أعيش حياتى (الحلقة التاسعة)
جاري التحميل...
الحلقة التاسعة
.........
*واخيــــرا زهران يصالح هدى وترجع معاه البيت ويبدأوا صفحة جديدة مع بعض وتكون سلمى مبسوطة انها رجعت بيتها ولحياتها العادية م تانى مع فارس وقابلت اصحابها وقعدت معاهم وكانوا وحشنها وتعدى فترة تكون كل حاجة ماشية طبيعية وف يوم يكونوا قاعديين عند رأفت عشان يتفرجوا ع الماتش*
زهران:للآسف بقى انت استعجلتنى معرفتش اللبس التيشيرت بس لو عايز تلبسه انت ادخل
رأفت:لا مفيش داعى
زهران*بص لفارس*:بس عموما تيشرتك انت موجود*وطلع م الشنطة تيشيرت ع مقاسه*:اتفضل ياحبيبى عشان انت المرة الفاتت كنت عايز واحد
فارس*بفرحة وخده منه*:الله ده حلو اوى شكرا جدا ياعمو
زهران*ابتسم*:العفو ياحبيبى
سلمى:أدخل اللبسوا بقى
فارس*وهو بيقوم م ع الكنبة وبيجرى ع اوضته*:حــــــالا *ودخل الاوضة وف الوقت ده بدأ الماتش وكانوا بيتابعوا وشوية والباب خبط*
رأفت:ياترى مين جى دلوقتى *وكان ماشى وباصص ع التى فى وهو بيفتح الباب*:لعلمك حاسس انها هتيجى جون *واول ما قال كدا فتح الباب ويطلع ابوه ويبصله بصدمة*
فهيم*بستغراب*:جرى ايه ياولاه مش هتسلم ع ابوك ولا ايه!
رأفت*وهو بيحضنه*:حبيبى يا ابويا عامل ايه وحشنى ,جيت امتى
فهيم*ابتسم*:اكيد مش بايت ع رصيف المحطة م امبارح !!لسه نازل م القطر ع هنا ع طول
رأفت*ضحك*:منور يا بابا تعالا اتفضل
كاميليا*خارجة هى وهدى م المطبخ وبتسلم عليه*:اهلا ياعمى نورتنا
فهيم:ده نورك يا بنتى *وبص لاقه هدى معاها*:الا مين دى
كاميليا:دى هدى صاحبتى وجرتنا م العمارة القصادنا
فهيم*بيسلم عليها*:اهلا يابنتى
هدى*بأبتسامة*:اهلا بحضرتك ياعمو
رأفت*قرب م زهران*:ده زهران جوز مدام هدى
فهيم*ابتسم وقال بهزار*:اهلا وسهلا ,انتوا عاملين حفلة بقى
رأفت*ضحك*:لا ابدا يابابا ده تجمع كدا بنعملوا كل فترة ساعات عندهم وساعات عندنا
فهيم:اة ما الجيرة حلوه برده *وبص ع سلمى*:ازيك يا امورة
سلمى:الحمدلله
فهيم:لو اعرف انك هنا كنت جبتلك كيس بسكوت زى الجايبوا لفارس بس للاسف مش جايب غير واحد بس *وحط ايده ف جيبه *:خدى ابقى انزلى هاتى الـ انتى عايزاه
سلمى*بصيت لباباها*
زهران:خدى م جده ياحبيبتى
سلمى*خدت الفلوس*:شكرا ياجده
فهيم:الا الواد فارس فين عايز اسلم عليه
فارس*وهو خارج م الاوضة*:هـــــــــا ايه رأيكم
فهيم*اول ما شاف التيشيرت*:ايه الـ انت لابسه ده يا واد روح اقلع البتاع ده بسرعة
فارس*بستغراب انه لاقه جده بس برده اضايق م كلاموا*:ليه بس ياجده ده حلو حتى عمو الجايبهولى
فهيم*بضيق وانفعال*:بقولك روح اقلعه بلا عمو بلا عمتو
زهران*لسه هيتكلم*
رأفت*اتكلم بسرعة*:كاميليا خدى فارس غيريله بسرعة ,خلاص يابابا خلاص
فهيم*بص لآبنه بلوم*:ايه ال انا شوفته ده يا رأفت ينفع كدا *وقال بضيق*:وكمان مين صاحبك الجايبلوا التيشيرت ده
زهران*هيتكلم*:أأ
رأفت*لحقوا بسرعة*:ده واحد كدا معرفة م بعيد عموما اوعدك انه مش هيلبسوا تانى ابدا انا بس حبيته يفرح به بس شوية
فهيم:ومالها تيشرتات الزمالك ما يفرح بيها مش تقولوا ع انتمائه الحقيقى
رأفت*بيحاول يخفى توتره*:ايوه طبعا يا بابا عندك حق اكيد ,انا هتكلم معاه وهفهمه
فهيم:ولا انت ايه رأيك يا استاذ هو انت ايه!
