لو رجع بيا الزمان (الجزء الاخير)
جاري التحميل...
الجزء الاخير
.........
*وبعد ما خلاص هالة تكون اختارت حياتها دى وبدأت تتأقلم وتعيش فيها ورغم احساسها بالندم بس قررت تتعلم تتقبل نتيجة اختيارها مهما كان التمن وف يوم ييجى اخوها يقولها انه هيتجوز البنت الـ هى حلمت بيها ورغم استغربها بس بركتله وبعديها ييجى فرح صاحبتها وتكون قاعدة معاها وتقولها انها عزمت سليمان*
هالة*بصتلها بصدمة*:بتقولى ايه؟
ولاء:بصراحة خوفت اقولك ماتجيش وانتى وجودك مهم ف حياتى وف اليوم ده بالذات وكمان انا مش عارفة اصلا هييجى ولا لا ,انا بعتلوا رسالة, وهو بعد الحصل بينكوا مكانش بيتعامل معايا بس بحكم الزمالة عزمتوا هو اصحابنا الكانوا معانا ف الكلية
هالة*ابتسمت ابتسامة صغيرة*:مضايقتش وعموما مش عايزة افكر ف حاجة دلوقتى خلينى ف فرحتى بيكى ,ربنا يسعدك ياحبيبتى ويكملك فرحتك ع خير
ولاء*حضنتها*:حبيبتى يالولو عموما انا موصية ان محدش يضايقك والله ولا يخنقوكى بالتصوير ويسيبوكى براحتك متقلقيش
هالة*بصتلها وابتسمت وسكتت*
*وفعلا بدأ الفرح وكانت هالة رغم انها مش عايزة تشغل دماغها به بس غصبن عنها كانت بتفكر فيه وبتفكر لو قابلت مراته وبنته تانى هتعمل ايه طب ياترى مراته هتعرف انهم كانوا زمايل طب ممكن تحس بحاجة!! كان كل ده تفكيرها وشوية ولقيت سليمان جه ووقف قصادها وكان بينهم نظرات وكان لوحده وبعديها بشوية قرب م القاعة وكان عايز يكتب ف الجيست بوك كلمة للعرسان وفضل يدور ع قلم ملقاش و فجأه لقه هالة بتقرب القلم بتاعهم منه*
هالة:حساك محتاج قلم
سليمان*بص ع القلم الـ كان جيبهولها وبصلها وخده منها بهدوء ومضى وسابه ع التربيزة ولسه هيمشى*
الواقف ع الدى جى:هنسمع دلوقتى اغنية حاجة غريبة م النجمة الجميلة هالة و صديقها وصديق العروسة سليمان
هالة وسليمان*اتفجأوا و ولاء بصتلها وغمزتلها*
سليمان*بجدية*:انا مش هغنى
هالة:ارجوك ياسليمان مش عايزين شوشرة
سليمان*بضيق*:اة نسيت ما انتى فنانة بقى
هالة*بتترجاه بعنيها*:انا اتفجأت زيى زيك والله بس صدقنى عشان ولاء مش اكتر وعشان يومها مايبوظش *وشوية وقربوا منهم المايك*
سليمان*بصلها ومسك المايك بتردد*
هالة*هى كمان مسكت المايك وطلعوا ع الاستدج وبدأوا يغنوها بس حاول سليمان ميبصلهاش واول ماخلصوا ساب المايك ومشى خرج بسرعة وهالة خرجت وراه*
هالة:سليمان اسمعنى ارجوك اسمعنى *ومسكته م دراعه*
سليمان*بيبعد دراعه عنها*:عايزة ايه منى
هالة:انا اسفة بجد
سليمان*قال بسخرية* زى ما كانت بتقولوا*:تسبينى وتختارى حاجة تانية وتقولى اسفة, توجعى قلبى وتقولى اسفة وتجرحينى وتقولى اسفة مش كدا
هالة*الدموع نازلة م عنيها زى المطر وكانت مش عارفة تقول ايه*
