روايه الجينو البارت الخامس
جاري التحميل...
روايه الجينو البارت الخامس
.........
روايه الجينو البارت الخامس
طلعت من الطياره بصعوبه راحت سندت بيديها علي الارض
كشرت ملامحها لما حسيت بحاجه جوا ايديها
بصيت لقيت تلج وقفت وهي لبسها متبهدل و ايديها و رأسها متعوره
بصت بصدمه لما لقيت نفسها في مكان كله تلج و ملوش ملامح
لفت لقيت الطياره متكسره لحتت و كل حته في مكان
مريم بصوت عالي : في حد هنا ؟؟
مكنش في رد ضمت الجاكت عليها من البرد و كانت الريح جامده و معاها شويه تلج صغيرين
مشيت مريم و هي بدور علي اي حد أو اي مكان تروح فيه
كانت بتمشي بصعوبه و ألم بسبب الجروح الي في جسمها فجاه وقفت قدام سور كبير و طويل مش باين بسبب أنه متغطي بالتلج
مشيت ناحيه السور و هي بتجرجر في رجليها من التعب
في المستشفى
جمال : كل ده مجتش ليه أتأخرت اوي ؟
جمال بصوت عالي : مازن انت يا واد يالي اسمك مازن
جه مازن ليه جري و وقف قدامه
مازن : ايوه يا فندم
جمال : بقولك شوف الطياره كده وصلت ولا ايه الي حصل الدكتوره مريم كل ده مش جت و الوقت بليل دي الساعه ٥ الفجر ؟
مازن : تمام يا فندم هسأل عن الطياره و اقول لحضرتك
جمال بصوت عالي : انت لسه هتقولي يلا روح علي طول
مازن بسرعه : حاضر حاضر
راح مازن بسرعه
بص جمال حوالين المستشفي بعصبيه
عند مريم
رفعت ايديها و حطيتها علي السور فجاه ظهر قدامها علي السور لامعه ذهبيه بتتشكل لأشكال بطريقه مش مستقيمه و بقيت باب ذهبي و اتفتح
رجعت مريم لورا بصدمه
مريم بصدمه : ده باب ؟ و في حاجه جوا ؟
بصت وراها بعديها للباب ده تاني و مش كان عندها خيار غير أن هي تدخل
دخلت جوا بصت بصدمه لما لقيت مملكه كبيره و غريبه
بصت في السماء راحت وطت لما لقيت مخلوق طاير بجناح كبير
اتسعت عينيها من الدهشه و الصدمه
قدامها مملكه غريبه و كبيره و في سوق و المخلوقات دي بتشتري حاجات و في الي بيبيع و في الي بيطير بجناحاته
استخبت ورا صندوق خشبي و هي بتبص لكل ده بصدمه و خوف
فجاه سمعت صوت لقيت اتنين ستات بيتكلموا مع بعض
قربت بهدوء و هي بتحاول تسمع هما بيقولوا ايه و لاحظت أن الستات جناحتهم اصغر من جناحات الرجاله
ست ١ : بجد الواحد فخور أنه جينوماتكس
ست ٢ : عندك حق بس غريبه يعني ليه مش اتسمت مملكه الجينوماتكس ما كل الي هنا مخلوقات جينوماتكس ؟
مريم بصدمه : دول جينوماتكس ؟
في البيت
الام كانت بتحاول تتكلم
سنيه : اهدي بس حضرتك تلاقي بنتك أتأخرت شويه عشان الشغل أنا عارفه أن حضرتك قلقانه عليها بس براحه علي نفسك هتلاقيها دلوقتي راجعه
زمجرت الام و هي بتحاول تتحرك
قربت منها سنيه بسرعه و مسكتها و هي بتحاول تهديها
سنيه بزعل : ربنا يشفيكي و يعافيكي يارب
غمضت الام عينيها بصت سنيه ليها بحزن و خرجت برا الاوضه عشان تسيبها تريح شويه
قاعدت سنيه علي الكنبه الي في الصاله
سنيه بزعل : بقالها سنين مشلوله و تعبانه بسبب صدمه أن جوزها مات و مريم بتحاول علي قد ما تقدر تجمع الفلوس عشان العمليه دي ربنا يكون في عونهم بجد ربنا يقف معاكم يارب
مسحت دموعها و بصت في الساعه و هي قلقانه علي مريم
سنيه : فينك بس يا بنتي فينك ؟
عند مريم
ست ١ : يعني هتفرق بالعكس اسم المملكه بتاعتنا تحسيه فخم و حاجه كبيره كده مملكه ارينسندا
مريم بصدمه : ارينسندا !
يتبع
روايه الجينو
للكاتبه حبيبه سامح
سبحان الله وبحمده سبحان الله العظيم 💖