زهران*بص لرأفت*
رأفت:صاحبى يابابا اكيد زملكاوى زيي طبعــا
زهران*بصله بصدمة*
رأفت:بابا انت شرفتنا وانستنا والله وعايزك تقعد بقى كدا وكل ال انت عايزه هيحصل
فهيم*بيحاول يهدى ويقعد ع الكنبة*:ربنا يخليك يا ابنى ,يلا اقعدوا بقى عشان نتفرج وان شاء الله هنكسب ، الدورى لينا بعون الله
*زهران طبعا قاعد ومصدوم ومش عارف يتكلم وكل شوية يبص لرأفت وساكت*
هدى*كانت مع كاميليا ف الاوضة هى وسلمى بيحاولوا يقنعوا يغير*:هو ف ايه ياكاميليا بالظبط
كاميليا*بتنهيدة*:عمو ياستى زملكاوى صميم وطبعا رأفت مش معرفوا انه اهلاوى فكل ما عمو ما يكون هنا طبعا كل حاجة بتختلف هو رأفت عمتاً بيحب الاتنين بس يعنى ميال اكتر للاهلى وفارس كمان طالع زيه
هدى:ياخبر ده زمان زهران هيتجنن برة مش هيعرف يشجع كدا
كاميليا:ربنا يستر بقى وتعدى ع خير*وبصيت لفارس*:يلا ياحبيبى غير معلش وهنبقى نلبسه يوم تانى
فارس*بأسلوب طفولى وزعلان*:مليش دعوه انا عايز اللبس التيشيرت بتاعى ده ياماما
كاميليا:طب بص هغسلهولك وابقى اللبسه
فارس:ده لسه جديد هتغسليه لى
كاميليا*بتنهيدة*:يلا يا ابنى بقى عشان الاكل مايتحرقش
هدى:بص يافارس غيره دلوقتى ياحبيبى وانا هبقى اجيب تيشيرت عمو زهران وماما تجيب تيشيرت باباك وتلبسوا سوى وتعملوا فريق سوى بدل ما انت الــ لبسوا لوحدك كدا
فارس*بحزن*:طيب
سلمى:ع فكرة شكلك حلو به بس برده لازم تغير عشان جده ده مايضربكش
فارس:جده مش بيضربنى
كاميليا:ايوه ياحبيبتى هو عمره ما ضربوا هو بس مضايق شوية وخلاص
*وفضلوا يتكلموا ويقنعوا فارس وخرجت سلمى وهدى عشان هو يغير وشوية وموبايل هدى رن وردت*
هدى:الو ياماما
درية:حبيت اطمن عليكوا انتوا كويسين
هدى:اة ياحبيبتى الحمدلله مش ناوية تيجى تزورينا
درية*لسه هتكلم فهيم يكون بيزعق*ما تشوط بقى يا ابنى اتحرك بالكورة شوية شـــــــــوط*
هدى:ايه ياماما قولتى ايه
درية*بستغراب*:هو ايه الصوت العالى ده ف ايه؟
هدى:ده احنا ف بيت كاميليا وحماها جه يزورهم وقاعديين يتفرجوا ع الماتش هو وزهران ورأفت
درية:بـــرده ده انا كنت فاكرة ان رجلتكوا بس الفاضيين طلع الراجل الكباره فاضى هو كمان اما ناس غريبة بصحيح
هدى:ياماما صدقينى ده ترفيه بس مش اكتر
درية:بلا ترفيه بلا كلام فاضى ,انا بـــس*ولسه هتكلم*
