أعيش حياتى: الحلقة التالتة
جاري التحميل...
الحلقة التالتة
.........
*نزلت هدى تشترى حاجات المدرسة وكانت مبسوطة اوى وهى شايفة بنتها معاها وبتختار اللى هى عايزاه بس فجأه سلمى سابت ايديها وجريت*
سلمى*ساعتها كانت بتختار الحاجة الهتجيبها وفجأه لقيت فارس بيدخل م باب المحل جريت بسرعة عليه ومامتها جريت وراها واول ماوصلت بصتله* :فارس انت جى تجيب حاجات المدرسة زيى
فارس:ايوه
كاميليا*ابتسمت*:ازيك ياسلمى عاملة ايه
سلمى:الحمدلله
هدى*جت قربت منهم وومسكت ايديها جامد وقالت بغضب*:عارفة لو سبتى ايدى تانى وعملتى كدا هتتعقبى عقاب جامد انتى فاهمة
سلمى*بحزن*:ماكنش قصدى بس انا شوفت فارس وكنت عايزة اسلم عليه
كاميليا:اهدى يامدام هدى مش كدا دى عيلة صغيرة
هدى*بتوتر*:انا خوفت عليها, خوفت
كاميليا:متقلقيش ان شاء الله خير مش هيحصل اى حاجة وحشة
فارس*بص لمامته*:انا عايز اجيب حاجتى مع سلمى نختار سوى
*كاميليا وهدى بصوا لبعض وابتسموا وفضلوا فعلا مع بعض ويتكلموا ويعرفوا بعض اكتر ويتكلموا عن عيالهم وكانوا مبسوطين اوى وهما شايفينهم بيقربوا م بعض وكل واحدة جواها حسيت انها لقيت اخ واخت لعيالهم وقالوا ان م اليوم ده هيبقوا اصحاب وخده نمر بعض واتفقوا انهم قريب هيتجمعوا وف الوقت ده زهران كان زهقان وقال ينزل يقعد ع القهوه شوية واول ما وصل لاقه كرسى فاضى ولسه هيقرب رأفت قعد*
رأفت:انا شوفته م قبلك
زهران*بضيق*:ده ازاى يعنى ده انت لسه جى
رأفت:لا انا نازل م بدرى بس روحت اشترى حاجة وجيت
زهران*بستسلام*:عموما ماشى *ولسة هيمشى*
رأفت*قام وقف*:كنت بهزر ده كرسيك
زهران:لا ابدا مفيش مشكلة اقعد انت انا ممكن اتمشى شوية
رأفت*وهو بيزق الكرسى ناحيته*:ياراجل والله ما هو راجع اللهى اللى يقعد عليه غيرك يعدموا
زهران*لسه هيتكلم*
عزيز*كان راجل كبير ف السن وعايش لوحده وفاتح القهوه دى عشان يسترزق منها وم اول ما شاف الموقف بتاع رأفت وزهران وحس انهم هيبقوا اصحاب قرب منهم*:ف كرسى فضى اهوه متهيائلى تقدروا تقعدوا انتوا الاتنين وتلعبوا طاولة لو تحبوا
*طبعا ابتسموا وقاعدوا مع بعض وفضلوا يلعبوا فعلا ويتكلموا*
رأفت:هو انا ليه مش شايف ليك حد خالص انت وحدانى
زهران:لا عندى اخت متجوزة ومخلفة وعايشة ف الخليج وابويا وامى تعيش انت وبصراحة مليش اصحاب كتير يعنى يتعدوا ع الصوابع وعلاقتى معاهم مش قوية اوى خصوصا ان شخصيتى يعنى مش اجتماعى اوى وكلامى قليل شوية حتى مع الـ فى شغل لانى عارف كلها فترة وهطلع ع المعاش ومش هيبقى معايا حد غير مراتى وبنتى
رأفت:ربنا يخلهملك
زهران:يارب
رأفت:انا بقى *ولسه هيكمل*
