أعيش حياتى - الحلقة العشرون
جاري التحميل...
الحلقة العشرون
.........
*تكون الاجواء مستقرة الا حد ما و بعد ما يطلع فارس بحسن نية يلعب مع وليد واخته مايكونش عارف الـ هما بيخططه لى ويحبسه وليد ف الدولاب وياخد سلمى وينزل وبعديها تنزل ريهام وف الوقت ده يكون فارس عمال يخبط جامد ويصرخ وخايف اوى م الضلمة وانه لوحده ف مكان صغير زى ده*
فارس:افتحولى الباب ده انا هنا ,يا ســـــلمى يا ســـــــــلمى افتحيلى يا ســـــــلمى
*نزلت سلمى مع وليد وقعدت معاهم وبتاكل الكيكة وبعديها نزلت ريهام*
سلمى:فين فارس
ريهام:ملقتهوش شكله نزل عند مامته اكيد قال يستخبى تحت احسن *وغمزت لاخوها م غير ماحد ياخد باله*
سلمى:بس انا كنت واقفة عند السلم هو مش نزل
ريهام:ممكن مخدتيش بالك
وليد:خلاص سبيه يمكن نزل عشان مامته عايزاه ف حاجة بصى معايا ايه السودانى يلا بينا ع البلكونة
سلمى*طبعا رغم انها قلقت شوية بس قالت ممكن فعلا يكون نزل عند مامتها *:بس فارس قال كدا غلط
وليد:هو انا الاكبر ولا هو
سلمى:أنت
وليد:يبقى انا الصح ده مش غلط احنا بنلعب وكمان هو مش هيلعبها معانا مادام دى حاجة مش عجباه ها ، يلا بقى
ريهام:اة ونبى ياسلمى يلا بتبقى مضحكة اوى
سلمى*ابتسمت ببرائة*:ماشى
*وقعدت معاهم وفضلوا يلعبوا ويهزروا وبعد شوية تطلع كاميليا بقلق*
كاميليا:مساء الخير ياجماعة
هدى:تعالى ياكاميليا
امال:خير ف ايه؟
كاميليا:هو فارس هنا
امال:لا ده سلمى والعيال بس هما الـ بيلعبوا مع بعض
كاميليا*بستغراب*:بس هو قالى انا هلعب معاهم
درية:طب ما تسأليهم يابنتى
هدى:سلمى يا سلمى
سلمى*جت بسرعة*:نعم ياماما
هدى:هو فارس فين
سلمى:نزل تحت
كاميليا:تحت فين ياحبيبتى
سلمى:مش اعرف احنا كنا بنلعب وريهام قالتلى انها مش لقيته فوق ونزل
كاميليا:فوق فين انتوا كنتوا بتلعبوا فوق السطوح
سلمى*بتحرك راسها بنعم*
كاميليا:طب اندهيلى ريهام معلش
ريهام ووليد *جم وطبعا حاولوا يبينوا مفيش حاجة*
ريهام*بتمثيل البرائة*:نعم ياطنط
كاميليا:حبيبتى انتى ما شوفتيش فارس
ريهام:احنا كنا بنلعب وهو قال هيستخبى ف مكان محدش يعرفوا وبعديها اختفى فقولنا انه هو نزل يستخبى تحت
هدى:طب ما تدورى عليه تانى ياكاميليا يمكن ف اوضة م الاوض ولا حتى عند طنط امينة
كاميليا*بدأ الخوف يبان عليها*:ربنا يستر *نزلت بسرعة تدور عليه وطبعا بدأوا كل العيلة تعرف عن اختفائه ويدوروا عليه ف كل مكان *
فارس*كان لسه ف دولاب وكان م كتر الخبط ايده اتعورت ونزلت دم وحس بعديها بضيق تنفس وانه مش قادر ياخد نفسه وقعد يعيط وبعديها يهدا ويضم رجله الاتنين عليه ويسكت م كتر التعب والخوف*
كاميليا*بنهيار*:ياحبيبى يا ابنى ابنى فين؟؟
هدى*بتطبطب عليها*:اهدى ياكاميليا هنلاقيه ان شاء الله
رأفت:انا هتجنن احنا دورنا عليه ف كل العمارة هيكون فين؟
فؤاد*وهو جى م برة*:انا لفيت حوالين البيت وسألت كل الـلى اشوفوا محدش عارفه او شافه
ابراهيم:يعنى هيروح فين واصلا هو ميعرفش حاجة هنا عشان ينزل يروح ف مكان
امينة*الدموع نازلة ع خدها زى المطر*:ياضنايا يا ابنى ياترى انت فين ياحبيب ستك
زهران:اهدوا ياجماعة هنلاقيه ان شاء الله
