أعيش حياتى الحلقة التامنة
جاري التحميل...
الحلقة التامنة
.........
*وبعد محاولة اقناع زهران انه يرجع لمراته وبنته ورغم حالته النفسية الـ كانت مش احسن حاجة يكون بيفكر فعلا هيعمل ايه وازاى هياخد الخطوه الجاية وتكون الوقت ده هدى برده نفسياً مش احسن حاجة ومش عارفة حتى تودى بنتها المدرسة واول ما تسمع الباب بيخبط تروح تفتح وتطلع كاميليا وفارس جايين يزروهم*
هدى*اول ماتشوفها تبتسم وتحضنها*:كاميليا ازيك
كاميليا*ابتسمت*:ازيك انتى , انا بصراحة قولت اجى اطمن عليكى بنفسى عشان كدا خليت رأفت يجيب العنوان م استاذ زهران
هدى*اول ما سمعت اسمه اختفت الابتسامة*:طب تعالى ادخلى
فارس*بلهفة*:هى سلمى فين
هدى*بتنده عليها*:سلـــــــمى ياسلــــــــمى
سلمى *وهى خارجة م الاوضة وماسكة العروسة ومضايقة*:نعم ياماما
فارس*اول ما شافها جرى عليها ووقف قصادها وابتسم*:سلمى ازيك
سلمى*بنبساط*:انت هنا بجد يافارس ولا انت جوه حلم م احلامى
فارس*ابتسم ومسك ايديها*:لا انا هنا فعلا ,صدقى
سلمى*بصتله وابتسمت وكانت فرحانة انها شيفاه قصادها بجد*
فارس*طلعلها كيكة بالشوكليت*:انا جبتلك الكيكة الـ انتى بتحبيها
سلمى*خدتها منه*:شكرا اوى يافارس تعالا اوريك اللعب الـ عندى هنا
*ودخلوا اوضة الصالون وكانوا بيلعبوا وقصادهم كاميليا وهدى قاعديبن ع مسافة بعيده عنهم بشوية*
كاميليا:عاملة ايه,طمنينى عليكى
هدى*بصوت هادى*:الحمد لله
كاميليا:والله مش عارفة اقولك ايه رغم ان رأفت يعتبر بيتكلم معاه كل شوية بس مفيش فايدة هو محاولش حتى يكلمك
هدى*والدموع ف عنيها*:ولا مرة
كاميليا:ان شاء الله ربنا هيديه وهيكلمك ف اقرب وقت ع فكرة حالته وحشة اوى انا بشوفوا ساعات وانا واقفة ف البلكونة ده حتى الاكل الــ انا بعمله ورأفت بيدهلوه راحلوا مرة الشقة بيقولى الاكل بيكون زى ما هو يعنى هو مش مبسوط ياهدى
هدى:ومين فينا ممكن يبقى مبسوط بالحصل ده
كاميليا:كل ده هيتغير وهترجعوا احسن م الاول قريب كمان ان شاء الله
هدى:يااارب
درية*وهى خارجة م الاوضة بتاعتها*:هما مين دول اللى يرجعوا بعد العاملوا ده ترجعلوا بسهولة كدا ده لا ممكن ابدا
كاميليا:ليه بس كدا ياطنط وازى حضرتك الاول
درية*صوتها كان عالى شوية*:حضرتى مش كويسة وانا شايفة بنتى ف الحالة دى هو فكرها ايه دى بنت ناس ع فكرة, ولو ف خلال يومين مابعتش ورقتها هخليها تخلعه
هدى*بصدمة*:ايه الـ بتقوليه ده بس ياماما
كاميليا:معلش ياطنط هادى الصوت شوية عشان الولاد وكمان سلمى ماينفعش تسمع حاجة زى كدا عشان نفسيتها متتعبش
درية*بضيق*:هو فارق معاه اوى نفسية بنته ده سايبها كدا ولا بيسأل عليها ولا بيعبرها والبت داخلة ع اسبوع مابتروحش حتى المدرسة بتاعتها, اخص عليه اخص اقول ايه متوقعة منه والله كل ده واكتر
كاميليا:والله ياطنط لسه كنت بقول لهدى هو نفسياً مش احسن حاجة وكمان هو ماكنش مؤهل لموضوع الخلقة ده خالص عشان كدا اضايق وخد الموقف القوى ده
درية:مؤهل ايه هو هيطلع بترول م الارض ده حته عيل ولا راح ولا جه مش عايز يجيبوا !! ياختى بلا نيلة اقــول ايه بس
هدى*بحزن*:خلاص ياماما بقى ونبى عشان العيال متسمعش حاجة
درية:انا داخلة المطبخ اصلا اعمل اكل بلا وجع دماغ *ودخلت وسابتهم وهى بتضرب كف ع كف م البيحصل ده*
