أعيش حياتى (الحلقة الثالثة والعشرون)
جاري التحميل...
الحلقة الثالثة والعشرون
.........
*وبعد ما يكبروا ابطالنا شوية ويكونوا ف مرحلة الاعدادى وحاجات كتير تكون اتغيرت ف شخصيتهم بس قلوبهم لسه زى ما هى والوقت الـ هما ف الفصل وفارس وقاسم بيتكلموا تقرب منهم تقى*
تقى*بتمد ايديها عشان تسلم ع فارس*:ازيك يافارس عامل ايه!
فارس*سلم عليها بسرعة وبعد ايده*:الحمد لله ازيك انتى ياتقى
قاسم*وهو بيشاور ع نفسه*:انا كمان الحمد لله كويس انتى عاملة ايه
تقى*ابتسمتله ابتسامة صفرا ورجعت بصيت ع فارس تانى بأهتمام*:حقيقى كنت مضايقة م الاجازة , المدرسة كانت وحشانى اوى يومى كان وحش جدا جدا بجد
سلمى*وقفت قصادها فجأه وقالت بتريقة*:بجد ياحرااام لا دى حاجة صعبة خالص
تقى*ابتسمتلها*:سلمى كنت لسه هاجى اسلم عليكى
سلمى*بتريقة*:وما جتيش ليه ده انتى حتى داخلة م الباب وانا قدامه *وهو بتعمل بوشها حركة استفهامية*:ولا يكون ف باب وراه وانا مش واخدة بالى
تقى*بتحاول تقلل توترها*:لا ابدا بس ,بس انا يعنى لقيتك بتكلمى انتى وتسنيم ماحبتش ازعجكم
قاسم*بصوت عالى*:اةةة ، فقولتى تزعجينا احنا بقى
تقى*بأحراج*:لا والله مش قصدى ,طيب عن اذنكوا هروح عشان بسمة مستنيانى*وتمشى بسرعة*
سلمى*تبص لفارس نظرة نارية*
فارس*وهو بيحرك ايده بكتافه*:انا مالى انا كنت قاعد ف حالى
سلمى*بتنهيدة وبتربع ايديها بضيق*:طب اقعد اتفضل
فارس*ابتسم*:حاضر
سلمى*ابتسمتله ابتسامة صغيرة وشاورت ع عنيها بأيديها وبعدين شاورت عليه بمعنى انا عينى عليك ومشيت وسابته*
قاسم*بصله*:بقى ياراجل مش عيب شنبك قرب يطلع وهى تيجى تعمل فيك كدا
فارس*وهو بيقعد ع الدسك*:انت عارف عند سلمى وخط احمر لامش خط ده خطوط حمرااا
قاسم*وهو بيقعد جمبه وبيقول بهزار*:ياعينى عليك يا احمد ياسقا
*وفضلوا قاعديين مع بعض وف الوقت ده تكون يارا قاعدة ع مكتبها وبعد تفكير حسيت انها ماكنش ينفع اللى قالته ده ولسه هتكلم فؤاد يخلص شغله ويقووم يمشى طبعا تضايق وتحط ايديها ع راسها وشوية وموبايلها يرن وتكون نهى جارتها ومتربية معاها م وهما صغيرين وكانت بتعاملها كأختها و كأنها بنت خالتها*
يارا:الو يانهى
نهى:ايه ده مال صوتك
يارا:مفيش ضغط شغل بس مش اكتر كان ف حاجة ولا ايه
نهى:ممكن تعدى عليا بعد الشغل عيزاكى ف موضوع
يارا*بستغراب*:موضوع ايه
نهى:لما تيجى هقولك
يارا*بتنهيدة*:ماشى ,سلام
نهى:سلام
*وقفلت معاها يارا وكانت مضايقة اوى وفضلت تفكر طول الطريق تتصل تعتذر لفؤاد ولا تستنى لبكرة وبعد شوية توصل بيت نهى وتطلع وتخبط*
نهى*تحضنها*:وحشتينى
يارا:وانتى كمان والله
نهى:تعالى ادخلى
يارا:هو انتى لوحدك ولا ايه
نهى:اة محمد لسه ف الشغل والواد عند حماتى تحت
يارا:عاملة معاكى ايه لسه بضايقك
نهى*بتنهيدة*اة ده العادى يعنى
يارا:معلش ربنا يهديهالك
نهى:يارب ,المهم انا مش جايباكى عشان اتكلم عنى انا عايزة اتكلم عليكى انتى
يارا:ف ايه؟
نهى:سمعت انك عمالة ترفضى اى عريس يجيلك
يارا*بضيق*:ماما طبعا
نهى:اة هى قالت لماما وانتى عارفة مابحبش ازعل خالتو ممكن اعرف ف ايه
يارا*بهزار*:ف ايه ياجماعة هو حجوزات الجواز هتقفل السنة دى ولا ايه!
