لو رجع بيا الزمان: الجزء الحادى عشر
جاري التحميل...
الجزء الحادى عشر
.........
*كانت هالة عايشة ف اسعد لحظات حياتها وييجى اليوم الحماسى بالنسبة ليها وتكون ع قد ما هى خايفة ع قد ما واثقة انها هتحقق حلمها اكيد وف وسط ده كله يظهر سليمان ويطلب منها الجواز*
هالة* بصدمة :ايه ؟؟
سليمان:بصى انا عارف ان الموضوع جه فجأه وبصراحة بقالى فترة بفكر فيه وعايز اقولك لانى حقيقى مبقتش مرتاح
هالة*بصاله وساكتة*
سليمان:هالة انا عارف انى وعدتك كتير بس انا برده مستغربك كل البنات بتبقى عايزة تكون مع حبيبها وهى العايزة خطوه الجواز دى لكن انتى بتبعدى عنها ومش بس بتبعدى انتى خايفة منها خوف مش طبيعى ديما بشوفوا ف عنيكى اول ما بنجيب سيرته وبصراحة دى بجد *وقال بتنهيدة*:حاجة غريبة
هالة*بضيق وكأنها مش سمعاه*:سليمان انا متفقة معاك قولتلك مش عايزة اتجوز دلوقتى خالص وانت وعدتنى
سليمان*بأنفعال*:انا فعلا كنت عايز كدا رغم انى م جوايا مكنتش مقتنع اوى بس عشانك قولت خلاص مش مشكلة بس انا اختي خطيبها خلص شقته وكل حاجة واتجوزت وانا بقيت قاعد ف البيت لوحدى وساعات بروحلهم وبرده مش مرتاح ف الاول والاخر ده بيتهم وهما عايزين يبقوا فيه براحتهم فأنا كمان عايز اتجوز عشان الاقى اليونسنى
هالة *بغضب وصوت مجروح*: يونسك!! ولا يسدلك احتياجاتك واحتياجات عيالك ومش مهم انا عايزة ايه !!بحلم بأيه نفسى ف أيه مش مهم ،صح رد عليا صح
سليمان:انا مقولتش كدا بس ان انا عايزنا نكون مع بعض ف اسرع وقت وانك بتحبينى ف مفروض دى حاجة تفرحك مش تضايقك اوى كدا وكمان ياستى اوعدك انى اساعدك تحققى حلمك حتى بعد الجواز *وسكت شوية*:هالة ده اخر كلام, موافقة تتجوزينى واروح اتقدم لباباكى م بكرة ونعيش اليوم بيومه ونبنى حياتنا سوى ولا لا
هالة*وهى بتفكر احداث الحلم بسرعة والدموع ف عنيها*: انت ليه مصمم تعذبنى وتعذب نفسك* وبصيت ع ايديها وبتتخيلها مربوطة*:وتجرحنى
سليمان*بهدوء وحب*:صدقينى انا مش هعمل فيكى كدا كل ده اوهام ف دماغك وبس انا بحبك وعمرى ما هعمل ده اوعدك
هالة*بصتله بسخرية*:انت خليت بوعدك قبل كدا واكيد هتخلى ب ده كمان
سليمان*بستغراب*:يعنى ايه؟؟
هالة*سكتت وبعدت وشها عنه الناحية التانية*
سليمان*حرك راسها بأيده عشان تبصله ومسك ايديها*:هالة ردى عليا موافقة نتجوز
هالة*بعدت ايديها بقوه ومسحت الدموع النزلت م ع خدها وبصتله بثقة*:لا
سليمان*بصلها بصدمة ماكنش متوقع ده خالص*:انتى عارفة بتعملى ايه احنا كدا بنسيب بعض
هالة*رغم الالم الحاسة به بصتله بجمود*:عـادى
سليمان*بضيق*:انا هبعد عنك
هالة*حاسة بوجع ف قلبها وحزن*:عــادى
سليمان:انا همشى ومش هتشوفينى تانى وهنساكى
