أعيش حياتى: الحلقة التانية
جاري التحميل...
الحلقة التانية
.........
*نزلت هدى عشان تشترى حاجات م السوق وطبعا عشان هما لوحدهم ف البيت فأضطريت تاخد سلمى ونبهت عليها انها تفضل معاها لكن بعد شوية ملقتهاش جمبها فضلت تصرخ وتنده عليها*
هدى*وهى بتبص حواليها بصدمة*:سلمى انتى روحتى فين يا ســلمــى اللحقونى ياناس بـنـتــــــــــــــــــــــــى ضاعت منى ,محدش شاف بنتى, ياسلمــــى *طبعا انهارت والناس حاولوا يعرفوا منها مواصفتها ويدوروا عليها ، وف الوقت ده سلمى واقفة ف مكان وعمالة تعيط و ال خلاها تبعد عن مامتها انها شافت العروسة العيزاها ف ايد حد بس ملحقتش تشوف مين وشدتها اووى وراحت وراها عشان كانت عايزة تلعب بيها وطبعا هى صغيرة ومش فاهمة ان بكدا غلط وهتوه بس فجأه اختفيت العروسة م قصادها وبتبص ع مامتها ملقتهاش فضلت واقفة ع جمب وتعيط جامد وتنده ع مامتها*
سلمى:ماما انتى فين سبتينى وروحتى فين يامــا مــا *وفضلت تعيط وتنده عليها وشوية ولقيت ايد بتتحط ع كتفها اتخضيت وبصيت وراها كان فارس فضلت بصالوا*
كاميليا*هى كمان نزلت كانت بتشترى حاجة من السوق ولما شافت سلمى لفتت انتباها وراحتلها *:مالك ياحبيبتى بتعيطى ليه
سلمى*بأسلوب طفولى وانهيار*:مامتى ضاعت منى ومش لاقياها ،انا عايزة ماما ، عايزة ماما
كاميليا*طبطبت ع كتفها*:طب اهدى ياحبيبتى وان شاء الله هنلاقيها تعالى معايا
سلمى *فضلت بصالها وخايفة*
فارس*قربلها ايده*:تعالى معانا متخافيش هنرجعك لمامتك
سلمى *بصتله ولقت نفسها مسكت ايده وفضلوا ماشيين*
كاميليا* فضلت تدور ع مامتها بس السوق كان كبير وماعرفتش توصل واخر مازهقت خدتها معاها بس سلمى كانت م كتر العياط والخوف نامت وشالتها كاميليا ع كتفها وبالايد التانية مسكت فارس وراحت ع البيت*
زهران*كان وصل ف الوقت ده السوق*:انتى ازاى تعملى كدا ازاى ده حصل ازاى
هدى*بعياط*:والله كان عينى عليها انا يدوب كنت بنقى الخضار وحاسبت وجيت امشى ملقتهاش بنتى ضاعت منى يازهران بنتى ضاعت *وفضلت تعيط بهستريا ,زهران خدها وراحوا القسم وبلغوا وقالولهم هى كانت لابسة ايه ومواصفتها وطبعا ماكنش بأيديهم حاجة غير انهم يرجعوا البيت ويستنوا اتصال انهم لاقوا البنت وطبعا الساعات دى عدت عليهم كأنها سنين وف الوقت ده سلمى صحيت م النوم لقيت نفسها ف بيت غريب*
سلمى*الدموع نازلة ع خدها *:انا فين وماما مش موجودة ليه ,انا عايزة ماما
كاميليا*بصتلها وكانت صعبانة عليها اوى*:ان شاء الله ياحبيبتى ماما هتيجى تاخدك وتروحى معاها بس انتى بطلى عياط وكُلى مع فارس انا عملتلك طبق عشان لما تصحى تاكلوا سوى
فارس*بصلها بحب طفولى *:انا مرضتش اكل غير لما تصحى وناكل سوى ،يلا بقى عشان انا جعان اوى
سلمى *بصتله وحاولت تهدى وكانت فعلا حسيت بجوع وقعدت جمبه وبدأت تاكل*
كاميليا*بصتلها وابتسمت*: خلصى طبقك كله عشان لما ماما تيجى اقولها انك شطورة وكلتى كويس *وسابتهم ودخلت المطبخ تكمل الغدا*
فارس: عارفة بعد ما ناكل هنلعب سوى انا عندى العاب كتير وعندى كمان دى*وراح فتح شنطة مامته وجاب العروسة وادهالها*