هدى:معلش انتى عارفة ماما
كاميليا:متقلقيش عرفتها كويس المهم بس اوعى طنط تضغط عليكى ف موضوع الخُلع ده بجد صدقينى هو هيرجعلك قريب الموضوع بقاله ايام والصدمة مع الوقت بتقل يعنى
هدى*بصتلها وسكتت وكانت مستنية تعرف ايه الهيحصل تانى ف حياتها وكان ف الناحية التانية سلمى وفارس بيلعبوا مع بعض*
سلمى: تسنيم وقاسم عاملين ايه؟
فارس:كويسين وحشتيهم اوى تعرفى احنا مش بقينا حتى نلعب بنكون قاعدين ومضايقين اوى وانتى مش موجودة وخصوصا انا ,هو انتى هترجعى امتى البيت والمدرسة
سلمى *بضيق*:مش عارفة بس بابا وماما عندهم خناقة كبيرة اوى
فارس:اة بسبب مامتك حامل
سلمى :عرفت منين؟
فارس:سمعت بابا وماما بس انا مش عارف عمو ليه مضايق هو الولد الـ جى ده هيبقى وحش ولا ايه
سلمى*مطت شفايفها بحركة طفولية*:مش عارفة تفتكر عشان كدا بابا مش عايزه انا كمان هكون مش عايزاه
فارس:بس ع فكرة ممكن يطلع حلو ويبجى يلعب معانا
سلمى*بحيرة*: بس ماما ع طول بتعيط وبابا مبقاش موجود اكيد ف حاجة مش حلوه بتحصل
فارس*بعفوية*:انا كل العايزه ترجعى بقى عشان نقعد ونلعب سوى ونروح المدرسة والنادى سوى زى كل يوم
سلمى:يارب بقى يارب
*وفضلوا يتكلموا وف الوقت ده فؤاد كان قاعد ف البيت ف اوضته*
ابراهيم*بيخبط ويدخل ويكون راجل كبير شوية ف السن وطلع ع المعاش*:ايه يا ابنى مش هتيجى تقعد معانا
فراد:حاضر يابابا
ابراهيم:مالك انت مش متظبط بقالك فترة ع فكرة
فؤاد*بهدوء*:مفيش يابابا حوار الشغل ده مضايقنى بس شوية
ابراهيم:مش جوز اختك قالك هيشوف خلاص رأفت جدع وواثق انه هيجبلك شغل كويس
فؤاد:يامسهل
امينة*وهى داخلة وباين عليها سنها كبير*:انت روحت فين ياراجل مش قاعدة بتكلم معاك فجأه ابص جمبى مش الاقيك كنت بكلم نفسى انا يعنى ولا ايه
ابراهيم:اعملك ايه ما انتى طول اليوم بتتكلمى ولا فاهم بتقولى ولا عايزة ايه
امينة:ياسلام ياخويا بكلم بـ الاوندى انا يعنى
ابراهيم*بهزار*:ايه اللاوندى ده انتى سافرتى برة م ورايا يا امينة
امينة:اسافر ايه! انا اعرف حاجة برة الشقة دى اتجوزتنى وضحكت عليا
ابراهيم*بص لابنه وبيشاور عليها*:شوف هنبتدى بقى
امينة*بندماج ف الكلام*:قولتلى هوريكى العالم وفعلا شوفت العالم ,عالم المطبخ وعالم البلكونة وعالم الصالة وعالم الاوضة
ابراهيم:ما تُنصبيش نسيتى حاجة كدا
امينة*بستغراب*:ايه نسيت ايه؟* وبصيت ع ابنها*:نسيت انى عالم م العوالم ياولاه فكرنى
فؤاد*ابتسم*:معرفش والله ياماما
ابراهيم:عالم الحمام اهوه ده اهم واحد منقدرش نستغنى عنه ابدا
امينة:اقول ايه بس ياربى قدرى , قدرى ولازم ارضى به
ابراهيم:جدعة روحى بقى اعمليلى كوباية شاى م ايدك الحلوه دى بقالك كتير ما جربتيش عالم المطبخ
امينة*بصتله بستغراب*:ده انا لسه خارجة منه ما بقاليش كام ساعة ياراجل حرام عليك عموما هروح اعملهولك*ومشيت ومسكت رجليها*:اة يا انا يارُكبى ياما
ابراهيم:شوف واقفة بقالها ساعة قولتلها اعمليلى حاجة مسكتلى رُكبها وشوية ضهرها ومفاصلها كُلها عايش مع التأهيل الصحى انا عارف
فؤاد*ابتسم لباباه*:ربنا يديكوا الصحة يا بابا
ابراهيم:ويخليك لينا انت واختك والواد فارس الشقى ده حبيب جده ورأفت يلا يابالمرة
