أعيش حياتى - الحلقة الثالثة عشر
جاري التحميل...
الحلقة الثالثة عشر
.........
*طبعا تكون اجواء رمضان عاملة بهجة وروح حلوه ورغم الحصل بين درية وفهيم بس اليوم عدى بسلام وكمان فؤاد حاول يتعامل كويس مع يارا وف الوقت ده تكون بنت م الفصل عمالة تعيط عشان المقلمة بتاعتها ضاعت وعايزاها*
ايمان*كانت ميس عندهم ف الفصل*:حبايبى ف حد شاف مقلمة زميلتكم تقى
*الاولاد فضلوا يبصوا لبعض وساكتين*
تقى*بتعيط جامد*:انا عايزة المقلمة بتاعتى ياميس مليس دعوه
ايمان:اهدى بس ياحبيبتى هنلاقيها دلوقتى طب انتى متأكدا انك دورتى كويس ف الشنطة؟
تقى*بتحرك راسها بنعم*:ايـــــوه
ايمان*بصيتلهم تانى*:طيب ياحبايبى معلش كل واحد يفتح شنطته عشان نشوف المقلمة وهقول تانى قبل ما ادور لو حد شافها يقول
*الاولاد فضلوا ساكتين ومستغربين وبرده محدش اتكلم وفضلت ايمان تدور ف شنطة شنطة لحد ما وصلت عند شنطة سلمى وفجأه طلعتها م شنطتها*
سلمى*فضلت واقفة مصدومة*
تسنيم *كمان مستغربة*
سلمى*بستغراب*:ايه ده !! دى مش بتاعتى انا مخدتهاش والله
ايمان *بصتلها بلوم*:جت ف شنطتك ازاى ياسلمى!!
سلمى*الدموع بدأت تبقى ف عنيها*:والله مش عارفة انا مش خدتها والله ماخدتش حاجة انــا
فارس*شاف كدا اضايق اوى وقاسم كان واقف بيتفرج ع كل ده وساكت*
ايمان*بصيتلها بضيق*:انا حقيقى مصدومة!! انتى ياسلمى!! ده انتى اشطر بنوتة عندى ف الفصل وكمان ده احنا حتى ف رمضـــ *ولسه هتكمل*
فارس* قام وقف وقال بثقة*:انا الــ ادتهالها
*الكل ف الفصل بصولوا بستغراب*
عمار*كان شايف كل ده وشمتان فيهم اوى*
فارس*قرب ناحيتهم وبدأ يحرك ف زرار القميص الـ هو لابسه*:انا اللى حطيت المقلمة ف شنطتها
ايمان*بستغراب*:طب انت عملت ليه كدا يافارس وليه تاخد حاجة مش بتاعتك اصلا
فارس*لســـه هيتــكلــم*
تقى*مسحت دموعها وقالت بسرعة*:انا الــ كنت مخلياها معاه
فارس*بصلها بصدمة*
سلمى* كمان كانت مستغربة م البيحصل ومش فاهمة حاجة*
تقى:انا افتكرت ياميس انا كنت خايفة المقلمة تضيع منى عشان لسه جديدة والشنطة عندى قطعت فأدتها لفارس عشان يخليها معاه
ايمان*بستغراب وضيق*:انتى ماقولتيش كدا خالص ياتقى انتى قولتى انها ضاعت ومش لاقتيها
تقى:نسيت ياميس
ايمان*طبعا رغم كل الحصل بس كانت عايزة تنهى الموضوع بسرعة*:ماشى ياتقى حاولى ماتنسيش حاجة زى كدا تانى *وبصيت لسلمى*:انا اسفة ياحبيبتى انا عارفة انك بنوتة متفوقة وشطورة واكيد مش هتعملى حاجة مش كويسة زى دى *وبصيت للولاد*:صقفوا لسلمى ياولاد
*الكل فضل يصقفلها وم ضمنيهم عمار الكان مضايق ان الموضوع حصل مش زى ماهو عايز كان نفسه يتهموا سلمى بالسرقة وباباها ييجى وتحصل مشكلة وفارس يبعد عنها عشان حرامية وبكدا يفرقهم عن بعض بس طبعا الحصل عكس كدا تماما *
ايمان:يلا كل واحد ع مكانه بقى عشان تبدأ الحصة بتاعتنا