سلمى*اول ما شافتها فرحت اوى كانت حابة العروسة دى جداا *:ايه ده!! هى كانت معاك انت هو انت جبتها ازاى
فارس:هقولك *وبدأ فارس يحكيلها ونرجع" فلاش باك" لما كانوا ف السوبر ماركت وبعد ما سلمى مشيت*
كاميليا*مسكته م ايده *: يلا يافارس عشان نروح
فارس*بعد ايده عنها *: انا عايز العروسة دى *ومسكها بأيده*
كاميليا*بستغراب*: عروسة ايه يافارس هو انت بنت انت ولد ياحبيبى وغلط انك تلعب بعرايس
فارس*بدأ يدبدب ع الارض ويعيط *:مليش دعوه انا عايز العروسة دى مليش دعوه هاتيهالى
كاميليا*طبعا اتحرجت ولقيت الناس بتبص عليها وقامت خدت العروسة *:ماشى يا فارس بس حسابنا لما نرجع البيت *وخدته مشيت ورغم استغربها ان ابنها عايز عروسة بس قالت يمكن ده نوع م الاكتشاف ويمكن زهق وعايز يلعب بحاجات مختلفة وقالت برده هتراقب الموضوع ده لحد ماتعرف موضوع العروسة ده ايه،ويوم السوق كانوا نازلين *:يلا يافارس عشان هننزل نجيب حاجات
فارس*وهو بيمسك العروسة *:حاضر
كاميليا*بستغراب*: هو انت ليه كل ما ننزل بتاخد العروسة دى معانا
فارس:عايز افسحها يعنى احنا نخرج وهى لا مش حرام كدا
كاميليا*ابتسمت ع كلام ابنها *:لا عندك حق حرام طبعا
*وخدته ونزلوا وطبعا سلمى ساعتها شافتها ف ايده ولفتت انتباها بس ماشافتش فارس ان هو الكان ماسكها وفضلت ماشية وراهم بس وسط الزحمة تاهوه*
كاميليا:هات يافارس العروسة دى حطها ف الشنطة كفاية كدا وكمان عشان ماتقعش منك وتضيع
فارس*بحزن ادهالها ،هو كان ع طول مسكها عشان لما يقابل سلمى تانى يدهلها مكانش عارف ازاى هيتقابلوا بس كان بيدعى ديما انه يشوف البنت اللى شافها ف السوبر ماركت عشان يديها العروسة الكانت عايزاها*
سلمى*بفرحة *:حقيقى شكرااا اوى انا فعلا كنت عيزاها وعجبانى وروحنا تانى يوم ملقتهاش وكنت مضايقة اوى بس ماما قالتلى خدى اى واحدة تانية بس مرضتش عشان كانت هى دى العجبانى وعيزاها
فارس*بصلها وابتسم *:طب يلا نلعب بقى
*وع قد ما سلمى كانت مفتقدة مامتها بس بوجود فارس نسيت ده وكانت حاسة كأنها بتلعب ف نادى وشوية ومامتها هتيجى تاخدها زى ماكانوا بيخرجوا وتسيبها تلعب ف الالعاب بس طبعا عنيها كانت بتبقى عليها ومرقباها م بعيد لكن المرة دى غابت عن عنيها خالص وف الوقت ده طبعا هدى منهارة وزهران هيتجنن وهيموتوا م القلق ع بنتهم*
هدى*بعياط *: يارب رجعهالى لحضنى تانى ونبى يااارب ده انا مليش غيرها يااارب ونبى يااارب
زهران*كان مركز ع موبايله ومستنى اللحظة الهيحصل فيها اتصال وشوية ويلاقوا جرس الباب بيرن تجرى هدى تفتح ع امل انها تكون هى بس تلاقى درية*
درية*بعياط *:سلمى فين؟ حفيدتى فين لسه ملاقوهاش
هدى:لسه ياماما لسه
درية:ياحبيبتى ياترى حصلها ايه
زهران*بضيق *:طنط احنا ع اخرنا فبلاش الكلام اليوتر ده
درية*بغضب *:قصدك ايه انى بوتركوا انا قلقانة ع حفيدتى يمكن اكتر منكم *وبصتلهم هما الاتنين *: وكمان يعنى لو كان عندكوا عيال تانيين مش كان الموضوع يبقى اهون