فؤاد:يــــــــارب
ابراهيم:عموما لو اضايقت م قعدتك هنا اخرج اقعد معانا شوية هنستناك
فؤاد:حاضر يابابا
ابراهيم*وهو خارج م الاوضة*:فين الشاى اتأخر ليه مش تمام كده ع فكرة
*وخرج قعد يهزر مع مراته شوية وف الوقت ده كاميليا كانت بتسلم ع هدى عشان هتمشى*
كاميليا:انا هروح بقى عشان منتأخرش وفيه مدرسة بكرة لفارس حاولى تودى سلمى الاسلبوع الجى عشان الغياب كتير كدا غلط
هدى:هحاول والله
كاميليا:يلا يافارس
فارس:لا لسه شوية خلينا قاعديين
كاميليا:يلا ياحبيبى بابا مستنينا تحت مش عايزين نتأخر عليه
هدى:طب كان يطلع
كاميليا:ما انتى عارفة رأفت وكمان جى م الشغل بقى هيبقى عايز يروح يستريح شوية *وبصيت لأبنها*:يلا ياحبيبى وهى سلمى قريب هترجع
فارس:طيب *وسلم عليها*:هشوفك قريب بجد نفسى افتح البلكونة واشوفك اوى
سلمى:وانا كمان ، يارب ارجع البيت بقى
فارس *سلم عليها وساب ايديها ببطء وفضل بصصلها لحد ما خرج م باب الشقة ونزل ع السلم*
سلمى*الدموع ف عنيها*: ماما انا عايزة اروح بيتنا مليش دعوه بقى
هدى*خدتها ف حضنها *:حاضر ياحبيبتى حاضر
كاميليا*نزلت وفضلت تتكلم مع جوزها*يعنى هو مقالكش حاجة هيفكر يروح يصالحها ولا حاجة
رأفت:انا سايبه دلوقتى براحته يومين كدا وهرجع اتكلم معاه تانى وربنا يسهل
كاميليا:قصدك عاشر
*ويروحوا ويكون وقتها زهران ف البيت وبيفكر ف الحصل وحس انه خد قرار خلاص وتانى يوم يروح ويقف قدام باب الشقة ويكون متردد يخبط بس ياخد تنهيدة كبيرة ويضرب الجرس*
سلمى:انا هفتح *وجريت ع الباب واول ما شافت باباها انبسطت اوى وحضنته*
زهران*خدها ف حضنه جامد جدا وكانت وحشاه اوى*:بجد وحشتينى ياسلمى بجد
سلمى:وانت كمان يابابا انت كنت فين كل ده هو انت كنت مسافر؟
هدى*خرجت تشوف بنتها ولما شافت جوزها فضلت بصاله والدموع ف عنيها*
زهران*بصلها*:اة كنت مسافر ف مشوار بعيد بس رجعت تانى ومش هروح المشوار ده تانى ابدا ان شاء الله
سلمى*خدته م ايده ودخلته البيت ووقفته قصاد مامتها*:بابا انا مش عايزة النونو الوحش ده مادام انت مش عايزه
زهران*نزل لمستواها*:لا ياحبيبتى ماتقوليش كدا وكمان انا جى اخدكوا اهوه ونعيش كلنا سوى
هدى*اول ما قال كدا الدموع نزلت م عنيها وفضلت ساكتة*
سلمى*بفرحة وحضنته*:بجد هرجع البيت خلاص
زهران:اة ياحبيبتى
درية*خارجة م المطبخ:والله ،مش بسهولة كدا مش بعد ما رميت بنتى تيجى تاخدها ببساطة كدا
زهران*بجدية*:انا عايز اتكلم مع مراتى لوحدنا لوسمحتى
درية*بصتله نظرة سخرية*:وانت لسه فاكر انها مراتك طب والله كويس
زهران*بص لهدى وكأنه بيترجاها بعنيه*:خلينا نتكلم لوحدنا احسن ,ارجوكى
درية:هتقول ايه يعنى ما كفاية ال قولته والعاملته
هدى*مسحت الدموع اللى نزلت ع خدها وقالت بنبرة هادية*:ماما معلش سيبينا لوحدنا شوية
درية:اصل يعنى *ولسه هتكمل*
هدى:ونبى ياماما معلش سبينا شوية وخدى سلمى معاكى
درية*مشيت وبصتله م جنب عنيها*:تعالى ياحبيبة نينا اما نشوف اخرتها ايه مع ابوكى
*وبعد ما مشيت قرب زهران م هدى ومسك ايديها وكانت بتترعش وقعد وقعدها قصاده ع الكنبة*
زهران:انا اسف انا ماكنش ينفع الـ انا عاملته او القولته بس انتى كنتى عارفة رأيى ف الموضوع ده والطبيعى انى اضايق وما ستوعبهوش بسهولة يعنى