*وبدأت تشرح وطبعا سلمى قاعدة مش فاهمة ايه الحصل ده ومضايقة اوى ومستنية البريك ييجى عشان تتكلم معاه وفعلا بعد شوية ييجى البريك ويقعدوا سوى*
قاسم:انا مش فاهم حاجة هو ايه الحصل ده
تسنيم: ولا انا بصراحة
سلمى*بصيت لفارس*:انت ليه عملت كدا؟
فارس:ماكنش ينفع اخلى الميس تفتكر انك حرامية فقولت انا الـ عملت كدا
قاسم: يعنى مش انت الـ عملت كدا
فارس*حرك راسه بالنفى*
تسنيم: بس تقى قالت انها اديتك المقلمة
فارس:لاوالله انا ماخدتش حاجة منها انا مش عارف ازاى المقلمة جت شنطة سلمى اصلا
تسنيم*بتخبط ع راسها*:ف حاجة مش صح
سلمى:انا كمان حاسة بكدا
*وشوية وقربت منهم تقى*
تقى*ببرائة*:انا مسمحاكى ياسلمى لو انتى العملتى كدا*وبصيت لفارس بحب*:وانت يافارس انا عارفة انك معملتش ده
سلمى*بصتلها بضيق*:وانا كمان معملتش ده انا معرفش ازاى وصلت الشنطة بتاعتى
فارس: وانا واثق ف سلمى وعارف مستحيل تعمل ده
تقى:انا عارفة عموما مش مشكلة انا سامحتكوا ومش زعلانة م الحصل ، هو ينفع نبقى اصحاب؟
سلمى*بضيق*:لا
تسنيم*بطبطب عليها*:اهدى بس ياسلمى
فارس:خلاص ياسلمى ماتزعليش
قاسم :حصل خير , حصل خير
سلمى*ربعيت ايديها بغضب وكشرت*
فارس*لما شاف كدا*:معلش ياتقى اكيد هتبقى صاحبتنا بس مش النهاردة
تقى*بحزن*:طيب ماشى *ومشيت وهى مضايقة اوى*
تسنيم:سلمى انتى لسه مضايقة
سلمى:انا مش عايزاها تبقى صاحبتنا
قاسم :ليه دى شكلها حلو
فارس*بصله وبعديها بصلها*:ما انا قولتلها مش النهاردة
سلمى*بضيق شديد*:ولا اى يوم ف الدنيا دى
فارس*طبطب عليها*:خلاص ياسلمى ماشى
*وفضلوا يتكلموا ويحاولوا يهدوها وف الوقت ده تكون درية قاعدة عند بنتها*
درية:انا شوية وهقوم اللبس وامشى
هدى:ليه بس ياماما ماتخليكى معانا النهاردة وبعد الفطار اخلى زهران يوصلك
درية :لاونبى انا مش قد جوزك ولا بوزه!! وكمان احنا ف رمضان ماضيعيش عليا الشهر
هدى:والله زهران بيحبك هو بس سوء التفاهم اللى بيحصل بينكم ده هو ده المشكلة
درية :سوء تفاهم هو جوزك بيتفاهم اصلا *وحطيت ايديها ع بؤها*:اسكت يا لسانى احسن
هدى*بتنهيدة*:طب معلش افطرى معانا وامشى اكيد لما تروحى مش هتقدرى تعملى فطار
درية:امبارح تقوليلى اتسحرى وامشى الصبح ودلوقتى بتقوليلى افطرى
هدى*بحزن*:هى دى حاجة وحشة انى عيزاكى معايا ياماما وخصوصا ف ايام زى دى
درية*طبطبت ع ايديها*:حقك عليا خلاص هقعد عشان خاطرك انتى وسلمى بس , وهحاول ماتكلمش مع جوزك ده خالص
هدى*ابتسمت*:ماشى هقوم اشيل الغسيل م المنشر عشان اللحق اعمل الفطار بقى
درية:لا ادخلى انتى للفطار وانا هشيلوا واتسله فيه وبالمرة اشم شوية هواه*ودخلت البلكونة وبقيت تشيل ف الغسيل وشوية ولقيت فهيم كان بيتكلم ف الموبايل و قاعد ع كرسى البلكونة وعمال يضحك اوى بصتله م جمب عنيها وقالت لنفسها :شوفى ياختى الراجل قاعد يحب ف التليفون واحنا ف نهار رمضان صحيح ياما تحت الساهى دواهى*وبصتله بأرف ودخلت*
