أعيش حياتى (الحلقة الرابعة)
جاري التحميل...
الحلقة الرابعة
.........
*وطبعا بعد الـ فارس عملوا ده كان عمار مش هيسكتلوا وف اخر اليوم سلمى لسه هتحط كتابها ف الشنطة يخطفوا رامز ويجرى وفارس يشوف كدا ويجرى وراه وسلمى كمان ويفضل يجرى رامز لحد ما يروح مكان بعيد وفاضى شوية*
فارس*وقف وبصلوا*:هات الكتاب
رامز:لا
فارس:بقولك هاتوا
*رامز وهو بيحدفوا لعمار ويكون جى ومعاه باقى اصحابه*
عمار*بيشاورلوا بالكتاب* :عايزه!! تعالا خده
سلمى*مسكت ايد فارس وخافت اول مالاقيت كدا*:خلاص يافارس خلاص يلا نروح مش مهم
فارس*بصلها*:لا هجيبوا وهنروح سوى
عمار*بصلهم بسخرية*:حلوه ثقتك ف نفسك دى
فارس*بصله بأرف وقرب عشان ياخد الكتاب فجأه كل اصحاب عمار هجموا عليه ووقعوه ع الارض وفضلوا يضربوا ف جامد وعمار كمان فضل يضربوا برجله*
سلمى*شايفة كدا وعمالة تصرخ بس ماكنتش عارفة تعمل حاجة وعمالة تنده عليه*:سيبوه ،ابعده عنه ،فـــارس يافـــارس
فارس*طبعا م الضرب ماكنش قادر يتكلم وبرده جسمه كان ضعيف اوى انه ممكن يضرب كل دول*
سلمى*وقفت منهارة وعمالة تصرخ وحاولت تقرب منهم عشان يبعدوا عنه عمار زقها ورجعت خطوات لوارة تانى وفجأه ظهر المستر بتاعهم*
ممدوح*شاف كدا جرى بسرعة ناحيتهم وفضل يزعقلهم*:بس ياولد انت وهو بس هو ايه البيحصل ده *عمارواصحابه جريوا بسرعة وممدوح كمل كلاموا*:انا عرفكوا وهجبكم واحد واحد *وبص لاقة فارس نايم ع الارض ودم نازل م كل حته خده بسرعة وراح المستشفى وف الوقت ده*
رأفت:بقولك ايه بفكر نشترى طبق حلويات واحنا رايحين
كاميليا:ونشترى ليه ياحبيبى انا هعمل كيكة قدرة قادر ونروح بيها
رأفت*ابتسم*:بحب اقتصادك جدا
كاميليا:هو اقتصاد اة وثقة ف حلوياتى برده
رأفت:هو ف فحلوياتك ولا حتى حلاوتك يا ام فارس
كاميليا*ابتسمت ع كلام جوزها وشوية وموبايلها يرن*:ايوه ياهدى
هدى:اوعوا تتأخره
كاميليا:لا مش هنتأخر فارس ييجى وهنجيبوا ونييجى ع طول
هدى:وليه يعنى ممكن اخليه يطلع مع سلمى
كاميليا:خلاص ماشى *واول ما قالت كدا كان موبايل رأفت بيرن
الاخصائى الاجتماعى*:والد الطفل فارس رأفت معايا
رأفت*بخضة*:اة انا ,فارس حصله حاجة
كاميليا*اول ما سمعت كدا فضلت ماسكة الموب وهدى ع الخط وقالت بقلق*:مالوا فارس
الاخصائى الاجتماعى:فارس ف مستشفى النور حصلت خناقة بينه وبين زمايله وهو حاليا اتنقل هناك
رأفت*طبعا اتخض وجرى هو وكاميليا وهدى اول ما سمعت راحت معاهم هى وزهران,واول ما وصلوا لاقوا سلمى قاعدة ع كرسى وعمالة بتعيط*
زهران*قرب منها*:انتى كويسة ياحبيبتى ايه الحصل
