أعيش حياتى: الحلقة الثانية عشر
جاري التحميل...
الحلقة الثانية عشر
.........
*طبعا ييجى عليهم شهر الخير شهر رمضان ويبقى ف تجمع عائلى ف بيت رأفت وف الوقت درية كمان كانت معزومة وهيفطروا كلهم سوى وتكون راكبة تاكسى ويقف تاكسى تانى قصاد العمارة اللى هى هتطلعها ويكون بينزل حاجات*
درية:ف ايه!!
السواق:والله ياحجة فيه تاكسى تانى واقف قصاد العمارة
درية*تبص بضيق وتنزل وتقرب يكون فهيم بينزل اقفاص فاكهة م التاكسى*
فهيم*بيتكلم بصوت عالى*:ايوه هنا هات القفص ده كمان حاسب توقعوا
درية*قربت منه*:هو ف ايه حضرتك ماتتحرك شوية
فهيم*بصلها بستغراب*:اتحرك فين انا نازل هنا
درية:وانا كمان طالعة العمارة وموقفنا بالتاكسى بقالك ساعة
فهيم:ده ع كدا المغرب اذن بقى
درية*بضيق*:انت بتهزر
فهيم:جرى ايه حضرتك انا جايب حاجات وطالع لابنى وبنزلها وكمان ماجتش ع الخطوتين دول يعنى ما تنزلى تمشيهم
درية:وامشيهم ليه لما ممكن التاكسى يقف قصاد العمارة وانزل قدامها بالظبط
فهيم:ده انتى ست كسولة جدا
درية:احترم نفسك انت بتكلمنى كدا ليه
فهيم:ياستى خلاص اخر قفص وارجعى اقعدى ف التاكسى وهو يوقفك قصاد العمارة
درية:بعد ايه ما خلاص مشيتهم
فهيم:أنتى بتحسبى الخطوات ولا ايه ,ده انتى كسولة بجد بقى
درية*بضيق*:بقى كدا طب انا طالعة واتفضل انت حاسب التاكسى
فهيم:وانا مالى هو انا الجاى به وانا كمان ماعرفكيش عشان احاسبلك ع حاجة
درية*بصتله بعدم اهتمام وطلعت*
فهيم*بيعالى صوته*:انتى ياست انتى ولا ياولية انتى تعالى هنا
سواق التاكسى الكانت ركباه*قرب منه*:لو سمحت حاسبنى عايز امشى
السواق*التانى*:وانا كمان ياحج لو سمحت
فهيم*بصلهم وبصلها وهى كانت طالعة ع السلم*:انتى ياست انتـــــــــــــــى
*وطبعا اضطر فهيم يدفع وكان مضايق اوى مش انه دفع ع قد ما الموقف ضايقه ، ساعتها درية كانت وصلت وسلمت ع الناس الــ فوق*
هدى:مالك ياماما ف ايه
درية:واحد قليل الذوق كان واقف بالتاكسى معطلنى انى اطلع
كاميليا:معلش ياطنط صيام بقى والكل بيزور قرايبه
امينة:ولا تزعلى نفسك الـ يعيش ياما يشوف
رأفت:مش هتقوم تسلم ع حماتك
زهران*بصله وسكت*
رأفت:معلش بقى احنا ف رمضان وحاول كدا يعدى اليوم بخير مش عايزين مُلاباسات
زهران:ياعم انا مش قادر اعمل حاجة ولا عايز اعمل حاجة هى بس الـ تهدا علينا شوية
رأفت:طب يلا *وقاموا قربوا منها*:ازى حضرتك منورانا
درية*ابتسمت*:ده نورك يا ابنى وشكرا ع العزومة ,كدا كدا انا كنت هاكل ف بيتى بس لما هدى قالت ان العزومة عندك وافقت
زهران*بصلها وابتسم ابتسامة صغيرة*:ازيك ياطنط
درية*بجدية*:كويسة
زهران:طيب عن اذنكم *وسابهم هو ورأفت*
*هدى وكاميليا كانوا ف المطبخ والرجالة قاعدين ف الصالون وفارس وسلمى كانوا ف الصالة وشوية والباب خبط*
امينة:هو حد بيخبط
درية:أة تقريبا انا سامعة خبط
امينة:طب معلش هتعبك لو تقومى تفتحى اصل لسه داهنة مرهم المفاصل ومش هقدر اقوم
درية:طب مش اهل البيت برده يفتحوا
امينة:ماكاميليا مشغولة ورأفت مش باين مع جوز بنتك هنسيب اللى برة ,وكمان احنا اهل برده وهناكل دلوقتى عيش وملح مع بعض
درية:طيب هقوم *وقامت وفتحت ومكانش الواقف باين عشان ماسك القفص*:مين
فهيم*وهو بيبعد القفص*:شيل منى الواقف يشيل
درية*اول ما شافته*:هو انت
فهيم*بصوت عالى*:جرى ايه ياست انتى اليوم يومك النهاردة ولا ايه
*الكل بدأ يسمع ويقرب م الباب*
درية:ما تتلم ياراجل انت ف ايه!!
