أعيش حياتى (الحلقة التاسعة عشر)
جاري التحميل...
الحلقة التاسعة عشر
.........
*طبعا اجواء السفر تكون الا حد ما كويسة والامور مُستتبة الا مع فارس الـ كان وليد ديما بيتعامل معاه معاملة مش كويسة وعلاقته هو وسلمى كانت هتتوتر بس تتظبط ع اخر لحظة وف يوم يكونوا كلهم متجمعين ف جنينة العمارة ويكون فؤاد قاعد كالعادة ماسك موبايله يقلب فيه وشوية ويلاقيه بيرن ويستغرب انه رقم غريب فيرد*
فؤاد:الو
يارا*تسكت*
فؤاد:الو مين معايا
يارا:ده انا يارا
فؤاد*بستغراب*:انتى عرفتى نمرتى منين؟
يارا:انت ناسى ان ف ملف بتاعك هنا ف الشركة وكمان احنا زمايل ف مكتب واحد وممكن اعرف اجيب نمرتك عادى
فؤاد*سكت*
يارا:انا اسفة لو كنت بعطلك عن الرحلة بس انا شايلة الشغل بتاعك وكنت عايزة اعرف الملف بتاع شركة المستلزمات فين لانى دورت عليه ملقتهوش
فؤاد:تانى درك ع ايديكى اليمين
يارا:ماشى لما اروح الشركة بكرة ابقى اجيبه
*وســـــــاد الصمـــــــــــت*
فؤاد*بهدوء*:ف حاجة تانية
يارا:لا مفيش
فؤاد:طيب انـا*ولسه هيكمل*
يارا:هو انت اتعطفت معايا عشان موضوع العملية
فؤاد*اول ما هى قالت كدا اتفاجئ*
يارا:بصراحة حاسة ان معاملتك معايا اتغيرت م ساعة ما عرفت وانا مش حابة احس انك بتعمل ده كتعاطف او انى صعبانة عليك
فؤاد*بتنهيدة*:يعنى لما كنت بتعامل مش كويس بوجهة نظرك يعنى رغم انى كنت مش بتعامل معاكى خالص كنتى بتضايقى دلوقتى بتعامل معاكى بمنتهى الهدوء وبحاول اتكلم عادى وبحدود برده مضايقة ,بزمتك دى مش تحسيها مشكلة عندك انتى
يارا:هو عشان مش عايزاك تعاملنى بشفقة تكون دى مشكلة
فؤاد*بضيق*:وانا بعاملك عادى ومش ف دماغى حاجة اصلا
يارا:يعنى كمان معندكش قلب ومش فارق معاك الـ انا فيه
فؤاد*بعصبية*:يالــهوااااااى ,انا مش عارف اعملك ايه حقيقى مش عارف اعملك ايه بجد
يارا*لقيت غصبن عنها بتضحك*:اهوه كدا رجعت فؤاد الــ انا عرفاه
فؤاد*اول ما سمع ضحكتها سكت شوبة*:هو انتى كنتى بتهزرى
يارا:لا ماتقدرش تسميها هزار بس يعنى بقالك كتير متغير فحبيت ارجع اشوف اسلوبك الطبيعى م تانى ,عموما انا اسفة لوكنت ازعجتك وانجوى ف الرحلة العائلية بقى ,سلام
فؤاد*حاول يهدى شوية وقال بتنهيدة*:سلام *وبعد ما قفل لقه نفسه بيبتسم وبعد كدا اختفيت الابتسامة عن وشه بسرعة*
*وف الوقت ده يكون فهيم هو كمان دخل يتكلم جوه العمارة وبعد ما قفل لقه درية ف شه*
فهيم*بخضة*:يا ستــار يارب
درية*بضيق*:مالك شوفت عفريت
فهيم:يــــــــــاريت
درية:قصدك ايه ياراجل انت
فهيم:انتى ياست انتى عايزة منى ايه كل شوية تقولى شكل للبيع
درية:انت كمان هتجبنى ان انا العايزة اتشاكل معاك مش تصرفاتك انت يعنى
فهيم:فين تصرفاتى دى انا واحد واقف بعيد وف حاله وبيتكلم ف الموبايل عملت انا ايه دلوقتى
درية*بترفع حاجبها*:وياترى بقى مين الـ سايب اهلك وعيلتك وقاعد تتسامر معاه
فهيم:ده ياستى يبقى *ولسه هيكمل*:الله الله ,وانتى مالك انتى مراتى انتى ولا مراتى ولا تكونى مراتى
درية:فشـــــــر انا ابقى مراتك انت ليه ,الرجالة خلصوا ولا خلصوا ده مستحيل
فهيم*بيعالى صوته*:قصدك ايه يعنى؟ لا ماسمحلكيش وكمان هو مين ده اللى هيتص ف نظره ويتجوزك
درية*صوتها يعلى اكتر*:بقولك ايه لو سمحت ماتغلطش ماشى ، لسانك ده للكلام الكويس هتغلط مش هيحصلك طيب