سليمان:عموما انا بحمد ربنا ان مراتى معرفتش تيجى عشان كنت واثق انى هلاقيكى وماكنتش عارف هقولها ايه؟*وقال بتنهيدة*:انا كمان كنت مفروض ماجيش بس حقيقى مش عارف جيت ليه *ولسة هيمشى رجع وبصلها*:ع فكرة مراتى ماجتش عشان حامل ف تؤام ومبسوط جداا ورغم الحياه الصعبة بس مستعد اعمل اى حاجة عشان اسعدها هى وعيالى واجيب منها حتى لو عشر عيال*وبصلها بضيق*:عن اذنك
هالة*كانت بتسمع ده ومنهارة حرفيا وكانت حاسة ان فعلا كل الـ بينهم مش بس انتهى ده لازم يتمحى وتروح ع بيتها وتمر بفترة اكتئاب وف يوم ييجى فرح هشام و تلاقى نفسها صحيت الصبح بدرى بتلبس وخرجت م الاوضة*
نيفين:مش مصدقة خرجتى م اوضتك
هالة*بهدوء*:عايزة انزل
هشام*بستغراب*: هتروحى فين ع الصبح كدا
هالة *بحزن*:راحة مشوار
نيفين: مشوار ايه فرح اخوكى النهاردة,وكمان العيلة وخالتك وبنت خالتك وعيالها زمانهم جايين ف الطريق
هالة*بتنهيدة*:حاسة انى محتاجة اروح المشوار ده النهاردة متقلقوش لو اتأخرت هجلكوا ع القاعة *وتنزل هالة وتركب عربيتها وتروح كليتها وطبعا تعرف تدخل عشان الامن عارفها ويكون اليوم ده مفيش طالبة كتير وراحت للدكتور وكان كبير ف السن شوية *
د.حبيب: ايه ده الفنانة عندنا
هالة *ابتسمت*: ازيك يادكتور
د.حبيب: الحمدلله انتى عاملة ايه
هالة: الحمدلله بصراحة انا جاية اشكرك انت ساعدتنى كتير مش بس ان اوصل لحلمى لكن انى اعيش لحظات م حياتى مع بنى ادم حبيته بجد ,لحظات هعيش بيها طول العمر
د.حبيب:كنت حاسس ان ممكن يحصل بينكم حاجة ف يوم الايام بس للاسف بعد ما قربتكوا م بعض الفرصة الـ برده رشحتك ليها هى البعدتكوا عن بعض
هالة: هو كان هيحصل حاجة فعلا بس انا الـ خترت ده نتيجة اختيارى
د.حبيب* بصلها وسكت*
هالة: ممكن اروح المسرح
د.حبيب: طبعا ومتقلقيش مش هخلى حد يزعجك
هالة*ابتسمت بحزن*:شكرا يادكتور
*ومشيت هالة وقبل ما تروح المسرح طلعت لمخبأهم وفضلت تفتكر كل لحظة مريت عليها هنا معاه والدموع نزلت ع خدها وسابت القلم ع البيانو ونزلت راحت المسرح وكانت الدنيا ضلمة ومفيش غير اضاءه عليها وع الجمهور ال ع الكراسى تحت بس هو كان فاضى مفيهوش حد ومسكت المايك وبدأت تغنى اغنية م تأليفها*
لو رجع بيا الزمان تانى.. كنت اختار ارجع مكانى واعيش اللى كان ..ولا يوم سيبتك ياحبييى انا اسفة جرحتك حقيقى ندمـانـة انـا *وشوية ولقيت سليمان داخل م المسرح وقعد ع كرسى قصدها وقامت مكملة*:حبيبى ده اللى بينا حقيقى كبير ده مش مجرد حنيـن ،ده اللى بينا سنــيــين وعمرى ،عمرى حبيبى ماقدرت انساه ده انا عايشة بهوااه بس ضعفت م الحيــاه...