة ياحبيبتى
كاميليا:وانتى طيبة رمضان كريم
هدى:الله اكرم ,ها هتعملى ايه اول يوم
كاميليا:لسه مفكرناش بس حابة المرة دى نعمل حاجة مختلفة كل مرة بنروح لماما وبابا قولت المرة دى نخليهم ييجوا حتى ماشفوش الشقة الجديدة ييجوا يشفوها
هدى*ابتسمت*:فكرة حلوه اوى انا بقى مش عارفة زهران مش هيرضى يروح لماما وخايفة ماما ماتجيش
كاميليا:هتيجى رمضان شهر الخير والكل بيسامح فيه وان شاء الله الامور تهدا بينهم
هدى:يـــــــــــــــــــــارب
*وفضلوا يتكلموا مع بعض وف الوقت ده يكون زهران خلص شغل وبيركن عربيته ولاقه عربية رأفت مركونة وهو قاعد ع القهوه قرب منه*
زهران:ايه ده رجعت بدرى النهاردة يعنى
رأفت:بدأنا النص يوم بقى عشان رمضان
زهران:كل سنة وانت طيب
رأفت:وانت طيب ياصاحبى هتعمل ايه اول يوم
زهران:لسه مش عارف بس ف الغالب بحب اقضيه ف البيت عندى وساعات هدى تقعد تزن عليا ونروح لمامتها فبروح افطر وانزل بسرعة
رأفت*ابتسم*:حلو ده عموما لسه هشوف هنعمل ايه
عزيز*قرب منهم*:كل سنة وانتوا طيبين يارجالة
زهران:وانت طيب ياعم عزيز
رأفت:وانت طيب وديما بخير ياعم عزيز اومال انت هتعمل ايه اول يوم رمضان
عزيز*رغم حزنه بس حاول يبتسم*:هقضيه لوحدى كالعادة
زهران:هو انت مفيش حد م قريبك هنا
عزيز:عندى اخت بس عايشة ف بنـــهـــا وبتجيلى زيــارات كل فترة اصل عيالها ف دراسة عشان قد عيالكوا
زهران ورأفت:بجد!!
عزيز*ابتسم*:اصلها حكاية طويلة شوية
زهران*قعد وانتباهلوا*
رأفت:احكيلنا
عزيز:اصـل انا امى كان حملها اسمه حمل عزيز *وابتسم*:عشان كدا سمونى عزيز يعنى مش بتحمل بسهولة اوى فبعد 4سنين جابونى وطبعا قعدت بعديها فترة طويلة متحملش ف اهل امى كل شوية يخلوها تعمل اى حاجة م الخرفات دى ع اساس انها تحمل بس هى كانت ديما بترفض وشايفة لما ييجى الاوان هتحمل واهل ابويا كانوا عايزينه يتجوز عشان يلاقى واحدة تجبلوا عيال ويعمل عزوه بقى بس ابويا كان رافض تماما وم هنا لهنا قرروا يهربوا
زهران*بستغراب*
عزيز:هما يعنى ماعملوش حاجة غلط بس هربوا م المكان الـ عايشين فيه وجم ع القاهرة وبعدوا بقى عن كل الاهالى والمعارف وعاشوا مع نفسهم ولنفسهم وربونى وشالوا الموضوع م دماغهم وقالوا خلاص بقى نربيه هو بس وبعديها ب 15سنة تكتشف امى انها حامل فرحنا اوى وامى ماكنتش قادرة تصدق وطبعا عشان سنها كبر شوية فبعد ما جابت اختى تعبت شوية وبعديها بكام سنة ماتت وبعديها ابويا مقدرش يتحمل وهو كمان اتوفى وانا اللى ربيت اختى وكبرتها وجوزتها وبعد ما غالية ماتت كان ليها ورث صغير خدته وعملت به القهوه دى عشان كدا سمتها قهوه الغاليين ع اسمها
رأفت:ربنا يرحمهم جميعا
زهران:ربنا يرحمهم ويصبرك
عزيز:يـــــــــــــــارب
*وفضلوا يتكلموا معاه وكل واحد طلع بيته وقعد مع اسرته وكانوا بيتكلموا ع رمضان *