*وطبعا م كتر زعقهم يبدأوا برة يسمعوا وييجوا بسرعة*
امال:ف ايه ياماما
درية:شوفى الراجل وكلاموا شوفى
رأفت*بيقرب م باباه*:ايه الحصل تانى يابابا
فهيم:بص بقى ع يدك انا بحاول اتجنبها بكل الطرق هى الــ بتطلعلى زى القضا المستعجل
درية:ما قولنا لسانك ده مش للغلط
هدى:اهدى بس ياماما هو انتى كنتى جاية ليه اصلا
درية:طالعة اجيب الشال بتاعى سقعت لاقيته واقف عند السلم وعمال يتكلم ,غلطت انا بقى
فهيم:طب ما تقوليلى حاسب ,بدل كل الكلام ده
ابراهيم:خلاص يافهيم حصل خير
كاميليا*كانت نازلة بكوبايات الشاى ومستغربة*:هو ف ايه؟؟
امينة:مفيش حاجة ,خلاص ياجماعة استهدوا بالله بقى
الكل:لا اله الا الله
عادل:ياجماعة فرفشوا كدا انتوا ف رحلة
زهران:تعالا ياعمو اقعد معانا
فهيم:مش عايز اقعد انا طالع الشقة
درية*بصوت مش مسموع*:يلا المركب الــ تودى*
فهيم:بتقولى ايه ياست انتى بتقولى ايه؟
هدى:مابتقولش حاجة ياعمو
ابراهيم*مسكه م دراعه*:فهيم تعالا بقى اقعد ما تبوخش اليوم كدا كدا شوية وهنطلع كلنا ننام
فهيم:حاضر عشان خاطركوا بس
*وراح فهيم قعد مع الرجالة ودرية قعدت مع امينه وكانوا كاميليا وهدى وامال قاعديين ف جنب مع بعض*
امال:هو مالو عمو ده صوته عالى كدا ليه!!
كاميليا:هو والله طيب بس انفعالى شوية وديما ف تاتش بينه هو وطنط مش عارفة ليه
امال:اكيد هو الغلطان انا ماما مبتعملش حاجة
هدى:امال ماما ساعات برده بتقول كلام يضايق ويعصب
امال*بستغراب*:انتى بتدفعى عنه
هدى:مش مسأله بدافع بس الــ بشوفوا انهم مش بيسكتوا لبعض زى ما هو بيقول كلام يضايق ماما بتردها يعنى محدش فيهم ولا ظالم ولا مظلوم
امال:وده مبرر يعنى للخناق كل شوية ده
هدى*بتنهيدة*:هو مش مبرر بس مش عارفة ايه السبب بجد
كاميليا:عادى ياجماعة ف حاجة اسمها كيميا ف ناس تشوفيها تحسى انك مش عارفة تتقابليلها او تتتعاملى معاها رغم ان ناس تانية بتشوفهم ناس كويسة ولذاذ ,الفكرة كلها ف ان هل فيه كيميا بينكم انكوا تتعاملوا مع بعض ولا لا
امال*بصتلها بجدية*:ف دى عندك حق
*وفضلوا يتكلموا سوى وم الناحية التانية*
زهران*قاعد مبتسم*
رأفت:أنا نفسى اعرف كل ما بيشده ف الكلام بتفرح ليه
زهران:بصراحة عمو فهيم شال م عليا حمل تقيل اوى
رأفت:يعنى عشان حماتك تهدا عليك تقعد تتخانق مع ابويا
زهران:ياعم متقلقش مش هيحصل حاجة دى منوشات بسيطة يعنى
رأفت:انت عارف ايه المخوفنى
زهران:ايه؟
رأفت:تقلب محبة م بعد عداوه
زهران:قصدك ايه؟ لا اكيد بتهزر مستحيل
رأفت:مش عارف
زهران:لا ياعم مستحيل هما طايقين بعض ف العادى لما ممكن يكون عايز يتجوزها وكمان هو انت والدك الفكرة دى موجودة ف دماغه اصلا
رأفت:بصراحة م بعد ماما وهو قفل علينا الباب انا وهو وكرث حياته ليا الست الوحيدة الـ كانت بتدخل البيت ام مدبولى عشان لو احتاجنا حاجة غير كدا ما شوفتش ست ف حياته
زهران:طيب اديك قولتها مش بعد السنين دى كلها يعنى يفكر وكمان يتجوز مين طنط درية ,ده يبقى هو الجانى ع روحه لو عمل كدا
رأفت*بصله بستغراب*
زهران:انا مبقولش انها وحشة طبعا دى حماتى وام مراتى ف الاول والاخر,بس يعنى هى بتحب تتحكم اوى وزى ما انت شايف اسلوبها مش احسن حاجة وباباك برده متهايئلى مش هيحب ده
رأفت:ربنا يستر بقى
عادل:طنط درية طيبة والله هى بس الـ ف قلبها ع لسانها
فهيم:طيبة!!