*والدموع فضلت تنزل م عنيها زى المطر وفضلت باصة لسليمان وشايفة ف عينه نظرة الحب الـ ديما كانت بتشوفها ماكنتش فاهمة هو حقيقى قاعد قصادها ولا ده مجرد حاجة نفسها فيها وبتحصل قصدها كخيال مش اكتر وشــــــــــــــــــــــــــــوية ولقيت اضاءه قوية اوى دخلت ف عنيها لدرجة انها حطيت ايديها قصاد عنيها عشان تمنع الاضاءه دى وبدأت تسمع اصوات كتير حواليها و.............تكون ع الترولى ف المستشفى والدكتور بيحط كشاف ف عنيها وتشوف ممرضين ودكاترة وهما بيجروا ف كل حته وتحس ان كل ده خيالات غريبة ومش فهماها وشوية تقفل عنيها وتنام ف ثبات وتصحى تلاقى نفسها ع سرير ف المستشفى ولوحدها ف الاوضة تفتح عنيها واحدة واحدة وبصعوبة وتكون راسها ملفوفة بشاش وتحاول تحرك إيديها وتبص تلاقى ايد فيها محاليل وايد التانية ملفوفة بشاش عشان متعورة تستغرب اوى وتفضل بصلها بزهول ومش فاهمة هى فين بالظبط وشوية ودخلت الممرضة وكانت بتحطلها علاج ف المحلول واول ماشافتها صاحية*
الممرضة:ايه ده فوقتى حمدالله عسلامة *وطلعن موبايلها تتكلم فيه*:مدام هالة فاقت اخيرا يادكتور
هالة*بصدمة*: مــدام..
الممرضة :هخرج اقول لجوز حضرتك *وتخرج ويدخل سليمان وتكون ايده متجبسة بس كويس وبيتحرك عادى*
سليمان*بلهفة وخوف*:حبيبتى انتى كويسة
هالة*بصتله بصدمة*:سليمان!!! انت بتعمل ايه هنا
سليمان*بأسف*:مش معنى اننا اتخانقنا اخر مرة مع بعض وعملنا حادثة ان هسيبك وامشى وكمان* بصلها بحب ومسك ايديها*:هالة انا كداب انا مقدرش اعيش م غيرك دى كانت ساعة شيطان وعمرى ما كنت هبعد عنك ولا انتى ولا العيال ده انتوا روحى و م غيركوا اضيع بجد وكنت هقولك كدا قبل الحادثة بس ملحقتش والله
هالة*لمست بطنها*
سليمان:متخافيش مطلعش حمل* وابتسم*:المرة الجاية ان شاء الله تحملى وتجبلنا الرابع ويبقى كدا ناقص ستة م العشرة وحتى لو جبتى تؤام انا موافق بس متروحيش منى ابدا وقرب وباس ايديها *الكانت متعورة*: بحبك وحقيقى اسف ع كل الحصل ده
هالة* كانت بصالوا وع قد ما مبسوطة بكلاموا ع قد ماهى مش مصدقة معقولة كل ده يطلع حلم يعنى كل العاشتوا ده حلم م الماضى عشان كدا كانت حاسة بالهيحصل لانها كانت ف المستقبل ورجعت هى الماضي تانى وفضلت تحمد ربنا انه حلم وانها ع قد ماانبسطت ان ف خيالها حققت حلمها ع قد ما ضيقت انها سابت حبيبها وعرفت انها لازم تختار مابين الاتنين ولقت ان اختيارها لحبيبها ده برده يكون هدف وحلم وممكن تحقق فيه انها تراعى عيالها وتطلعهم كويسين ومش بس كدا تخليهم هما م البداية يحققوا احلامهم الاول ويكملوا كل حاجة للأخر ويختاروا بعديها شركاء حياتهم ودخل الدكتور واطمن عليها وطبعا شوية وبدأت عليتها تيجى واحد واحد ويطمنوا عليهم واول ماشافت عيالها فضلت تحضنهم وتبوس فيهم*
نبفين:براحة ياحبيبتى انتى لسه قايمة م تعب
هالة*الدموع ف عنيها*:كنت خايفة اتحرم منهم اوى ياماما اوى