نهى:انتى بتهزرى
يارا:ف ايه يانهى
نهى:ف ايه انتى ياروح نهى تقدرى تقوليلى ليه رافضك للعرسان ده كله
يارا:مش لاقيه حد مناسب
نهى:انتى اصلا مش بتقعدى معاهم عشان تقولى مناسب ولا مش مناسب
يارا*بصتلها وسكتت*
نهى:هو ف حد ولا ايه
يارا*بجدية*:لا طبعا ولا حد ولا سبت بس الفكرة انى حاسة انى مش مستعدة
نهى:اومال هتستعدى امتى!!
يارا*بتنهيدة*:مش عارفة بقى يانهى انا اصلا مخنوقة وع اخرى
نهى:ليه ايه الحصل
يارا*بصتلها وسكتت شوية وبعد كدا حاكتلها*:فأنا مضايقة جدا بجد
نهى:خلاص كلميه واعتذريله
يارا:أنتى شايفة كدا
نهى:اة طبعا يابنتى ماتستنيش لبكرة, انتى غلطتى ع فكرة وده جرحه اكيد وكمان*غمزتلها*:يمكن ده الـ عليه العين ولا حاجة
يارا*ابتسمت*:ده اخر واحد افكر فيه اصلا
نهى:ليه يعنى
يارا:دمه تقيل بشكل وشخصية تقيلة وصعب بصراحة
يارا:هو انتوا ف حد تانى معاكوا ف المكتب
يارا:لا انا وهو بس
يارا*بتعوج بؤها*:خايبة وبقالك السنين دى كلها موقعتوش ده انا لو مكانك هوقعه بصابع رجلى الصغير
يارا:نهى انا مابفكرش بالطريقة دى انا كل الـ فارق معايا شُغلى وبس
نهى:مش بقولك خايبة ,المهم فكرى ف الموضوع تانى يا يارا ولو كدا ف واحد صاحب محمد اخليكى تقابليه
يارا:ماشى هفكر وابقى اقولك
نهى:ياريت والله هستنى ردك *وشوية وموبايلها رن*:حماتى تلاقيها عايزانى انزل اخد ابنى
يارا:طب تعالى ننزل ناخده وبالمرة اشوفه قبل ما امشى
نهى:ما تخليكى يابنتى
يارا:لا عايزة اروح وكمان عشان لو هكلمه فعلا اكلمه هناك ف البيت
نهى:ماشى , هقوم بس اغير هدومى
*وقامت نهى فعلا وفضلت يارا تفكر ف كلامها وماكنتش عارفة لحد امتى هتفضل تعمل كدا وحسيت انها لازم تجرب فعلا تقعد مع عريس وف الوقت ده يكون زهران ورأفت قاعديين ف القهوه عند عم عزيز*
رأفت:عامل ايه ف شغلك
زهران:اهى ماشية والله لسه ف دماغى فكرة انى اسيبه
رأفت:يا ابنى اعقل هتسيبه وهتعمل ايه شركة ايه اللى هتشغلك وانت ف السن ده
زهران:جرا ايه احنا عجزنا ولا ايه احنا لسه شباب
رأفت*ابتسم*:اة طبعا بس نظام العمل بياخد م سن معين وكمان بلاش تمرمط نفسك اسمع منى
زهران*بتنهيدة*:هحاول
عزيز*قرب منهم*:تحبه تشربوا حاجة
زهران:تسلم ياعم عزيز
رأفت:شوية عناب بقى ياريت
عزيز:حاضر *وطلب م الشغال ف القهوه يجيب الطلب وبص لزهران*:مالك وشك باين عليه ف حاجة
