المقبرة الملعونة (الفصل الثاني)
جاري التحميل...
بدون عنوان
.........
الفصل الثاني: "اللي خرج… مش بني آدم" الخبط وقف فجأة… سكون مرعب نزل على المكان… لدرجة إن صوت أنفاسهم بقى مسموع. ياسين همس: "وقف…" لكن ريتاج… كانت بتبتسم. "لا… ده بدأ." الأرض تحت القبر اتحركت… التراب بدأ يتشقّق… وببطء… حاجة سوداء بدأت تطلع من جوه. إيد. لكن مش إيد بني آدم… جلدها كان باهت… مشقوق… وكأنها متعفنة من سنين. واحد من الرجالة وقع على الأرض وهو بيصرخ: "يا ساتر يا رب!!!" سما كانت متسمّرة مكانها… عينيها على الإيد اللي بتطلع… وبعدين… وش. وش باهت… عينه مفتوحة… بس مفيهاش حياة. ياسين شدّها: "نجري يا سما!!" لكن ريتاج صرخت: "استنوا!!" وفجأة… الجثة طلعت بالكامل من القبر… وقفت. بطء… تقيل… مرعب… رأسها مال شوية… وبصّت عليهم. سما رجعت لورا وهي بتهمس: "ده… ميت… مستحيل…" لكن الميت… فتح بقه. وطلع صوت… مش بشري. "ليــــه… صحّيتوني…" الهواء بقى تقيل… ريحة عفن انتشرت في المكان… واحد من الرجالة جري وهو بيعيّط: اهربوا!!!" لكن قبل ما يبعد… الجثة اتحركت فجأة بسرعة غير طبيعية! ومسكت رقبته. صرخة قطعت المكان… وبعدين… سكون. جسم الراجل وقع على الأرض… ميت. سما صرخت: "لاااااا!!" ياسين مسكها: "نجري حالًا!!!" لكن ريتاج… كانت واقفة مكانها. بصت للجثة… وقالت بهدوء: "ده مش هو." الجثة لفّت راسها ناحيتها… "هو… تحت… أعمق…" ريتاج هزّت راسها: "أنا عارفة." سما قربت منها وهي مرعوبة: "ريـتاج! إنتي بتقولي إيه؟!" ريتاج بصت لها… لكن المرة دي… كان في حد تاني بيبص من عينيها. "إحنا اللي فتحنا الباب…" … فجأة… الأرض كلها بدأت تهتز! القبور حواليهم… بتتفتح. واحد ورا التاني… صوت تكسير خشب… صرخات بعيدة… وأنين جاي من تحت الأرض… ياسين قال وهو مصدوم: "إحنا لازم نخرج من هنا حالًا… ده مش مكان بني آدمين!" لكن صوت تاني طلع… من كل ناحية… "متتأخروش…" "إحنا راجعين…" "واحد واحد…" … سما مسكت ريتاج بعنف: إحنا ماشيين دلوقتي!!" لكن ريتاج مسكت إيدها تاني… وبصوت هادي مرعب قالت: "لو مشينا… هيتبعونا." ياسين: "يعني إيه؟!" ريتاج: "اللعنة خرجت… ومبقاش ليها مكان واحد." … فجأة… الجثة اللي قدامهم بدأت تتحرك تاني… بس المرة دي… جسمها بدأ يتكسر… وكأن حاجة جواها بتحاول تطلع. سما همست: يا رب استر…" الجثة وقعت على الأرض… وبعدين… انفجرت. ودخان أسود طلع منها… واتجمع في الهوا… وبدأ يشكّل حاجة… حاجة أطول… أضخم… عيونها بتلمع في الضلمة… وصوتها كان جاي من كل مكان: "مين… فتح… المقبرة…؟" … الكل سكت. القلب بس هو اللي بيدق. بسرعة… بعنف… سما كانت بتبص لريتاج… وريـتاج… كانت بتبتسم. ورفعت إيدها الصغيرة… وأشارت على نفسها. "أنا." … الصمت بقى أتقل… وأخطر… والكيان الأسود قرب منها ببطء… وقال: "يبقى… إنتي أول واحدة…" سؤال الفصل: لو كنت مكان ياسين… تنقذ ريتاج مهما حصل؟ ولا تهرب وتنقذ نفسك قبل ما تكون الضحية الجاية؟ 😨