هالة*وهى عارفة ان ده اخر امل ليها وهتتعذب بقرارها ده عمرها كله بس قالت بثقة*: عــادى
*واول ما قالت كدا لفيت وشها واديته ضهرها ومشيت طلعت ع المسرح ومسكت المايك وغنت اغنية عادى لأصالة:عادى عادي، عادي، عادي
نفترق عادي، ننجرح عادي،نتنسي عادي،الألم عادي، والندم عادي والعذاب عادي أي حاجة كل حاجة مش غريبة، غريبة عادي ،حتى اللي كنت دايبة في هواه وبقول في بعده ما فيش حياة خدت الحكاية وقتها وكل شيء راح وانتهى وبقيت أشوفه زي أي حد *وبصيت لسليمان والدموع نزلت ع خدها:عـــــادي وأقل من عــادي *سليمان اول ما قالت كدا خرج م المسرح ،وزى ما اول مرة دخلوا وابتدى حبهم خرج منه وهو بينتهى *وكملت هالة وهى شيفاه بيخرج وبدأ شوية بشوية يختفى م قصادها *: ما بقتش أخاف من الذكريات ده اللي جاي بينسي اللي فات ، بعدوا الحبايب قربوا ما بقاش في شيء أستغربه وبعيش في قلبي حزن فرح جرح، عـادي بقى كل شيء عــادي الألم عادي، والندم عادي والعذاب عادي اأي حاجة كل حاجة مش غريبة، غريبة عــادي
*وخلصت الاغنية والكل صقفلها وكان مبهور لكن هى كان قلبها بيتقطع حرفيا وشوية ولقيت موبايلها بيرن وكانت مامتها وردت عليها*
نيفين*بصوت عياااط*: ابوكى ماااااات ياهالة مااااات
هالة*كانت حقيقى مش مصدقة ال بتسمعه كأنها نفسها يطلع كل ده حلم وتفوق منه بقى و اتصدمت رغم انها كانت حاسة انها عارفة الاحساس ده كويس بس حقيقى تعبها ووجعها اوووى وجريت بسرعة خرجت م المسرح وهى منهارة وتمت مراسم العزا وخلصت وتعدى فترة وتلاقى الدكتور بيرن عليها *
د.حبيب: البقاء لله
هالة:ونعم بالله يادكتور
د.حبيب: انا عارف ان ده مش وقته بس استاذ منصور الرفاعى قرر يتبناكى فنيا وعايز يقابلك لانه عجبوا صوتك وقرر يعملك الالبوم وهو طبعا كان عايز يتكلم معاكى بس يومها ده حصل وانتى جريتى م المسرح بسرعة*وقال بحزن*:ان شاء الله تبقى احسن وتروحى ع العنوان الهبعتهولك وهو هيقابلك ويقولك التفاصيل
هالة*طبعا رغم ان ده مفروض يبقى اسعد يوم بالنسبلها لكن ماكنتش مبسوطة نهائى وحسيت انها بتحقق حلمها اة بس بأنكسار وقالت بهدوء*:شكرا يادكتور
د.حبيب:هالة سليمان بيحبك بجد كان باين اليوم ده انه ف حاجة بينكوا عموما اتمنالكم حياه سعيدة انتوا الاتنين ،لو عوزتى اى حاجة كلمينى ف اى وقت سلام *وقفل معاها*
ولاء*قربت منها لانها كانت قاعدة معاها ف الاوضة*: ف حاجة ولا ايه
هالة :هعمل الالبوم ال نفسى فيه
ولاء* بفرحة*:بجد مبروووك يالولو فرحـت *ولسه هتكملها*:انا اسفة ياهالة
هالة:عادى ولا يهمك
ولاء: سليمان لسه مكلمكيش!! انا حاسة انه معرفش ممكن لو حد قالوا يكلمك
هالة: خلاص ياولاء كل اللى بينا انتهى ومفهوش راجعة وهو مستحيل يرجع يكلمنى بعد الحصل اخر مرة *وقالت بتنهيدة*:انا دلوقتى بفكر ف مستقبلى وحلمى العايزة احققه وبس