سلمى*بعياط هستيرى واسلوب طفولى*:عمار واصحابه الاشرار ضربوا فارس يا بابا
هدى*قربت منها وحضنتها*:اهدى ياحبيتى
رأفت*بخوف بص لممدوح*:ابنى جرالوا ايه
ممدوح:متقلقش حضرتك شوية جروح وكدمات وكسر بسيط ف الدراع لانهم لما وقعوا وقع ع دراعه
كاميليا*بعياط*:ياحبيبى يا ابنى،يارب احفظهولى ده انا مليش غيره ومش هعرف اجيب غيره ونبى يااارب خليه ليا واحفظه يااارب
هدى*قربت منها وطبطبت عليها وفضلت تهدى بنتها وكاميليا وهى كمان بتحاول تهدى
وطبعا الاجواء كانت صعبة جدا عليهم كلهم وقرروا انهم هيقدموا شكوى قوية عشان تتعاقب الاطفال دى بس يطمنوا ع فارس وبعد شوية فعلا يكونوا قاعدين مع فارس ف الاوضة بس هو نايم لانهم حطولوا مهدئ لانه كان عمال يصرخ بأسم سلمى وخايف يكون حصلها حاجة*
كاميليا*تقرب منه*:ياحبيبى يا ابنى
رأفت:اهدى ياكاميليا خلاص الدكتور طمنا وقال هيبقى كويس وع بكرة الصبح ان شاء الله هنروح
زهران:ان شاء الله هيقوم بألف سلامة وهيبقى احسن م الاول
رأفت*بص لسما وكأنه بيقول يارب*
هدى*قربت م كاميليا*:ان شاء الله هيبقى بخير
كاميليا:يارب
زهران:احنا هنروح دلوقتى وان شاء الله هنجلكوا بكرة الصبح وبص لهدى وبعديها بص لسلمى
سلمى*كانت قاعدة وماسكة ف ايده وبتعيط وعمالة كل شوية بتنده عليه*:فارس اصحى رد عليا ،فارس ونبى رد ،قوم عشان نلعب سوى زى ما كنا بنعمل كل يوم
هدى:يلا ياحبيبتى احنا هنروح دلوقتى وهنيجى بكرة ان شاء الله هتلاقى صاحى وهيقعد يتكلم معاكى وتلعبوا كمان
سلمى*بتحرك راسها بالنفى*:بس انا مش عايزة اروح ياماما
هدى:معلش ياحبيبتى مش هينفع تقعدى وكمان هيقفلوا كدا المستشفى علينا ونتحبس
سلمى*بحزن*:ما انا همشى وهيقفلوها ع فارس
هدى*بصتلهم وحسيت انها فشلت انها تقنعها*
كاميليا*قربت منها*:عارفة لما تروحى وتيجى بكرة هتلاقى فارس صحى لكن طول ما انتى قاعدة هنا هيفضل نايم كدا
سلمى*بلهفة وقامت بسرعة*:لا خلاص انا همشى وهاجى بكرة يكون صحى صح
كاميليا*ابتسمت وهى شايفة لهفتها عليه*:صح ياحبيبتى
سلمى*بصتله اخر نظرة*:هجيلك تانى يافارس استنانى ،ماشى
*وفعلا زهران وعيلته يمشوا وتكون حالتهم وحشة اوى وهما كمان قلقانين عليه اوى*
هدى:ادخلى غيرى يلا يا حبيبتى وتيجى عشان تاكلى هنجبلك بيتزا اللى بتحبيها
سلمى*بحزن*:لا مش عايزة اكل *ودخلت اوضتها ومسكت العروسة بتاعتها ال هو جابلها وحضنتها جامد وقالت*:يارب تفوء يا فارس
*تانى يوم الصبح يكون مامته وباباه جمبوا وباصين عليه وشوية وبدأ يفوء ويقربوا منه*
كاميليا:حبيبى انا ماما سمعنى
رأفت:فارس حبيبى حاسس بحاجة
فارس*بتعب*:سلمى فين؟
كاميليا:زمنها جاية ف الطريق،انت كويس