زهران:انا بفكر نعزم عم عزيز عندنا اول يوم رمضان
هدى*بستغراب*:اشمعنة يعنى
زهران:بصراحة صعبان عليا لانه وحدانى و محدش معاه
هدى*بصتله وقالت بهدوء*:ما ماما كمان لوحدها
زهران*بتنهيدة*:ما اكيد هجبها اول يوم تفطر معانا
هدى*بفرحة*:والله يازهران انا عارفة انك طيب معلش ماما طبعها صعب شوية بس استحملها عشان خاطرى
زهران:عشان خاطرك والله وكمان رمضان قرب ف المسامح كريم
هدى:ربنا يسامحك ويتقبل منك يـــــــــــــارب
*وفضلوا يتكلموا مع بعض وف الوقت ده عيلة رأفت قاعديين مع بعض*
رأفت:بفكر اعزم عم عزيز اول يوم رمضارن
كاميليا*بستغراب*:ليه
رأفت:الراجل مالوش حد يبقى معاه ف يوم زى ده وده شهر الخير واللمة فيبقى معانا وبصراحة طيب والواحد ماشفش منه غير كل خير ، تعرفى انه ساعات مش بيرضا يحاسبنا ويقول اننا زى ولاده وكفاية علينا المصاريف الـ ورانا فبجد كتر خيره
كاميليا:خلاص ماشى حتى بابا يتعرف عليه ويقعدوا سوى
رأفت:ع خير ان شاء الله
*ويعدى اليوم ع الجميع وتانى يوم يكون فؤاد ف المكتب وقاعد معاه يارا بس كل واحد ع المكتب بتاعه ومابيكلمش التانى وشوية وقامت يارا اديته ملفات معاها*
يارا:اتفضل الملفات دى طلع منها رسم بيانى
فؤاد*خدهم منها ومبصلهاش*:ماشى
يارا*لسه هتمشى رجعتله تانى وقالتله بستغراب*:هو انت عارف هتعمل ده ازاى
فؤاد*بصلها وبعديها بص للملفات*:هشوف كدا
يارا:هو ايه الهتشوف ده شغل ولازم يخلص صح عشان اى غلطة هنمشى انا وانت م الشركة دى
فؤاد*بصلها بضيق*:هو انتى عايزة ايه
يارا:عايزاك تدينى فرصة اعرفك تعمل ايه عشان تعرف تشتغل انا مش فاهمة انت رافض ليه ده شغل يعنى مش هنلعب ف الشارع انا وانت
فؤاد:لوسمحتى اتكلمى عدل
يارا:انا بتكلم عدل انت الـ م ساعة ما جيت وانت متجنبنى كأنى اتعملت معاك قبل كدا وضايقتك ف حاجة واحنا حتى اسامى بعض عرفنها بالعافية
فؤاد*سكت ومردش*
يارا*بضيق*:براحتك انا هكون ع مكتبى لو احتاجت حاجة قولى وهبلغ المدير ع فكرة ب ده عشان اى حاجة تحصل تبقى ع مسئوليتك الشخصية ,عن اذنك
*ورجعت يارا تقعد ع مكتبها ومتتكلمش معاه خالص وف الوقت ده مستر ممدوح كان واقف ف الفصل بيوزع ع الاطفال الشاطرة شهادة تقدير وكان م ضمنيهم سلمى وفارس *
ممدوح:عايزكم بقى تتعلموا م اصحابكوا وتبقوا شطار زيهم
*وسابهم وخرج ووقف معاهم تسنيم وقاسم*
تسنيم:الله انا هحاول ف الامتحانات اطلع الاولى عشان تجيلى شهادة تقدير
قاسم:مش مهمة اوى يعنى انا اهم حاجة عندى انى انجح
سلمى:انتى شاطرة ياتسنيم والله وان شاء الله هتاخديها المرة الجاية
فارس:انا مبسوط اوى بابا وماما هيفرحوا جدا بيها
قاسم:طب ما تجيبها اوريها لبابا وماما واقول انها بتاعتى
سلمى:ياسلام ما اسمه مكتوب فارس رأفت فهيم
تسنيم*بستغراب*:يـــــــاه انتى حافظة اسمه كله انا مش هقدر احفظه خالص