هدى*بلوم*:تقوم تطلقنى هو الـ بينا قليل كدا
زهران:انا ما طلقتكيش وماكنتش هعملها ده كانت ف لحظة غضب وكمان مش قليل فعلا اللى بينا بس فكرة انك تسمعى كلام امك دى عصبتنى وانتى عارفة اننا مش ع وفاق ف افكارنا انـا وهـى فلما احس انى مليش كلمة وهى الـ بتتحكم ف حياتنا وتعملى حاجة انتى عارفة انى مش عايزها فطبيعى كنت اضايق اوى كدا
هدى:والله العظيم ابدا انا مفكرتش مجرد تفكير انى اكسر كلامك او اعمل حاجة انت مش عايزها صدقنى
زهران *بصلها بحب*:مصدقك وعشان كدا جيت اقولك اسف وتعالى ارجعى البيت حقيقى البيت وحش م غيركوا *وبص ع بطنها وقال بتنهيدة كبيرة*:وموافق م الـ هيبجى ده واحد او اتنين او حتى عشرة وربنا يقوينى ع الميزانية بقى
هدى*بصتله*:بس مفيش حاجة
زهران*بعدم فهم*:يعنى ايه؟
هدى:يعنى روحت كشفت الدكتورة قالتلى ان ف كيس بس فاضى ودى مجرد لغبطة هرمونات مش اكتر وعشان كدا الاختبار عمل ايجابى ,يعنى ده كان حمل كاذب
زهران*بفرحة*:بجد
هدى*بصتله وهى شايفاه فرحان كدا*
زهران*بصلها وسكت شوية*:هدى افهمينى انا نفسى اجيب عيال منك بس حقيقى مش عايز نعيش حياه صعبة بحاول اسستم حياتى عشان ولا انا ولا انتى ولا بنتنا نتعب ف الحياه دى* وسكت شوية *:عموما انتى بجد لو حاسة انك عايزة تجيبى طفل ماشى بس ياريت مش دلوقتى شوية كدا
هدى*بتحرك راسها بالنفى*:ولا دلوقتى ولا بعدين كفاية علينا سلمى ربنا يخليهالنا ويحفظها
زهران:يارب, يلا بقى هاتى هدومك وتعالى معايا البيت وحش م غيركم اوى بجد بس بقولك ايه هنزل انا عشان مش هقدر اتكلم مع مامتك كلمتين خلصى براحتك ومستنيكوا تحت
هدى*ابتسمت*:حاضر
*ونزل وهى قامت فعلا دخلت الاوضة تلم ف هدومها وهدوم بنتها ومامتها دخلت الاوضة عليها*
درية:ضحك عليكى بكلمتين طبعا
هدى:ماما ونبى خلاص وقولتلك قبل كدا صدقينى زهران مش وحش وكمان انتى مش عايزانى انا وسلمى نكون مبسوطين
درية:اكيد اتمنالكوا كل الخير
هدى:خلاص ادعيلنا وبس *وبصيت لبنتها ومسكت ايديها*: يلا ياسلمى
سلمى*بفرحة مسكت ايديها*:يلا ياماما
*ونزلت هدى تحت انظار درية وكانت بتدعى ربنا يسعدها ولما شافت كدا سكتت وقالت خلاص اهوه عرف غلطه وجه يصالحها وع قد ما ضايقت ان بنتها مطلعتش حامل ع قد ما حسيت انها علامة وقررت متتكلمش معاها تانى ف الموضوع ده ونزلت سلمى ركبت العربية وطول الطريق فرحانة واول ماوصلت جريت ع البلكونة ومسكت الحبل حركته فارس كان قاعد سرحان بيفكر فيها واول ما سمعوا جرى بسرعة ع البلكونة وانبسط اول ما شافها واقفة قصاده وماكنش مصدق عنيه وشاورلها بأيده وبعديها ضم بأيده الاتنين ناحية قلبه انها وحشته وهى كمان ابتسمت وعملتله نفس الحركة وفضله يتكلموا بالطريقة الخاصة بيهم*
زهران:نورتوا بيتكوا ياحبيبتى وان شاء الله ماتبعديش تانى عنه ابدا
هدى*ابتسمت*:ان شاء الله
*كاميليا ورأفت عرفوا وانبسطوا ليهم اوى ورجعت كل حاجة زى ماهى وفتحوا صفحة جديدة مع بعض وف يوم كانوا متجمعين ف بيت رأفت وبيتفرجوا ع ماتش وشوية والباب خبط وراح رأفت يفتح وشاف حد واول ما شافوا فضل واقف مصدوم....وللحكاية بقية
تأليف:فــاطــمــة هــشــام