زهران:بس انا مسألتكش
رأفت:حسيتك هتسأل وكمان انت قولت كلامك قليل يعنى لو قاعدنا م هنا لبكرة مش هتسألنى ع حاجة
زهران*ابتسم*:عندك حق
رأفت*ابتسم*:انا بقى ياسيدى ابويا عايش بس ف دمياط انا اصلا م دمياط بس جيت هنا عشان الدراسة وشوفت مراتى وحبيتها واهلها اصروا انها تعيش هنا قولت خلاص بقى هنا ,هنا واتجوزنا وطبعا كنت لسه ف الاول ف قضيتها ايجارات لحد ما ربنا كرم وجبت الشقة المِلك دى
زهران:اة والله ده الواحد طلع عينه بس الحمدلله
*وفضله يتكلموا ويتعرفوا ع بعض اكتر وف الوقت ده كانوا هدى وكاميليا خلصوا الحاجة وراحوا قاعدوا ف النادى قالوا العيال تلعب شوية اهوه قبل دخول الدراسة*
كاميليا:انا بابا وماما للاسف سنهم كبير شوية عشان كدا مابيعرفوش يجولى غير قليل وعندى اخ مخلص جامعة بس هنتجنن كدا ونجوزوا والبيه مش راضى معندكيش عروسة ونبى
هدى*ابتسمت*: للاسف معرفش حد بس ندور طبعا،انا مش عندى غير اخت واكبر منى ومتجوزة م بدرى وعايشة ف مطروح واحنا بنروحلها ف اجازة الصيف وبنتجمع كلنا وعندها ولد اكبر م سلمى وبنت قدها وطبعا ماما ربنا يخلهالى هى برده ع قد ماتقدر بتحاول تجيلى كل شوية
كاميليا:ربنا يخلهوملك
هدى:يــــــارب
كاميليا:عموما احنا زى ما اتفقنا خلاص م النهاردة احنا اصحاب واخوات ولو احتاجتى اى حاجة احنا ف الخدمة
هدى*ابتسمت*:اكيد ان شاء الله وانتى كمان انا معاكى ف اى وقت
*وفضلوا يتكلموا وبعد شوية خده اولادهم وروحوا وتعدى ايام وتبتدى اول يوم مدرسة ويكونوا مدخلينهم نفس المدرسة ويوصلوهم اول يوم ويطمنوا عليهم ويمشوا وتكون سلمى مبسوطة لانها شافت فارس معاها ف نفس الفصل وبدأ العام الدراسى وشوية بشوية بدأوا سلمى وفارس يعرفوا الطريق ويروحوا ويرجعوا لوحدهم خصوصا ان المدرسة ماكنتش بعيدة اوى عن البيت وسلمى تتعرف ع صاحبتها تسنيم وتبقى دى انتيمتها وفارس يتعرف ع قاسم ويكون هو كمان بقى صحبه الانتيم ويكونوا تسنيم وقاسم ولاد خالة وكانوا معظم الوقت بيتجمعوا الاربعة سوى*
قاسم:انا هروح النادى ف الويك ايند
تسنيم:انا مش عارفة هاجى ولا لا
قاسم:لو خالتو مارضيتش هخلى ماما تقنعها
تسنيم*ابتسمت*:ماشى اتفقنا
سلمى:احنا كدا كدا بنروح ديما ف الويك ايند انا وفارس
فارس:اة ،تعرفوا انهم بيقولوا ف لعبة جديدة جبوها الـ هى بتقعد تلف كتير كدا
تسنيم*بأسلوب طفولى*:لا مش هركبها بدوخنى وتوجع راسى اوى
سلمى:ليه دى حلوه
تسنيم:لا اركبوها انتوا وانا هبقى اشجعكوا
*واتفقوا انهم هيتقابلوا يوم الجمعة وفعلا راحوا اتجمعوا وركبوا اللعبة الجديدة وبعد ما نزلوا*
تسنيم:ايه ده مش عارفة ازاى لعبتوها دى صعبة اوى