فهيم:احنا لازم نبلغ الشرطة
عادل:للاسف هى مش بتتحرك بعد 24 ساعة م الاختفاء والموضوع مش بقالوا غير ساعتين بس عموما انا هكلم كل ماعرفى وقرايبى هنا وكلنا هندور وهنلاقيه ان شاء الله
درية*هى كمان الدموع ف عنيها وقلقانة*:ربنا يعطرنا فيه زى ما عطرنا ف سلمى يوم ما تاهت
سلمى*طبعا كانت قاعدة تسمع كل ده وبدأت تخاف وعمالة تعيط وقلقانة عليه بس طبعا هى صغيرة ولا سنها ولا عقليتها تخليها تقدر تعمل حاجة بس كل الكانت حساه انها مرعوبة عليه وخايفة اوى*
ريهام ووليد*باصين ع كل ده وحاسين ان الموضوع كبر اوى لانهم كانوا عايزين يرخموا عليه وشوية ويطلع وليد يفتحلوا الدولاب بس طبعا انشغل بلعب مع سلمى وريهام ومجاش ف باله ان مامته هتطلع تسأل عليه وفضل هو واخته بينهم نظرات وطبعا ماحدش فيهم قادر ينطق ولا يقول اى حاجة*
فارس*كان وقتها خايف اوى وف حالة لا يرثى لها وكان كل الجى ف باله عشان يهدى يفكر ف سلمى وانها هتيجى تفتحلوا وبعد شوية يلاقى الباب بيتفتح وسلمى واقفة والدموع نازلة ع خدها وكان باصصلها وقتها ومش عارف يصدق انها موجودة ولا ده خيال ف دماغه بس*
سلمى*طبعا ف وسط البيحصل ده لقيت نفسها بتطلع فوق السطوح تدور عليه وف كل مكان وشوية ولقيت دولاب ومحطوط خشبة شالتها وفتحته شافت حالة فارس اتصدمت اوى وقربت منه*:فارس
فارس*بصصلها وساكت*
سلمى*قربت منه ومسكت ايده وطلعته*:فارس انت كويس
فارس*فجأه حضنها وفضل يعيط جامد ويترعش*
سلمى*بقلق*:فارس اهدا انا سلمى اهدا
*ف الوقت ده كانوا تحت*
هدى:سلمى راحت
*فضل الكل يبص حواليه*
ياربى:ياربى احنا قادرين ندور ع واحد عشان ندور ع اتنين
*وشوية وسمعوا صوت سلمى*
سلمى:ماما ,بابا,يا جمـــــــاعة فارس هنـــــــا
*كلهم طلعوا بسرعة فوق السطوح كان فارس قاعد ع الارض وضمم ركبوا وعمال يترعش وفضل ساكت خالص ووشه باين عليه الصدمة والخوف والرعب حرفيا*
سلمى*كانت وقتها مقربة منه وعمالة تطبطب عليه*
كاميليا*جريت عليه وحضنته*:ابنى حبيبى ,مالك يافارس مالك ياحبيبى ايه الحصل
فارس*كانت الدموع ف عنيه وساكت خالص*
كاميليا*بصيتلها*:ايه الحصل ياسلمى
سلمى*الدموع نازلة ع خدها*:كان مستخبى ف الدولاب ياطنط واتقفل عليه
رأفت*قرب منها ومسك ايده وباسها*:حبيبى ماتخافش احنا كلنا معاك وجمبك ماتخافش ياحبيبى *وشاله ونزل ببه لحد شقتهم طبعا كان ف حالة م التوتر والزعل عليه مش طبيعية بس ع قد كدا ع قد ما كلهم كانوا مبسوطين انه كويس وبخير وقضى اليوم ده فارس و هو ف حضن مامته وكان خايف اوى وشوية كان يعيط وشوية يهدا وتانى يوم تكون سلمى قاعدة ف شقتهم وزعلانة خالص*
زهران:الحمد لله انه كويس
هدى:الحمد لله ده احنا كنا هنتجنن بس انا مش عارفة ايه الـ يخليه يدخل جوه الدولاب *وبصيت لبنتها*:هو انتوا كنتوا بتلعبوا ايه
سلمى:استغماية
زهران:يبقى عشان كدا دخل استخبى والدولاب قديم وقفل عليه حصل خير ,الحمد لله, تعالى ننزلهم
*وخده بنتهم ونزلوا خبطوا ع الباب رأفت فتحلهم*
زهران:عامل ايه دلوقتى
رأفت:حالته وحشة اوى مش عايز يسيب امه ومش عايز حد يقفل اى باب عليه
