أعيش حياتى (الحلقة الثانية والعشرون)
جاري التحميل...
الحلقة الثانية والعشرون
.........
*وطبعا بعد الفترة الصعبة دى ما تعدى ييجى عيد ميلاد سلمى ويكون الكل متجمع ومبسوط ويحاولوا ينسوا الحصل ف الرحلة ويقرروا اصلا انهم مش هيروحوا هناك تانى وبعد ما الكل هنا سلمى بعيد ميلادها كان فارس عايز يديها هديته ويقفوا ف البلكونة*
فارس:يـــــــــاه اخيـــــــــرا
سلمى: ف ايه؟
فارس:مش عارف اتكلم معاكى كلهم عمالين يتكلموا معاكى
سلمى:عشان ده اليوم بتاعى ماما قالتلى كدا
فارس*بصلها بحب*:بس انتى دلوقتى بقيتى بتاعتى
سلمى*بصتله وابتسمت*
فارس*طلع ورقة م جيبه وادهالها*
سلمى*ابتسمت ومسكتها منه*:ايه دى,دى ورقة
فارس*حرك راسه بنعم وقال بأسلوب طفولى*:اة فيها حاجة مهمة
سلمى*بستغراب وكانت لسه هتفتحها*
فارس*حط ايده ع ايديها*:لا مش تفتحيها دوقتى
سلمى:اومال امتى بكرة؟
فارس*بيحرك راسه بالنفى*:لا لما نكبر
سلمى*بصدمة*:يعنى ايه ده لسه كتير اوووووووووووى
فارس*ابتسم*:انا كل سنة ف عيد ميلادك هديكى ورقة زيها ولما نكبر هخليكى تفتحيهم كلهم وتشوفى الــ فيهم
سلمى*بتفكر شوية*:طيب لما يكون عندى قد ايه طيب
فارس:30 سنة
سلمى*فتحت بؤها بصدمة*:ايه ده كتيييييييير اوووووى بجد!!! هو انا اصلا هيبقى عندى الرقم ده
فارس:ابتسم بحب*:واكتر منه بكتييير ان شاء الله
سلمى:طيب اشمعنى السن ده
فارس:عشان هنكون ف بيتنا ونعمل فرح زى البطل والبطلة اللى شوفناهم ف الفيلم
سلمى*ابتسمتله بحب*:بجد يافارس
فارس:بجد,وعايزك ديما تعرفى حاجة مهمة
سلمى:ايه هى
فارس:مين اللى بحبها
سلمى*بحب*:انـــا
فارس:مين اللى عايشلها
سلمى*بأنبساط*:انــــا
فارس:مين اللى هتجوزها
سلمى*بكسوف*:انــــــــا
*وفضلوا قاعديين يتكلموا مع بعض لدرجة انهم نسيوا العيد ميلاد بس كانوا فرحانين وماكنوش عايزين اى حاجة تانية اصلا غير انهم يبقوا سوى بس شوية ويخرجوا ويقعدوا مع قرايبهم واصحابهم
وتعدى سنيـــــــــــــــــــــــــــــــــــــن حوالى 6سنين ويكونوا ف اخر سنة ف الاعدادية وطبعا عشان مدرستهم مشتركة فيفضلوا مع بعض ف نفس المدرسة وكانوا كل يوم بيقربوا م بعض عن اليوم اللى قابله وحبهم بيزيد عن اليوم القابله والعيلتين كمان بتقرب م بعض اكتر واكتر وتبقى الامور طول السنين دى مستقرة*
*درية وفهيم كالعــــــــــــادة كل ما بيتجمعوا بيحصل تاتشات بينهم وديما اولادهم يهدوهم*
*عم عزيز مازال فاتح القهوه وبقى يتونس بعيلة زهران ورأفت كأنهم عيلته وفرحان بوجدهم ف حياته وبيدعى ربنا يديمها صحبيتهم*
*امينة وابراهيم مازالوا ناقر ونقير وكالعادة هى مقضيها تدهن ابو فاس عشان تعب رُكبتها ورجليها*
*فؤاد ويارا علاقتهم زى ما هى هو الجديد انهم اتعودوا ع وجود بعض وكانت يارا كل ما تحس ان مشاعرها ممكن تتجه لى تفوء نفسها بسرعة لآنها عارفة انه رافض ده نهائى وكمان هى مش ف دماغه بس كانت ف نفس الوقت بترفض اى عريس يتقدملها وده كان مجنن اسرتها!!*