فارس*حرك راسه بنعم*
كاميليا*قربت م راسه وباستها والدموع نزلت م عنيها ،وشوية وجه الدكتور واطمن عليه وقالهم يقدروا ياخدوه ويمشوا وفعلا يعملوا كدا ويتصلوا ع زهران وكاميليا ويقوللهم مايجوش عشان هما هييجوا ف الطريق*
سلمى*وقتها عمالة تعيط*:عايزة اروح لفارس قولتولى الصبح هنروح والشمس طلعت اهوه يلا نروح بقى
زهران:ياحبيبتى اونكل رأفت كلمنى وقال انهم ف الطريق فلازم نستناهم هنا
سلمى:لا مليش دعوه
هدى*تقرب منها*:طب تعالى نوقف ف البلكونة ونعد م ١ل١٠٠ لو مجاش هاخدك وننزل نروحلوا ماشى
سلمى*ببرائة*:ماشى *وجريت وقفت ف البلكونة وفضلت تعد لحد مازهقت*
هدى:خلاص قربنا نوصل لل١٠٠
سلمى وهدى* بيقولوا مع بعض*:٩٠,٩١,٩٢,٩٣,٩٤,٩٥,٩٦,٩٧,٩٨,٩٩,١٠٠*وبصيت لمامتها*:اهوه مجاش يلا نروحلوا بقى
هدى*لسه هتقوم م ع الكرسى وبتبص ناحية الشارع لاقيت العربية بتاعتهم جاية*:فارس وصل ياسلمى
سلمى*بلهفة*:فين؟*وبصيت لاقيتهم وقفوا وبيركنوا العربية وخرج منها وندهت عليه*:فارس *وبعديها جريت تفتح الباب عشان تروحلوا*
فارس*سمعها بتنده واول ما جه بص كانت دخلت بس طلع مع مامته وبابا ودخل اوضته وشوية والباب خبط وراح رأفت يفتح*
زهران:حمدالله ع سلامته *سلمى جريت م جمبوا ودخلت الاوضة*
سلمى*قربت منه والدموع ف عنيها*:فارس انت كويس
فارسا*ابتسملها وحرك راسه بنعم*
سلمى*الدموع نزلت ع خدها*:خوفت عليك اوى يا فارس
فارس*بيلمس خدها ومسح دموعها*:ماتعيطيش انا كويس الحمدلله ،انا كنت خايف عليكى انتى ،هما ضايقوكى
سلمى*بتحرك راسها بالنفى*:لا بس كنت بحاول اقرب منك عشان ابعدهم عمار زقنى وبعدنى عنك
فارس*وهو بيسمع كدا اضايق اوى*
*طبعا كان معاهم ف الاوضة اهاليهم*
زهران:عملت محضر
رأفت:طبعا ده كانوا هيموتولى الواد
كاميليا*الدموع ع خدها*:ربنا يحفظهولنا يارب ده الحيلة بتاعنا
هدى*طبطبت عليها*:يااارب
زهران:كويس احنا نطمن عليه ونروح المدرسة نشوف ازاى يحصل كدا
رأفت*بحرقة وانفعال*:ده انا هكسرها ع نفُخهم هما واهالى العيال دى
زهران* طبعا كان عارف انه بيقول كدا م وجعوا ع ابنه وهو كمان كان مضايق عشان بنته وقرر انهم هياخدوا موقف قوى فعلا وشوية والباب خبط وراح رأفت يفتح*
رأفت:اتفضل ياعم عزيز
عزيز:الف سلامة عليه ،ربنا ميعدهاش تانى
رافت:يارب
عزيز*قرب م الاوضة ولاقاهم كلهم واقفين*:السلام عليكم
كلهم:عليكم السلام ورحمة الله وبركاته
عزيز*بص لفارس*:سلامتك يابطل ،ان شاء الله هتخف وتبقى كويس وزى الفل
فارس:شكرا ياعمو
عزيز:ماعرفتوش ليه عملوا كدا
سلمى*بصتلهم وقالت بحزن*:عشان عمار كان بيضايقنى كل شوية