هدى:ياحبيبى,جاتله فوبيا م الاماكن المغلقة
سلمى:انا عايزة اشوفوا
رأفت:ادخلى ياحبيبتى الاوضة باباها مفتوح
سلمى*دخلت الاوضة وكان وقتها فارس نايم ومامته وخداه ف حضنها وكان حطين لازقة ع ايده مطرح الجرح*
كاميليا*شافتها*:تعالى ياحبيبتى
سلمى:هو كويس
كاميليا*ابتسمت بحزن*:هيبقى كويس ان شاء الله
سلمى*فضلت باصه عليه وزعلانة اوى*
*وف الوقت ده ريهام ووليد بيتكلموا*
ريهام*بحزن*:ياريتنا معملنا كدا
وليد:هوووش وطى صوتك احسن حد يسمعك
ريهام:انا خايفة بابا وماما يعرفوا اكيد هيزعقولنا ويضربونا
وليد:محدش هيعرف طول ما احنا متكلمناش هو احنا كنا بنلعب وهو استخبى ف الدولاب وقفل عليه مالناش دعوه بقى
امال*قربت منهم*:احنا هننزل نطمن ع فارس هتيجوا معانا
وليد:انا خارج مع اصحابى
امال:عيب كدا تعالى اطمن ع الواد الاول
وليد:لما ارجع وكمان انتوا مكبرين الموضوع ليه يعنى عادى ده احنا كنا بنلعب
درية*بصتله بستغراب*:تعالا ادخلك اوضة ضلمة واقفل عليك ساعتين وشوف هتخاف ولا لا
وليد:لا بعد الشر عليا
درية:يبقى ماتهونش م حاجة زى كدا بقى
وليد:طيب طيب ,انا نازل سلام *ونزل وليد وماكنش فارق معاه العامله وف الوقت ده يتجمعوا كلهم عند رأفت*
فهيم:ياحبيبى الواد باين عليه تعبان اوى
رأفت:الحمد لله انها جت ع قد كدا
درية*بصيت لآمينة*:ان شاء الله هيبقى كويس العيال ياما بتشوف
فهيم*اول ما قالت كدا بصلها وسكت*
امينة*الدموع ف عنيها*:الحمد لله
ابراهيم:اهم حاجة انه وسطينا
فؤاد:فعلا دى اهم حاجة والله
عادل:انا اسف جداا ياجماعة وهقفل باب السطوح ده عشان مايطلعوش تانى
رأفت:انا متهايئلى انى لازما ارجع القاهرة وكمان عشان اوديه لدكتور يتابع الحصل ده
زهران:عندك حق فعلا انا هكلم سواق الباص وهخليه يجيلنا
امال:انتوا لحقته
هدى:مش هينفع يا امال وكمان سلمى عمرها ما هتبقى مبسوطة وهى شايفة فارس كدا ولو هما مشيوا هتصمم اننا احنا كمان نروح
امال*بستغراب*:يـــــاه لدرجة دى
درية:انا شايفة ان عندكوا حق*وبصيت لفهيم*:عموما حمد الله ع سلامته ويارب ما تشوفوا ف حاجة وحشة ابدا
فهيم*بصلها لما قالت كدا وكان حاسس اول مرة تقول حاجة كويسة وحس انها حقيقى كانت خايفة ع حفيده ودى حاجة خليته ينبسط م جواه*
امال:ادخلى ياريهام لو عايزة
ريهام*بتردد*:لا لا انا هقعد هنا
*وفضلت قاعدة معاهم وف الوقت ده تكون سلمى جوه مع كاميليا وفارس وهو يبدأ يفتح عيونه*
فارس*بتعب بصلها*:انتى حقيقى موجودة
سلمى*تقرب منه وتمسك ايده*:اة يافارس انا معاك
فارس*بحزن*:انا كنت خايف اوى
كاميليا*بتحضنه جامد*:ماتخافش ياحبيبى احنا كلنا معاك متخافش
فارس*فضل ف حضن مامته وباصص ع سلمى وماكنش عايز يشيل عينه م عليها كان حاسس ساعتها بالامان اوى ف وجودهم هما الاتنين وتانى يوم يجهزوا نفسهم عشان يمشوا*
امال:والله ما تتحسب ياهدى مالحقناش نقعد مع بعض
هدى*بأبتسامة صغيرة*:ان شاء الله هتكرر
امال:هستناكى تيجى تانى
هدى:ان شاء الله
امال*بصيت ع كاميليا*:الف سلامة عليه متقلقيش ان شاء الله هيبقى كويس
كاميليا:ان شاء الله
هدى*بصيت لمامتها*:ماما لو حابة تقعدى خليكى
درية:لا خلاص انا كمان عايزة اروح