*زهران ورأفت وكاميليا وهدى بقوا زى الاخوات واكتر مروا بحاجات كتير مع بعض وقت تعب الاولاد وقت اعياد ميلادهم وقت نجحهم وقت مشاكلهم كانوا كل حاجة موجوديين مع بعض وبيساندوا بعض وكل ما عيالهم يكبروا كان عندهم يقين انهم هيفرحوا بيهم بس طبعا كانوا لسه صغيرين فكانوا مستنين الوقت المناسب الـ هييجى عشان يتفتح فيه الموضوع ده*
*اما بالنسبة لآمال اخت هدى م ساعة الحصل طبعا عيلة رأفت رفضت تسافر هناك تانى خصوصا انهم مصدقوا ان فارس بدأ ينسى ويبقى طبيعى اى نعم اتسببتله بفوبيا ومبيحبش الاماكن المغلقة بس برده كانوا رافضين انهم يحاولوا يرجعوا تانى عشان ولا هما يفتكروا ولا هو يفتكر ويرجع لنقطة الصفر وعيلة زهران كمان قررت تبقى تصيف معاهم شرم او غردقة وهدى م ساعتها بقى معظم الكلام مع اختها ف الموبايل وتفضل تقولها لو تحب تيجى هى وبالمرة تغير هى جو وكل مرة امال ترفض او الظروف ماتسعفهومش وطبعا اولادها ماتكلموش ف حاجة ومش حاسيين بأى ذنب خصوصا وليد يمكن ريهام حاسة شوية لكن هو كان شايف انه عادى وكان بيهزر ومعملش حاجة ,,,,تعالوا نشوف ايه الهيحصل ف المرحلة الاعدادية دى ف حياه ابطالنا واهاليهم*
كاميليا*تكون ف الاوضة بتفتح الشباك وبتدخل الشمس*:يلا يافارس عشان المدرسة
فارس*بضيق*:يووووه هو النهار طلع امتى بس
كاميليا:محدش قالك اسهر للصبح ع الموبايل وع فكرة هاخده مش هتروح به
فارس*وهو بيقوم*:كنا عمالين نتكلم ف جروب ال 4s
كاميليا:كمان يعنى سلمى هى كمان هتصحى بالعافية ,طب قوم يلا عشان تلحق تفطر قبل ما تروح المدرسة ,فين ايام ما وانت صغير كنت انت الـ بتصحى وتصحينى عشان تروح المدرسة
فارس:كنت صغير بقى
كاميليا:قال يعنى كبرت دلوقتى انت لسه صغير
فارس:كلها 3 سنين ان شاء الله وابقى ف جامعة ومش هيتقالى صغير دى تانى ابدا واعيش حياتى بقى واعمل كل الـ نفسى فيه
كاميليا*ابتسمت*:طب يلا ياكبير ما تنامش تانى مفهوم
فارس:ماشى *واول ما خرجت كان بيشد البطانية وسمع صوتها جى م برة*
كاميليا:فـــــــــــــــــــارس
فارس*بيبعدالبطنية عنه*:حاضر حاضر
*وف الوقت ده كانت سلمى قاعدة مع ماماتها وباباها بتفطر*
سلمى*نايمة ع تربيزة*
هدى:عشان اقولك بطلى سهر وانتى مفيش فايدة فيكى
سلمى:كنا بنتكلم ف الجروب والله
هدى:بتقولوا ايه يعنى وكمان ما انتوا هتتقابلوا النهاردة
زهران:خلاص ياهدى بقى ,فوقى ياحبيبتى كدا عشان تعرفى تروحى المدرسة
سلمى*وهى بتبرق عنيها وبتفتحها*:ما انا فايقة اهوه والله
هدى وزهران *ابتسموا وقعدت تفطر لحد ما سمعت صوت الجرس ف البلكونة جريت بسرعة*
فارس:صباح الخير
سلمى:صباح النور
فارس*وهو بيشاورلها ع الشنطة*:انا هاخد الشنطة ونازل انتى خلصتى