فارس*بضيق*:مش عايز اسمع اسمه
سلمى*بصتله*:اسفة يافارس
زهران*اضايق اوى ع بنته*:,هو كان بيعمل ايه وليه ماقولتلناش
سلمى*حكتلهم والدموع نازلة ع خدها*:كان بيرخم عليا كتير وخوفت اقول عشان ولد شرانى
هدى:بس مينفعش كدا ياحبيبتى بعد كدا اى حد يضايقك تيجى وتقوللنا ع طول واحنا هنتصرف معاه اتفقنا
سلمى*حركت راسها بنعم*:اتفقنا
فارس:متخافيش ياسلمى محدش يقدر يضايقك طول ما انا موجود
عزيز*بهزار*:شوف الواد متخرشم وبيتكلم كأنه جاكى شان ،صحيح الحب بيعمل المعجزات
كلهم*ابتسموا*
زهران:بس ده حقيقى ال حصله ده عشان خاطر كان بيدافع عنها
عزيز:ربنا يحفظهم ويخلهوملكوا
*وحسوا زيارة عزيز خففت عنهم شوية وفضلوا يتكلموا ،وتعدى ايام ويتحسن فارس وكانوا طبعا العيلتين ع طول مش سايبين بعض وف يوم كانوا بيعملوا الاكل عشان يتغدوا سوى
هدى:تعرفى انى وزعت الاكل العاملتوا اليوم ده ولا انا ولازهران ولا حتى سلمى قدرنا ناكل منه
كاميليا*بحرقة*:حسبى الله ونعم الوكيل ف الـ بوظوا اليوم بالشكل ده وبدل ما نقضيه مع بعض قضناه بوجع قلب ف المستشفى
هدى:اهم حاجة دلوقتى انه الحمدلله بقى احسن
كاميليا:الحمدلله،ده ال طلعت منه م الدنيا ومش هعرف اجيب زيه تانى
هدى*بصتلها وقالت بتردد*:بصراحة انتى كررتى الجملة دى كل شوية وحاسة انى عايزة اسألك هو ليه مش هتعرفى تجيبى غيره انتى لسه صغيرة
كاميليا:الموضوع مش موضوع صغيرة*وقالت بتنهيدة*:هحكيلك،انا ف يوم ولادة فارس تعبت اوى و ف اوضة العمليات برده يعتبر موت وروحى رجعتلى تانى ازاى الله اعلم،المهم هما لما حاسوا كدا الدكتور ال ولدنى اللى ربنا يسامحه خيط بطنى اى كلام
هدى*بستغراب*:يعنى ايه اى كلام
كاميليا:هفهمك،يعنى العرفتوا اننا بعد الولادة بيقفلوا بطننا غالبا ٧طبقات ولازم طبقة طبقة فأنا بقى الدكتور المحترم قفل ال ٧دول مرة واحدة عشان قال خلاص هتموت بقى بس يشاء ربك العليم اصحى واعيش وطبعا قعدت شهور بعد الولادة حاسة انى مش طبيعية ومش قادرة اعمل حاجة وكنت اتحرك بمنتهى الصعوبة مش زى اى ولادة عادية واروحلوا يقولى عادى عادى ما طبعا هيقول انه دكتور فاشل لحد بقى ماروحت لدكتور تانى ابن حلال واكتشف الجريمة دى ودخلت عملت عملية تانى بس طبعا الرحم ساعتها اتقفل ومفيش حل خلاص انا فاكرة الدكتور ساعتها قالى انا كنت حاسس انى بفك كورة شراب م بعضها بسبب المعجنة دى وقالى برده ان للاسف صعب جدا جدا جدا انى اخلف تانى بس حمدت ربنا ورضيت وعشان كدا فارس يعتبر قلبى وعينيا ومقدرش اعيش م غيره لحظة
هدى*الدموع ف عنيها واتأثرت اوى*:ياحبيبتى شكلك تعبتى اوى
