لو رجع بيا الزمان (الجزء التاسع)
جاري التحميل...
الجزء التاسع
.........
*طبعا هالة كانت حاسة ان ف حاجة هتحصل وفعلا سليمان يعترفلها بحبه وتكون وقتها متلغبطة ومش عارفة ترد وفضلت بصالوا ومصدومة وساكتة*
سليمان*قرب ايده ومسك ايديها*:هالة انا حقيقى بحبك وحاسس انك كمان بتحبينى,صح ياهالة صح
هالة*كانت اول ما ايده بتلمس ايديها بتحس بشعور غريب اوى بيلمس قلبها بس ف نفس الوقت كانت بتفتكر وجع ايديها الحصلها ف الحلم وتبعد ايديها بتردد وهدوء*
سليمان:ديما كنت بحس ان هروبك ده وراه مشاعر م ناحيتك ليا وعنيكى ال ديما بشوف فيها الكلمة دى بس بتحاولى تمنعى نفسك انك تقوليها طيب ليه
هالة*بصتله وبعدت خطوات عنه وبصيت الناحية تانية وكانت وقتها خايفة اوى م اللحظة دى *
سليمان*بتنهيدة*:لو انا طلع احساسى غلط هنرجع م الرحلة دى مش هتشوفينى تانى هنقل واروح كلية تانية *وبصلها وماكنش فاهم الجواها بالظبط وحس انه عايز يعمل اى حاجة تخليها تقولها وقال بثقة*:ولو انتى معترفتيش بحبك ليا انا هنط م هنا لانى مش هقدر استحمل انك تقولى عكس ده
هالة*اتصدمت م القالوا وبصتله بحزن*: سليمان انا مش عارفة ايه ال انت بتقولوا ده بس انا حقيقى مبفكرش ف ده دلوقتى وعايزة اركز ف دراستى وحلمى بس مش اكتر واى حاجة حسيتها ف ده ممكن يكون احساس وصلك غلط وارجوك اوعى تنط لان ده خطر عليك وكمان هتقول ايه لدكتور وزمايلنا؟
سليمان*بصدمة*:يعنى هو ده ال فارق معاكى
هالة*بتنهيدة*:يلا نرجع ياسليمان عشان ميقلقوش علينا*ولسه هتمشى*
سليمان*مسك دراعها ووقفها مكانها تانى وقال بحدة*: يعنى انتى مش بتحبينى زى ما بحبك ردى عليا
هالة*بصتله وعنيها ف عينه وع قد ما نفسها تقولها ع قد ما حاسة ف حاجة منعها وكان ف رعشة ف صوتها*:سليمان انا حقيقى أسـفـ* ولسه هتكملها سليمان حط الموب ف ايديها عشان كان ماسك ف درعها وبصلها نظرة ماكنتش قادرة تفهمها وشوية ولقوا ولاء وشوية م زمايلهم جم *
ولاء:ايه ده انتوا وصلتوا هنا م قابلينا الجروب كله جى ع هنا بيقولوا مكان حلو للتصوير
سليمان*مهتمش لكل ده و رمة نفسه م الشلال *
هالة*فضلت باصة بصدمة طبعا وماكنتش عارفة تعمل ايه تنط وراه ولا تصرخ ولا ايه وزمايله لقه كدا افتكره انه بيهزر ومعظمهم نزلوا الماية هما كمان وفضلوا يلعبوا ويرشوا ع بعض لكن هو طلع وكان زعلان وفضل ساكت لحد ما وصلوا مكان البيات بتاعهم*
هالة *قعدت ع السرير وفضلت تفتكر كل الحصل م شوية وقعدت تعيط*
ولاء* قربت منها وطبطبت عليها*:متعمليش ف نفسك كدا اعترفيلوا قوليله انك بتحبيه زى ما هو حبك بطلى بقى تدارى مشاعرك اكتر م كدا
هالة: خايفة اوووى ياولاء بجد خايفة اووووى
ولاء :متخافيش قوليله واحكيله عن حلمك
هالة*بصتلها بصدمة *
ولاء :قصدى حلمك ال نفسك تحققيه وخليه يساعدك ف كدا وصدقينى كل حاجة هتتغير وتبقى احسن ان شاء الله وحتى حلمك الحلمتيه قوليله ع العيوب الخايفة تحصل بعد الجواز ومتهيائلى هو مش هيحب ده وهيطمنك وهتديلوا حافز هو كمان يبقى احسن عشان متوصلوش المرحلة دى ف جوازكوا بعد كدا
هالة:تفتكرى