سلمى*حركت راسها بنعم وشاورتله ع شنطتها*:انا كمان هاخد الشنطة وهنزل
فارس*ابتسم*:طب يلا
*ودخلت سلمى بسرعة وخدت شنطتها*
هدى:مش هتكملى فطارك
سلمى:كلت ياماما خلاص ,يلا باى بقى عشان فارس مستنيينى تحت *ونزلت وقابلته تحت العمارة*:اتأخرت
فارس:لا انا لسه نازل
سلمى:طب يلا بينا *ومشيوا سوى لحد ما وصلوا المدرسة وفضلوا يسلموا ع اصحابهم لان كانت دى بداية السنة الدراسية ف 3 اعدادى وف الوقت ده كان فؤاد داخل المكتب*
فؤاد:صباح الخير
يارا*ابتسمت*:صباح النور ,فطرت
فؤاد:اة
يارا:انت ع طول بتيجى واكل كدا مفيش ولا مرة تيجى تقولى لا ماكلتش
فؤاد:ماما مابترضاش انزل م غير فطار وكمان ما تاكلى انتى هو انا يعنى هقولك هاتى حته
يارا:ما صدقش انك تهزر معايا وتقول كدا اصلا ,عموما انا كمان فطرت
فؤاد*بصلها بستغراب*:اومال كان ايه كل ده
يارا:يعنى قولت بعد السنين دى تكون اتغيرت ولا حاجة
فؤاد:انتى شايفة انى متغيرتش
يارا*بتحرك راسها بالنفى*:لا *وبصتله وسكتت شوية*:بقولك ايه انا هكست احسن عشان مايحصلش مناوشات
فؤاد*بضيق*:عايزة ايه ع الصبح
يارا:ايه ده بتكلم كدا ليه هو انا مراتك
فؤاد*اول ما قالت كدا بصلها ولسه هيتكلم*
رأفت:صباح الخير ياشباب عاملين ايه
يارا*بتحاول تهدا*:الحمد لله يامستر رأفت
رأفت:عندى ليكوا خبر حلو وخبر وحش
يارا:خير
فؤاد:قول الوحش الاول
يارا:انت ع طول متشائم كدا ,اكيد الحلو الاول
فؤاد*بعدم اهتمام*:اى حاجة مش هتفرق
يارا:مش بقولك متشائم
رأفت:انا هقول الاتنين مع بعض ف ترقيه قريب وهتكون لحد فيكوا انتوا الاتنين!!
يارا وفؤاد*بصوا لبعض*
رأفت:بصوا هو اى كان اللى هيترقة فأكيد يستحقها وانا والله شايف انكوا انتوا الاتنين تستهلوها بس الشغل عايز كدا ف قريب هقولكوا المطلوب وهستنى منكم كل جديد ,يلا مش هعطلكوا هروح ع المكتب ولو فى حاجة قولولى *ومشى رأفت*
يارا*قعدت ع اللاب توب وقالت بضيق*:طبعا معروف مين اللى هياخد الترقية
فؤاد*بصلها بضيق*:هو انتى فاكرة ان رأفت عشان جوز اختى هيعمل كدا
يارا*بصتله وهى مضايقة*:اومال
فؤاد:يبقى بعد السنين دى ولا عرفتينى ولا عرفتيه
يارا،بنبرة صوت فيها غضب*:أنا فعلا ماعرفكش انت مش مدينى فرصة اعرفك اصلا
فؤاد*ابتسم بسخرية ومسك الورق القصاده وبدأ يشتغل فيه ومردش عليها*
يارا*كمان ما تكلمش وفضلت تشتغل*
*وف الوقت ده كانت هدى قاعدة مع كاميليا بيشربوا نسكافيه*
كاميليا:يــــــاه روقان بجد
هدى:رغم انهم كبروا ومفروض نحس ان الحمل بيقل لكن بحسه بيزيد
كاميليا:تربية الولاد صعبة اوى
هدى:والبنات كمان والله اهم حاجة دلوقتى ندعيلهم ربنا ينجحهم ويجيبوا محموع كويس ويدخلوا ثانوية عامة بقى
كاميليا:ان شاء الله هو ماشاء الله عليهم شطار بس موضوع الموبايلات ده اللى مقلقة منه
هدى:تفتكرى استعجلنا اننا جبناهم دلوقتى