نيفين:بعد الشر ربنا يخليكى ليهم ويحفظهوملك ،اخوكى مع عيلة خطبتوا بيلغوا كل حاجة
هالة*بحزن*:ليه بس ياماما
نيفين:ماهو مش هينفع يعمل فرح وشهر عسل وانتى كدا تقومى بالسلامة ونعمل كل حاجة
نوال:ياحبيبتى هى عين والله وجت فيكوا انتى وجوزك
ميار:عين ايه بس ياماما ،بصى ياهالة متفكريش ف حاجة اهم حاجة صحتك تخلى بالك منها
ولاء*بتخبط ودخلت بلهفة وحضنتها*:حبيبتى يالولو بعد الشر عليكى
هالة*ابتسمتلها*:ولاء وحشتينى اوى
ولاء:وانتى كمان ياحبيبتى والله
سليمان*كان بيتكلم مع اخته*
غادة:انتوا بجد كويسين
سليمان:الحمدلله ياحبيبتى والله بخير
غادة:طيب انا بكرة هجلها المستشفى عشان اطمن عليها
سليمان:ماشى ياحبيبتى هنستناكى بكرة سلام*وقفل معاها*
ولاء:انتوا لازم ترفعوا قضية
سليمان :هو ف حوار حصل فعلا بس هو الحمدلله معظم الناس خرجت بكدمات بسيطة *وبص لهالة*:الهانم هى الدخلت ف غيبوبة اسبوعين
هالة*بصتله*:عدوا عليا كأنهم سنين والله
سليمان*بخوف*:بعد الشر عليكى ياحبيبتى
نيفين:الحمدلله انها فاقت ع خير ربنا يقومكوا بالسلامة ويخليكم لعيالكوا ومهما يحصل تكونوا مع بعض* وبصيت لبنتها عشان تفهمها انها كانت حاسة ان كان بينهم مشكلة*
هالة*فضلت تبص ع كل ده ومبسوطة انها رجعت وسطهم م تانى*
*وتعدى ايـام وتتحسن وترجع لبيتها مع جوزها وعيالها واول ماتوصل وتفتح الباب تحس كأن روحها رجعتلها وبصيت ع الاكل الكان لسه واقع والاطباق المكسورة*
*سليمان شاف كدا واضايق ووطا وبدأ يشيل االاكل وكل حاجة م ع الارض وهالة هى كمان لمت معاه وبصوا لبعض وابتسموا وقررت تنسى اليوم ده م حياتها وكمان متحكيش لأى حد ع الشافتوا وحلمت به....وف يوم يزورها اخوها*
هشام*بهزار*:حمدالله عسلامة يالى بوظتيلى الفرح
هالة:اسفة بجد
هشام*حضنها*:ولا يهمك ياحبيبتى اهم حاجة انك بخير الفرح يتعوض والحمام كمان
هالة:انا صحيح ملقتهوش
سليمان:انا بعد الحصل جيت الشقة اجيب ورق وحاجات وشيلته
هشام:اهم حاجة المرة الجاية تخلوا بالكوا وبلاش ركوب ميكروباصات عشان الفرح يتم ع خير بقى
هالة*ابتسمت*: ان شاء الله واوعدك هيبقى احلى م الاول
هشام :ان شاء الله ياحبيبتى وتبقى معانا ديما
هالة*بتدعى م قلبها*:يـارب
*وفعلا بعديها يتجوز هشام ويكون يوم حلو اوى وتفرح فيه انها مع عيلتها وعيالها وجوزها وحاولت بعد كدا ترتب دنيتها والحادثة الحصلت دى زى ما كان ف حلمها هى السبب وفرقتهم المرة دى رجعتهم وكان سليمان خايف عليها اوى ان يحصلها حاجة وحس انه لما كان هيفقدها كانه هيفقد روحوا معاها وقرر يبقى اهدا عن الاول وسابها ع ربنا وقال انه اكيد هيرزقوا عشان خاطر عيالهم وف يوم يرجع م الشغل *
سليمان: ياهالة ياهالة
هالة*خرجة م المطبخ*: ايه ياسليمان ف ايه؟