قاسم*ضحك*:ياخوافة
تسنيم:مش خوافة بس راسى بتوجعنى
قاسم:لا وبتخافى من الالعاب دى كمان ,اعترفى
سلمى:بطل بقى ياقاسم ماضيقهاش
تسنيم:بطل رخامة بقى
قاسم*ابتسم*:ماشى خلاص
سلمى:الله شكل غزل البنات حلو اوى
فارس:خلاص انا هروح اجيبلك غزل بنات
تسنيم:وهاتلى انا كمان يا قاسم
قاسم:خلصيلى المصروف الحيلتى بقى ياختى
تسنيم*بضيق*:ما انا خلصت مصروفى كله قبل ما اجى
قاسم:اقول ايه بس طفاسة ,يلا زى بعضه هجبلك
فارس*ابتسم*:ماشى طب يلا تعالا معايا
*واول ما مشىيوا سلمى كانت واقفة ولقت حد بيشد شعرها خصوصا انه كان طويل ومعظم الوقت بتعمله قطتين*
عمار*معاهم ف المدرسة والفصل وم الولاد الصعبة اللى بتقعد ترخم ع اى حد وكان لى الشلة بتاعته ٣ولاد رامز وزياد و وليد وبعد ما شد شعرها بصلها وطلع لسانة ومشى*
سلمى*بصتله وكانت مضايقة لانه كان بقاله كام يوم بيرخم عليها كدا*
تسنيم:انتى لازم تقولى لباباكى ومامتك
سلمى:لابلاش ده ولد شرانى وكمان هو مش بيعمل كدا معايا بس بيرخم ع كل البنات
تسنيم:بس لو محدش عرف هيفضل يرخم عليكى كدا ع طول
سلمى:انا بفكر لو فضل كدا نتنقل م الفصل انا وانتى وفارس وقاسم
تسنيم*بأسلوب طفولى*:ياسـلام يعنى عشان واحد نمشى كلنا*وبترفع ايديها لسما*:يارب هو اللى يمشى ويروح فصل تانى او مدرسة تانية اصلا اساسا
سلمى:خلاص بقى سيبك منه وتعالى نشوف لعبة تانية
*وشوية وجم فارس وقاسم وفضلوا ياكله غزل البنات ويلعبوا وف الوقت ده كان هدى وكاميليا مع بعض*
هدى:احنا اتفقنا نعزمكم الاسبوع الجى عندنا هو طبعا العزومة اتأخرت مفروض م ساعة موضوع سلمى بس انتى عارفة دخلنا ف الدراسة وحوارتها
كاميليا:ماتقوليش كدا وكمان احنا خلاص مبقاش ف بينا ده بيتنا احنا الاتنين مفتوح ف اى وقت لبعض
هدى:اة والله,ربنا يعلم انا مبسوطة بمعرفتك جدا وحساكى اختى التانية
كاميليا*ابتسمت*:وانا كمان والله كان نفسى يبقى ليا اخت والحمدلله ربنا حققهالى،عموما هقول لرأفت ونيجى
هدى:زمان زهران بيقولوا ما هما بقوا اصحاب انا مستغربة انه بقى لى صديق لان معظم الوقت هادى وكلاموا مش كتير
كاميليا:لامتقلقيش رأفت جوزى ينطق الحجر ويجنن الطوب ,ده هيغيروا تمـــامـــــا
هدى*ابتسمت وفضلوا يتكلموا وشوية وقاموا يسلموا ع امهات تسنيم وقاسم لانهم عرفوا ان دول امهات اصحابهم وقاعدوا كلهم مع بعض, زى مكان عيالهم قاعديين سوى وف الوقت ده*
زهران:ها نفسك تاكل ايه؟
رأفت*بحماس*:يعنى شوية محاشى ع فراخ محمرة ع شوية شوربة كوارع وياسلام بقى لو حمامتين محشين رز مش فريك يبقى كدا حاجة اخر حلاوه
زهران*بستغراب*:وعايز ايه تانى مع الاوردر يافندم
