الحلقة الرابعة والعشرون: أعيش حياتى
جاري التحميل...
الحلقة الرابعة والعشرون
.........
*وتكون الامور بين يارا وفؤاد متوترة بعد الكلام القالته وكانت مستنية تحس انه يسامحها ، وبرده موضوع الجواز كان شغلها اوى وف الوقت ده سلمى وفارس يسمعوا صوت صريخ ويكون رأفت تحت العمارة لسه هيركب يسمع الصوت يطلع يجرى وفارس برده يدخل بسرعة ويجرى*
كاميليا:ف ايه؟
فارس:طنط هدى بتصرخ شكل ف حاجة
كاميليا*بخضة وتجرى بسرعة مع ابنها تشوف الحصل*:استر يـــــارب
*سلمى تدخل تلاقى باباها واقع ع الارض ووشه مزرق*:بابا مالك بابا رد عليا
هدى*بتعيط*:زهراان ف ايه ،يازهران ايه الحصل
رأفت*كان بيخبط ع الباب*
سلمى*قامت وهى بتعيط وفتحت الباب*:عمو اللحق بابا
رأفت*قرب منه بخضة وفضل يحرك وشه بأيده*:زهران حاسس بأيه *وطبعا لما شاف كدا قام واتصل بالآسعاف*
كاميليا*جت وشافت المنظر ده اتخضيت وقربت م هدى وفضلت تهديها*
فارس*بص لسلمى وهى عمالة تعيط وقرب منها وتبطب ع كتفها*:متقلقيش ان شاء الله هيبقى كويس
*وبعد شوية تيجى الاسعاف وتاخده ويروحوا كلهم معاه ويدخل اوضة وهما يفضلوا بره وخايفين عليه جدا وبيحاولوا يهدوا ويطمنوا ان هى هتعدى وشوية ويخرج الدكتور وكلهم يرجوا عليه*
هدى:طمنى يادكتور
الدكتور:الحالة اللى جاتلوا دى بسبب مشكلة ف الرئة ,هو بيدخن؟
هدى*حركت راسها بنعم*
الدكتور:تمام السجاير للاسف عملت ضعف وتلف ف الرئة ومع المجهود والسقوط حصل نقص مفاجئ ف الاكسجين وده اللى خلاه مش قادر يتنفس ووشة يكون مزرق بالشكل ده
رأفت*بخوف*:يعنى حالته خطيرة
الدكتور:احنا سيطرنا ع الوضع مبدئيا وحطيناله اكسجين وبنعملوا فحوصات ومحتاج يفضل تحت الملاحظة شوية واهم حاجة انه يبطل التدخين عشان الوضع مايتكررش تانى
سلمى*الدموع نازلة م عنيها زى المطر*:مش هنخليه يشربها تانى ابدا
هدى:ينفع نشوفوا
الدكتور:شوية وهيتنقل الاوضة التانية وتقدروا تشوفوا ,عن اذنكم
سلمى:انا خايفة ع بابا اوى ياماما*هدى حضنت بنتها وفضلت تعيط*
كاميليا*قربت منهم*:ربنا يخليهولكوا يــــــــــارب
*وطبعا ع قد قلقهم بس كلام الدكتور طمنهم بس كانوا خايفين عليه اوى وخصوصا رأفت كان قلقان ع صاحبه وخايف يحصله اى حاجة وف الوقت ده تكون يارا خرجت ورجعت المكتب*
يارا*بستغراب*:مستر رأفت مجاش
فؤاد*ساكت*
يارا*قربت منه*:بقولك مستر رأفت مجاش
فؤاد:اعمل ايه يعنى؟ زمانه جى
يارا:عمره ما تأخر كد حتى الـ ف المكتب اللى جامبينا مستغربين
فؤاد*بتنهيدة*:انتوا هتقلقونى ليه
يارا:أنا بقولك وخلاص عشان ما تقوليش انى ماقولتلكش *ورجعت قعدت ع مكتبها*
فؤاد*ساعتها بص ع موبايله وكان بيفكر يستنى شوية كمان لو مجاش هيتصل*