فهيم*بصوت عالى اوى*:يـــــــــــوووووووووووووه مفيش فايدة مش عايز يتحرك ياعم طب باصيلوا الكورة وهو هيتصــــرف
درية*بضيق*:انا هقفل شكلى مش هعرف اكلمك ولما تروحى وتقعدى ف هدوء ابقى اكلمك
هدى:ماشى ياماما سلام
درية:سلام
*وقفلت وهى متغاظة م الراجل الكان صوته عالى ده وماكنش مخليها تعرف تتكلم مع بنتها وف الوقت ده زهران كان ف حالة لا يرثى لها*
فهيم*وهو بيبص نظرة ع زهران ونظرة ع التى فى*:بس صاحبك شكله مش مُتحمس
رأفت*وهو بيبص ع زهران القاعد وفارد ضهره ومربع ايده وساكت*:ليه بس يابابا
فهيم:شوف قاعد ازاى كأنه بيتفرج ع مسلسل *وبصله*:فيـــــــــن الحـــــــــماس شكلك مش كروى ولا ايه؟؟
زهران:ما هو اصل
رأفت*مسكه م ايده واترجاه بعنيه*:اصل يابابا هى دى طريقة تشجيعوا وكمان ده لسه الماتش بادئ يعنى الحماس كله جى مش كدا يا زهران
زهران*بصصله جامد*:طبـــــعا كـــــــــــدا
*وفضلوا يتابعوا الماتش وزهران مكانش عارف يشجع ف الوقت ده يكون فؤاد قاعد ف اوضته وماسك موبايله عمال يقلب فيه وشوية والباب يخبط وتدخل امينة*
امينة:ابوك نام قولت اما اجى ارازى فيك شوية
فؤاد*ابتسم*:براحتك ياماما
امينة:عامل ايه؟
فؤاد:الحمد لله ,رأفت قالى هيكلمنى ف خلال يومين ويقولى هشتغل فين بالظبط
امينة:طب الحمد لله ع خير اظن بقى تشوف عروسة
فؤاد:شكلك كدا هترازى فيا بجد
امينة:ياحبيبى هو انا عشان عايزة افرح بيك ابقى برازى فيك وكمان هو انا الهختارها انت الهتختار ،انا بس هشاورلك عليهم
فؤاد:بصراحة ياماما انا شايف انه ماينفعش دلوقتى وكمان انتوا مستعجلين كدا ليه انا لسه هشتغل واجيب شقة وعربية وبعديها اشوف الموضوع ده
امينة:شقة وعربية ,حبيب امك لا ان شاء الله افرح بيك وانت راجل ستيناتى كدا بقى
فؤاد*لاقه نفسه ابتسم ع كلام مامته*
امينة:واد يافؤاد انت ف حاجة مخبيها عليا
فؤاد*سكت شوية*:لا حاجة ايه؟
امينة:اصل كنت بشوفك بترغى بالساعات ف الموبايل الــ ف ايديك ده وفجأه مرة واحدة كل حاجة اتقطعت انا قولت ف واحدة عليها العين وهتيجى تقولى اجوزهالك
فؤاد:ماما انا كنت ف الكلية وكان ليا زمايلى ومحاضرات وحوارات كتير يعنى فأكيد ما كنتش بتكلم احب بس
امينة:يعنى كان ف حد
فؤاد*بتنهيدة*:ماما لو ف حد صدقينى هقولك
امينة:ماهو برده غريبة ايه الـ يخليك تكلم زمايلك ف نصاص الليالى ، إلا بقى لو بتكلموا ازاى تسرقوا الكلية؟!