ولاء:افتكر مادام قابلتيه يبقى قدركوا تكونوا مع بعض ما تكابريش انتى بس وكمان انتى ف مشاعر م ناحيتك لى ياهالة بصى احنا بنحب مرة واحدة ف حياتنا اى نعم ده بصراحة اعتقادى الشخصى بس انا شايفة ديما ان الحب بييجى مرة واحدة اة ممكن تلاقى حد تانى وتحبيه بس عمره ما هيكون نفس درجة الحب والمشاعر الحسيتيها اوووى مع بنى ادم بكل كيانك ،عموما ارتاحى دلوقتى وفكرى وشوفى هتعملى ايه ناقص بكرة مش حابة تقوليلوا يبقى خليها لما نرجع الكلية,يلا ياحبيبتى تصبحى ع خير
هالة *فضلت تفكر ف كلامها وحسيت انها اقتنعت به لحد ما ومسكت موبايلها عشان تشوف الصورة ولقيت انه ماكنش بيصور صورة كان بيعمل فيديو واتفرجت عليه وهو بيبصلها بنظرة كلها حب واول ما قالها بحبك وسمعتها تانى ف الفيديو قلبها فضل يدق اوى وحسيت فعلا انه بالنسبلها حاجة كبيرة اوى حتى لو هى بتأوح ف كدا وماكنتش عارفة تنام والدموع ع خدها وفضلت تفكر وتانى يوم اتجمعوا وراحوا بحيرة قارون وكان وقتها سليمان باين عليه الحزن بس حاولت هالة تبين انها عادى وقعدوا كلهم مع بعض يهزروا ويلعبوا*
د.حبيب*بص لهالة وسليمان*:صحيح ايه السمعتوا ده
هالة وسليمان*بصولوا بصدمة*
د.حبيب:يعنى تستغلوا انى اكون مشغول امبارح ومجيش معاكى وتنطوا معظمكم ف الماية
امير*ضحك*:ده كان احساس جامد يادكتور والله
باسل:هو سليمان صاحب الفكرة واتحمسنا بس الجو كان ساقعة شوية الواحد حاسس انه هيدخل ع دور برد والله
د.حبيب*ابتسم*:ما احنا كلنا عارفين سليمان دماغه طقة نمشى وراه وياترى البنات كانت بتشجع
حنين:مش بنزل غير ف بحر الساحل يادكتور والله
د.حبيب:طب وانتى ياهالة
هالة*كانت وقتها باصة ع سليمان بس هو مرضيش يبص ناحيتها وانتبهت للدكتور*:بخاف م الماية
د حبيب:كويس انا قولت جنانه وصلك ولا حاجة ما انتوا تيم واحد بقى
هالة*ابتسمت ابتسامة صغيرة وسكتت*
ولاء:انا عايزة اللعب كوتشينة مين بيحبها
د.حبيب:انا هلعب معاكى بس عايزكوا تستمتعوا بقى ده اخر يوم المرة الجاية نخليها اسبوع ولا حاجة
*كلهم قالوا ياريت وفضلوا كلهم يلعبوا سوى وينتشروا ف المكان وفجأه هالة بتبص ملقتش سليمان استغربت اوى ولقت نفسها بدور عليه*
ولاء *قربت منها وكانت بتشاور ع مكان بعيد شوية*:شوفته ماشى ف الاتجاه ده
هالة*بصتلها بتردد*:اعمل ايه
ولاء:روحى وراه بسرعة يلا, تحبى اقولك تقوليلوا ايه
هالة*وقفت وكأنها بتفكر ف حاجة*
ولاء*وهى بتزقها براحة وقالت بهزار*:انا هقعد اوجهكوا لطريقوا عشان تلاقوا بعض لحد امتى بس ،يلا يابنتى
هالة *ابتسمتلها ومشيت ف الاتجاه ال قالت عليه ولقته هو قاعد ف مكان كان قدام البحيرة ووقت الغروب وسرحان قربت قعدت جمبه وفضلت ساكته*
سليمان*بصلها بستغراب *
هالة*بصتله وبعد كدا بصيت قصادها *
*وساااد الصمت وبعديها بشوية سليمان قام وقف وكان هيمشى*
هالة*قالت بتردد*:تيجى نتصور عشان ممكن مانشوفش بعض تانى
سليمان*بضيق*:مش عايز* ولسه هيمشى*
هالة*تقف قصاده*:اشمعنا انت اتصورت معايا بالعافية *وقربت ايديها منه*:لو سمحت هات موبايلك
سليمان*بضيق وتنهيدة طلع موبايله وادهولها*
هالة*وهى بتقرب منه شوية وبتاخد سيلفى*:ياريت تبتسم
سليمان*بيحاول يمسك اعصابه*:ياريت ننجز
هالة*ابتسمت*:حاضر*وبعديها بصتله وقالت بحب وهدوء*:بحبك
سليمان*مسك موبايلوا منها وخده وكان لسه هيمشى*
هالة*بستغراب وبتعالى صوتها شوية*:انت مسمعتنيش ولا ايه بقولك بحبك
سليمان*وقف مكانه ورجع تانى بصلها*: ايه قولتى ايه؟
هالة *بستغراب اكتر*:بحبك ياسليمان
سليمان*ابتسم*:وياسليمان كمان انا لو عليا اخليكى تقوليها رابع مرة بس كمليها بقى بحبك ياسليمان ياحبيبى
