المقبرة الملعونة الفصل السابع: "الهجوم"
جاري التحميل...
بدون عنوان
.........
الفصل السابع: "الهجوم" الضباب زاد… بقى تقيل… خانق… والأرض تحتهم بقت بترتعش كأنها هتتفجر. سما كانت واقفة مكانها… عينيها على الكيان… "إنت عايز مني إيه؟!" لكن الكيان ما ردش. رفع إيده ببطء… وفي لحظة— الجيش اللي وراه اتحرك. جريوا عليهم… سرعة مش طبيعية… أجسامهم بتتشقق… أصواتهم زي الزجاج المكسور… "اهربواااا!!!" ياسين صرخ وهو شد سما من إيدها. … ريتاح وقفت مكانها… وبصّت عليهم… "مش هنعرف نهرب." … واحد من الكائنات قفز على ياسين! وقعه على الأرض… وكان هيغرز إيده في صدره— لكن سما مسكت حجر وضربته بكل قوتها! "ابعد عنه!!!" الكائن لف وشه لها… وعينه كانت فاضية… سودا… مفيهاش أي حياة. … وفجأة— صرخ. صرخة غريبة… كأنها ألم… ورجع خطوة لورا. سما اتجمدت: "إيه ده؟!" … كائن تاني هجم عليها— لكن أول ما لمسها… اتحرق. جلده بدأ يسود أكتر… وصوت احتراق طلع منه… ورجع يبعد وهو بيصرخ. … ياسين قام بسرعة: "إنتي… إنتي عملتي إيه؟!" سما بصّت لإيديها… "أنا… ما عملتش حاجة…" الكيان كان واقف بعيد… بيتفرج. وبعدين قال بصوت هادي: "بدأت." … الهجوم زاد! الكائنات بقت أكتر… بتطلع من الأرض… من الضباب… من كل حتة. … ريتاح فجأة صرخت: "وراكي!!!" واحد ظهر فجأة ورا سما— لكن قبل ما يلمسها… سما صرخت— صرخة خرجت منها من غير ما تقصد. والهواء انفجر حواليها. دفعة قوية… رمت كل الكائنات بعيد. حتى ياسين وقع على الأرض. … الصمت وقع لحظة. … ياسين بص لها بصدمة: "إنتي… إيه ده؟!" … سما كانت بتنهج… عينيها بتلمع… مش نفس اللمعة بتاعتها. "أنا… مش فاهمة…" … الكيان ابتسم: "بدأت تفتحي." … ريتاح قربت من سما ببطء: "إنتي مش بس مفتاح…" … وقبل ما تكمل— الأرض اتفتحت فجأة تحتهم! حفرة كبيرة! وقعوا فيها— سما، ياسين، وريتاح! سقوط… ظلام… صراخ… وبعدين— سكون. … فتحوا عينيهم. كانوا في مكان تاني. مش نفس المقبرة. أعمق… أقدم… والهواء فيه ريحة دم. … سما قامت ببطء: إحنا فين؟!" … ياسين بص حواليه: "ده… مش طبيعي…" … الجدران حوالينهم كانت عليها رسومات… رموز… طقوس… وأشكال لناس… بتتدبح. … ريتاح همست: "ده المكان الحقيقي." … وفجأة— صوت جاي من الضلمة: "أخيرًا… رجعتي." … سما اتجمدت: "مين؟!" … الضلمة اتحركت… وطلع منها… راجل. … لابس أسود… وشه باين نصه بس… بس عينيه— كانت نفس عيون الكيان. وقال: "استنيتك كتير يا سما." سؤال الفصل: لو قابلتي الشخص اللي ورا كل الكابوس ده… وطلع قريب منك… هتواجهيه؟ ولا هتخافي من الحقيقة؟ 😨💔