زهران*بغضب*:يعنى ايه يعنى!! لو كان عندنا عيال تانية كنا هنقول خلاص مش مشكلة حد يضيع منهم هو انتى فاكرة العيال عبارة عن استيبن ولا ايه دول روح اتكونوا مننا وم دمنا
هدى*بصتله بحزن*: خلاص ونبى يازهران اهدا *وبصت لمامتها *:وانتى كمان ياماما انا مش ناقصة والله
درية:ماشى انا هقدر بس خوفك ع بنتك ومش هعقب ع كلامك *وخدت بنتها ف حضنها *:متقلقيش ياضنايا هترجع بالسلامة ان شاء الله
*وفضلوا قاعديين بيدعوا برجوعها وف الوقت ده يوصل رأفت البيت واول ما يدخل يشوفها هى وابنه قاعدين يلعبوا مع بعض*
كاميليا:انت جيت يارأفت *ووقفت بصتلها وبعدين بصتله*:هنعمل ايه دلوقتى
رأفت: م ساعة ماكلمتينى ف الموبايل وحكتيلى الحصل وانا ف حيرة بس هنعمل ايه هناخدها نوديها البوليس وهما يبحثوا عن اهلها لقوهم لقوهم ملقهومش يبقى خلاص هيودوها اى مكان بقى مناسب ليها
كاميليا*بحزن*: ياحبيبتى يابنتى ده كدا هتبهدل اوى يارأفت حقيقى صعبانة عليا
رأفت*وهو باصص ع سلمى وصعبانة عليه*:مين سمعك انا كمان والله م اول مادخلت وشوفتها وحاسسها بنت ناس وجميلة مش وش بهدلة خالص
كاميليا:عارف انا حاسة انى شوفتها قبل كدا بــ ـــس مش عارفة فين بجد
رأفت*بصلها وسكت*
كاميليا: طب ايه رأيك لو ملقناش اهلها نتبناها
رأفت *بصلها بستغراب*:ايه ال بتقوليه ده يا كاميليا
كاميليا* الدموع ف عنيها*:بما اننا مش هنعرف نجيب اخوات لفارس نعتبرها اخته وكمان انت عارف فارس م فترة لاقيته صمم يجيب عروسة لعبة ف الاول استغربت وبعد كدا قولت يا حبيبى نفسه يكون لى اخت مايمكن دى علامة
رأفت*بصلها وفضل يفكر ف كلامها وسكت*
كاميليا: ونبى توافق انا حاسة ان ربنا بعتهالنا مخصوص هدية م السما عشان فارس
رأفت*بتنهيدة*:ان شاء الله نشوف الموضوع ده نوديها بس البوليس ونعرف الهيحصل الاول ولو ملقناش اهلها نتبنها
كاميليا:ان شاء الله *وبصيت عليهم وكانت مبسوطة اوى وحاسة ان سلمى هتكون معاهم ع طول وبصيت ع طبق فارس لاقته لسه ف اكل عاليت صوتها شوية *:فارس خلص طبقك يأما مفيش فرجة ع اى كارتون النهاردة
فارس*بضيق *: يوووه حاضر ،امتى بقى اكبر واعمل كل ال انا عايزه واعيش حياتى
سلمى:يعنى ايه تعيش حياتك؟!
فارس:يعنى اعمل كل حاجة واى حاجة انا عايزها براحتى م غير ما حد يمنعنى ولا يقولى لا بجد نفسى اعيش حياتى اوى
سلمى*بصتله وافتكرت انها سمعت الكلمة دى م باباها لما كان بيقول لمامتها نعيش حياتنا ولاقيت نفسها ابتسمت *:انا كمان لما اكبر هعيش حياتى
فارس*بصلها وابتسم وفضلوا يكملوا لعب*
*وف الوقت ده زهران كان قاعد ع الكرسى ودماغه فيها مليون حاجة وطبعا بيحاول يتجنب الكلام مع درية*
درية: هو انتوا قولتوا لحد تانى ع الحصل
هدى:لا ده لولا انك اتصلتى بيا ف وقتها ماكنتش عارفة هقولك ولا لا
درية:لا ياحبيبتى انا مايستخبيش عنى حاجة وكمان انتوا لازم تقولوا للكل عشان كلهم يدوروا معانا
زهران: لما نشوف البوليس هيعمل ايه الاول
درية:بلا بوليس بلا نيابة الناس لما تعرف كله هيبدأ يدور و يلاقوها اسرع
زهران*بنرفزة *:عايزانا نقول للناس ايه اللحقونا دوروا ع بنتى اللى مراتى ضيعتها عايزين يشوفوا شطارتك بنتك اوى وازاى حفظت ع بنتها
