لو رجع بيا الزمان (الجزء التامن)
جاري التحميل...
الجزء التامن
.........
*وتفكر هالة فى كلام ولاء وتقرر تروح تقول لاهلها انها تروح الرحلة رغم انها كانت م جواها قلقانة منها وحاسة ان ف حاجة هتحصل*
نيفين:خير ياحبيبتى ف ايه؟
هالة:اصل*وسكتت شوية*: ف رحلة طالعة ف نص السنة وعايزة اطلعها
صدقى*بأنفعال*: لا طبعا ده انتى كنتى هنا وبينا وبينك كام خطوه وحصلك الحادثة دى عيزانا نسفرك
هالة*بحزن*:بابا انا كل ما احاول انسى اليوم ده بتفكرونى وكمان الرحلة دى ف الفيوم يعنى مش بعيدة وهى يومين وبصراحة انا محتجاها عشان اغير جو بعد الامتحانات وتوترها والحفلة* وطبعا كان ف دمغها كمان م سليمان رغم انها شكت انه ممكن ييجى*
صدقى:انا قولت لا يعنى لا مش هكون مطمن عليكى
هالة:طيب عن اذنكوا *ودخلت اوضتها ورغم انها مضايقة بس كانت حاسة انه ممكن يبقى عادى انها متروحش خصوصا ان قلبها مكانش مطمن ليها*
صدقى:يعنى مقولتيش حاجة
نيفين:هى بصراحة عندها حق
صدقى*بصلها بستغراب*:انتى بتقولى ايه
نيفين:م حقها تتفسح و هو ده سنها وكمان اى حاجة بتحصل بأيد ربنا ما كانت ف نفس البلد وحصل الحصل يعنى المشكلة مش فالمكان ده قدر ومكتوب كل ال علينا ندعى ربنا يحفظها
واكيد يعنى مش هنحرمها انها تروح ف اى حته العمر كله
صدقى*فضل يفكر ف كلامها وقرر يدخلها بعد شوية*
هالة* كانت نايمة ع سريرها وعمالة تفكر ياترى هتروح ولا لا وليه احساسها غريب م ناحية الرحلة كدا*
صدقى*خبط ع الباب وفتحه*:حبيبتى انتى نمتى
هالة *بتقعد ع السرير*:لا يابابا اتفضل
صدقى*بتنهيدة*:هتوعدينى تخلى بالك ع نفسك وع طول موبايلك يكون معاكى ونكلمك ع طول وف اى وقت وتردى
هالة*ببتسامة*: اوعدك يابابا
صدقى*ابتسم*:ماشى روحى وانبسطى
هالة*حضنته*: شكرا اوى يابابا *طبعا انبسطت اوى بس ماكناش عارفة ليه شغلها اوى ياترى سليمان هيروح ولا لا وتعدى ايام ويبجى يوم الرحلة ولسه هتطلع الباص تلاقى سليمان قاعد ف اول كرسى وبصلها وابتسم وهى كمان بصتله وابتسمت وقعدت جمب ولاء وكان طول الطريق ف نظرات ما بينهم وشوية ووصله بيت الضيافة وبدأوا يتوزعوا ع الاوض وقبل ما يطلعوا*
د.حبيب:الرحلة مكونة م يومين يوم وادى الريان ويوم التانى بحيرة قارون حاولوا تستمتعوا فيهم بقى واشوفكوا بكرة نتقابل هنا ف نفس المكان
*وبدأ كل واحد ع اوضته وكانت ولاء وهالة ف نفس الاوضة*
ولاء*بصتلها وغمزت*: شكلها هتبقى رحلة جامدا
هالة: اشمعنا يعنى؟
ولاء*ابتسمت*:حاسة بكدا
هالة*بتخبطها ع كتفها براحة*:طب يلا ياحاسيسة ننام عشان بكرة اليوم طويل*وفعلا يناموا وتكون هالة طول الليل بتتقلب ع سريرها ومش عارفة تنام م التفكير بس تحاول وشوية وتروح ف النوم وتانى يوم يروحوا وادى الريان ويبقى المناظر الطبيعية والشلالات كانت جميلة اوى وفضلوا يغنوا ويتصوروا*