فهيم *وقتها كان قاعد يتكلم ف الموبايل مع اخته وبعد ما خلص دخل*
كاميليا*كانت قاعدة ف الصالة*:اطمنت ع طنط ياعمو
فهيم: اة كانت وحشانى هى وعيالها العيال زى العسل قعدت اهزر معاهم كتير بس كانت بتشتكيلى تعبت ياعينى ربنا يحفظهم لها
كاميليا:ما شاء الله ماهو ٥كتير برده ياعمو وف الزمن ده كمان
فهيم:عارفة رغم انهم مُتعبين بس عزوه انا لولا ان ام رأفت ماتت بدرى كنت زمانى جايب عيال كتير بس حظه بقى ييجى وحدانى ويعيش وحدانى هو وابنه
كاميليا*اول ماقال كدا الدموع كانت ف عنيها*
فهيم*بأسف*:انا اسف يابنتى مش قصدى انا عارف انه غصبن عنك والله
كاميليا:لا ياعمو عادى مفيش حاجة
فهيم: بس الواد فارس وحشنى عايز اشوفوا قبل ما امشى
كاميليا:هتمشى بدرى كدا طب افطر معانا طيب
فهيم: مش هينفع انتى عرفانى ما بقدرش اسيب بيتى وارضى كتير
كاميليا:عارفة بس برده معلش افطر معانا انت برده مش هتقدر تسافر وتعمل اكل
فهيم:ما ام مدبولى هقولها تحضره عقبال ما اجى *وسكت شوية*:بس ماشى ياستى مش هزعلك هفطر معاكوا النهاردة
*وفضلوا يتكلموا وشوية وقامت تعمل الاكل وف الوقت ده فؤاد قاعد وماسك دماغه*
يارا*فضلت تبص عليه وسكتت وبعديها اترددت تسأله وخدت نفس عميق*:مالك
فؤاد*ماسك دماغه وعمال يضغط عليها*:صدااع هيفرتك دماغى
يارا* بطلع من شنطتها برشام*:انا معايا اسبرين
فؤاد*بصلها ورفع حاجبه*
يارا:ايه هو انت فكرنى هديك مخدر ولا ايه؟
فؤاد:بس هى دى كل المشكلة يعنى بالنسبة لك
يارا:اومال ايه؟
فؤاد*بتنهيدة*:لا حول ولا قوه الا بالله العلى العظيم ،اللهم انى صايم
يارا*بصدمة*:اوووبس!! معلش انا بجد نسيت اصلنا لسه ف اول رمضان فبتعود عموما انا قولت اسعف واعمل العليا*وقربت منه البرشام حطته ع مكتبه*:تقدر تاخده بعد الفطاار عن اذنك
فؤاد*فضل باصص للبرشامة ويبصلها وسكت*
*وتعدى ساعات ويرجع زهران م الشغل ويروح ع المطبخ لهدى*
زهران:انا جيت ياحبيبتى
هدى:حمد الله ع سلامة ياحبيبى ,ايه الشغل كان عامل ايه!
زهران:مش قادر اقولك صعب ازاى مع الصيام بجد مش قااادر يدوب اريح شوية واصحى عشان افطر عشان اقدر افوء واركز
هدى:انا خلاص بخلص الاكل اهوه
زهران:فرحينى وقوليلى ان مامتك مشيت بقى
هدى: ليه بس كدا يازهران دى حتى بتحبك
زهران:بتحبنى!!مامتك دى لو حبيت اهل الارض كلهم مش هتحبنى المهم انها مشيت, ياسلام شايفة البيت هااادى ازااى وكله سكوون وراحة ولا ياسلااااام ع الروقااان ياسلااام ، هو ده البيت م غيرها بجد ,عارفة لو موجودة
هدى*بتبرقله*:خلاص يا زهران بس
زهران* بيكمل كلاموا*:بيكون رياح واعاصير وضغط وخناق وعصبية و بلاااااااوى سودااا بلااااوى يلا الحمدلله هروح اغير بقى *ولسه بيلف يلاقيها ف وشه قام مصرخ*ايه ده ,ايه ده
درية:دى الرياح والاعاصير ياحبيبى
زهران*بصلها*:ده بجد!!