هدى *اول ماسمعت كدا فضلت تعيط *:والله غصبن عنى والله وانا يعنى هبقى عايزة اضيع بنتى حته منى
درية*بأنفعال*: لا ماسمحلكش بقى كلامك كدا جارح وكمان كان ممكن يحصل ده معاك كنا نقول ساعتها عليك ايه شوفوا الاب الفاشل
زهران *بضيق قام م ع الكرسى*
هدى *بخضة *:رايح فين؟
زهران:خارج اشرب سيجارة بدل الهم ال انا فيه ده *واتحرك ناحية البلكونة*
درية:اخرج ياخويا اخرج احرق ف صدرك كمان وكمان عشان تبقى ال بت تايها وابوها تعبان م السجاير وعمايلها
هدى*بصيت لمامتها *:خلاص ونبى بقى ياماما
درية*بصيت لبنتها وسكتت وفضلت تدعى يلاقوا سلمى وف الوقت ده زهران كان ف البلكونة وماكنش عارف يعمل ايه او بأيده ايه وشوية وطفى السيجارة ولسه هيخرج بص لاقه بلكونة الشقة اللى قصادهم مفتوحة ولفت انتباهه بنته وكانت قاعدة تتفرج ع التى فى ومبتسمة فضل مصدوم لدرجة انه قرب م السور جامد عشان يتأكد هى ولا لا وخرج بسرعة م البلكونة*
زهران:انا لاقيت سلمى *وجرى بسرعة وفتح الباب وخرج وهدى استغربت هى ودرية اوى لاقاها ازاى ده حتى كان سايب موبايله ع التربيزة وماسمعوش رنته وجريت هدى وراه وطبعا فضلت درية قاعدة مستنياهم لانها ماكنتش هتقدر تجرى معاهم وتلحقهم*
زهران*طلع بسرعة وقعد يخبط جامد ع باب بيت رأفت*
رأفت*بستغراب *:ف ايه يالى بتخبط القيامة هتقوم ولا ايه *واول مافتح*
زهران*فضل بصصله جامد وافتكره ومسكه م ياقة القميص *:بنتى بتعمل ايه هنا انت خطفتها وكل ده ليه عشان مارضتش اعديك الشارع
رأفت*بستغراب م كلاموا *:انت بتقول ايه وخطف ايه وبنتك مين هو ف ايه
هدى*جت وراه واول ما دخلت وشافت بنتها جريت عليها وحضنتها وفضلت تبوسها *:سلمى حبيبتى انتى كويسة ياقلب امك هه كويسة حصلك حاجة
سلمى*بفرحة *:اة ياماما كويسة وكنت قاعدة باكل وبلعب مع فارس وكمان كنا بنتفرج ع التى فى *وبصت لكاميليا *:شكرا ياطنط انك قولتى لماما تيجى زى ما قولتيلى
كاميليا *ابتسمتلها وبصت لزهران*: ممكن تسيب جوزى بعد اذنك وانا هحكى الحصل كله
زهران *بصلها وساب ياقة قميصه ببطء*
كاميليا*فضلت تحكلهم ع كل الحصل وازاى شافت سلمى *:ده والله كل الحصل واحنا كنا ناويين نغديها وناخدها ونروح البوليس عشان نرجعها لأهلها واكيد لو هنخطفها مش هنجبها بيتنا ونفتح الشبابيك والبلكونات دى كلها ،نقول لناس ايه تعالوا شوفوا اننا خطفنها
رأفت:وكمان هو لو كل واحد سد الطريق عن حد وخطف عياله كان زمان كل العيال مخطوفة
*رغم الاجواء كانت متوترة بس لما رأفت قال كدا الكل ابتسم وفعلا زهران بدأ يهدى واطمن ع بنته وخدها ف حضنه وهدى كمان ارتاحت وكانوا مش مصدقين ان بنتهم اخيرا معاهم وف حضنهم*
زهران:احنا متشكرين جدا ياجماعة واسف ع الحصل بس احنا لازم نروح
هدى*بصت لكاميليا نظرة امتنان *: حقيقى شكرا انتى بجد عملتى حاجة لو فضلت اشكرك عليها العمر كله مش هيكفى
كاميليا *ابتسمت*: ماتقوليش كدا ،ربنا يحفظهالك ويخليهالك ويخليكوا ليها
هدى *وهى بتبص ع فارس *:ويخليهولك ويحفظوا يارب