ولاء :ربنا يوفقك ياحبيبتى ولو عيزانى اجى معاكى اجى
هالة :اة ياريت
ولاء :ماشى يوم ماتقررى تروحى قوليلى
*وقررت هالة متفكرش ف اى حاجة دلوقتى خالص وبعد ما يعدى شهور ع وفاه باباها و تكون خلصت امتحانات اخر السنة وفعلا كانت ف فترة الامتحانات ماشفتش سليمان خالص ماكنتش عارفة كان بيحاول يتجنبها ولا ساب الكلية زى ما قالها وف يوم تكون قاعدة مع مامتها واخوها*
هالة:ماما انا ف مشوار هروحوا بكرة
نيفين:مشوار ايه؟
هشام:راحة فين
هالة:ف حد عايز يكتشف صوتى ويعملى البوم وانا كنت مأجلة ده لحد ما اخلص الامتحانات *وقالت والحزن ف عنيها*:وعشان بابا كمان
هشام*بحزن*:مبروك ياهالة
نيفين:روحى ياحبيبتى هو لو كان عايش كان هينبسط اوى ليكى
هالة*الدموع نازلة ع خدها*:انا قولتله يخلى بالوا ع نفسه وياخد علاجه وهو وعدنى انه هيبقى معايا ومش هيسبنى ياماما
نيفين*خدت بنتها ف حضنها*:حبيبتى اهدى الاعمار دى مش بأيدينا وكمان هو حتى لو كان زى الفل ومش تعبان وجه ميعاده كان هيروح ،استهدى بالله يابنتى واحنا مؤمنين وراضين بقضاء ربنا وقدره
هالة*بتحاول تهدا*:ونعم بالله،ربنا يرحمه
هشام:وانا كمان هفرحوا واجيب مجموع عالى ف ثانوية
نيفين*حضنته هو كمان*:ربنا يخليكوا ليا وافرح بيكوا ديما *وفضلت قاعدة مع عليتها وتانى يوم تروح المكتب* منصور*كان قاعد ع مكتبه وهالة قصاده*:الصراحة صوتك رائع وحاسس انه هيجيب مع الناس
هالة:شكرا جدا
منصور*اداها عقد*:ده العقد لو تحبى تقريه بس هسألك سؤال هو انتى مرتبطة
هالة*بحزن*:كنــت
منصور:الولد ال كنتى واقفة معاه ف المسرح صح
هالة*بصتله بستغراب*
منصور:بصراحة كان باين اوى عليكوا الموضيع دى بتبان وكمان معظم زمايلكوا عارفين الموضوع يعنى وكانوا بيتكلموا ع الحفلة ال غنيتوا فيها سوى ومفجأه عيد ميلادك متستغربيش انا لازم اعرف كل حاجة عنك *وسكت شوية*:عموما ده افضلك فعلا
هالة:ليه
منصور: بصى هكلمك بصراحة انتى لسه ف اول الطريق ومش محتاجة حاجة تعطلك دلوقتى خالص وحوارات الحب والجواز والعيال كل ده غلط دلوقتى غير بقى الفان لما بيلاقى انك مرتبطة بيبدأوا يكونوا مش متحمسين اوى غير لو انتى مش مرتبطة كل واحد فيهم بيشوفك اميرة احلامهم وممكن يبقى ليكى ف يوم الايام ،فاهمة
هالة*بتنهيدة*:فاهمة وعموما انا رافضى الموضوع ده رفض نهائى
منصور*بأنبساط*:هايل وبصراحة ف حاجة كمان, حابب اخلى اسمك مختلف تحبى يكون اسمك هالة ايه؟
هالة*بستغراب*:بصراحة مجاش ف دماغى الموضوع ده
منصور*ابتسم*:انا جه وفكرت ف اسم اتمنى توافقى عليه
هالة:ايه هو
منصور*بصلها بثبات*:ايه رأيك لما يكون اسمك هالة سليمان
هالة*بصتله واتصدمت وقلبها فضل يدق جامد اوى*