امينة:شكرا ع الضيافة ياحبيبتى
*امال ابتسمتلها وفضلوا يتكلموا وف الوقت ده عادل واقف مع الرجالة*
عادل:والله اتشرفت بمعرفتكوا ومعلش بقى ع الحصل
رأفت:حصل خير ربنا يحفظهم جميعا اهم حاجة
زهران:كان نفسنا نقعد اكتر م كدا بس الرحلة دى شكلها مش رحلتنا ,ملحوقة ان شاء الله مرة تانية
ابراهيم:ان شاء الله
فهيم:انا مش جى تانى
فؤاد:ليه بس ياعمو
فهيم:يعنى هيفضل يفكرنى بالحصل
عادل:مع الايام هتتنسى صدقنى
*وفضلوا يتكلموا مع بعض وريهام كانت واقفة مع فارس وسلمى ومضايقة*
ريهام*بتحضنها*:انتى خلاص هتمشى
سلمى:ايوه ماما بتقول هنيجى تانى
ريهام:ياريت ملحقناش نقعد سوى *وبصتله وقالت بتردد*:هو انت كويس
فارس*بصلها وسكت شوية وبعديها حرك راسه بنعم وسكت*
وليد*قرب منهم*:هتوحشونى والله
فارس*اول ما شافوا قال بضيق وتوتر*:انت ماقولتش ليه انى كنت فــ فـــ فـــ دولاب
سلمى*بصيتلهم بصدمة*
وليد:اهدا بس كدا ياصغنن ,انا معرفش انك فضلت ف الدولاب افتكرتك نزلت خصوصا ان انا وسلمى نزلنا نلعب لعبتنا المفضلة قشر السودانى ونحلى كمان صح ياسلومة
سلمى*بصيتله وبصيت لفارس بحزن وسكتت*
فارس*اضايق اوى وبصلها وبعديها راح لمامته وباباه*:ماما انا عايز امشى
كاميليا:حاضر ياحبيبى *ومسكته م ايده وطلعوا الباص وكان وقتها فارس مصمم يقعد جمب مامته وفضلت سلمى قاعدة مضايقة وكانت كل شوية تيجى تبص عليه وتمشى تقعد ع كرسيها وســـــاد الصمت لحد ما وصلوا بيتهم طلعوا طبعا وكل واحد روح لبيته وسلمى وقتها كانت قاعدة مضايقة ان فارس زعلان منها ودخلت اوضتها خدت عروستها ف حضنها وفضلت تعيط لحد ما غلابها النوم وتانى يوم تصحى وتروح ع البلكونة وتقعد تحرك ف الحبل والجرس يرن لكن فارس مايخرجش تضايق وتيأس وتدخل تانى*
هدى:الجميل بتاعى زعلان ليه
سلمى:عشان فارس
هدى:معلش ياحبيبتى هو هيبقى كويس ان شاء الله فترة وهتعدى
زهران*خارج م الاوضة*:احنا هنروح نشوفوا النهاردة
سلمى:ينفع دلوقتى
زهران:احنا لسه الصبح ياحبيبتى وراجعين م السفر سبيهم يستريحوا واحنا بليل هنروحلهم
*وفضلوا يتكلموا معاها وف الوقت ده كاميليا تدخل الاوضة لفارس الـ كان بابها مفتوح*
كاميليا:مخرجتش لسلمى ليه
فارس:مش عايز
كاميليا:حبيبى سلمى ملهاش ذنب ف الحصل ده دى كانت لعبة بتلعبوها وكمان ده هى الـى لقيتك
فارس:كانت ممكن متلاقنيش وتنسانى زى ما نسيتنى ف الدولاب ونزلت مع وليد
كاميليا:هى اكيد مش قصدها وماكنتش تعرف ان ده هيحصل ,انت عارف ان سلمى ما تعملش كدا صح
فارس*بتنهيدة وحرك راسه بنعم*
كاميليا:يبقى خلاص اتكلم معاها
رأفت*دخل الاوضة*:عامل ايه دلوقتى ياحبيبى
فارس:الحمد لله
رأفت:انا حجزت عند دكتور نفسى للاطفال هنروح النهاردة عشان نطمن عليه
كاميليا*بتنهيدة*:ان شاء الله خير
فارس:بس انا مش تعبان
رأفت:طبعا ياحبيبى انت الحمد لله كويس بس عايزين نطمن عليك مش اكتر
*وفضلوا يتكلموا معاه وفعلا ييجى ميعاد الدكتور ويجهزوا عشان ينزلوا واول ما وصلوا تحت العمارة كانت عيلة زهران هتطلعلهم وفارس وسلمى يبصوا لبعض....وللحكاية بقية
هنعرف الحصل الحلقة الجاية
تأليف:فــاطــمــة هــشــــام