*وف الوقت ده دخله لزهران وكان محطوتله جهاز الاكسجين وكان باصصلهم والدموع ف عنيه*
سلمى*قربت منه وباست ايده*:بابا انت كويس
زهران*حرك راسه براحة بنعم*
هدى:حمد الله ع سلامتك ياحبيبى ،مش قولتلك بطل السجاير دى
رأفت*قرب منه وابتسم*:جرا ايه فاكر هتهرب منى ولا ايه هغلبك برده ف الطاولة قوم كدا قهوه الغاليين مستنيانة
زهران*ابتسمله*
كاميليا:الف حمد الله ع سلامتك يا استاذ زهران ربنا يقومك بألف سلامة
فارس:الف سلامة عليك ياعمو قوم عشان الماتش الجى نتفرج عليه سوى وتجيبلى التيشيرت عشان التانى مقاسه صغير عليا اوى
زهران*ابتسم وحرك راسه بنعم*
الممرضة*تخبط وتدخل*:ياجماعة معلش الزحمة كتير غلط انا دخلتكوا بس عشان تطمنوا عليه وانتوا وعدتونى انكوا هتطمنوا عليه وتخرجوا
رأفت:طب يلا بينا احنا وهنجيلك تانى
كاميليا:هدى احنا هناخد سلمى معانا
سلمى*بتحرك راسها بالنفى وتمسك ايد باباها*:لا انا عايزة افضل مع بابا
هدى:مش هينفع ياحبيبتى روحى معاهم وكمان هتقعدى تعملى ايه انتى وراكى برده مذاكرة كفاية انك ماروحتوش النهاردة المدرسة
سلمى*بصيت لمامتها وسكتت*
فارس*بصلها وابتسم*:يلا ياسلمى
سلمى*وهى بتبص لباباها اخر نظرة ومشيت معاهم وقفلت الباب وف الوقت ده تسنيم كانت قاعدة ومستغربة انهم ماجوش وقربت م قاسم كان قاعد مع زمايله*
تسنيم:قاسم ياقاسم
قاسم:استنوا راجع تانى*وقرب منها*:ايه ف ايه؟
تسنيم:هو انت مش مستغرب ان فارس وسلمى ماجوش
قاسم:بصراحة مستغرب ولسه العيال كانت بتسألنى عليه وبيقولولى مجاش ليه
تسنيم:مجاش ليه
قاسم*بصلها بأستفهام*:وانا ايش عرفنى ما انا معاكى وماعييش الموبايل اتصل عليه
تسنيم:أنا معايا
قاسم:طب اتصلى
تسنيم*بضيق*:مفيش رصيد
تقى*كانت قاعدة وسمعت الحوار*:انا معايا
تسنيم وقاسم *بصولها بستغراب*
تقى:انا مش قصدى اسمعكم بس انتوا واقفين جمب الديسك بتاعى وكمان بصراحة انا كمان قلقانة ع فارس
تسنيم*بصتلها بأرف*
تقى*ابتسمت ابتسامة صغيرة*:وسلمى طبعا *وبتقرب الموبايل منهم*:خده اتصلوا عليه
قاسم*ابتسملها بسذاجة ولسه هيمسك الموبايل*
تسنيم*مسكته هى وبصتلها وابتسمتلها ابتسامة رخمة*:لا شكرا احنا هنبقى نتصل لما نروح مش عايزين نضيع رصيدك
تقى:لا عادى هو اصلا ف رصيد كتير
تسنيم*وهى بتحطهولها ف ايديها*:لا معلش مش هينفع *وبصيت لقاسم بحذر*:مش هينفع
قاسم*حرك راسه بنعم بسرعة*:ايوه ايوه مش هينفع
تقى*بضيق*:طيب *ورجعت قعدت ع الديسك بتاعها*
تسنيم:ماشى انا هرجع مكانى
قاسم:وانا هروح اقعد مع اصحابى
*وكل واحد راح مكانه وتقى قعدت جمب بسمة*
بسمة:ف ايه مضايقة كدا ليه
تقى:تتصورى مارضيتش تدينى رقمه
بسمة:رقم مين
تقى:ركزى اكيد فارس يعنى