منصور:قولتلك متستغربيش عارف كل حاجة وحاسس ان الاسم حلو ولايق ولا تحبى نغيره
هالة*بتحرك راسها بالنفى و رغم انها ماكنتش مصدقة ان اسمه هيرتبط بأسمها العمر كله بس قالت*:انا موافقة ان يكون اسمى هالة سليمان
منصور*بنظرة ثقة*:كنت واثق انه هيعجبك، كدا تقدرى تمضى ونبدأ بقى نشوف هنعمل ايه الخطوه الجاية ونتفق ع كل حاجة
*ومسكت الورقة ومضيت وكانت وقتها لابسة السلسلة السليمان جبهلها وف ايديها الخاتم وساعة باباها حسيت انها كانت محتجاهم يكونوا جمبها الوقت ده و فضلوا يتكلموا وشوية وخرجت م المكتب*
ولاء: طمنينى
هالة *بهدوء*:خلاص مضيت العقد
ولاء :مبروك ياحبيبتى
هالة*بتنهيدة*:الله يبارك فيكى
*وبدأت م بعدها تنشغل ف الالبوم والاغاني وماكنتش بتروح الكلية نهائي لدرجة انها فعلا مكملتش ووقفت الدراسة وكانت بتقول ده مؤقت عقبال ماتخلص الالبوم وبعد كدا ترجع تانى الدراسة وم ساعتها فعلا مقابلتش سليمان وف يوم تكون ولاء بتكلمها*
ولاء:انتى فين انتى مختفية اوى ياهالة
هالة:غصبن عنى والله انتى مش متصورة كمية البروفة البعملها والتسجيل ادعيلى انى اخلصه
ولاء:ان شاء الله تخلصيه وينزل يكسر الدنيا
هالة*بتدعى م قلبها*:يااارب
ولاء:الكلية وحشة م غيرك اوى
هالة: هــ ــو هــ ــو *وسكتت شوية*
ولاء:عايزة تسألى ع سليمان
هالة:هو كويس
ولاء:بصراحة مش بشوفوا كتير يدوبك بيحضر الحاجات المهمة ومبيتكلمش معايا خالص شكلك عقدتى الواد حرام عليكى والله
هالة*كانت مضايقة وسكتت*
ولاء:اوعى تزعلى بهزر معاكى
هالة:عارفة عموما لو الكلية تقيلة عليكى عشان مش موجودة كلها سنة ونص وتخلصى
ولاء*بتنهيدة*:يامسهل هقفل معاكى بقى عشان معطلكيش
هالة:مش هتعطلينى ولا حاجة بس هخلص تسجيل وهبقى اكلمك
ولاء:هستنى مكلمتك يافنانتنا
هالة*ابتسمت وقفلت معاها ودخلت الاستديو تانى وحطت السماعات ف ودنها وفضلت تغنى*
*والفترة دى حاجات كتير تتغير ف حياتها وتعمل الالبوم وينجح هو طبعا مش نجاح باهر بس بدأت تبقى معروفة والناس عرفاها وتحب تتصور معاها وكانت بتروح حفلات وناس كتير بتطلبها عشان تغنى وتكون هالة فرحانة بده جدا والـ وصلتلوا وتشترى عربية وتكون عايزة تعيش ف مكان تانى بس مامتها مترضاش تسيب بيتها فقررت تفضل عايشة معاهم وتعدى سنيــــن وف يوم تكون ف سوبر ماركت بتشترى حاجات و تلاقى واحدة قربت منها *
سالى*بفرحة*:ممكن اتصور معاكى انا بصراحة بحبك جدا وبحب اغانيكى اوى ده لو ماكنش هيزعجك
هالة*ابتسمتلها*:لا طبعا مفيش مشكلة *ووقفوا عشان يتصوروا
سليمان*جى شايل بنوتة ع دراعه وقرب منهم بس ماكنش واخد بالوا م هالة وقال*: ايه يا سالى انتى روحتى فين؟
ياترى ايه الهيحصل هنعرف الحلقة التناشر*
تأليف:فاطمة هشام