زهران:مضايق م الشغل شوية
عزيز:يعنى مين مرتاح ف شغله
رأفت:اهوه شوف الراجل الكُبارة بنفسه بيقولك ،فالحل بقى نسيب شُغلنا ولا نستحمل وخلاص
عزيز:لا صعب انك تسيبه انت خليك زى ما انت وياسيدى لو عايز تشتغل حاجة جمبه اعمل كدا
زهران:مفيش وقت والله ياعم عزيز
عزيز:يبقى خلاص خليك ف شُغلك ومفيش اسرع م السنين بكرة تقعد ع المعاش وتقول ياريت ترجع ايام الشُغل
زهران:ما عتقدش
رأفت:أنا هقول بصراحة
عزيز:ربنا يوفقوا ياولاد
*وفضل يتكلم معاهم وف الوقت ده تكون هدى بتكلم درية ف الموبايل*
درية:وحشتونى
هدى:وانتى كمان ياماما ما جتيش ليه
درية:رجلى وجعانى شوية
هدى*ابتسمت*:اتعديتى م طنط امينة ولا ايه
درية*ابتسمت*:لسه قافلة معايا م شوية
هدى:عاملة ايه
درية الحمد لله بس فؤاد ابنها رجع م الشغل فقفلت
هدى:ربنا يهدهولها كاميليا هتجنن وتجوزه
درية:ونبى ياختى امينة كمان كل شوية تكلمنى اقولها العرايس كتير بس ابنك الـ مش راضى مش عارفة ف ايه مُضرب ع الجواز ولا ايه الواد ده
هدى*بستغراب*:الله اعلم ياماما بقى ,المهم مش ناوية تيجى
درية:يومين كدا لانى بجد اتخبط ف رُكبتى فوجعانى
هدى:الف سلامة عليكى ياماما
درية:الله يسلمك ياحبيبتى اهم حاجة ابقى سلميلى ع حبيبة نينا
هدى:حاضر هى دخلت تغير لما تيجى هخليها تكلمك
*وفضلت تتكلم مع مامتها وف الوقت ده فؤاد كان ف البيت ف اوضته ومامته معاه*
امينة:مالك جاى مكشر كدا ليه ف حاجة حصلت
فؤاد:لا مفيش انا بس تعبان شوية
امينة*بلهفة*:مالك ياحبيبى *وبتحط ايديها ع راسه*:سُخن ولا ايه
فؤاد:لآ ياماما مرهق م الشغل بس
امينة:يا ابنى ما الحياه مش كلها شُغل برده
فؤاد:ونبى ياماما ما قادر اتكلم
امينة*بتنهيدة*:ماشى يافؤاد هقوم انا *ولسه هتقوم موبايله يرن وتقعد تانى*
فؤاد*يشوف مكالمة م يارا ويقفل الصوت ومايردش*
امينة:مين؟
فؤاد:ده حد م الشغل
امينة:طب ما ترد
فؤاد:لا حاجة مش مهمة
امينة*بتنهيدة*:ماشى يا ابنى زى ما تحب اما اقوم اشوف ابوك فين اكيد عايز يشرب شاى
ابراهيم*وهو بيفتح الباب*:انا هنا ,ايه الشـــاى فين
امينة:اة يانى قايمة اعمله م غير ما تقول
ابراهيم*ابتسم*:احبك وانت فهمنى
امينة:مش عارفة م غيرى كنت هتشرب شاى ازاى
ابراهيم:ماكنوش هيخترعوه اصلا هو شاى يبقى شاى م غيرك يا ام العيال
امينة:كُل بعقلى حلاوه كُل