فهيم:ف ايه انتى مش كفاية الموقف العاملتيه تحت ده
هدى*قربت منها*:ف ايه ياماما ايه الحصل
كاميليا:ايه ياعمو بس ف ايه
رأفت*قرب منهم وشال القفص م ابوه*:ف ايه يابابا الحصل
فهيم:الست دى مش عارف مالها بيا وطلعالى ف كل حته كدا ليه
درية:انت الجاى ورايا انا مش طلعالك ف مكان
ابراهيم:اهدا بس يافهيم وتعالا استريح م السفر
فهيم:فيه قفصين برة كمان
رأفت:طب كنت كلمنى يابابا انزل اجبهم منك
فهيم*بص لدرية نظرة نارية*:ما انا خليت سواقين التكاسى يطلعوهم
زهران*بستغراب*:انت حضرتك جاى ف تاكسيين عشان الكام قفص دول
فهيم:الله يجازى الكان السبب
فؤاد:طب ادخل حضرتك ياعمو واحنا هنجبهم *ودخل فهيم فعلا وقعد مع الرجالة وفضل يحكيلهم الحصل ودرية قاعدة مع الستات تحكلهم الحصل*
ابراهيم:معلش بقى يافهيم ما انت عارف الستات ودماغها
رأفت:حقك عليا يابابا هو بس سوء تفاهم
فؤاد*وهو بيفتكر يارا*:والله ياعمو فعلا الواحد مش عارف الستات دى عايزة مننا ايه بالظبط
عزيز:حصل خير ياحج فهيم
فهيم*بص لزهران*:انا مش عارف دى حماتك ازاى الله يكون ف عونك
زهران*قرب م رأفت وشوشه*:مش قولتلك اهيه سابتنى وراحت لبوك هى لازم تضايق حد ما يهدلهاش بال غير لما تعصبنا كلنا
فارس*قرب م فهيم*:جده مش جبتلى البسكويت
فهيم*ابتسم*:طبعا جبتهولك *وطلع كسين*:ومانستش سلمى طبعا بس لما تفطروا تاكلوا ماشى
فارس:هو فاضل قد ايه بقى
رأفت:خلاص ياحبيبى هانت كام ساعة صغيرين
*وف الوقت ده الستات قاعديين مع بعضهم*
درية:ده ايه الراجل ده
امينة:معلش هما الرجالة كدا هنعمل ايه قدرنا
هدى:خلاص ياماما اهدى واكيد عمو ماكنش قصده يعنى
كاميليا:اة والله ياطنط اصل هو متعود كل فترة ييجى يجبلنا حاجات م الارض بتاعته ف حظك انه جابهم المرة دى
سلمى:معلش يانينا متزعليش
درية*ابتسمتلها*:عشان خاطرك ياحبيبتى بس*وقالت بتنهيدة*:عموما خلاص انا مش زعلانة
فارس*وهو مقرب منها وبيديها البسكويت*:جده جابلنا ده بس هناكله بعد الفطار ,هى الساعة كام دلوقتى
كاميليا*وهى قايمة راحة المطبخ*:خلاص ياحبيبى هانت
*ودخلوا هدى وكاميليا يكملوا الفطار وساعات امينة ودرية يدخلوا يساعدوهم والرجالة كلهم قاعديين مع بعض شوية وسلمى وفارس كانوا كل شوية يسألوا الساعة كام عشان عايزين المغرب يأذن عشان يفطروا وفعلا بعد شوية يسمعوا مدفع الافطااار اضرب ويأذن المغرب *
سلمى وفارس:هيييييييييييييييييييييييييييييه *ويجروا يشربوا ماية ويقعدوا كلهم ع السفرة ويكونوا مبسوطين اوى بس طبعا درية وفهيم بيحاولوا يتجنبوا بعض وبينهم نظرات نارية م الحين للاخر وبعد الفطار*
كاميليا وهدى*قاموا يظبطوا باقى الاكل ويعملوا المواعين*
امينة ودرية*صلوا المغرب وقاعدوا يقرأوا قرأن*
الرجالة*اتفقوا كلهم ان وقت التراويح هينزلوا يصلوها وبعديها يقعدوا ع القهوه عند عزيز شوية وقد تم فعلا*
سلمى وفارس*كانوا واقفين ف البلكونة ومبسوطين بالزينة والفانوس والاضاءه*
*وتعدى ساعات وقبل السحور بشوية*
ابراهيم*يطلع هو وفؤاد*:ماتيلا بقى يا امينة ولا هتباتى
امينة:والله القاعدة حلوه وماتتشبعش منك يا درية والله
درية*ابتسمت*:وانا والله انبسطت انى اتعرفت عليكى
امينة:خلاص بقى هبقى اكلمك ع المحمول بعد كدا