سلمى*ابتسمت وبصيت لفارس بحب*
فارس:ع فكرة وانا كمان عارف اسمها سلمى زهران حسن
*وفضلوا الاتنين باصين لبعض ومبتسمين وتسنيم وقاسم باصينلهم وواقفين ف النص وطبعا كانوا فاهمين ان ف حاجة بس ايه هى م صغر سنهم ماكنتش واضحة اوى!! وكان ساعتها ف عيون بتراقبهم وبتحلف مش هتسيبهم ف حالهم ابــــــــــــدا وبعد ســـــــــاعات يكون رأفت راجع م الشغل وراح ع القهوه*
رأفت:ازيك ياعم عزيز
عزيز:الحمد لله يا ابنى انت عامل ايه
رأفت:الحمد لله ,انا جاى اقولك ان اول يوم رمضان هتشرف لو جيت فطرته معانا
عزيز*ابتسم*:ياخبر ده شرف ليا والله ,بس يعنى مش حابب ازعج اسرتك
رأفت:خالص ولا ازعاج ولا حاجة ده حتى مراتى رحبت بالفكرة وان شاء الله حمايا وحماتى هيكونوا موجوديين ويتعرفوا ع حضرتك
عزيز*ابتسم*:ان شاء الله *واول ما قال كدا زهران قرب منهم*
زهران:السلام عليكم
عزيز ورأفت:وعليكم السلام ورحمة الله وبركاته
زهران:انت هتقعد م دلوقتى ع القهوه ولا ايه
رأفت:لا ده انا كنت بتكلم مع عم عزيز
زهران:انا كمان جى اتكلم معاه الصراحة عايز اعزمك عندنا اول يوم
عزيز*اتصدم بس ابتسم*
رأفت:انا العزمتوا الاول معلش بقى ياصاحبى
زهران:ياسلام هو ال بيلحق ولا ايه ,لا والله ابدا انا لازم اعزموا اول يوم يفطر معانا
رأفت:صدقنى سبقتك
زهران:انت ايه رأيك ياعم عزيز ف الكلام ده
عزيز*ابتسم*:طب ايه رأيكم نفطر كلنا مع بعض
رأفت وزهران*بصوا لبعض*
عزيز:البيتين كدا كدا واحد خلينا اول يوم نفطر كلنا مع بعض وكدا كدا رمضان بيحب اللمة وانتوا ف الاول والاخر اصحاب وقريب هتبقوا عيلة واحدة
رأفت*ابتسم*:موافق بس انا حمايا وحماتى هييجوا عشان اول مرة يزرونى فمش هينفع يعنى اعزمهم عندك يازهران وياسيدى يبقى يوم تانى نتعزم عندك وكمان انا اكبر منك بسنتين يعنى انا الكبير وليا الأولوية
زهران*ابتسم*:خلاص ماشى ياعم اتفقنا
*وطبعا فرحوا اوى وبدأوا يتفقوا هيعملوا ايه وف الوقت ده فؤاد قام م ع مكتبه ولسه هيقرب عشان يتكلم مع يارا*
يارا*تكون بتمسك شنطتها وماشية*
فؤاد:استنى
يارا*وقفت وبصتله*:نعم
فؤاد:اعمل الشغل ده ازاى
يارا:والله جاى تسأل دلوقتى خلاص احنا مفروض نمشى
فؤاد*بتنهيدة*:معلش
يارا*بصتله بضيق*:لا معلش انا كمان , انا ده ميعاد مرواحى بكرة بقى هبقى اقولك
فؤاد:طيب براحتك*وسابها ومشى وهى فضلت بصاله ومضايقة اوووى م تصرفه ده وتمشى هى كمان وتعدى ايام ويكون يبدأ بعديها يقعد ويسألها ع حاجات وهى تجاوبوا وتفهمه و الـ بينهم كان شغل وبس وبعد الشغل مايخلص كل واحد فيهم يبص الناحية التانية وميكلمش التانى وكانت يارا وقتها مستغربة اسلوبه ده جداا وتعـــــــــــدى فترة وييجى اليوم اللى هيعلقوا فيه الـزينة وتحصل حاجة...وللحكاية بقية.
هنعرف الحصل الحلقة الجاية
تأليف:فــاطــمــة هــشــام