فؤاد*ابتسم ع هزارهم ومسك موبايله اللى رن تانى وقرر ما يردش وتانى يوم يروح الشغل واول ما يوصل ويقعد ع مكتبه*
يارا*تقوم تقف وتبصله*:مش انا قولتلك ما تعاملنيش زى مراتك هو انت ماردتش عليا ليه لما بتصل عليك
فؤاد:كنتى عايزانى ارد عليكى عشان تقولى ايه تانى اكتر م اللى قولتيه مش شايفة وجودى واسطة وكمان هكسب الترقية كوسة
يارا*بأحراج*:انا اسفة انا حقيقى ماكنش قصدى بس انا بجد كنت مضايقة شوية امبارح
فؤاد*بصلها وسكت*
يارا:طبعا مش هتقول ليه؟ عموما اهلى ضاغطين عليا ف موضوع الجواز ده وانا بصراحة مش عايزة بس ف واحدة معرفة كلمتنى امبارح وشكلى كدا هبدأ اقتنع بالموضوع
فؤاد*ببرود*:مبروك
يارا*بترفع حاجبها*:انا بقولك بفكر لسه مش هتجوز
فؤاد*بعدم اهتمام*:فالحالتين مبروك
يارا*بتنهيدة*:خلاص بقى بجد اسفة مش عارفة انا قولت كدا ازاى عموما انا عارفة ان مستر رأفت مستحيل يعمل كدا وكمان انا ماقولتش انك جيت واسطة
فؤاد:لا كتر خيرك
يارا:ياا باى بجد مش هنخلص عموما انا اعتذرت براحتك بقى عايز تتقبل تقبل مش عايز خلاص
*ومشيت م قصاده وراحت ع مكتبها تكمل شُغلها وفؤاد كمان بدأ يشتغل ومركزش معاها وف الوقت ده سلمى تكون بتجهز عشان تروح المدرسة*
هدى:يلا يا سلمى اتأخرتى النهاردة ع فكرة
سلمى:متأخرتش ولا حاجة احنا بس بنعدى فقرة الطابور دى مش عايزين نحضرها انا وفارس
هدى:أة ده انتوا متفقين بقى ع كدا انتى وهو
سلمى*ابتسمت*:اة
هدى:عموما برده خلصى عشان تلحقى
سلمى:حاضر هو بابا فين؟
هدى:بيجهز هو كمان عشان نازل
سلمى:خلاص وانا كمان خلصت *وتخرج مع مامتها وتبوس باباها م خده*:صباح الخير يابابا
زهران*كان باين عليه تعب شوية وصوته رايح*:صباح النور ياحبيبتى
هدى:مالك
زهران:مش عارف *وقعد يكوح*
سلمى:شكلك خدت دور برد
زهران:شكلى كدا
هدى:خلاص بلاش تروح الشغل بقى
زهران*بصلها وحس انه مأيد كلامها*
*وتسمع سلمى صوت الجرس ف البلكونة وتروح عشان تكلم فارس *
فارس*بيشاور ع ايده كأن فيها ساعة*:يلا عشان الوقت
سلمى*بتشاور ع رجليها*:هلبس الشوز بس
فارس*ابتسم وعمل بأيده علامة*:تمام
*وفجأه يسمعوا صوت صريخ تتخض سلمى وتدخل تلاقى باباها واقع ع الارض وبين الحياه والموت وتخاف عليه جدا.....وللحكاية بقية
هنعرف الحصل الحلقة الجاية
تأليف:فــاطــمــة هــشــام