رأفت*ضحك*:بهزر طبعا, والله اى حاجة هتعملوها هتبقى حلوه ويارب ديما بيتك يبقى عمران بحسك
زهران*ابتسم*:تسلم والله عموما متقلقش هظبطك ف موضوع الاكل ده
رأفت:اهم حاجة بتعرفوا تعملوا الاكل ولا اخلى الشيفة بتاعتى تعملوا
زهران:عيب عليك ده الاكل هتاكل صوابعك وراه
رأفت:اما نشوف*وسكت شوية*:المهم بقى نيجى للحلويات شوية حلويات شرقى ع كيكة بالشيكولاتة وطاجن رز معمر حلو كدا ف الفرن وشوية العصاير بقى من القلبك يحبها
زهران*ابتسم*:مش بقولك طالب اوردر
عزيز*قرب منهم وابتسم*:محتاجين حاجة يارجالة
رأفت:لاشكرا ياعم عزيز انا طلبت الاوردر خلاص
عزيز*بصله بعدم فهم*
زهران:تسلم ياعم عزيز،انت عارف رأفت وهزاره
عزيز*بصلهم وابتسم*:ربنا يخلى صُحبتكم ديما حلوه وماتحصلش اى حاجة تزعلكم او تفرق العيلتين عن بعض ابدا يارب
رأفت وزهران:يــارب
*وفضلوا يتكلموا ويهزروا ويلعبوا طاولة وييجى اليوم المفروض هيتعزموا فيه عندهم ويكون الوقت ده اولادهم ف المدرسة لكن قاسم وتسنيم مايجوش عشان الجو كان ساقع وفيه مطرة وهما كانوا ساكنين بعيد شوية سلمى كانت قاعدة مضايقة عشان غياب صاحبتها ووشوية ولقيت حد بيشد شعرها بس المرة دى كانت شدة قوية اضايقت اوى وبصيت لعمار*
سلمى:بس بقى ومالكش دعوه بشعرى
عمار*بيطلعلها لسانه وبيلعب بحواجبه*:براحتى
فارس*بص وخد باله ولاقه نفسه بيقرب منهم عمار كان لسه هيقرب م سلمى ويشد شعرها تانى وهى بصاله والدموع ف عنيها فجأه لقيت فارس واقف ف النص مابينهم وبيخليها تقف وراه ويحوطها بأيده*:ملكش دعوه بسلمى انت سامع
عمار*بستفزاز وقرب ودنه منه*:لا مش سامع بتقول ايه *وبصله بضيق*:وكمان انت مالك انت *ولسه هيبعده م قدامه عشان يقرب منها*
فارس*بكل قوته زقوا ع الارض وقال بنبرته الطفوليه ورغم صوته الضعيف حاول يتخنوا شوية وعمل حركة تحذرية بأيده*:ولا انت ولا اى حد يقدر يضايق سلمى طول ما انا عايش ف الدنيا دى
عمار *بصله واستغرب انه قدر يعمل كدا وخصوصا ان ال ف الفصل جزء منهم اتصدموا اول ما شافوا وقع وجزء تانى فضل يضحك عليه واصحابه قربوا منه ولسه هيقوم لاقه المستر دخل وكل واحد قعد ع الديسك بتاعه بسرعة وكانت سلمى كل شوية عمالة تبص لفارس وتبتسمله كأنها بتشكره ع العاملوه وانها حسيت بأمان ف وجوده فعلا وطبعا هو كان عمار بيستحلفلهم هما الاتنين وشوية ويبجى وقت المرواح ويكونوا سلمى وفارس بيحبوا يستنوا لما زحمة تهدى عشان يعرفوا ينزلوا براحتهم وكانت وقتها سلمى لسه هتحط الكتاب ف الشنطة.....وللحكاية بقية
هنعرف الحصل الحلقة الجاية
تأليف:فــاطــمــة هــشــام