درية:طبعا وان شاء الله تنورينى ف بيتى انا قاعدة لوحدى
امينة:ان شاء الله
فؤاد*بيسلم ع اخته*:حلوه العزومة اوى
كاميليا:مبسوطة انك اتبسطت وربنا يوفقك ف شغلك الجديد
فؤاد:ان شاء الله
*وسلموا عليهم ونزلوا والوقت ده كان قاعد ع القهوه عزيز وفهيم وزهران ورأفت*
رأفت:يلا يابابا عشان تطلع معايا
فهيم:لما الست الــ فوق دى تنزل
عزيز:ما خلاص ياحج بقى
فهيم*بضيق*:مضيقانى انا عمر ما ست قدرت تعمل معايا كدا
زهران:لا دى قادرة تعمل اكتر م كدا ،اسألنى انا
*وف الوقت ده كانت درية بتسلم عليهم*
درية:انا كمان همشى
هدى:لا ياماما انا كل مرة بسيبك بس المرة دى مش هينفع البيت بعيد والسحور قرب اتسحرى وباتى وياستى لو عايزة تمشى بكرة امشى
درية*بصتلها وسكتت*
هدى:صدقينى زهران هيكون مبسوط والله
سلمى:أة يانينا باتى معانا ونبى
درية:ماشى
هدى*سلمت ع كاميليا*:بجد اليوم كان حلو اوى
كاميليا:عقبال كل سنة ان شاء الله
هدى:ان شاء الله بس العزومة الجاية قريب هتكون عندنا
كاميليا:ان شاء الله
*وفضلوا يتكلموا مع بعض وبعد كدا سلمى سلمت ع فارس ونزلوا كلهم زهران شاف درية وهى طالعة مع هدى*
رأفت:دى شكلها هتبات عندكوا ولا ايه
زهران*وهو باصص عليهم*:شكلها كدا عموما انا مش فاضى الفترة دى فمش قادر يدوب هتسحر واصلى وانام عشان اشوف بكرة ورايا ايه
رأفت:واحنا كمان يا بابا نطلع عم عزيز اكيد عايز يقفل القهوه بقى
عزيز:لا ابدا والله ده انتوا منورنى ,وبجد مش عارف اشكركم ازاى ع العزومة واليوم الحلو ده اول مرة احس بطعم العيلة
رأفت*ابتسم*:انت فعلا بقيت م عيلتنا ياعم عزيز والله
فهيم:انت راجل طيب وان شاء الله كل ما اجى لرأفت هبقى انزل اقعد معاك شوية واجيب ابراهيم كمان يقعد معانا
عزيز:تنورونى والله
*وفضلوا يتكلموا مع بعض وفعلا طلع بعديها مع ابنه وزهران كمان طلع والعيلتين م تعب اليوم يدوب اتسحروا وصلوا الفجر ونـــــــــــــــــاموا وتانى يوم يروح فؤاد الشغل واول ما يدخل تكون يارا ماجتش يقعد باصص ع مكتبها كل شوية ومستنيها وبعديها بشوية تدخل ومتكلموش*
فؤاد*يبص يقوم بتردد*:انــا ماكنش قصدى الحصل
يارا*ما تبصلوش وتفضل تبص ع ورق القصادها*
فؤاد:انا بس ف حاجة جوايا ملغبطانى شوية عموما م النهاردة هتكلم معاكى
يارا:هو انت فاكرنى بعمل كدا عشان تتكلم معايا
فؤاد*بستغراب*:أومال ايه
يارا*بضيق*:انا بس عايزة احس اننا بنتعامل طبيعى مش احس كأنك مجبر للمعاملة معايا كزمايل عادى ترمى السلام وانت داخل وانت ماشى تسألنى ع اى حاجة ف الشغل محسش انك بتكلمنى م تحت ضرسك وكأنى عملت حاجة انا مش عرفاها
فؤاد*بتنهيدة*:ماشى هتعامل طبيعى ,حاجة تانية
يارا:شوفت اسلوبك عامل ازاى ، ده طبيعى ده
فؤاد:اللهم انى صايم *وابتسم ابتسامة لحد ودانه*:انتى عاملة ايه
يارا:كويسة
فؤاد:طيب ,هروح ع مكتبى اشوف شغلى ممكن
يارا*بصتله وشاورت بأيديها كأنها بتقولوا اتفضل*
فؤاد*اداها ضهره ونفخ وبدأ يقعد ع مكتبه ويشتغل بهدوء*
يارا*برده ماكنش عجبها الحصل وقررت متتكلمش معاه تانى*
*وف الوقت ده يكون ف المدرسة بنت قاعدة تعيط وتصرخ وعمالة تقول ان المقلمة بتاعتها ضاعت والمُدرسة بتاعت الفصل قررت تفتش شنط الطلاب....وللحكاية بقية
هنعرف الحصل الحلقة الجاية
تأليف:فــاطــمــة هــشــــام