فؤاد*ابتسم*:وانتى عرفتى منين انى بتكلم ف انصاص الليالى
امينة:هه كنت بسمع يعنى طراطيش كلام كدا وانا معدية جمب اوضتك ,واد انت فاكرنى هتصنت عليك ولا ايه
فؤاد*بص لمامته*:لا خالص ياماما مقدرش اقول كدا ,عموما انا يوم ما لاقيها هاجى بنفسى واقولك جوزهالى
امينة:ماشى ياضانايا تحب تشرب شاى
ابراهيم*وهو صوته جى م الصالة*:فين الشاى يا امينة
امينة:صحى اللى هيشرب شاى *وهى بتقوم*:اة يانى ع صحتى الـ راحت ف الشاى *وخرجت م الاوضة و فؤاد ابتسم وبعديها مسك موبايله وفضل يقلب فيه وف الوقت ده فارس خرج م الاوضة*
فهيم*اول ما شافه شاورله ييجى*:جدع ياحبيب جدك ,خد بقى البسكوت ده كُله
فارس*بهدوء*:شكرا ياجده *وبص لسلمى*:تعالى عشان ناكله سوى
فهيم:ما انا ادتلها فلوس عشان تجيب ليها
فارس:مقدرش اكل لوحدى لازم سلمى تاكل معايا
فهيم*وهو شايفه بيفتح الكيس وبيديها واحدة وراحه يقعدوا ف الصالون*:شوف الواد *وبص لرأفت*:ابنك جاب الحنية دى كلها منين ياسى رأفت
رأفت*ابتسم*:اتعلمها منك يابابا طبعا
فهيم*ابتسم*:ايوه صح انا كنت حنين ع امك الله يرحمها
رأفت:الله يرحمها
*فهيم بص ع الماتش وكان هييجى فيهم جــون وفضل يعترض ويزعق لحد ما الكورة جت*
زهران*قام وقف بحماس وفرحة*:جـــــــــوووو*وفضل واقف وبص لفهيم ورأفت وبعديها مثل انه مضايق*:جــــــــــون جــــــــــــــون ازاى هه حد يفهمنى جـــــــــــــــون ازاى دى حاجة غريبة والله
فهيم*بضيق*:ان شاء الله هنكسب الجون بتاعنا جاى دلوقتى
زهران*وهو بيرجع يقعد ع الكنبة بهدوء*:ان شاء الله
*وفعلا قاعدوا وشوية والزمالك كمان جاب جون*
فهيم*بفرحة وقام وقف*:جــــــــــــــون *وفضل يصقف*:ايــــــــــــــوه هو ده مش قولتلكوا الجون جى *وبص ع ابنه وزهران*:ف ايه جبنا جون
رأفت*بأبتسامة*:اة ده جــــــــــون جامد جدااا بـجــد
زهران*ابتسم ابتسامة صغيرة*:اة ياسلام ع حلاوه الجون جون خطير الصراحة
فهيم*وهو بيرجع يقعد تانى وقال بحماس*:ولســــــــــــــه
*وفضلوا قاعديين بيحاولوا يشجعه ومايبينوش حاجة وهدى وكاميليا ف المطبخ*
هدى:انا بقول نحط الاكل بقى ع الاقل الاجواء دى تهدا شوية
كاميليا:ف فاصل الشوط الاول بقى عشان محدش هيرضى يتحرك م مكانه ولا حتى عمو
هدى *بتنهيدة*:ربنا يستر وتعدى الليلة دى ع خيـر بجد خايفة م رد فعل زهران اوى
كاميليا:وعمو فهيم مش مضمون برده
هدى:انا نفسى اعرف ليه مش كله يشجع كله ونخلص
كاميليا*ضحكت اوى*:ده ازاى ده وكمان فين روح المنافسة وقتها هتبقى اللعبة عادية واصلا ما ظنش ان ف لعبة ف الدنيا مش فيها روح المنافسة متبقاش لعبة ولا ايه
هدى*ابتسمت*:بصراحة عندك حق انا بس حابة انهم يخدوا الامور ببساطة وف الاول والاخر كلنا واحد يعنى
كاميليا:اهوه بيتسلوا بقى
هدى:ماما مش مقتنعة بموضوع التسلية ده ديما تقول ده تضييع وقت
كاميليا:هى عاملة ايه صحيح
هدى:م اخر مرة بعد الحصل ع طول بتكلمنى مش عايزة تيجى , بينك وبينك حابة الموضوع يهدا بينها وبين زهران شوية لانى بجد مش عارفة ليه ديما ف مشاكل بينهم كدا وديما انا ف النص
كاميليا:ربنا يهديهوملك
هدى:يــــــــــــــارب
*وفضلوا يتكلموا وشوية وخلص الشوط الاول*
كاميليا:اتفضلوا ياجماعة الغدا جاهز