عادل:اة والله
ابراهيم:فهيم هو بس الفكرة انكوا انتوا الاتنين عصبيين وده السبب اللى بيخلى ديما ف مشاكل ما بينكوا
فؤاد*ييجى م برة*:هو ف ايه الحصل
ابراهيم:انت كنت فين؟
فؤاد*جاتلى مكالمة رديت عليها وقولت اتمشى شوية واجى*
ابراهيم:طب تعالا اقعد
*فؤاد قعد معاهم وعرف الحصل وبرده ماكنش فاهم ليه ديما بيحصل بينهم كدا وف الوقت ده*
ريهام:جده ده وحش اوى
فارس*بضيق*:ما تقوليش كدا ع جده فهيم ده حلو
ريهام:اة ما هو عشان جدك بتقول كدا
سلمى:ع فكرة جده فعلا جميل وع طول بيجيبلى حاجات حلوه
ريهام:اومال بيزعق لتيتا ليه
سلمى:عشان نينا كمان بتزعقله
ريهام:طيب
*وفضلوا قاعديين مع بعض ورغم انها مضايقة م وجود فارس بس كانت بتسكت عشان خاطر سلمى وبعد ساعات يقرروا كل واحد يطلع بيته ويناموا وتانى يوم يروحوا كلهم البحر وفعلا يتجمعوا *
كاميليا:فارس ماتبعدش عن عينى لوسمحت وكمان لو هتنزل البحر قول لبابا ينزل معاك مفهوم
فارس:حاضر ياماما
سلمى:انا كمان عايزة بابا ينزل معايا*وراحت لباباها ومسكت ايده*:انزل معايا البحر
زهران:حاضر
فارس:وانت كمان يابابا
رأفت:ماشى ياسيدى
*وفعلا قرروا ينزلوا معاهم وكان زهران ورأفت وسلمى وفارس عمالين يلعبوا ف المية ويغطسوا وسلمى وفارس كانوا مبسوطين اوى*
هدى*مسكت الكاميرا وفضلت تصورهم وكانت مبسوطة اوى وبعديها رجعت بصيت لريهام ووليد*:انتوا ما نزلتوش ليه ياحبايبى
ريهام*بضيق*:مش عايزة وكمان سلمى بتحب تلعب مع فارس
هدى:طيب ما تلعبى معاهم ياحبيبتى
وليد:خالتو احنا مالناش مزاج ننزل ,تعالى ياريهام نلعب ف الرمل شوية
هدى*بصتلهم وهما ماشيين وبصيت لآختها*
امال:انا عيالى متعودة متلعبش مع اى حد
هدى:ليه بس كدا يا امال ما تخليهم اجتماعيين بدل ما هما ع طول لوحدهم كدا
امال:ومين قالك انهم لوحدهم ريهام عندها صاحبات كتير بس عشان الاجازة ف معظمهم بيسافروا ووليد زى ما انتى شايفة ع طول مع اصحابه متقلقيش مفيش وحدة ولا حاجة
*هدى بصتلها لما قالت كدا وسكتت ودرية وامينة قاعديين جمب بعض*
امينة:خلاص انسى بقى الحصل استمتعى بالهوا ده انا جاية عشانك والله لو كدا ماكنتش طخيت المشوار ده تانى
درية:مشوار ايه يامينة ده خطوتين م البيت فعلا
امينة:بالنسبة ليا مشوار ياختى
*وفضلوا يتكلموا وف الوقت ده فهيم وابراهيم وعادل وفؤاد قاعديين عند شمسية جمبهم*
فهيم وابراهيم*عمالين يلعبوا دومنة*
عادل:بتعرف تلعبها
فؤاد:اة اكيد
عادل:خلاص نبقى ندخل الدور الجى ولا تحب تنزل البحر شوية
فؤاد:لا هنزل اخر النهار احسن
*وفضلوا كلهم قاعديين وبيستمتعوا بجو البحر والهواه والالعاب وعدى اليوم ع خيـــــر وبعد شوية يروحوا يستريحوا وبعد ساعات سلمى تخبط ع بابا بيت فارس*
فارس:سلمى انا كنت لسه هاجى اخبط عليكى