كاميليا*بتنهيدة*:الحمدلله *وبصتلها*:وانتى بقى ماجبتيش ليه حد غير سلمى
هدى:زهران مش راضى بيقول كفاية سلمى عشان نعرف نأمن مستقبلها حلو وعايزة اقولك ده مجنن ماما ع الاخر عشان حابة تشوف احفادها وتشوفنى جايبة عيال تانية واهم يبقوا اخ او اخت ليها
كاميليا:طب وانتى عايزة ايه؟
هدى:بصراحة اوقات احس ان كفاية سلمى فعلا واوقات تانية اأيد كلام ماما وابقى نفسى اجبلها اخ او اخت تانيين *وبصتلها وابتسمت*:بس بصراحة م ساعة ما قبلتكوا وشوفت سلمى متعلقة بفارس ازاى قولت خلاص مش مشكلة ربنا عوضها
كاميليا:والله نفس احساسى بالظبط قولت الحمدلله ربنا عوضه ،ربنا يحفظهم ويخليهم لينا
هدى:يارب
*وبعديها الجرس رن وراحت كاميليا تفتح وف الوقت ده تكون سلمى دخلت لفارس وقعدت معاه وهو اول ما شافها اتصدم*
فارس*بص ع شعرها القصير*:ليه عملتى كدا
سلمى*بحزن*:عشان ده السبب وعمل فيك كدا
فارس*بحزن*:بس شعرك ف الاول كان احلى انا كنت حابب شعرك الطويل
سلمى*بضيق واسلوب طفولى*:يعنى انا دلوقتى وحشة
فارس*بيلمس شعرها*:لا حلوه انتى حلوه ع طول* وبعد ايده عنها*:بس شعرك الطويل احلى عليكى،ممكن توعدينى ماتعمليش كدا تانى ابدااا
سلمى*ابتسمت*:اوعدك واول ما يطول عمرى ما هقصره تانى ابداا ابداا *واول ما قالت كدا كان داخل الاوضة تسنيم وقاسم*
تسنيم:الف سلامة عليك يا فارس
فارس:الله يسلمك
قاسم:الف سلامة عليك ياريتنى كنت موجود معاك كنت قطعتهم بسنانى
تسنيم:نصاب انت بتخاف منهم اصلا
قاسم*وهو بيهرش ف راسه*:ما هما بصراحة عيال مؤذية اوى
سلمى:ربنا ينتقم منهم وخصوصا عمار ده
تسنيم:طب انت هتعمل ايه دلوقتى يافارس
فارس*بصلهم وقال بثقة*:انا عارف هعمل ايه كويس!!
*وفضلوا يتكلموا مع بعض وبعديها تعدى فترة ويروحوا المدرسة زهران ورأفت وعيالهم ويكون المدير عامل اجتماع بأهالى العيال العاملوا كدا*
رامى*يبقى والد رامز*:انا حقيقى اسف ع الحصل ماكنتش اعرف ان ابنى ممكن يعمل كدا
احمد*والد زياد قال بتأثر*:انا والله عقبتوا عقاب شديد ع العاملوا ده
وائل*والد وليد*:احنا حقيقى اسفين ومهما قولنا م اعتذار مش هيكفى
وفيق*مدير المدرسة*:احنا وإدارة المدرسة كلها بتعتذر عن الحصل ده بجد ونوعدكم انه مستحيل يتكرر وف قرار اتاخد ان المشرفين مش هيتحركوا م المدرسة غير لما يتأكدوا ان الولاد كلها ف امان وخرجوا م المدرسة
زهران:هو المشكلة مش انها حصلت جوه المدرسة ده كان ممكن يحصل برة المدرسة المشكلة ف التربية وان يطلع جيل فيه كم العنف ده
*طبعا ساعتها الولاد كانوا موجودين و سلمى وفارس قاعديين ف جزء والتلاتة قاعدين ف جزء وكانوا باصيين ف الارض عشان طبعا وجود الكبار واهاليهم*
