المقبرة الملعونة الفصل الخامس: "الخروج"
جاري التحميل...
بدون عنوان
.........
الفصل الخامس: "الخروج" الهواء بقى تقيل… والصمت… مرعب أكتر من أي صوت. سما كانت باصة على التابوت… قلبها بيدق بعنف… "مستني… حد يفتحه." الجملة دي كانت بتدور في دماغها. ياسين قال: "مفيش حد هيقرب من القرف ده… إحنا لازم نمشي حالًا!" لكن ريتاج… قربت خطوة. "هو مش هيستنى كتير." سما صرخت: "ريتاااج! لااا!!" لكن— الخبط رجع. أقوى… أعنف… خبط! خبط! خبط! التابوت كله بدأ يتهز… الأرض تحتهم بتترعش… والقبور حواليهم— اتفتحت كلها. إيدين بتطلع… أجسام بتزحف… عيون ميتة بتبص عليهم. ياسين قال وهو بيصرخ: "اهربوااا!!!" لكن قبل ما يتحركوا— غطا التابوت اتفتح. ببطء… صوت صرير طويل… وكأن الأرض نفسها بتتألم. ومن جوه… طلع هو. … جسمه كان طويل… أطول من أي بني آدم… جلده أسود… مش لون طبيعي… كأنه متحرق… أو مش من هنا أصلاً. وشه؟ مش واضح. كأنه ضلمة متشكلة على هيئة وش. لكن عينيه… كانت بتنور. نور أبيض… قوي… يخوّف أكتر من الضلمة. … سما همست: "يا رب…" الكيان بص حواليه… وبعدين بص لريتاج. وسأل: "إنتي… اللي صحّتيني؟" ريتاج ابتسمت. "لا…" وسكتت لحظة… "أنا بس الباب." الكيان قرب خطوة… الأرض بتسود تحت رجله. "يبقى… نبدأ." … فجأة— صرخات انفجرت من كل ناحية! الأرواح اللي خرجت من القبور… بدأت تجري عليهم! أشكال مشوهة… ناس مكسّرة… عيونها فاضية… واحد منهم هجم على ياسين! ياسين زقه بصعوبة: "ابعد عني يا مجنون!!" لكن التاني مسكه من ضهره! سما جريت تساعده: "سيبه!!!" لكن فجأة— الكيان رفع إيده. كل حاجة وقفت. الأرواح اتجمدت مكانها. الصمت رجع… مرة واحدة. … الكيان قال: "دول… مش ليكم." وبإشارة بسيطة… الأرواح اختفت… رجعت تحت الأرض… كأنها ما كانتش موجودة. … سما كانت بتترعش: "إنت… عايز إيه؟!" الكيان بص لها… "إنتي… تعرفي." "أنا معرفش حاجة!!" ريتاج قالت بهدوء: "تعرفي… بس ناسية." … سما اتجمدت: "يعني إيه؟!" ريتاج قربت منها… وقالت: أبوك." … الصمت وقع. ياسين: "إيه؟!" سما بصّت لريتاج بصدمة: "أبويا مات من سنين…" ريتاج هزّت راسها: "لا…" وسكتت لحظة… وقالت: "هو اللي حبسهم هنا." سما حسّت الدنيا بتلف بيها: "مستحيل…" الكيان ابتسم… أو على الأقل… حسّوا إنه بيبتسم. "دمه… هو المفتاح." … وفجأة— الكيان اختفى. بس قبل ما يختفي… صوته فضل موجود: "وإنتي… المفتاح التاني." … الضلمة خفّت… الهواء رجع… المقبرة بقت هادية فجأة. كأن كل حاجة خلصت. … ياسين بص حواليه: "إحنا… عايشين؟!" سما كانت واقفة… مش قادرة تتكلم. كلام ريتاج بيدور في دماغها: "أبوك." … ريتاج بصّت للتابوت الفاضي… وقالت: "ده لسه البداية." سؤال الفصل: لو اكتشفتي إن أبوكي هو سبب اللعنة… هتحاولي تصلّحي اللي عمله؟ ولا تهربي وتنسي كل حاجة؟ 😨💔
