فوضى المشاعر: الخاطرة الثامنة
جاري التحميل...
الخاطرة الثامنة
.........
مش زعلان على اللي غدر…
لأن اللي يختار الخيانة من البداية، عمره ما كان يستاهل الزعل عليه.
أنا زعلان على نفسي…
على قلبي اللي صدّق بسرعة،
وعلى الثقة اللي اديتها من غير ما أفكّر،
وعلى الأمان اللي حطيته في مكان ما كانش أمان أصلًا.
زعلان إني شفت بعيني إشارات، وسكت…
وإني حسّيت بحاجات غلط، وبرضه كملت،
كأني كنت بحاول أقنع نفسي إنهم يستاهلوا،
بس الحقيقة إني كنت بهرب من إحساس الشك اللي جوايا.
مش زعلان على اللي باع…
اللي باع نفسه قبل ما يبيعني،
لكن زعلان إني كنت شايفه غير كده،
ورسمتله صورة عمره ما كان عليها.
الوجع الحقيقي مش في الخيانة…
الوجع إنك تكتشف إنك كنت السبب في إنك تتأذي،
مش قصدك طبعًا…
بس بنيت ثقة في المكان الغلط،
وفتحت قلبك لحد ما قدرش يحافظ عليه.
ومع كل ده…
بتتعلم، حتى لو الدرس كان قاسي،
بتتعلم إن مش كل إحساس صادق منك،
لازم يقابله صدق من اللي قدامك.
ومش كل اللي تحبه…
يستاهل تحط فيه قلبك من غير حدود. 💔