ولاء:بقولك ايه تعالى نتصور عند الشلال ال هناك ده
هالة*بصيت عليه*:بس ده بعيد اوى
ولاء*بهزار*:جرا ايه ياشباب مش قادرة تمشى ولا ايه
هالة:رخمة والله طب يلا قدامى ياختى
*ومشيوا ووقفوا عشان يتصوروا وفجأة طلع سليمان ف الصورة *
سليمان: مش تصورونا معاكوا ولا ايه
هالة*بخضة*:ف حد يطلع فجأه كدا الصورة باظت ع فكرة
سليمان*بهزار*:قصدك نورت
هالة*ابتسمت*: ياسلام *وبصيت لصاحبتها*:انا هروح اتصور عند المركب الهناك دى
ولاء:مش كنتى مش قادرة تيجى لحد هنا دلوقتى هتروحى ابعد م الشلال
هالة:حاسة ان شكله لذيذ هتصور واجى * وسابتهم ومشيت*
ولاء*بصيت لسليمان*:ايه يامنور هتفضل واقف كدا
سليمان*بتردد*:اعمل ايه؟
ولاء:روح وراها بسرعة ،تحب اقولك كمان تقولها ايه
سليمان*ابتسم*:لا انا عارف هقولها ايه كويس
*ووصلت هالة ووقفت جوه المركب واتصورت صور كتير *
سليمان: برده بتتصورى لوحدك؟
هالة*بستغراب*: انت عايز ايه ياسليمان
سليمان*وهو بيقرب منها وبيطلع جوه المركب*: اتصور معاكى
هالة: ليه يعنى
سليمان*سكت شوية وبصلها*:ذكرى منى ,مش يمكن مانشوفش بعض تانى
هالة:ليه بتقول كدا
سليمان*ابتسم*: اضايقتى
هالة :اة, قصدى يعنى ف حاجة غريبة ف كلامك حساها
سليمان*ابتسم وفضل يغنيلها* :احساس غريب قبل النهاردة ماجربتوش
سليمان:مش هتكملى
هالة*بصتله وقالت بهدوء*: مش ليا مزاج اغنى دلوقتى
سليمان*مسك ايديها*: طب تعالى معايا *ونزلوا م ع للمركب وخدها ووقفوا عند شلال ابعد شوية م المكان ال فيه زمايلهم*:ايه رأيك
هالة*ابتسمت*: شكله حلو اوى
سليمان: ينفع نتصور هنا
هالة: شكلك مصمم بقى
سليمان: جــدا
هالة*بتنهيدة*:ماشى *ولسه هتصور*
سليمان*فضل واقف وبصصلها وساكت*
هالة:يلا مش انت عايزنا نتصور
سليمان*بصلهاوسكت شوية*:ممكن انا ال اصور
هالة*بصتله بتردد وقلبها كان بيدق اوى*
سليمان:متخافيش مش هاخده واجرى
هالة*ابتسمت ابتسامة صغيرة وادتهولوا*
سليمان*مسك الموب كأنه هيصور سيلفى وقربوا م بعض شوية عشان ياخدوا الصورة وفجأه قالها*:بحـبـك
هالة*اول ما سمعت كدا اتصدمت وبصتله*
سليمان*بصلها وعينه ف عنيها وبيتكلم بحب*:عرفتى ليه بقولك مش هتشوفينى تانى
هالة*برده واقفة وبصالوا وقلبها كان بيدق أسرع من صوت المية حوالين الشلال*
سليمان:بصراحة انا ف مشاعر م ناحيتك وحاسس بحاجة بتشدنى ليكى كل يوم اكتر عن اليوم القابلوا وحاسس ان انتى كمان كدا بس مش عارف ليه بتحاولى تدارى ده
هالة* بصالوا ومتوترة وفيه ميت احساس جواها*
سليمان: انا عارف يمكن معرفناش بعض م كتير بس انا حاسس انى عرفك م زمـان انا حقيقى حبيتك مش عارف ازاى وامتى وليه بس انا حسيت ده *وقرب منها اكتر وقال بحنية*:هالة انا بحبك
ياترى ايه الهيحصل هنعرف الجزء التاسع.
تأليف:فاطمة هشام