هدى*حطت ايديها ع راسها وكأنها بتقول يارب تعدى ع خير*
درية*بصتله بضيق*:مش هرد عليك هبقى ست عاقلة ومش هرد *وسابته ومشيت*
زهران*بصدمة*:ايه ده بقولك!!
هدى:قولتلها تفطر معانا النهارة ماكنتش هتلحق تروح وتعمل فطار*وبصتله بلوم*:كداا تزعلها
زهران:ازعلها ايه دى قطعتلى الخلف*وحاول يهدا*:انا ماكنش قصدى
هدى*بتنهيدة*:ولا قصدك, روح يلا يازهران شوف هتعمل ايه لحد الفطار
زهران*بصلها وبعد كدا فضل ماشى ويبص حواليه لتطلع ع فجأه تانى ودخل ع اوضته وقفل الباب*
*وشوية وتيجى سلمى ورغم ان موضوع المقلمة ده ضايقها بس اصحابها قدروا يخرجوها م الزعل بلعب والهزار معاها وقدرت تنساه فعلا بس كان م جواها حاسة انها مضايقة م تقى دى اووووى ويقعدوا يفطروا وتكون عيله رأفت قاعدين ع سفرة*
رأفت:بس كويس ان كاميليا اقنعتك يا بابا والله انا شايف تخليك معانا احسن
فهيم*بجدية*:لا مقدرش انا يدوب هاكل اللقمة واسافر وهبقى اجيلك تانى وكمان يا ابنى ام مدبولى م وقت لتانى لما بحتاجها بتيحى تعملى الاكل ال انا عايزه ووقت زى ما انت عارف بيبقى ليا مزاج اطبخ بطبخ وجوزها برده بيخلى باله م البيت يعنى ف حس ف المكان هناك مش لوحدى برده
رأفت:انا قصدى تكون معانا وف وسطينا افضل
فهيم:انا والله كل العايزه تبقوا بخير*وبص لحفيده وابتسم*:والواد المسكر ده كمان
فارس*ساعتها كان قاعد سرحان وعمال يفكر ف الحصل واللى تقى عملته وماكنش لاقى تفسير*
كاميليا:ايه ياحبيبى مش بتاكل ليه
فارس: كلت انا بس كنت عطشان اكتر
فهيم:ما انت عشان شربت كتير بطنك اتماليت حاول ماتعملش كدا تانى عشان تفطر كويس
فارس :حاضر ياجده *وقام م ع السفرة غسل ايده وراح البلكونة وحرك الحبل وشوية وخرجت سلمى وفضل يشاور بأيده عليها وبعد كدا ع عنيه كأنها نازل منها دمعة*:انتى لسه زعلانة
سلمى*حركت ايديها*:نص نص
فارس*ابتسم وحرك ايده بالنفى وبعد كدا شاور ع نفسه وع عنيه*:انا مش بحب اشوفك زعلانة
سلمى*ابتسمت ابتسامة صغيرة*
فارس*حط ايده ع شفايفه وعمل شكل الابتسامة*:اضحكك
سلمى*حركت راسها بنعم*:ماشى
*فارس كان واقف ومرة واحدة نزل تحت السور واختفى ماكنش باين فضلت تبص وماكنتش شيفاه خالص وقعد كدا لثوانى لدرجة انها بدأت تضايق وشوية وقام مرة واحدة وكان راسم ع وشه قطة*
سلمى* فضلت تضحك اوى وكانت مبسوطة*
*ف الوقت ده كانت درية واقفة وباصة عليها وفهيم باصص عليه وع قد ما استغربوا اللى بيعملوا بس ابتسموا ع حركاتهم وفجأه بصوا لبعض هما الاتنين ولقوا انهم مبتسمين فكشره مرة واحدة وراحوا يحضروا نفسهم للنزول واول فعلا ما نزلوا كان رأفت نازل يوصل ابوه وزهران نازل يوصل درية ع مضدد و وقفوا الاتنين وبصوا لبعض بضيق وكل واحد ركب العربية الراكنة قصد العمارة بتاعتهم ومشــيوا وتعدى ايـــــــــــــــــام وف يوم يكون عيلة رأفت متجمعين عند زهران وحصلت حاجة....وللحكاية بقية*
هنعرف الحصل الحلقة الجاية
تأليف:فــاطــمــة هــشــــام
"