كاميليا:بصى طول ما احنا لسه حطين ليهم مواعيد وليميت معين يبقى خلاص , الفكرة لما يدخلوا جامعة ويبقوا احرار بقى
هدى:ايوه صح عندك حق
كاميليا:اما اقوم اجيب الكيكة بقى زمانها بردت شوية عشان ناكلها وتقوليلى رأيك طبعا
هدى:ما انتى عارفة رأيى ياكاميليا انا اصلا ما بقتش احب اكل غير الكيكة بتاعتك مش فاكرة لما خليتك تعمليلى صنيتين عشان افضل اكل فيهم براحتى وبرده خلصوا واضايقت
كاميليا*ابتسمت*:بالهنا والشفا ع قلبكم ديما ياحبيبتى
*وفضلوا يتكلموا مع بعض وف الوقت ده كانت سلمى لسه بتقعد ف مكانها وجمبها تسنيم*
تسنيم:انا مش هعمل كدا تانى بجد فضلت سهرانة وقومت بالعافية
سلمى*ابتسمت*:الظاهر ان كلنا حصل معانا كدا
تسنيم:احنا نبقى نأجل كلام ف الويك اند بقى
سلمى*بصيت لفارس*:ماشى
تسنيم:هتفضلى كدا لحد امتى
سلمى:بستغراب:هو ايه ده
تسنيم:فارس ع طول عينك عليه
سلمى*ابتسمت*:بحب اطمن عليه
تسنيم*بهزار*:متقلقيش كويس زمان قاسم كل ودانه
سلمى*ضحكت*:لا ما هو باين
*وف الوقت ده قاسم وفارس قاعديين جمب بعض*
قاسم:وبس بقى ياسيدى الواد معتز كلمنى وبيقولى عندنا ماتش وانا مش عارف اعمل ايه انت ايه رأيك اروح ولا بلاش عشان ماخدش علقة زى المرة الفاتت
فارس*وهو بيبص ع سلمى*:بتقول ايه؟
قاسم:يالهووووااااى يا ابنى ركز معايا بقى ,سلمى مش هطير
فارس*ابتسم*:يا ابنى ما انا معاك
قاسم:اة بودانك لكن عينك وقلبك مش معايا
فارس:يا ابنى بطمن عليها
قاسم*وهو بيبص ناحيتهم*:هى ف الخليج العربى
ما هى قاعدة قدامنا اهيه انا بدأت احس انك الحارس الشخصى بتاعها
فارس*بصله بهتمام*:هو حد ضايقها ولا ايه!!
قاسم:هو حد يقدر دى ف حمايتك ياباشا
فارس*ابتسم وبصلها بحب*:عموما انا شايف ان بلاش تروح ما تيجى تتدرب معايا ف الجيم وتمارين البوكسينج ال ف نادى وخلاص
قاسم*بصدمة هزار*:ايه ده ,ما انت طلع ودنك معايا بجد بقى
فارس*ابتسم وسكت*
قاسم:عموما انا مبحبش العنف وانت عارف كدا انا اخرى اللعب كورة بلايستيشن لكن ما دخلنيش انا ف الجو ده مش بتاعى خالص *ومسك عضلات دراعه*:وكمان الجيم بدأ يبان عليك اهوه
فارس*وهو بينشف ايده*:ولســـــــــــه *واول ما قال بدأ يظهر عمار ورامز ويعدوا م جمب سلمى وتسنيم ، وساعتها فارس يبصلهم ويضايق اوى*
قاسم:مالك *وبص وراه لقهاهم*:ييييييييه انا كل سنة اجى اقول هيكون مشى والله بس الظاهر مفيش فايدة
فارس:سيبك منهم
قاسم:ما انا سايبنى هو انا اقدر اتكلم معاهم دول ياكلونى
فارس*وهو بيخبط ع كتفه*:متقلقش ياصاحبى محدش يقدر
قاسم*بيبعد ايديه*:اة يا ابنى كتفى هيتخلع *وبصله وقال بهزار*:انت شهرين الجيم قوه عضلاتك
*فارس ابتسم ولسه هيتكلم تقرب منه تقى وتبتسم وساعتها سلمى تكون باصه ومضايقة اوى.....وللحكاية بقية
هنعرف الحصل الحلقة الجاية
تأليف:فــاطــمــة هــشــام