رأفت*بضيق*:انا نفسى اعرف ابو عمار ده مجاش ليه لحد دلوقتى*واول ما يخلص جملته يدخل عمار وابوه ،،سلمى اول ما شفته مسكت ف دراع باباها وايد فارس ،،فارس اضايق اوى وبص لعمار بأرف*
رفعت*دخل وبصلهم بغرور*:خير قالولى اجى الاجتماع
وفيق:اتفضل اقعد يا استاذ رفعت
رفعت*قعد وابنه جمبه*:قعدت
رأفت*اضايق وقام وقف وقال بعصبية*:هو انت ايه البرود ده مش شايف ابنك عمل ايه ف ابنى ولا ايه
رفعت:ابنى مالوش دعوه اصحابه العاملوا كدا واعترفوا
*طبعا اصحابه اول ما سمعوا كدا بصولوا وعمار ماهتمش*
وفيق:بس الكاميرات جايبة ابن حضرتك وجيباهم
ممدوح:وانا كمان شاهد وشوفتهم بعينى وهما بيجروا
رفعت*بتأفف*:ايوه يعنى عايزين ايه انا عندى اجتماع ومش فاضى
رأفت:لا ده انت مستفز بجد بقى ده انت حتى مش فارق معاك المحضر ده انا لولا الناس دى م ساعة الحصل وهما بيكلمونى ويعتذروا واترجونى عشان مستقبل عيالهم كانت القاعدة دى هتكون ف النيابة
زهران:اهدى يا رأفت اهدى
رفعت*ببرود*:عموما حتى لو هو غلط خلاص هو عرف غلطه *وبص لابنه*:مش انت عرفت ياحبيبى غلطك
عمار*بيمثل البرائة*:اة يابابا
رفعت*بصلهم*:ف حاجة تانية
رأفت*وهو بيقرب منه جامد وعايز يضربوا*:ده انت بجد عايز تضرب بقى
زهران*مسكوا م دراعه بسرعة*:اهدى مش ده الحل
رأفت*بأنفعال والدموع ف عينه*:حل ايه؟دول كانوا هيموتولى ابنى عارف يعنى ايه هيموت يعنى كنت هتحرم منه طول حياتى والبيه جى يتكلم بمنتهى البرود ولا كأن ابنه عمل حاجة عموما انا عرفت هوعمل كدا ليه لانه مش لاقى حد يربيه اصلا ابنك مش متربى
رفعت*بدأ يضايق*:لا مسمحلكش تقول كدا
رأفت:بلا تسمحلى بلا اسمحلك انا عشان اوقف المهزلة دى وماشوفش وشك تانى هتنازل ع المحضر بس مش عشانك عشان الناس دى*وبيشاور ع الاهالى التانية*:لكن اقسم بالله لو ابنك فكر يلمس شعرة م ابنى او حتى سلمى لقتلهولك وده مش تهديد انا اقدراعملها انت فاهم ،يلا يازهران نمشى *وخرج رأفت*
وفيق:عموما الولاد واخدين فصل م المدرسة اسبوع ولما يرجعوا وفارس يرجع بالسلامة هيعتذرولوا وسط طابور المدرسة
زهران*بتنهيدة*:شكرا
*وخد العيال ومشيوا ،وبعديها رفعت قام بمنتهى البرود وخد ابنه ومشى وبرده ماتكلمش معاه ف حاجة وكل اب خد ابنه بس كانوا عاملين يلموهم ع العاملوا ده لكن سلمى وفارس كانوا مبسوطين ان حقهم رجع واطمنوا ان عمار واصحابوا مش هييجوا ناحيتهم تانى وتعدى فترة ويرجع فارس المدرسة وييجى اليوم اللى هيعتذروا فيه.....للحكاية بقية
هنعرف الحصل الحلقة الجاية
تأليف:فــاطــمــة هــشــام