هالة*بأحراج*:يعنى سمعتها م اول مرة
سليمان*بصلها بستغراب*:بس مش ده كلامك بتاع امبارح
هالة*بصتله وسكتت شوية*:انا اسفة انا متلغبطة وخايفة وف حاجات كتير جوايا مش هعرف اوصفهالك بس حقيقى انا كل الحساه دلوقتى انى بحبك وعيزاك توعدنى وعد
سليمان* بلهفة*:اوعدك
هالة:مش لما تعرفوا الاول
سليمان:انا ماصدقت صدقينى اوعدك بال انتى عيزاه
هالة :اوعدنى اننا مش هنتجوز غير لما نخلص دراسة واحقق حلمى وانت تشتغل وتكون نفسك كويس جدا *وقالت وهى بتبتسم*:عشان تعرف تصرف ع عيالنا العشرة
سليمان: قولى عشرين تلاتين انا موافق
هالة*ابتسمت*: ده انا كدا خارقة بقى
سليمان:انتى فعلا حاجة خارقة ونادرة بالنسبالى انا بجد بحبك اووووى ،بحبك* وقرب منها ومسك ايديها وباسها ،وبصلها بقلق*:حاجة غريبة مش هتبعدى ايدك زى كل مرة
هالة*ابتسمتله وحركت راسها بالنفى وغنيت*:حاجة غريبة حاجة غريبة السما بتغنى انت سمعها
سليمان:ايوه سمعها بتغنى مع فرحة حبى
هالة*وهى بتشاور ع البحيرة*:والموجة الهناك دى بترقص
سليمان:ايوه شيفها دى بترقص ع دقة قلبى *وقال بحنية*: بحبك
*وفضلوا قاعدين جمب بعض ويتكلموا كتير ويحبوا ف بعض ويتفرجوا ع الشمس وهى بتغرب مع منظر البحيرة ،هالة كانت مبسوطة اوى وحسيت انها بجد محتاجة حبه وماكنتش قادرة تخبى اكتر م كدا وخافت يضيع م ايديها فعلا وحاولت تقتنع بكلام صاحبتها وانها ممكن تحقق الاتنين واول ما وصلوا عشان يتجمعوا عشان يروحوا صاحبتها قربت منها*
ولاء:هو حصل ولا ايه
هالة*بكسوف وابتسمت وحضنت صاحبتها*
ولاء:م غير ما تقولى باين ،ربنا يسعدك ياحبيبتى
د حبيب:متحضنهاش اوى كدا هتشوفيها قريب ف الكلية يلا اطلعوا الاتوبيس
*طبعا ولاء وهالة ابتسموا ع الدكتور فهموا وم اليوم ده بدأت قصة حب هالة وسليمان وفضلوا طول الرحلة مع بعض ورجعوا ف الاتوبيس بس المرة دى نظرات حب ومشاعر مش عارفين يوصفوها وخصوصا هالة كانت حاسة انها حابة المشاعر دى معاه ولو كانت عشيتها معاه ف الحلم تعيشها معاه ف الواقع كمان واول ما توصل تحت عمارتها يتصل عليها*
سليمان:وصلتى
هالة:اة بس لازم اقفل عشان هطلع
سليمان:خلينى معاكى لحد ما تطلعى عايز اطمن عليكى وبصراحة مش عايز اسيبك
هالة*كانت بتنبسط بالكلام ده اوى وحسيت انها عايشة احلى مشاعر وحب وفعلا فضل معاها لحد ماطلعت واول ماوصلت لقت ماماتها وباباها واخوها قاعديين*
نيفين:لسه كنت هكلمك اشوفك فين
هالة*وهى بتحضنهم واحد واحد*:وحشتونى اوى بجد
صدقى:مرضتش اجى اخدك عشان ماتحسيش ان اننا مش سايبينك براحتك
هشام*بهزار*:انتى بقى ماوحشتنيش البيت كان هادى خالص
هالة:بقى كدا يعنى امشى تانى
هشام:لا ياستى بهزر احنا نقدر نستغنى عن فنانة العيلة
*وفضلت قاعدة مع عليتها ومبسوطة اوى وكان حبها لسليمان بيزيد عن اليوم القابلوا وتعدى فترة وتخلص السنة الاولى ويبدأوا ف سنة تانية وكانوا ع طول بيتقابلوا ف مخبأهم حتى لو ماكنش ف حاجة يدربوا عليها كانوا بيقعدوا يذكروا ويهزروا ويحبوا بعض وف يوم يكونوا متجمعين ف المسرح
د.حبيب:عايزكوا الاسبوع الجى تحضره نفسكوا عشان ف حد مهم جى وهيختار ناس معينة ويمكن يبقى حظكوا حلو ويتعملكوا البوم
هالة*اتحمست اوى وقالت بصوت مش مسموع*:ان شاء الله هكون انــا
ياترى ايه الهيحصل هنعرف الجزء العاشر.
تأليف:فاطمة هشام