بسمة:ما اكيد يعنى عشان خاطر سلمى
تقى*بصيت بتحدى*:انا هجيب الرقم بمعرفتى
*وف الوقت ده تكون سلمى وصلت البيت عند كاميليا ورأفت*
كاميليا:هعملكوا حاجة تاكلوها عشان تقعدوا تذاكروا
سلمى:مش عايزة اكل ياطنط
رأفت*بصلها وابتسم*:وبعدين بقى الحمد لله يابنتى احنا اطمنا وباباكى بخير متقلقيش وان شاء الله ده مش هيتكرر تانى ابدا وعدم اكلك مش هيفيد بحاجة
فارس:انا عايز اكل ممكن تاكلى معايا
سلمى*بتنهيدة*:ماشى
كاميليا*بصيت ع رأفت*:هتعمل ايه هينفع تروح الشغل
رأفت:لا خلاص بقى هاخده اجازة هقعد اريح شوية
*كاميليا بصتله وابتسمت ودخلت المطبخ وفارس وسلمى قعدوا مع بعض عشان يذاكروه وطبعا ماكنتش مركزة خالص*
فارس:خلاص ياسلمى عشان خاطرى بقى
سلمى*الدموع ف عنيها*:حاسة انى مش قادرة اذاكر انا عايزة اقف ف البلكونة شوية
فارس*مسك ايديها*:طب تعالى *ودخلوا وقفوا ف البلكونة*
سلمى*اول ما شميت الهواه حسيت انها ارتاحت ولمست الحبل وابتسمت*
فارس:فاكرة لما كانوا عايزين يشلوه
سلمى*افتكرت وابتسمت*:فاكرة ,وفاكرة بابا خدنى ف حضنه ازاى وطمنى انه مش هيعمل كدا عشان مازعلش
فارس:سلمى ماتخفيش طول ما انا معاكى ,وكمان مفيش اى حاجة وحشة هتحصل ان شاء الله وعمو هيقوم وهيرجع البيت وهيفضل ف وسطينا لحد ما يشوف عيال عيالنا كمان
سلمى*ابتسمت بكسوف:ان شاء الله ,طب يلا ندخل نذاكر بقى *ولسه هتدخل فارس مسكها م ايديها ووقف قصادها*:قوليلى الاول
سلمى*بصتله*:اقول ايه؟
فارس:مين اللى بحبها
سلمى*ابتسمت*:انـــا
فارس:مين اللى عايشلها
سلمى*بأنبساط*:انــــا
فارس:مين اللى هتجوزها
سلمى*بكسوف*:انــــا
*فارس بصلها بحب وابتسم ولسه هيدخلوا م البلكونة موبايله يرن*
سلمى*بستغراب*:مين؟
فارس:مش عارف رقم غريب
سلمى:طب رد
فارس:الو
قاسم:الو يافارس انت فين
فارس:ايوه ياقاسم
سلمى*لما عرفت انه قاسم ابتسمت ودخلت م البلكونة*
قاسم:انت ماجتش ليه
فارس:عمو زهران تعب ودخل المستشفى
قاسم*بخضة*:بجد وايه الحصل
فارس:لما اشوفك بقى ,اومال رقم مين ده
تقى*خدت منه الموبايل وقالت بدلع*:الو يافارس انت كويس
فارس*اول ما سمع صوتها قلق شوية واتكلم بهدوء*:اة
تقى:بصراحة قلقنة عليك اوى وكنا عايزين نطمن عليك انت بجد كويس
فارس:اة والله هو بس حصلت حاجة كدا وقاسم هيبقى يقولك بقى
كاميليا*صوتها جى م برة*:فارس يلا عشان تاكل
سلمى*صوتها جى م برة*:خليه يسلملى ع تسنيم
فارس*بتوتر*:طيب انا لازم اقفل ضرورى سلام
*وقفل بسرعة ف وش تقى ,تقى ع قد ما اضايقت بس انبسطت اوى ان رقمه معاها*
قاسم:اوعوا حد يقول لتسنيم بقى
بسمة:اكيد مش هنقول حاجة وكمان انا جيت عرضت عليك لو حابب تكلمه وانت اللى وافقت