فارس *بحزن*: ايه ده انتى هتمشى ده انا قولت هتقعدى معايا طــول العُــمــر
سلمى*بحزن *: انا كمان كنت عايزة اقعد معاك اوووى بس برده كنت عايزة ابقى مع بابا وماما *وبصتلهم*: هو انا ينفع ابقى اجى هنا تانى
رأفت *بصلها وابتسم *:تنورينا ياحبيبتى ده بعد اذن بابا طبعا
كاميليا: انا شايفة اننا م النهاردة نبقى جيران واصدقاء وكمان النبى وصى ع سابع جار ولا ايه
كلهم: عليه افضل الصلاه والسلام
زهران:اكيد ان شاء الله
هدى*ابتسمت*:هانشوفكوا تانى بأذن الله
*وسلموا ع بعض وخده سلمى ولسه هتخرج م الباب *
فارس:سلمى
سلمى *وقفت وبصتله*
فارس*قرب منها واداها العروسة *:نسيتى العروسة بتاعتك
سلمى*خدتها منه وابتسمت *: شكرا جدا يافارس *وعملتله باى ومسكت ف ايد مامتها جامد كانت حاسة انها خايفة تضيع منها تانى وروحوا البيت واول ما صلوا*
درية *بفرحة خدت سلمى ف حضنها *:ياحبيبتى ياسلمى وحشتينى اوووى بجد
سلمى : وانتى وكمان وحشتينى يانينا
درية*بصتلهم بضيق*:ايه الحصل لاقتوها ازاى وكمان مفيش حد فيكوا واخد موبايله عشان اعرف اطمن فضلت ع اعصابى قاعدة كل ده
زهران: احكيلها انتى بقى عشان انا مش قادر هدخل اغير هدومى واريح شوية *وفعلا سابهم ودخل الاوضة وفضلت هدى تحكيلها بعيدا ان درية اتريقت ع زهران عشان افتكر كدا بس بعد كدا حسيت انها صدفة غريبة الحصل ده والحمدلله ان حفيدتها رجعت بالسلامة*
وتعدى فترة بس م اليوم ده ماتقابلوش مع عيلة رأفت لكن كانوا ساعات لو اتقابلوا او دخلوا البلكونة وشافوا بعض يبتسموا لبعض وخلاص *وكان فارس وسلمى يفضلوا يبصوا لبعض م البلكونة بس مكانوش بيتكلموا بس احيانا بيشاوروا ع اللعب انهم هيلعبوا بيها او هيتفرجوا ع التى فى او هيدخلوا يناموا كانوا ديما بيمثلوا بأيديهم وبدأوا شوية بشوية يفهموا بعض بالحركات دى كأنهم بيتكلموا سوى وتكون المدارس قربت*
هدى:انا هاخد سلمى وننزل نشترى حاجات المدرسة
زهران *بقلق *:تانى ياهدى
هدى *بحزن *: هو ايه مش هعرف اخرج مع بنتى تانى ولا ايه وكمان انا مش ناسية كلامك ع فكرة
زهران :ماهو بصراحة مامتك تعصب بلد احنا ف ايه ولا ف ايه عمالة تتكلم ف حاجات كتير لا ومش بس كدا كمان كانت شايفة ايه الخطوات المفروض نعملها كأنها فاهمة اكتر م الشرطة
هدى :بس ع فكرة مغلطتش احنا فعلا لو كان عندنا عيال *ولسه هتكمل*
زهران *بضيق *: ايه ماكنتيش هدورى ع سلمى ولا ايه
هدى:لاطبعا ماقولتش كدا بس كان الموضوع هيبقى مختلف يعنى لو كان عندها اخ اكبر منها وكانوا مع بعض كان ممكن يرشدها تعمل ايه بالظبط ونعرف نلاقيهم بسهولة
زهران:ده اى كلام ع فكرة وكمان احنا قافلنا الموضوع ده وبيعصبنى وانتى عارفة ده كويس صح
هدى*بتنهيدة *:صح ,طيب انا هنزل بقى
*وخدت بنتها ونزلوا وكانت بتحاول ع قد ما تقدر تخلى بالها عليها وتركز معاها بس شوية وسلمى سابت ايد مامتها وجريت وهدى جريت وراها وكانت خايفة تغيب عن عنيها تانى خصوصا ان الدنيا كانت زحمة شوية......وللحكاية بقية
هنعرف الحصل الحلقة الجاية
تأليف:فــاطــمــة هــشــام