سلمى:تعالا اطلع معايا فوق السطوح هنلعب لعبة حلوه اوى
فارس*ابتسم*:ماشى *وطلع معاها وقفل الباب واول ما وصلوا لقه وليد وريهام ملامح وشه اتغيرت شوية*
وليد:انا الـ قولتلها تندهلك عشان تلعب معانا
فارس*بص لسلمى*:يعنى كنتى هتلعبى معاهم لوحدك
سلمى*حركت راسها بالنفى وقالت بأسلوب طفولى *:لا والله انا كنت هقولك تعالا اللعب معانا والله
فارس:بس انا مش عايز اللعب
وليد:ليه بس يامعلم شكلك مضايق منى ,انا بس هزارى تقيل شوية عموما خلاص م النهاردة احنا اصحاب *وبص لريهام*:مش صح يا ريهام
ريهام*ابتسمت ابتسامة صغيرة*:ايوه صح هيبقى صاحبنا
فارس*فرح اوى*:بجد وانا هعتبركوا قرايبى زى ما انتوا قرايبها *وبص ع سلمى وابتسم*
سلمى*كمان ابتسمتله*
وليد*بيحرك راسه ناحيته*:ماشى تعالا اللعب معانا بما ان طبعا انت مش حابب لعبة قشر السودانى الـ نرميه ع الناس ,هنلعب لعبة تانية
سلمى*بحماس*:ايه هى؟؟
وليد:استغماية ,ايه رأيكوا
ريهام:انا بحبها اووى بجد
سلمى:وانا كمان
فارس:انا بحب اللعبها وبعرف استخبى كويس جدا ومحدش هيعرف يلاقينى ابدا
وليد*ابتسم بخبث*:اما نشوف
*وبدأوا يلعبوا وكان الدور ع ريهام عشان تغمض عنيها وهما يستخبوا*
وليد*بص لقه سلمى بتستخبى عند السلم وفارس لسه هيروح يستخبى ف مكان تانى*:بقولك ايه اعرف مكان جامد هروح استخبى فيه *وشاورله*:الدولاب ده مستحيل تعرف تجبنى منه
فارس:ماشى وانا هروح استخبى عند الحيطة الـ بعيدة دى
وليد:غشيم!! هتتمسك بسرعة
فارس*بستغراب*:اومال استخبى فين؟؟
وليد*ابتسم*:عشان تعرف ان انا خلاص بعتبرك صاحبنا هخليك انت الــ تستخبى ف الدولاب ده
فارس:بس ده مكانك انت
وليد:ياسيدى انا هشوف مكان تانى متقلقش عليا انا حافظ السطوح ده
فارس*ببرائه*:شكرا جدا *وراح دخل الدولاب*
وليد*قفل عليه بخشبة وقاله م برة*: متطلعش صوت بقى عشان ما تتمسكش
فارس:حاضر
*واستخبى فارس جوه الدولاب*
وليد*قرب م سلمى*:انتى عارفة ماما جايبة ايه تحت
سلمى:ايه؟؟
وليد:علبة هوهوز الـ بشوكليت الـ بتحبيها
سلمى:بجد!!
ريهام*جت*:مسكتكوا
سلمى*بحزن*:يووووووه اديها مسكتنا عشان انت عمال تتكلم
وليد*مسكها م ايديها*:تعالى بس ناكل الكيكة
سلمى*بتبص حواليها*:طب وفارس
ريهام:انا هروح امسكوا واقولوا ييجى ينزل تحت روحوا انتوا
سلمى*بتنهيدة*:ماشى
*ونزلت معاه وطبعا ريهام بصيت ع الدولاب وابتسمت ووقفت شوية وبعديها نزلتلهم وف الوقت ده فارس بدأ يحس انه مخنوق وخايف وعايز يخرج ومش عارف وفضل يخبط ويصرخ جامد وطبعا محدش كان موجود ع السطوح غيره هو وبس وشوية وصوته بدأ يضعف ويفقد الامل ان حد هيسمعه ونفسه كان بيتقل وفجأه الصوت وقف خالص.....وللحكاية بقية.
هنعرف الحصل الحلقة الجاية
تأليف:فــاطــمــة هــشــــام