قاسم*بصلها*:ما بصراحة قلقتونى لما قولته يمكن حد حصله حاجة وانا بصراحة اول مرة فارس يغيب م غير ما يقولى فقلقت اكتر
تقى*ابتسمت بأنتصار*:هو قالك غاب ليه
قاسم:والد سلمى تعبان
تقى*بتمثيل*:بجد ياعينـــى
بسمة:طب حصل حاجة
قاسم:ما فهمنيش حاجة لما ييجى بقى *وبص لتقى*:امسحى الرقم بقى عشان مايحصلش مشاكل
تقى*وهى بتحرك صوابعها ع عنيها الاتنين*:م عينى *ومسكت موبايلها ومسحته و وريتهولوا*:اهوه ياسيدى
قاسم:ماشى انا همشى بقى
*ومشى قاسم وكانت تقى مبسوطة اوى*
بسمة*بصدمة*:انتى بتهزرى بعد الـ احنا عملناه وانتهزنا الفرصة ان تسنيم مشغولة عشان نقعد نتكلم معاه ونقنعوا وانتى تمسحى الرقم بسهولة كدا
تقى:خدته اسكرين شوت اكيد وكمان الرقم ده هحفظه جوه جوه عقلى
بسمة*بصتلها بتنهيدة*:مــــــــاشى
*وفضلوا يتكلموا وشوية وخرج فارس م البلكونة*
سلمى:كان رقم مين ده
فارس*بيحاول يهدى توتره*:ده واحد صاحبنا ف المدرسة*هو ماكنش عارف ليه كدب عليها بس كان شايف انها مضايقة بموضوع باباها واكيد لو عرفت انه رقم تقى هتضايق اكتر وماكنش حابب يحصل اى مشكلة بينهم دلوقتى خالص*
كاميليا:طيب يلا كلوا بقى وكملوا مذاكرتكم احنا عايزين مجموع عالى وان شاء الله ف الثانوى ترفعوا راسنا كدا
سلمى*ابتسمت ابتسامة صغيرة*:ان شاء الله
فارس*ابتسم*:اكيد بأذن الله
*وشوية وموبايل رأفت يرن*
رأفت*بص لكاميليا*:ده فؤاد *ورد عليه*:الو يافؤاد
فؤاد:انتوا كويسين يارأفت
رأفت:اة الحمد لله *وقال بحزن وبعد عن سلمى وفارس شوية*:هو بس زهران تعب شوية ودخل المستشفى
فؤاد:ليه بس ماله ايه الحصل
رأفت:شوية تعب بسيط وان شاء الله هيبقى كويس
فؤاد:ان شاء الله الف سلامة عليه واكيد هنيجى نشوفوا انا وبابا وماما
رأفت:تنوروا طبعا
*وقفل معاه وراح ياكل مع عيلته وسلمى وف الوقت ده يارا كانت قلقانة*
يارا:ايه الحصل
رأفت:واحد جارهم وزى اخوه تعب ودخل المستشفى
يارا:طب هو كويس
فؤاد:اة الحمد لله
*وقعد ع مكتبه يكمل شغل عشان ما يتكلمش ف حاجة تانية وبعديها موبايل يارا يرن وتكون نهى*
يارا*ترد عليها*:الو
نهى:ها فكرتى
يارا*ابتسمت*:طب قولى صباح الخير ،مساء الخير اى حاجة
نهى:ياستى صباح ومساء وكل الـ انتى عايزاه فكرتى
يارا*وهى بتوضح الكلام وباصه لفؤاد*:بخصوص العريس يعنى
نهى:أومال العروسة ما تنطقى يابنتى
يارا*وهى باصه ع فؤاد القاعد ومركز ف الموبايل بتاعه ومش باصصلها بس واثقة انه سامعها وقالت بتنهيدة*:انا موافقة اشوفه واقعد معاه
*نهى فرحت اوى وقفلت معاها وقالت لجوزها عشان يحدده ميعاد وف الوقت ده هدى تكون قاعدة ف المستشفى وموبايلها يرن.....وللحكاية بقية
هنعرف الحصل الحلقة الجاية
تأليف:فــاطــمــة هــشــام