سليمان*خدها ومسك ايديها وقاعدها قصاده ع الكنبة*: انا قدمتلك وهتدخلى تكملى الكلية
هالة*بصدمة*: انت اكيد بتهزر
سليمان*ابتسم*: لا مش بهزر تعرفى ان د.حبيب لسه ف الكلية هناك و سألت عليه وقابلته ورتبنا كل حاجة مع بعض وهو قال هيساعدك عشان تتخرجى ولو ع المصاريف طنط قالت انها هتدفعهم عشان كدا كدا دى حاجة ملزمة بيها بس انا اتفقت معاها ان اول ماربنا يكرمنى هدفعهملها ع طول لانك دلوقتى ملزمة منى انا
هالة ابتسمت: انا حقيقى مش مصدقة البتقولوا ده
سليمان:ان الاوان تحققى حلمك وتكملى تعليمك ولو جت فرصة ان حد يكتشفك صدقينى مش همانع بس ابقى افتكرينا بقى لما تبقى فنانة
هالة*كانت مبسوطة وحضنته اوى*:صدقنى انا دلوقتى مش عايزة حاجة م الدنيا انا مش عايزة غيرك انت والعيال وبس والله
سليمان:ربنا يخليكى لينا ياحبيبتى
هالة*بصتله بعد كدا بقلق* :طب والعيال هعمل فيهم ايه؟
سليمان: هنوديهم لمامتك هى بعد ما هشام اتجوز بقيت لوحدها اهيه شوية تقعد معاهم وشوية وهعديهم عند اختى وشوية اقعد معاهم وهتعدى يعنى متقلقيش انا ظبطت كل حاجة اهم حاجة تكملى ،ع الاقل تحققى ولو جزء بسيط م حلمك
هالة*ابتسمت*: والله انتوا حلمى وانتوا ال انا عايزة اكون معاهم فكرة ان ممكن تكونوا مش موجودين ف حياتى كانت رعبانى بجد مش عايزة ده يحصل ابدا
سليمان*مسك ايديها وباسها*:واحنا ع طول هنبقى معاكى وان شاء الله مش هنفترق ابدا *وقال بهزار*:اوعى بس حد يقولك محتاج قلم وتديلوا هه
هالة*بصتله بحب*:انت بس ال تقدر تاخد قلمى وقلبى
*وفضلوا يتكلموا مع بعض وكانت مبسوطة اوووى وفعلا بعد فترة صحيت م النوم لبست هدومها وساعة باباها وسلسلة وخاتم سليمان ونزلت وديت عيالها عند مامتها وباستهم وودعتهم ونزلت هى وهو وراحوا سوى واول مادخلت م الباب حسيت كأن شريط ذكرياتها بيعدى قصاد عنيها سليمان مسك ايديها وطلعها مخبأهم*:فاكرة
هالة*ابتسمت بتحرك راسها بنعم*:ولا عمرى قدرت انسى
سليمان*طلع القلم م جيبه وحطه ع البيانو وفضل يعزف خليك معايا وشوية والدكتور دخل عليهم *
د.حبيبب*أبتسامة*: نورتوا مكانكوا
هالة *سلمت عليه وابتسمت*:شكرا جدا يادكتور بجد شكرا ع كل حاجة
د.حبيب:متشكرنيش انتوا حقيقى موهبين* وبيشاور بأيده*:وبالأخص انتى وكمان انتوا زى عيالى و يلا بقى المسرح يناديكى
هالة *ابتسمت ومسكت ف ايد سليمان ونزلت المسرح وقعد قصادها وماكنش فيه غيرهم ومسكت المايك وحسيت كأن روحها بترجعلها وفضلت تغنى وشوية وطلع سليمان وغنوا مع بعض حاجة غريبة وكانت بقالها كتير ماسمعتوش بيغنى بحب كدا وكانت مبسوطة بكل البيحصل ده وفضلت تغنى معاه وبصالوا وقالت ف بالها #لورجع-#بياالزمان هختارك تانى .
الـــــــنهـــايـــــــة
تأليف:فاطمة هشام