*وقعدوا كلهم اتجمعوا ع التربيزة وســـــــــــــــــــاد الصمــــــــــت*
فهيم: لا بس ماتش حراق ان شاء الله نجيب الجون التانى الشوط التانى ونكسب بقى
رأفت*بص ع زهران نظرة سريعة*:ان شاء الله يا بــا بـــا
فهيم :تسلم ايديك ياكاميليا اكلك لا يُعلا عليه بصراحة هو ده الـ بيجبنى بعد طبعا مابكون عايز اشوفكوا
كاميليا*ابتسمت*:بالهنا والشفا ياعمو وهدى برده ساعدتنى
فهيم: تسلم ايديكوا انتوا الاتنين *وبص ع زهران *:انت ع طول ساكت كدا هو مالو صاحبك
رأفت: اصل كلاموا قليل شوية يابابا
فهيم:والله احسن الناس الـ بتتكلم كتير دى بتصدع الواحد
فارس*بعفوية*:انت بتتكلم كتير ياجده
سلمى*بعفوية*:زى نينا درية برده
كاميليا:فارس عيب كدا
هدى: سلمى مابنقولش كدا
فهيم*بستغراب*:مين درية دى
هدى:دى تبقى والدتى
فهيم*بصلها وسكت وشوية والماتش بدأ وقاموا يتفرجوا عليه*
زهران:اومال حضرتك قاعد هنا لآمتى
فهيم:يعنى يوم ما تتكلم تكون عايز تطردنى
زهران*بأحراج*:لا والله ابداً بسأل عادى وف الاول والاخر ده بيت ابن حضرتك تقعد فيه براحتك
فهيم*ابتسم*:انا بهزر معاك عموما انا حاجز تذكرة لبكرة الصبح
رأفت: ليه بس يابابا ماتخليك معانا يومين تلاتة
فهيم: معملتش حسابى قولت اجى اتفرج معاك ع الماتش واعرف اخباركوا ايه وامشى بما انك مش بتيجى انت
رأفت:غصبن عنى والله وكمان دراسة فارس بس قريب هنيجى اكيد ان شاء الله
فهيم:هستناكوا *وبص لزهران*:وابقى هات عيلة صاحبك معاك الدنيا هناك هتعجبكوا اوى
زهران*ابتسم ابتسامة صغيرة*:ان شاء الله
كاميليا*تقرب منهم ومعاها ف ايديها طبق*:والله حضرتك منورنا ياعمو
فهيم ده نورك يابنتى
كاميليا: انا جايبة لحضرتك البطيخ م غير بذر اهوه عشان بتتأرف منه
فهيم*ابتسم*:لسه فاكرة
كاميليا: طبعا ياعمو
زهران*بستغراب*:هتاكل بطيخ ازاى بقى مش احمر
فهيم*ابتسم*:لا مش للدرجة دى اللون مش بيضايقنى عادى
زهران*بضيق*:اومال اضايقت م التىيشيرت ليه؟
فهيم:عشان ده تشيرت بتاع الفريق التانى مش مجرد لون وكمان انت ايه المضايقك مش فاهم!!
زهران*بضيق*:مفيش!!
فهيم:مال صاحبك يا ابنى
رأفت*بيحاول يهدى م توتره*:مفيش يابابا اصل هو مابيحبش اللون الاحمر
زهران *بصله بستغراب*
فهيم:اة عشان كدا ،خلاص ياسيدى مش هاكل البطيخ عشان خاطرك*وساب الطبق وفضلوا قاعديين لحد ما الماتش خلص بالتعادل ، كويس النتيجة مرضية للطرفين*:حلو اى نعم كان نفسى نغلب بس مش مشكلة المرة الجاية
زهران*وهو بيقوم م ع الكنبة*:طيب انا هقوم بقى عشان كفاية كدا
رأفت: ايوه فعلا
فهيم: يا ابنى ليه كدا مش بدل ما تمسك ف صاحبك
رأفت*بتوتر*:عشان بس ميتأخرش يابابا
فهيم: يتأخر ايه ده ف العمارة القصادكوا ده لو مد رجله هيوصل
هدى :معلش ياعمو عشان الولاد يناموا عشان المدرسة الصبح
فهيم: ماشى عموما اتشرفت بمعرفتكوا
زهران وهدى: واحنا كمان
*وسلموا عليهم وروحوا بيتهم وفضل زهران طول الليل بيفكر ف الحصل ده وكان عايز يفهم كل حاجة لما يشوفوا وصحى فهيم الصبح ولبس ومشى وكل واحد راح الشغل وبعديها زهران فضل مستنى رأفت ع القهوه ولاقاه مجاش استغرب اوى ولسه هيقوم ......للحكاية بقية
هنعرف الحصل الحلقة الجاية
تأليف:فــاطــمــة هــشــام